燒洒一族 (啟田商場) (Closed)

今日朋友聚會，經過啟田商場，諗住打機嘅時候可以有一啲食物，一路食一路打。所以目標都放咗喺小食度。行入啟田商場，可以買小食嘅地方真係唔算多。見到商場入邊有一間燒洒一族，燒味幾靚，小食望落都幾正，所以決定外賣啲走。首先要提一提佢個豬手，平時出街食豬手，閑閑哋都要150、$200，一隻，而且唔包好食。佢呢度嘅招牌豬手，只係$88。見到咁抵，梗係買返去試吓，店員好用心咁樣幫我地切成一小塊一小塊，方便拎起支牙籤就食得，而且不得不提佢個醬汁真係做得幾好，外皮脆，請朋友食一啲都唔失禮。之後要提嘅係佢嘅雞脾，18蚊一隻，價位唔算貴，但就真係幾大隻，而且蜜汁燒得非常之香，一路食嘅時候，啲肉汁一路滴。唔錯。再嚟嘅係佢嘅鴨胸，鴨胸一啲都唔騷，反而醬汁嘅香濃提升咗佢嘅肉味，不錯。最後要提嘅係佢哋嘅叉燒，叉燒唔會有一種好乾身嘅感覺，汁同埋肉mix and match，佢呢隻執仲係沖繩黑糖嘅味道，聽落個名都覺得好特別，建議半肥瘦最好。

前日家姐生日，佢又最中意食豬手，特登上網搵到呢間燒洒一族。我本來淨係諗住叫豬手 點知見到其他都好吸引 就叫多左3個餸。最後total叫左4樣野食: 德式豬手，酒醉花雕雞，藥膳沙薑豬耳同酒醉薰蹄。講左個豬手先，佢會即場切到一片片，豬手好入味。個花雕雞酒味都好濃，但好多雞肉，肉都好滑。個藥膳沙薑豬耳，好爽同埋好重薑味。另外仲有，酒醉薰蹄好易入口。另外一提，佢酒醉系列嘅有啲枸杞系上面，有啲養生嘅感覺。推薦推薦！

平時醉雞食得多，見到呢間既餸菜都幾有新意！有酒醉薰蹄、酒醉豬手粒等等，好吸引，就買d番屋企加料！ 叫左個大既德式豬手，份量都幾多，而且撞岩新鮮出爐！佢附有個芥末醬，同平時食開個種唔同，似加左蜜糖，甜甜地，估唔到又幾夾。醉雞就唔少得啦，食下先知同其他鋪既分別，雞同個汁分開，幾貼心，比你番到屋企先倒出黎。酒味剛好，雞塊多而且好有肉，真材實料！另外都叫左個薰蹄，啖啖肉！仲有個沙薑豬耳！好爽脆！送酒一流！下次仲想試埋雞中翼添！

今日同屋企人經過裝修完嘅啟田街市，就入左去行左陣，發現左e 間燒味店賣嘅野幾吸引❤️仲見到好多西式野添😋最後我地買左以下幾樣試下😆 藥膳沙薑腎片及沙薑雞腳，煮得好入味，唔會好難咬開😌以餐前前菜黎講唔錯😋👍🏻酒醉花雕雞，分量都好多👍🏻凍食嘅時候，皮好簿，唔會覺得肥。熱食嘅時候，酒味唔會走哂，食落仲有淡淡酒嘅香味。熱熱地仲幾好食😋沖繩黑糖焗叉燒，焗得好香，店員即叫即切，拎上手仲係熱熱嘅。食落有蜜糖味，燒烤味🤤保留到肉汁，唔似普通燒味檔咁烤到好干，非常好👍🏻蜜糖黑椒煙鴨胸，店員好好，驚食物唔夠熱，幫我地再焗一焗🥰好貼心😆煙鴨胸都係keep 到肉汁，食落啖啖蜜糖味😍岩鹽烤鯖魚柳，好原汁原味，唔會腥，連皮都係脆脆🥰總體黎講，攞到返屋企食仲係熱騰騰嘅，覺得好好味🤤又平又高質，大家加餸嘅好選擇👍🏻😋

專登來食@燒洒一族 藍田啟田道50號啟田商場地下啟田市場 街市改革環境乾淨了, 也引入了好多食肆有熟食。我一向愛食肉同BBQ, 廣東燒味絕對是我首選$56 一隻香草燒春雞, 燒春雞顏色好美哦, 皮上看到有香草醃製的, 拿回家加熱, 肉仍然好JUICY又嫩, 燒春雞雞皮彈滑而沒有油膩感覺, 雞胸位置在家食時點些蒜鹽, 人間植品慢煮醬燒豬肋骨大$68 PORK RIBS , 醬汁是精髓, 甜甜的好惹味呀, 肉好腍身一咬就骨肉分離了。食物放在透明玻璃櫃, 一目了然外, 也井井有條同衛生, 值得一讚!!!! 發誓一定會再來買呀!!!醬烤五花腩 $45 油滋滋的美味, 一層肉一層肥肉連皮!!! 記住要 點埋個MUSTARD 醬沖繩黑糖叉燒 $38 條, 見到JUICY的表面閃閃光澤, 邊位要有點燒焦才是一流哦!!! 我喜歡焦糖化後的味道, 沖繩黑糖甜味是有回甘留在口中!!!!!!!! 一食難忘抵食多款又好味

平時好小跟呀媽去買餸今日難得一齊去見到呢間幾非一般既燒味鋪 唔似傳統燒味店 幾有設計咁 又乾淨 比較新派因為今晚都好多人黎食飯 叫左好多款黎加餸德國豬手燒春雞 花雕雞翼鴨胸 BBQ豬肋骨野食幾岩年輕人口味 燒得好香口好入味值得推薦既係佢地招牌菜德國豬手 好脆好多肉 佢會斬好d肉比你 唔會偷料！同埋值得一提嘅係佢鋪頭竟然有蜜糖芥茉醬用嚟點德國豬手，真係極襯啊！加哂分個醬好好食，我都有用嚟點下燒春雞同埋鴨胸花鵰雞都超正，佢另外分開上兩包花雕汁用嚟浸雞件， 因為驚漏汁。其實原本都好入味， 浸埋花鵰酒好香濃， 雞好滑， 一份都好大隻！正 送飯都一流～鴨胸都係好嫩！又係幾推薦咁就發掘左呢間鋪頭啱晒我阿媽呢款懶人，成日唔鍾意自己煮，鍾意出去出邊斬料。價錢都完全唔貴呀， 得閒買豬手上去食， 送啤酒睇波都唔錯間鋪頭仲有賣其他勁多款既野食 都幾surprise!

Recently went on a food trip to FOODIN located at Lam Tin.Wandered into the busy market and saw these delicious looking eggs which were in a nice box that made them captivating.They were still glistening when I took the lid off so it was good sign and the wine was still on the surface of the egg.I was impressed when I took the first bite as the egg white was tender and delicate while the egg yolk was not hard boiled.On top of that there was a strong wine taste that was fragrant without the bitte

啟田街市嘅食店好多都同竹園街市食店都重覆左。所以今次就講下難揾嘅。呢間主打酒醉系列冷盤及燒味肉類。慢煮醬燒豬肋骨大$48、小$38都幾抵食。法式香草燒春雞$55 有喜慶日子就最岩，全隻堅抵食。酒醉系列共有7款。今次我就試咗 酒醉燻蹄$38同埋酒醉溏心蛋$18!仲有好吸引嘅 冇味精湯底。共有4款，店家有提供 胡椒豬肚雞湯試味，真的濃郁! 內含半隻雞。其中四川麻辣鷄煲內有一隻雞!外帶會每個小食附上一包酒。酒醉燻蹄比較碎左d, 但38蚊嚟講都算抵食。另外酒醉溏心蛋$18-3隻超入味好溏心，正!

早幾日得閒終於有時間去藍田啟田街市到食下嘢，開咗好多新嘅小食店，之前朋友介紹話豬手都幾好唔錯，今次就去試試佢👍🏻因為豬手好似買燒味咁成盒起左骨，要拎到返屋企食先方便啲，所以買完就即刻返屋企啦🏃🏻‍♀️雖然都要半個鐘頭先返到，但係有打開個盒冇焗親隻豬手😂啲皮都仲係幾脆，仲有個芥末蜜糖漿加埋一齊就仲好食😆