Siu Mei Kitchen (Closed)

今日係附近返工, 同事介紹左呢間燒味店, 試左個雙拼飯, 脆腩拼叉燒, 不得不提, 店員非常熱情, 等食物途中主動比左兩杯水我, 一杯洗餐具, 一杯飲用, 食到一半又會問夠唔夠飯, 真係好好, 講返食物, 叉燒唔會太肥, 又燒得香, 而個脆腩一定要十級推, 外皮脆, 又唔會乾, 入口好juice但又好似食薯片咁, 非常好味!!!…Read More

之前問開朋友灣仔lunch有咩好推介，佢推介左呢間燒味比我，所以決定去試一試佢😤去到見到佢啲燒味都已經好似幾靚，間鋪入面有三至四張枱到，多數都坐滿，所以都係買外賣多😌目前試過燒鵝叉燒飯同燒鵝燒肉飯，感覺都唔錯，佢啲餸好足料，一打開個飯盒係滿曬，視覺上好滿足😆啲叉燒係半肥瘦，唔好乾同鞋，燒肉皮都脆，反而我覺得對比之下燒鵝差少少🙈所以如果唔係特別偏好燒鵝，我建議食其他燒味👍價錢上如果係燒鵝雙拼就$6x，其他雙拼就$50，咁多餸黎講我覺得CP值算高，絕對會再encore😋😋😋…Read More

前兩日大食妹同同事去左位於灣仔嘅燒味128食晏屈指一算, 大食妹原來成半年無食過呢啲港式燒味啦突然有少少掛住<燒味雙拼飯>因為係開心星期五, 雖然只係食燒味飯, 都要豪華少少, 嗌左份油雞燒骨雙拼油雞雞肉好滑, 但滷得未算入味, 只有雞皮有豉油味, 而且有半份無雞皮:(燒骨就相對唔錯, 叉燒醬味突出, 而且夠熱燒味飯仲可以改配米粉或瀨粉大食妺就要左瀨粉, 份量好大, 但瀨粉細碎而且湯底無味<豉油雞飯>同事就嗌左份豉油雞, 感覺份量比雙拼更多…Read More

呢個時期，人人帶口罩出街，病毒又勁，d人話燒味呢d做定ge食物少食為妙，真係忍住唔食燒味飯都一段時間。但係真係忍唔到喇！為左安全，揾左間每日新鮮整燒味ge鋪頭，lunch time食返個燒鵝叉燒飯真係一流！燒鵝多汁多肉，食落有淡淡木味，叉燒半肥瘦一流，正啊！灣仔附近都有唔少出名燒鵝鋪，估唔到呢間店仔細細，但係泊得住d大店，難怪食ge途中都好多街坊買外賣，下次行過一定要再試p.s. 可惜無午餐，不過有下午餐，會便宜一d…Read More

經過灣仔道，被一間小店 掛著 一隻一隻燒得脹卜卜的燒鵝所吸引，突然很想吃，於是走進去叫了一碟燒鵝飯和一碗例湯。 例湯是白菜豬骨，沒有味精，很甜但不濃。 燒鵝上枱的時候，一陣陣燒鵝的香味四溢，一口咬下，皮還是脆的，肉質也算嫩，有鵝味。價錢平民，質量很好，一間值得再去的小店…Read More

已多次光顧！今晚和太太特意去吃，一入舖就看見笑容滿臉的老闆娘和伙記們，感覺溫暖。今晚叫了雞鵝飯和雞腩仔飯，真正的平靚正！唔想飲甜嘢，叫了名火靚湯，一啖喝清光！今晚有點雨，平日無位坐！真的那麼好吃嗎？是的。他們的燒鵝的確不錯，皆選肥美的來燒，自從九龍城的「x記」不做之後，我吃過的燒鵝，就是這家人最好。你在中環上班，附近也有數間賣燒臘飯盒的，更有高級的大排擋，像Canteen等店舖。飯照吃，每天照過。但是，當你一天驚醒想提升自己的生活素質，你就會花點錢搭電車到灣仔的「128」。如果你是這種人，就能踏上做老饕的第一步了。…Read More

喺灣仔工作嘅我，都食過好多燒味店，不過入咗呢間燒味店嘅時候，可能因為新裝修的關係，坐得都幾舒服，係個廁所細咗啲。不過要讚嘅，係佢啲燒味，真係超級超級超級好食，尤其是係叉燒同燒鵝，相片會說話。雖然貴左少少，不過都值得嘅。以後我喺灣仔返工，都會叫呢間燒味嘅網上外賣平台。燒鵝髀勁大隻，叉燒好似炆咗好耐好入味！推介俾大家灣仔嘅朋友，咪走寶。唔講咁多大家自己試。…Read More

又到灣仔搵飯食時間，經過開國泰88附近，見到有間新開的燒味店，見到入面咁多人，一於入去試下💪🏻💪🏻入面地方唔大，lunch 時間真係好多人，唯有外賣番公司食叫左個燒鵝叉燒雙拼飯 $63值得留意佢堂食同外賣係兩個價黎，外賣會平少少，值錢唔特別平但勝在夠高質燒鵝好多肉，肥瘦岩岩好，叉燒燒得好香同重蜜汁味，雖然偏瘦但又唔會太鞋，而燒鵝醬更加睇得出係落足心機，酸酸甜甜咁，比一般出面食到的更好味，如果經開灣仔又想食下好的燒味，燒味128 你你的好選擇💪🏻💪🏻…Read More

今日咁啱去開灣仔揾舊朋友，行到去國泰88附近，發現開左間新餐廳專賣燒味既，大家都見肚餓，就入去試試依間燒味128。間餐廳地方唔大，裝修簡單但整潔，眼見都多人幫襯，剛巧有一枱人走，我地好彩唔洗等位就有得食。坐低睇睇有咩好食之際，有個似老細阿叔就介绍我地食燒鵝，話今日燒鵝靚，我地當然樂意叫碟食下啦，我就最鐘意食燒鹅。 見隔離枱人食燒腩仔同叉燒好似幾靚咁，我地又叫左碟雙拼試下。燒鵝到枱時熱辣辣，香氣四溢，加上有酸梅醬隨燒鵝黎，賣相同香氣已令人流哂口水，食落鵝肉亦好入味，皮脆而且鵝油好香，點埋酸梅醬食真係一流，不過食完又要多做返運動消消脂了。燒腩仔皮就好脆，連帶肉同肥膏比例好好，另外亦要讚讚佢地叉燒，睇落賣相普通，不過食落就有驚喜，外層揸左密汁，加上肥瘦度剛好，亦值得一試再試，其他食物質素大致中上，亦好正路。用餐期間，亦見唔少人外賣同斬料，應該都受街坊歡迎。對喜歡食燒鵝既我，依間燒味128真心覺得正，下次行過都一定再食返餐。 …Read More

前日四點幾，係灣仔等女朋友收工。有啲肚餓又唔知食乜好，經過見到有間新燒味舖，又有下午茶，所以就入左去試吓。經老闆推介，叫左碗燒鵝拼叉燒奶粉。本身諗住無咩特別，點知有驚喜！叉燒多汁爽口，肥瘦岩岩好。燒鵝皮脆，最正係個燒鵝醬，食落唔似出面果啲，一問之下原來係老闆自己整，十分有誠意！連舊蘿蔔都好甜，湯底都有蘿蔔味，好耐都冇食過一碗咁正嘅燒鵝瀨！絕對要推介俾大家！臨走我仲買多左四十蚊叉燒返去加餸，因為啲叉燒堅係正。…Read More

灣仔區又有新店進駐啦又有新飯堂今次是食燒味的一於入去試下好唔好味先✍🏻燒鵝义燒米粉 今日行運🤣因爲師傅斬左🍗髀位比我食，咬落去肉質皮脆肉嫰，好味道义燒肥瘦均勻適中👍🏻👍🏻值得一試雖然食物質素都唔錯，但坐位感覺上比較有擠迫嘅感覺，不是坐得很舒服...所以下次還是會買外賣比較好一點😅🥢🥢🥢🥢🥢🥢🥢🥢🥢🥢🥢📌燒味128📮灣仔道128-150號明豐大廈地下D1號鋪…Read More

7月時路經灣仔發現新開咗呢間燒味店，見到廚房掛起咗燒味，望落都幾好睇，加上本人鍾意食叉燒，所以當刻就想坐低試下，可惜趕時間，未有機會食。終於8月有時間出開去港島，可以試一試食。食得燒味最基本就梗係叉燒，所以我就叫咗叉燒；不過老世推介我食雙拼，所以就叫埋燒腩仔。過往食叉燒就一定要肥叉，因為如果食瘦叉就注定又硬又乾。點知呢間燒味128既叉燒肉𣺉，有種溏心感覺，而且有少許既燶邊，加上肥瘦適中，各方面都做得唔錯。至於燒腩仔就皮脆肉爽，一樣係高質素之作。…Read More

今日早放飯，路過以前賣外國零食雜貨的鋪，而家比人租左來做飲食，灣仔最唔缺就是飲食，就是甘解。鋪頭出面寫住試業中，甘就入去試試，話曬頭啖湯點餐紙簡單睇曬，不過燒腩就賣曬，聽店員講每日廚房都會不停燒，正午去食就好，剛出爐，不過都要睇下次啦。於是乎就點左份雙拼-燒鵝+肥叉飯2分鐘左右就食得，典型碟頭飯，最吸睛是肥叉，脂肪分佈一流，食落口有肥瘦交錯加埋調味絕對是送飯用，睇埋燒鵝，相對之下就有點失色，味道不足，不過燒到皮脆都幾ok，不論齋食皮或者連肉一齊食都完全會食到皮脂燒香的味道，總體都ok，會有下次…Read More