Burn & Fight (Closed)

兩個人想飲吓酒吹吓水，老蘭尖東又太嘈，去咖啡店又無酒飲，又要泊電單車方便，上網搵咗好耐，終於搵到哩間燃燒。燃燒泊電單車極方便，正正樓下就有大量車位！爽yy!由於要揸電單車，唔飲得太多酒，叫咗杯1664，未飲已經要讚，因為用嘅係雪到凍一凍嘅冰杯，所以哩D貼心服務當然要讚吓啦。餐廳分上下兩層，我地去咗上層飲酒，去到慶幸自己搵到間唔太嘈嘅餐廳，方便傾計。我無點飲酒，所以小食拼盤就成為我當晚主力進攻嘅目標。拼盤有和牛迷你漢堡飽，炸蝦，炸魷魚圈，炸雞中翼，蟹餅，海鮮酥盒，另點咗個芝士薯條，炸蕃薯條。原以為只係送啤酒嘅拼盤只係普通貨仔，但食落又唔錯喎，每款炸物都外脆內軟喎，係水準之作，最特別係個和牛迷你漢堡，的的骰骰，其實個嘅可愛嘅漢堡飽仔係邊到買架?…Read More

今天放工後和同事Happy Hour，發現這間燃燒Burn & Fight有Happy Hour Free Flow，於是就決定來試試。餐廳位於灣仔蘭杜街，從灣仔地鐡站行大約5-10分鐘。餐廳環境裝潢簡約輕鬆，燈光柔和，十分適合和朋友Happy Hour。餐廳提供Happy Hour Free Flow，所有啤酒及小食都任飲任食，每位$200加一，經濟實惠。Guinness Draft/1664 Blanc Draft和同事一人先來一杯生啤，健力士黑啤帶有黑啤酒獨特的濃烈烘烤香氣及爽口的酸味，1664 Blanc入口有清新的啤酒花香氣以及香醇口感，但又不會過甜或過苦。炸雞翼配照燒汁看似平凡的雞翼，一入口卻令人驚喜萬分，炸得酥脆非常，一咬下去，熱騰騰雞肉的肉汁在口中溢出來，配上照燒汁十分開胃。炸紫菜魷魚圈魷魚圈新鮮即時炸起，上桌時仍冒煙，外層炸漿同樣香脆，內裡的魷魚彈牙煙韌，水準之作。迷你和牛漢堡/迷你蟹餅和牛漢堡肉汁豐腴，爽朗厚實，蟹餅外皮香脆，內裏軟滑鮮味，滋味雋美。海鮮酥盒酥皮盒子內釀有忌廉海鮮，賣相亮麗，口感鬆化又鮮美。意式茄汁肉丸肉丸是偏實口感，反而意式茄汁香濃馥郁，層次豐富。炸甜蕃薯條蕃薯條口味香甜，炸得香脆可口，讓人上癮一條接一條。炸蝦配他他醬餐廳的炸物都十分有水準，炸蝦外皮輕薄卻異常脆口，蘸上他他醬同吃，十分滋味。芝士焗薯條薯條吸引力在熱辣辣的魅力和香脆的口感，加上芝士焗香，味道更佳。…Read More

環境4分：兩層舖，地下外賣飲嘢，樓上西式咖啡室格局，設計簡單，地方都算大，Ｄ枱分得夠開，完全唔迫，可以畀四分。衛生5分：D刀叉同紙巾响曬枱自己拎，好乾淨，先加一分。兩個鐘內不斷有新碟換，再加多佢一分，畀滿分。服務8分：服務員平易近人，好好禮貌，又好有心機講解餐飲只有兩種玩法，上菜快手快腳，一見到有污漕碟即清走，仲好主動問你要唔要加啤酒同小食，驚你飲唔夠同食唔飽，所以滿分之外要奬多三分bonus。味道5分：1)     意式茄汁肉丸D茄汁醬唔太酸唔太甜，味道啱啱好。2)     炸蝦配他他醬呢個絕對抵食，D蝦炸到鬆軟無比，又脆又香，送酒一流，加佢兩分。3)     迷你蟹餅細細個蟹餅食落都幾多蟹絲响入面，冇偷工減料。4)     炸雞翼新鮮炸起好辣口，層皮脆卜卜，又一Ｄ都唔油，點埋個甜味照燒汁真真好好食。5)     八件炸魷魚圈好香紫菜味，唔油膩。6)     海鮮酥盒出面酥脆，內裏鮮甜。抵食5分：二百蚊响灣仔區可以任飲任食兩個鐘，呢個價錢絕對超值，而且啤酒係法國名牌生啤，真係嚟呢度好過去酒吧，滿硬分！…Read More

今日黎到灣仔發現個地方好抵3pm-9pm $200 一個人任食任飲佢個menu好多野食物選擇大部份都係佐酒既啤酒都有齊平時既選擇仲有一款係平時少見的ORION BEER係來自沖繩的係比較淡口既beer今日好餓。所以全部item都叫左一款勁欣賞佢個炸雞翼外皮好香脆但一點都唔油入面既雞肉keep到好嫩滑佢個照燒汁係畫龍點晴甜甜地非常惹味同雞翼好夾其實依個套餐性格比好高基本上飲兩三杯啤酒已經回本仲要有足咁多款小食可選擇好岩一班朋友傾計chill推介！！！…Read More

平時lunch 時間都見到好多人，未試過入去食，剛巧見某訂枱app有折扣，所以book jor放工去食。放工上去六點，一個人都冇，看來主要做午巿。點了個布袋雜茄沙律中間白色的波波球就係布袋芝士。類似平時配沙律食的水牛芝士，雜茄大根痈三種不同蕃茄，如回中所見，芝士球上的蕃茄都不是常見的品種，感覺得意。沙律爽口，沒有醬汁只以橄欖油作調味，很健康。主菜叫了龍蝦扁意粉每碟有半隻龍蝦，份量剛剛好，不會太少，龍蝦都算啖啖肉，配以龍蝦汁做意粉汁，味道不錯，…Read More

今天有同事last day ，就攪番個Farewell lunch。同事介紹灣仔Burn & Fight 午餐時段現金付帳有9折，無規定幾點前埋單，但有加一，咁我地就去左試下。大家主要食金邊粉，部份食鰹魚。個人覺得金邊粉份量算多，但味道太酸😛，而鰹魚就煎得皮脆肉嫩，配以清湯和疏菜又算幾好味。蘑菇湯略嫌稀左啲，甜品ok。餐廳環境舒服，共有兩層，上層少D人，不過多數人都會鍾意坐下層，座位舒適，食物賣相都算吾錯。…Read More

今日倖存者黎到灣仔搵野食，見到同一條街已經有好多人排緊隊，所以近近地揀咗呢間。本身見到門面無咩人，以為唔使同人迫，點知原來有2層，上面嗰層多人到不得了！本身要訂位先黎到，好彩岩岩有人埋單，倖存者同朋友先有機會上下呢間Burn and Fight ~一開始得一張lunch set menu, 想食burger 嘅朋友要叫侍應拎burger menu 先得。Lunch set 包前菜、主菜同野飲！前菜:蘑菇湯略嫌稀， 而且蘑菇粒唔夠，飲若無驚喜主食: 叉燒脆皮包用burger 概念，加埋叉燒而成。整體唔錯，尤其是薯條朋友主食: 八瓜魚意大利飯飯無咩味，份量少朋友主食: 黑椒牛扒太薄，控制唔到幾成熟…Read More

你朋友急call我去咗happy hours.是但入左一間餐廳有酒飲有嘢食！這個時間攞到但係冇咩人，直情包場！我哋每人叫咗一支啤酒飲，啤酒味道不錯！不過價錢就略為貴了一點我哋兩個人就叫咗一點小食，送酒一流！全部都係香脆燒烤，味道還可以,不過不失,不過似乎價錢都係貴一點！不過灣仔區可能都係咁上下!魷魚圈似乎麵粉比較多，厚了一點，不過裏便都唔會過熟，反而串燒會略為出色一點，味道剛剛好！整體來說不過不失吧…Read More