Burn & Fight (Closed)

同同事星期五諗住去酒吧啤啤佢， 發現左有間酒吧餐廳， 做緊個happy hour套餐， $200/位，啤酒任飲+小食任食2 hour，😳 無睇錯！係兩個鐘！ 平時係酒吧飲兩杯嘅價錢， 而家仲要有得飲，又有得食，好抵呀！👏🏻 Guinness Draft（原價$88） 酸苦味突出，烘培味很重，有點像喝有泡沫嘅黑咖啡， 搭配大口肉一起吃，可以沖淡一下肉嘅膩感～ Orion Draft（原價$68） 味道清爽，又不失啤酒嘅香醇～☺️ Somersby（原價$38） 炸蝦配他他醬（原價$68） 炸蝦外皮輕薄脆口， 食落唔會有太大負擔， 蘸上他他醬同吃，都算不錯！👍🏾 炸雞翼配照燒汁（原價$68） 炸得酥脆嘅雞翼， 一咬下去，熱騰騰嘅肉汁便在口中溢出來， 蘸上照燒汁，香甜開胃。😌 炸甜蕃薯條（原價$58） 蕃薯條炸得香脆可口，咬落香甜味美，薯肉滿滿，正！😋 迷你蟹餅（原價$68） 蟹餅外皮香脆，內裏啖啖蟹肉，值得一試！ 炸紫菜魷魚圈（原價$78） 魷魚圈新鮮即叫即炸， 外層炸漿脆而薄， 內裡嘅魷魚肉彈牙煙韌，水準之作！😎 迷你和牛漢堡（原價$78） 和牛漢堡肉汁豐腴，肉香十足， 配上脆而軟熟嘅漢堡包， 和健康嘅生菜和蕃茄配搭，不錯吃！ 意式茄汁肉丸（原價$68） 自家製肉丸，肉感爽彈， 配上香濃馥郁嘅茄汁，香甜可口。 …Read More

服務方面, 一行五人第一次lunch 光顧這間食肆一入到鋪面要等位, 但明明有2 -3 張四人空櫈, 職員卻怠慢地不安排坐位 要客人續繼等.之後終於有位坐, 叫完野食後唔夠2 分鍾已經嚟錯野. 之後叫職員俾杯水, 結果等到食物到齊都無, 但中途已經同三個職員講過, 但都無理會到. 再者, order 左四杯野飲遲遲都唔到, 職員態度回應極差而且全程黑面, 只是叫客人等, 但唔明白只係普通柚子茶都要沖半粒鍾以上??? 最後賣單, 明明cashier 有職員, 見我地行緊去賣單 都仲要叫我地等等之後離去, 服務態度怠慢之餘仲要極差!!!!!係食物方面, 叫左四個餐魯肉飯, 係一舊舊肉粒加條菜心, 賣相完全不吸引, 而且失望黑松露牛排意粉, 完全無黑松露味, 仲要塊牛排係無牛味, 口感非常奇怪而且唔似肉ge 質感.係得日式豬排蛋包飯同海鮮炒烏龍係算叫正常少少. 野飲方面, 餐飲都等到食完都未到. 催了好多次後, 才來了三杯柚子茶, 味道非常淡而無味. 到最後才來多杯熱咖啡但已經凍曬總括嚟間野係非常劣評, 食物差服務更差, 唔會再食, 都好後悔食左…Read More

一開始真係比佢個名呃左，其實係咁岩經過樓下嘅飲品店，見到樓上原來係可以食嘢。聽到個名叫做燃燒，諗住可以入嚟食串燒所以坐低。點知個侍應攞起個Menu，原來係食小炒嘅。唔緊要啦係我蠢姐，錯有錯着就試吓佢啲小炒啦。詳細價錢唔記得啦，一碟好似$70-$80嘅再加一。叫咗半隻雞真係叫左半隻咋，但係呢半隻真係勁大份囉。雞味唔算非常突出，但佢醃得好好味，有辣嘅香味。其實呢個份量真係兩個人再加兩碗飯已經食到好飽。完全估計錯誤嘅我哋仲叫咗個牛肉炒菜心同埋炒魷魚🦑，都係好大份。…Read More

早排同同事嚟講灣仔食lunch，見到依間嘢新間有優惠，第二杯半價，咁食完飯就買左杯嚟試下啦原本想係到食埋lunch，但啲同事覺得無乜特別好食咁，就淨係試左嘢飲潮流興奶蓋、黑糖、水果茶，依到都有齊晒今次我就揀左芝士白桃烏龍，有個同事就揀左芝士櫻花烏龍嗌完等左15分鐘左右就有等既時候可以坐住望入去，睇住佢地整飲品size比黑糖珍珠鮮奶嗰啲細好多茶底唔特別有味，反而面頭既奶蓋搶晒啲味奶味好濃，芝士味又唔多覺:(成杯就好似飲緊奶咁:(同事杯芝士櫻花烏龍都係咁，連櫻花味都無:(新開張第二杯半價，上個月再經過既時候已經無左個優惠嚕:(有優惠既話，兩杯都只係33，幾抵飲同事杯黑糖黃金珍珠奶茶，都係一樣，奶味極重:(三杯都好似係同一個味咁，每啖都好重奶味，而隻奶味係假假地，唔討好既味道:(飲兩飲就覺得好濟鋪頭裝潢走文青風幾舒服，服務都唔錯，價錢正常，但真係無下次:(…Read More

見到呢度新開，所以 午餐去左呢度試下，叫左個肥牛波菜拉麵，係難食到嘔，個湯底係出前一丁麻油既味精味道，麵係好明顯煮到淋哂，肥牛6成係肥膏，千萬不要去試！😡😡😡😡😡…Read More

燃燒燃燒燃燒中午放飯啦，其實已經食過一次，今次再食係為左試佢既蛋包飯上次食台式撈面見到隔離台已經下定決心下次一定要試果然!!!!!!!!!!無令我失望呀!!!!好好味呀!!!!而且價錢合理 $68 可以食到，賺到呀咖哩吉列豬扒飯$68台式撈面$68好~食飽上班去!…Read More

🦀避風塘炒蟹（$150)地下有台式飲品，而樓上就有中菜食！可以嘆完嘢飲去樓上食飯㗎😉 叫咗呢個避風塘炒蟹，呢碟菜用咗兩隻蟹黎炒，炒到好香好惹味，辣度啱啱好，送飯一流😋豉汁蒸白鱔（$98)呢碟豉汁蒸白鱔做到恰到好處，雖然條魚應該唔係好大條，但係師傅控制嘅火候啱啱好，魚肉肉質彈牙鮮嫩，膳既魚味好濃，食得出條魚好新鮮好好味，推介！蒸扇貝 ($180/4隻)餐廳用既扇貝隻隻都好似成隻手掌咁大粒，而且非常新鮮即叫即蒸！用上傳統蒜蓉粉絲調味，落既粉絲非常多絕不手軟，雖然係家常小菜但做得出色並容易，唔錯👍🏻…Read More

前身係老爺點心既burn and fight燃燒其實都已經開左一段時間、小編見過經過其實都冇太大興趣去試，因為冇乜signature dish吸引到我。話說點解今日試左呢，係因為本來小編和同事們想去隔離間蝦麵店既、食物👌🏽啦因為唸唔到食乜，經過呢間嘢既時候、小編和同事A都🈶️d興趣想試下就入去啦～就咁～就伏左啦。一坐低，d格局同老爺都係差唔多、我懷疑都係同一個老闆only換湯唔換藥啦、我依稀記得上年食過一次老爺點心，裝修係別緻既但價錢偏貴又只收現金、d野食又唔特別好味、所以都冇再去啦！今次我地四個人叫左咖喱🍛炸蒿蛋包飯、炸魚墨魚拉麵、滷肉雞翼拌麵、鰻魚炒飯，賣相ok既但食落口～一般係好一般，即係普通過茶記、茶記可能仲高質少少，個鰻魚飯係份量多既同事話食到好飽，但冇鑊氣、鰻魚un滋咁、咖喱d味極普通好似屋企住ｏ個d仲正、完全唔好味，炸蠔炸過左龍不過好彩入面都有少少汁既，個湯麵和拌面同事都話d餸ok、即係魚和滷肉都唔差但整體都係好麻麻既麻麻。對於小編有少少要求既人覺得呢度既食物1🌟都比多佢！不過價錢確實唔係貴既以灣仔地段，但我寧願食好味茶記平d又好食d、好過呢度不倫不類囉…Read More

一個週末，小人開日諸事不順，心下不爽，正好絲打約食飯，一於燃燒一下吧。餐廳用餐處位於一樓，室內光潔雅致，予人時尚舒懐的感覺，竟還帶了點點歐陸風，舒服。掀開餐牌，居然又是另一奇境：是吃日台菜的，想也沒想過。午市沒酒沒串燒，我們只能沒癮地柯打午市餐，加個小食加個菜囉。灼菜芯的莖好硬好硬，要梗下去。椒鹽魷魚圈是非常的好食，魷魚炸起超級的爽，更充滿椒鹽香，又要給讚鳥~~咖哩吉到蠔蛋包飯……實在太了！咖哩汁濃淡適中；蛋皮既厚且滑，厚似腐竹！炸蠔更是妙著，一客三粒都是中間爆汁的，鮮味蠔味齊湧而上，趁著飯……怎能不成為小人的大愛！！柚子蜜勁清甜，無法不讚！…Read More

同同事放lunch試下新野，有唔同菜式，今次揀左咖哩吉烈豬扒蛋包飯，waiter話要即整，lunch time都等左大概15分鐘都合理，黎到個蛋真係熱辣辣，正！吉烈豬扒味道都ok，個蛋半熟好juicy，配埋咖哩汁撈飯岩岩好，食哂成個飯真係好有罪惡感朋友叫左煙鴨胸稻庭烏冬，個賣相都幾fresh個餐$68跟埋野飲，灣仔區都算係咁，可以encore!間餐廳樓下仲有台式飲品賣，有依家好hit既芝士奶蓋，下次要留番個肚試下…Read More

Came here for lunch on a weekday. Seated around 12:30 for 2 peopl. Table was sticky. Ordered one dish each. Companion’s dish was pre cooked and only needed serving arrived within 10 minutes. I ordered eel fried rice which took half an hour to arrive. We asked the staff several times and each one said they will check but no one ever came back to us with any information. Food was definitely not worth the wait. Tasted of soy sauce and there was not much protein. We saw other tables leave because the were told wait time for food was 30 minutes, I wish they had told me that because I would have left straight away. Definitely not coming back…Read More

琴晚放工同男朋友經過 見到裝修幾靚 menu又有蛋包飯 台式野 卡邦尼 好似都ok 就入左去試點知就中伏！上到去 waitress 淨係比左串燒同飲品menu我地心諗：下？我地黎食晚飯wor 得串燒？一串又三四十蚊 真係食到破產都未飽wor我男朋友就問係咪無正餐啦？waitress就話幫我地問下然後就同我地講得個5個咖哩蛋包飯做到咁都唔緊要啦 個串燒menu都有兩個麵揀最後我地叫左咖哩炸雞蛋包飯、 芝士豬頸肉撈丁、蜜糖燒雞翼、鹽燒牛舌、燒金菇肥牛卷 同埋燒韭菜個蛋包飯係menu度寫係跟餐送野飲但係竟然又係要我地問個waitress 佢又再去問先有。。。等左應該有20分鐘之後 終於上菜lol1. 咖哩炸雞蛋包飯咖哩偏淡 份量唔夠炸雞唔脆又厚粉 蛋過熟成碟飯仲要唔熱 只係暖暖地2. 芝士豬頸肉撈丁芝士醬超“杰” 然後又得一細pat 好快凍左又變到一舊舊 口感極差不過豬頸肉先係重點成舊得雪藏味 食到我有種食物中毒既感覺 唔係講笑唔想浪費食物 但係食左兩塊都真係頂唔順3. 蜜糖燒雞翼算係正常少少 係唔夠脆 燒得唔係好夠耐4. 鹽燒牛舌調味完全唔夠 有牛騷味 然後價錢偏貴lor $3x得1大2細薄片5. 燒金菇肥牛卷味道偏淡金菇竟然未熟！6. 燒韭菜都係可能燒得唔夠耐濕dat dat環境方面 裝修係幾靚但係間中會見到有d烏蠅雖然waitress同waiter既服務態度唔錯，但係d食物咁既質素真係無下次…Read More

係灣仔返工，是日午餐同同事行近金鐘附近食飯，同近灣仔地鐵站啲餐廳比較，杜蘭街呢邊算少人啲。到達杜蘭街見到一間叫「燃燒」，招牌有隻馬騮mug頭，有泥水牆又有清新風格嘅餐廳就打算去試試。樓下賣飲品，樓上都幾多座位。感覺上午餐&晚餐會較多人，夜晚有供應酒&小食。午餐都幾多選擇，價錢大約$5X-$8X，A B C以下都有5-6樣揀，除左台式野食有少部分係日式意粉、蛋包飯類午餐。我揀左滷肉飯+滷豆腐，同事們揀左滷肉拌麵再加個油菜(+$16；是日油菜是菜心)。麵個份量較多，飯個份量剛剛好。午餐包餐飲，無加一服務費，灣仔區黎講都幾抵食👍🏻…Read More

留意到le間新開既餐廳，燃燒。一家大細特意黎試下，順便家庭聚餐，叫左好多款食物，大細都適合。特別系蜜糖燒雞翼同荔枝煙肉串，牛舌同牛小排都好令人回味!間鋪主打手工啤，吾記得咩牌子，都吾錯。仲有台式飲料，配合燒烤，好奇妙既組合。小朋友都好鐘意d野食，醬燒豆腐及燒貴妃妦一下被食曬。大家不妨試下燒貴妃蚌。仲有燒茄子，好似有分肉醬同原味，個人覺得肉醬較惹味。當然吾少得炸洋蔥圈，值得一提既系好新鮮，無油膩既感覺，送啤酒一流! 啤酒印象中除左手工啤仲有sumersby, 夏日炎炎，真系暢快。CP值好高既新開餐廳，得大家一試!…Read More

佢地放左個牌，寫12:30pm前埋單有折。我走入去因為早唔算多人。見佢menu有咁多野揀，有點選擇困難，問佢地有咩推介。佢地都話有火在旁邊的，都幾受歡迎，尼度附近又唔多台灣野食，我就揀左滷肉飯，加多個餸牛。滷蛋味道可以，又有－些菜，d 滷肉味道適中，反而係牛有點過鹹了。我自己－個人可坐二人枱，加上成個環境都幾寬敞，尼頭真係好少有，係同朋友輕鬆談天的首選。我都幾欣賞佢地嘅服務態度，唔會趕頭趕命，食完未抹嘴就趕你走。…Read More