Kuma Yummy (Closed)

原來銅鑼灣都有黃店手卷，仲要開喺海皮個間別天神隔離，可以一次過食晒兩間正～😝·上年年尾去店舖有大量文宣、捐錢箱（我自己就唔係好buy既，大家要精明地選擇捐錢嘅方法🥱）！💛·質素方面絕對冇呃人。估唔到喺銅鑼灣都食到同葵芳價錢一樣嘅手卷～我哋叫咗三文魚同鰻魚手卷。紫菜脆、飯夠多、鰻魚香、三文魚仲好肥美添～·經過嘅話可以一戰😋滿足下去日本嘅衝動🇯🇵⛩🍣🍱-三文魚手卷｜$16鰻魚手卷｜$18-熊築地 (銅鑼灣)銅鑼灣告士打道276號地下4號舖-…查看更多

是日係公司好肚餓，同事就介紹咗呢間手卷店佢地一致話好好食，又好平添！講到咁好食梗係去試吓啦！去到見到好多明星合照！有子華有吳鎮宇等裝修都幾乾淨，樣樣都分門別類好清楚咁我就嗌左個三文魚手卷同鰻魚手卷等左1分鐘就有得食啦正常三文魚味，紫菜同飯都係一般而鰻魚都係正常既 本人覺得同元氣差不多其實味道就冇想像中咁好食，不過呢個價錢仲要喺銅鑼灣還可以啦！總結，如果唔需要排隊嘅話，又咁岩路過既話入去一試係無妨的！…查看更多

依間成日有幫襯開，算係中等水準，經過想食都可以試下，可以止到壽司癮今日就食左海膽，海膽分量適中，唔算多，口感唔差，入口唔腥。叫左個生蠔，$14隻價錢合理，蠔身偏細，但海水味濃。…查看更多

食完車仔面 同埋小食天氣開始熱返其實都心思思想食壽司🍣但食到飽飽點再去食呢靈機一閃就諗起附近可以買手卷食咁就可以滿足下我想食壽司嘅慾望呢每次黎到都好似有選擇困難症咁🤔🤔樣樣都想試🙈🙈🙈之前我試過蟹膏手卷🤤🤤今次一於試下貝柱先😏😏手卷上面鋪滿蟹籽 貌相吸引😋😋😋😋貝柱之間有啲沙律醬貝柱鮮甜配埋沙律醬又幾夾價錢合理 店舖小小 但選擇多多見到有人叫鵝肝手卷 香噴噴咁決定下一次一定要試呢個先🤨🤨…查看更多

好多人食手卷都會諗起葵x 廣場果啲手卷，誰又知道銅鑼灣有間手卷係平、靚、正！兩年前左右，同朋友四處搵好西，而朋友係銅鑼灣既地膽，我跟住佢基本上要食好西根本唔難，因為佢對食都好有研究，就係禁，佢就帶左我黎為築地，初初覺得食手卷無咩特別，價錢由14-40蚊不等朋友推介呢間係鮮甜，生蠔係海水味濃，鮮味十足，亦都有唔同既PLAN供客人選擇食咩蠔，睇落都好似好正禁！兩年前食左咩就唔記得，前幾日食左咩就記得，難得既係，個餐牌既價錢係無加到！ 隨著時間過去，周圍都加哂價既時間，覺得呢間唔加係多出奇既事！鰻魚手卷 有鰻魚汁，啖啖肉，size尚可，味道都ok既，可惜係只有上層有材料，食完上層材料後，就剩番飯和紫菜，就好似甜筒食完雪糕得番脆筒。 蟹膏蟹籽蟹肉手卷正常手卷size，材料上蟹膏比例上最多，應該超過七成，剩餘約兩成係蟹肉，一成蟹籽。蟹籽望落晶瑩剔透，食落都無腥味，係新鮮同清甜既。蟹肉係碎條狀既蟹棒，正正常常。最突出既蟹膏，味道夠哂鮮甜，而且齒頰留香，吞完落肚都依然有蟹膏味停留係口裡，正！老闆，要多一份唔該。最後真係叫多左份蟹膏蟹籽，真係鮮甜十足，啖啖食落都帶幸福既感覺！推介呢個蟹膏，真係值得一食再食！整體黎講，呢間 熊築地 真係好鮮甜，兩年前周兩年後既分別，儲了唔少人氣而又唔驕傲，品質並無退步，帶種愈啲愈勇既狀態！…查看更多

之前第一次食過覺得手卷幾好味所以再買黎，點知今次就中了伏。買左好多舊手卷諗住回家食，仲係差不多最貴嗰款蟹鉗出事，一開盒嗅到怪怪地，摸d蟹钳肉已經"梅"哂，好肯定已變左幾長時間，佢整既時候都嗅到怪味la,變壞左仲整比人食，食壞人的。感覺為左賺錢明知壞都照比人，真是好差。比佢出面d明星相呃左，以為有d信心保證，又一次證明吾可以單睇表面，真是試過就知原來咁。老公試左少少已肚痾左一次，如果又痾又嘔真是報食環，吾想有其他食客中招。…查看更多

那次吃「熊築地」已經很久了, 現在忽然想為他寫一寫食評, 是一個心血來潮。吃完了旁邊的「別天神」, 大食的肥膏卻想再食一些填填個胃, 所以就走到這裡。可能因為是很晚的關係, 人不多, 沒什麼人排隊。他點了兩個魷魚軟骨沙律手卷 HKD 18.00這個是真心好好味! 非常地喜歡。他們料放了滿滿的一個手卷, 魷魚軟骨超級爽脆, 很有咬口! 配上沙律醬, 就更好吃! 味道很夾! 是想不到得夾! 而且因為即叫即整即食, 所以紫菜也很脆。對於肥膏和我來說, 這真的是一份很好的宵夜。但因為真的是太久沒有吃了, 也不知道還有沒有賣這款手卷。…查看更多

工作至夜深，在街上遊蕩找地方醫肚，偶然發現一間小店面，但門口擠擁着很多人。好！晚上就是這間餐廳吧。由於店面很小，食客只能站着吃，而且也只有幾張枱可以站着吃，大家都是點完一輪，再點一輪，旁邊有很多明星照片，由於天氣太熱，加上我只是一個人，我決定外賣回家。因為工作太累，吃不下太飽的東西，結果只叫了很便宜的生蠔回家自己開咗吃，再等他包裝的期間，我下意識地吃了吞拿魚手卷，吃得太快忘了拍照。哈哈。下次再有機會一定跟朋友一起再來嘗試更多的食物。…查看更多

立食既壽司係香港越黎越多，有時行過見到都會忍唔住想食返個手卷，今次都唔例外。今次試左個海膽帶子手卷，其實每次睇到有海膽都會二話不說地揀海膽，因為海膽個種又鮮又甜嘅口感真係好難忘，近排愛上咗手卷，覺得一個手卷入面有飯又有刺身，真係可以好貪心地食曬兩種，今日哩個海膽未算太鮮甜，但係帶子肉都算係夠黏性同埋新鮮，飯米都算係粒粒分明有嚼勁，海苔尚算香脆。我相信會再有下次既，因為地點方便，價錢亦都算係合理既，推介！…查看更多

時間倉猝諗住買個頂下肚我叫咗 「一個三文魚三文魚籽」然後佢俾咗一個三文魚手卷同一個三文魚籽手卷我同佢講話我係要一個個女店員用不友善態度話我係要兩個同佢地冇雙拼既大家溝通上有誤會其實好平常但佢毫無解決問題之意只係繼續攞住2個手卷啤住我～～～～～～～～～～～第一，你可以選擇退錢ok，你退唔到錢既你咪將啲料倒埋一齊俾我算數果幾十蚊講真我覺得冇所謂仲要銅鑼灣店我明你都要成本要交租但唔太接受咁既態度最後佢只係唔出聲繼續啤我亦無謂同佢拗只係攞咗個三文魚手卷因為我真係趕時間同食唔曬打出黎並唔係想大家唔幫襯定點只係想貴公司檢討下…查看更多

腳骨力不太好 , 又喜好舒適的我 , 從來不喜歡立食 , 但偶爾一兩餐還是不會抗拒的 ~當晚 , 我和太座去了 銅鑼灣 的某個戲院買飛睇 Black Panther ....在等待入戲院之時 , 為了攝時間 , 太座就帶我去了這間位於 告士打道 的 熊築地 Kuma Yummy 吃些東西 ~這間 熊築地 是出名的立食 生蠔、手卷、刺身的小店 , 多位城中名人都曾經前來光顧 ~ 店內有多款新鮮生蠔出售 , 而且即叫即開 , 非常新鮮 ~ 我們點了 美國黃寶石蠔、加拿大皇家蠔、法國美人魚蠔、法國皇莎卡雅蠔 , 每款蠔各兩隻 ; 不同的生蠔當然各具特色 , 又各具其味 , 站著來吃又是另一種風味 ~ 吃完生蠔之後 , 我們又點了 鵝肝手卷 來吃 , 手卷當然是即點即製 , 紫菜脆口 , 鵝肝也煎得外香內嫩 , 米飯的味道就比較一般 , 而且有少少黐黐牙 ~本篇完 ~…查看更多

是日係附近happy hour啤啤完，少少酒落肚雖有暖意，但近海既冷風一直吹，又變到手腳冰冷。周圍閒逛見到呢間曾經想食嘅壽司外賣店，平時食飯時間都好多人排隊，但依家周日5/6點鐘青黃不接嘅時數得小貓1/2隻，唔理天黑變冷，決定趁機立食一下生冷野本身想試海膽，但直到order前一刻決定轉食「蟹膏、蟹子、蟹肉（柳）」同友人最愛既大大粒帶子；我其實未試過真正啖啖肉食生蟹膏，平時只係喺放題嘅壽司上面淺嘗一小粒，顏色樣子雖比較核突，但原來非常甘香，蟹味濃郁，以手卷黎講份量都好足夠，同QQ的飯配合，已經滿足晒！旁邊嘅蟹子同蟹柳只係小配角，添加「蟹」族既口感而已。由於真係冇人，即叫即整1分鐘有得食嘅感覺非常優越，而且高枱上既壽司醬油用得乾淨，立食都幾開心滿意！絕對係餐同餐之間過口癮既好選擇～…查看更多

This place is a gem in Causeway Bay. Though it is only a small restaurant with a few standing tables, but don't let the outlook fool you. The price and quality that they provide is amazing. Their uni hand rolls are to die for. I've had it quite a few times and its always been fresh and tasty.  It's amazing how they can keep the quality so consistence and yet their price hasn't really changed. Along with hand rolls they also sell oysters. There are at least 8 different types of oysters every time. They do try to get different oysters from all over the world in addition to the common ones that are seen around Hong Kong. Prices for the oysters are reasonable compare to super markets and restaurants. However, you would need to pay a small fee for them to open the oysters. If not, you can open them yourself. I was really surprise with this giant US oyster that I've tried there. It was literally the size of my palm. Honestly you won't be able to find it in a lot of places. All of the oysters that I've tried here were fatty. If you enjoy sashimi and oysters. This is a place to be! …查看更多

今天在銅鑼灣逛街，按完摩後剛好經過這間，店外面已經有很多人排隊，本身晚上約了去吃飯，但是因為有點肚餓，所以就走進店裏買生蠔吃，平時很多可以吃生蠔的地方都不敢亂試，最主要原因因為怕不夠新鮮，但是這間就絕對不怕就因為他們基本上每天都會買清，生蠔種類繁多，也有不同的package$14元以上就有我點了一半white pearl，一半係Gillardeau。。white pearl比較清淡，Gillardeau比較creamy,建議先食white pearl。。還有這個手卷，非常新鮮！…查看更多

馬糞海膽手卷 ➕ 蟹膏蟹籽手卷海膽味道完全唔鮮甜紫菜偏淋身而且啲料既份量只係得個樣食兩啖就無哂得返紫菜同飯😟😟 -今次試左👉🏻Gillardeau👉🏻Coffin Bay👉🏻Tasmania👉🏻Scottish Rock (Extra Jumbo)-Gillardeau既蠔味幾濃郁👍🏻食落幾爽口😽海水味適中😬-Coffin Bay就重海水味所以較鹹🌊比較細隻同腍身😆-而Tasmania就無Coffin Bay咁鹹肉質較爽脆同結實😌-到最後大大隻既蘇格蘭石蠔其係係殼大😂蠔肉唔算特別大呢隻蠔既蠔味同海水味都淡肉質較結實😬-🌟要注意如果食生蠔就至少要叫半打🌟…查看更多