Palace Wedding Banquet

最近老公轉左星期六日都放假可以陪我，最好既週末活動當然係去飲個茶食個包啦，今日簡左係gogo mall入面既煌府，地點方便食飽飽就可以去隔離街超市街市買餸，我地依日1430入座，可以享用下午茶價錢，由入紙都上菜既速度都好快，每件點心都係熱喇喇，侍應都好有效率同細心，難怪酒樓長期大排長龍，見好多都係熟客仔，同侍應有傾有講，依種熱訄真係疫情後好少見，叫到一台都係野食埋單都係二百蚊左右，價錢非常親民、味道又不錯！…Read More

難得有假期，回娘家跟媽咪出外飲茶🫖下午茶時段兩點開始，很多好味的優惠點心😋香麻綠茶餅賣相吸引，口感鬆脆，味道香濃金蒜灼娃娃菜分量頗大黃金流沙包甜度適中，流沙餡料一流海鮮福建炒飯足料好味，有蝦🍤、帶子、翠玉瓜等，媽咪吃都讚不絕口叉燒包餡料好味話梅豬手豬手炆得軟腍得來帶點煙靭，膠質豐富，跟酸酸甜甜的話梅汁簡直是絕配😋陳皮牛肉球新鮮出爐，香甜美味蜜味叉燒腸香濃美味的叉燒從腸粉軟薄鮮蝦腐皮卷皮薄餡靚，腐皮非常酥脆，口感層次豐富椰汁桂花糕賣相精美，甜度適中除了食物外, 最喜歡是防疫安排, 枱與枱之間用上落地膠簾幕, 安全度很高~…Read More

媽咪生日去了新墟的煌府飲茶，比較就腳，因為之前那天吃了buffet還很飽，所以我們特地等到下午茶特價時段才去，平日下午茶茶客不多，主要係老人家，下午茶除了點心是優惠價之外，還有一張藍色的點心紙，更優惠，我全都點那張，三個人吃十個點心，三百元都不用。蝦餃 $15.8👍兩件優惠裝，唔洗驚食剩燒賣 $15.8👍彈牙好食千層薑汁糕 $17.8👍好有薑味，口感強韌，必食！！話梅豬手 $20.8流沙包 $20.8👍好流心，偏甜，就係甜先好食嘛！！必食！！四寶滑雞扎 $23.8👍大件抵食。鮮蝦大春卷 $23.8👍多蝦好脆玫瑰霞豉油雞米線 $25.8✨抵食掛爐燒鵝米線 $38.8✨抵食紅燒皇子鴿 $40🙂略瘦，但唔肥膩。茗茶 $8 …Read More

好少食呢間酒樓但屋企附近選擇唔多，局住去屯門煌府，亦令我第一次要寫食評等左15分鐘一樣野都無黎，我擔心漏單查詢一下，一位黑衫樓面答我等15分鐘都未有係正常，咁我繼續等，但可能因為我呢個提問令到佢之後故意唔serve我。大概廿幾分鐘後食物陸續到，我向同一位黑衫樓面要求攞辣椒醬，但佢對我視而不見，來回ignore左我兩次。講返食物，總括來講係淡無味，亦都係點解我要攞辣椒醬，因為我一家都覺得淡而無味。我3個人叫左6樣菜式，包括頂點特點，唔覺得有邊樣好食。特別印象深刻:話梅豬手，成塊皮都係長毛，我地只能去皮食，0味道，唔咸，唔酸，唔甜，無話梅味，連d汁都係淡。我估計因為佢用急凍豬手，解凍後就煮，所以連毛。因為佢不斷加水加豬手浸，所以淡無味。乾炒牛河，無炒香，用湯河粉，醬味唔夠，牛肉用瘦肉部分，亦無適當醃製，以致極難嘴嚼，根本𡁻唔爛。88蚊既炒河，茶餐廳40幾蚊比佢好太多。炒野就知廚房功力不足。其他乏善可陳，唔講。 總共278蚊。我食完胃痛左個幾鐘，同行兩人就無事，可能我食得最多。結論: 呢個價錢，呢啲質素，一次都嫌多…Read More

父親節一家人去了煌府飲茶點了燒鵝拼米線 $128米線很大碗燒鵝大概四分一隻有部分只有皮沒有肉味道中規中矩🐱蝦餃 $34.8挺大隻皮煙靭🐱流沙包 $26.8皮比較厚但真的有流沙蛋黃味重🐱香茜餃 $26.8味道不過不失料算多，但蝦很細🐱釀茄子$23.8醬汁挺好味一口一件味道不錯🐱煎薄餅$26.8粉多餡少🐱泰式鳳爪$48香辣爽口茗茶 $9@環境方面，舒服好坐服務尚可不過煌府屬中高級茶樓，但沒有豆瓣醬，只有辣油，有點可笑。…Read More

今日補祝父親節，嚟到屯門食晚飯，叫咗隻龍蝦，龍蝦比想像中好食，而且算抵食，推薦。片皮鴨皮都算脆，但包住片皮鴨塊皮真係差，整到爛蓉蓉，而且片皮鴨切太大塊，又多肉、失望。不過整體價錢適中…Read More

母親節前點都要嚟酒樓食返餐，今日嚟到煌府，轉左手後比較少嚟呢一間酒樓食晚餐，味道不過不失，可能因為節日關係，用料都係一般，唯獨個燉湯都算係足料，炒蟹味道都OK，不過蟹肉不算多，整體不過不失。…Read More

今天母親節5位，叫了幾款菜式。菜式都一般可以。唯獨叫了一條星斑，食落去口感像饅頭！叫了主管問，他說石斑和星斑係唔同品種。但我地冇問咩魚同咩魚有咩唔同喎！他說他們不會比死魚給客人吃。我要求主管嘗一下是否不新鮮。他不敢吃！還堅持自己酒樓沒有問題！之後再問一位落單小姐，問她這條星斑為什麼會這樣軟身。她說她不會知道斑是什麼口感！說如果我要投訴，囉條魚去化驗都可以。今天這酒煌府垃圾一樣冇品德的服務態度！不會忘記！…Read More

煌府開左應該差不多一年，未試過就去同媽媽去食，不過價錢比起上一間富臨貴少少，份量仲少左。叫左個頂點蝦腸，望落去都幾靚，但睇清楚其實得兩條，剪成六份，正常蝦腸都有三條，宜家物價貴左，份量開始縮水，茶位宜家都8蚊位😔煌府呢間食物水準不過不失啦，但價錢就唔係平，可能早茶或下午茶比較抵食d，最後埋單都180蚊左右，兩個人食五碟，平均都30幾蚊一款點心，計起黎都唔太抵食，一次半次就算，現場食客睇落都算多，主要上左年紀的人。…Read More

番外篇．煌府雅都商場大翻新帶來了新食場，其實對於區內居民來說，也許酒樓才是大家的「眾望所歸」。前身的酒樓已結業多時，因而對新進場的煌府有一定的期許。屯門煌府感覺較平實低調一些，若然走一貫的婚宴場地華麗風，恐怕會流失屯門街坊食客吧。中檔酒樓的價位，星期六日假日不設下午茶。平日午市小點$15.8 、中點19.8 大點$23.8、特點$27.8、頂點$31.8，茶位平日每位$8，假日每位$9。假日午市小點17.8、中點$22.8、大點$25.8、特點$29.8、超點$33.8 。鵪鶉蛋燒賣(大點)是少有的懷舊點心系列， 除了豬肉外還樣入了明蝦，用料相當新鮮。奶黃先生(大點)煌府有幾款卡通點心， 其中這款小黃人相信會很受孩子歡迎。Minions造型有點走樣， 包身漲發得也太大了， 奶黃餡少得可憐， 吃不出鹹蛋黃的味道， 完完全全是「外貌協會」嘅代表。醬汁蒸鳳爪(大點)上桌時鳳爪東歪西斜的，賣相不佳。個人對酒樓鳳爪甚為奄尖講究，喜歡沒有漲發、泡油處理過，稔滑入味的醬皇鳳爪， 如今能做到的買少見少，煌府的出品亦不例外。豉蒜炒秋葵($58)難得酒樓提供幾款炒菜選擇， 雖然炒菜偏貴，但為著健康也無所謂了。秋葵沒有炒得很香口， 但秋葵新鮮又有粒粒蒜子算是合格， 就是份量不見得很多。風味魷魚鬚($45)挑選的魷魚鬚都是粗身的部分， 口感十足份量又多，如能更酥脆一點便完美了， 是一道功夫繁多的酒樓精點。灌湯餃(頂點)不是傳統的那種灌湯餃， 水準平穩無驚無喜。Go Go Mall為雅都帶來新氣象，但尋味之路從來是不盡相同，愛好飲茶的比起新美食廣場，還是會更歡迎酒樓的落戶吧！…Read More

平平凡凡的一間酒樓，街坊格局，親切感十足，不過裝修還算簇新、光亮。四月份營業到現在為止食評仍沒有多少篇，難道是乏善足陳？就簡單做個報告給大家參考吧？！當天吃的點心有：炸雲吞，賣相不錯，像一朵朵金黃色的玫瑰花，味道也不差，不會太油膩，雖然裡面那粒蝦不是很大。不怕上火的可以一試。鼓椒蒸排骨， 肥肉稍為多，肉的質素不是很好，下面墊了一層厚厚的芋頭，味道普通。另外，有部份點心早午十二時開始有特價，要注意落單時間。…Read More

話說今日喺新墟附近整野 一心整完去飲茶 自從稻香摺左之後 客x好棧又一般 所以就去雅都商場試下煌府一去到 裝修係靚 仲好彩安排到側邊位 唔駛坐喺世界中心 冇咁嘈 打開點心紙 老實講 選擇唔多 而且偏貴 除咗星期一至五會有分下午茶之外 星期六日公眾假期佢都係冇分 一d都唔平 叫咗啲大路嘢 燒賣牛肉鳳爪炸魷魚鬚粉果等等 我又要一個燒腩仔飯同一個星洲炒米等等有15分鐘左右陸續到 個星洲炒米真係不得了 相信佢唔係炒係撈嘅 完全一啲鑊氣都冇唔好食 粉果皮勁厚 又係差 只有係燒腩仔係正常最經典係個魷魚鬚 一直未到 追左三四次每次都話幫我睇下有冇入單 冇人覆 都唔緊要 之後終於搵到一個佢話係冇入單 我話唔緊要咁你幫我轉桂花糕啦 我心諗桂花糕一定係整定㗎啦 你夾出來就得 點知桂花糕到左 炸魷魚鬚就出現啦 大佬你又話冇落單既？！做乜突然間又出現 ？！ 點心ee都話你唔要佢都係計你錢㗎 入晒機 ok 最後我哋都要埋 。 以為熱辣辣 點知都係只係微暖 又咸又細條 一啲都唔好食 難怪間野完全唔使等位 完全午市都唔爆場 最後埋單要$380 都唔知自己食咗啲乜 一次冇回頭…Read More

22/5 惠顧了屯門分店，發現片皮鴨完全貨不對辦 ，10塊片皮鴨，只得3皮稍為有點肉(都是偏少的)，其餘7皮是全皮(有相片證明)，即時通知了店舖高級職員，該職員沒有幫忙解決問題，還與客人爭辯，態度極差，完全沒理會客人，說小姐:我們的片皮鴨是這樣的，不會片肉，你唔係叫烤鴨呀 小姐,因為肉不會煮熟，我聽了之後更加覺得離奇，我不是沒吃過片皮鴨吧，不要那麼耍我，我要求取消這碟片皮鴨，他不肯，說我已吃了，最尾換給我還說鴨會有血的，真的非常奇怪，原本同家人開開心心去吃飯，換來是一肚氣…Read More

今日經過吖都商場見到煌府新裝修一定要入去試下啦， 一入到門口就見到大大個宣傳牌寫 片皮鴨88蚊. 好吸引入咗去即買啦. 先講新裝修先入到去好舒服周圍都係白雪雪金光閃閃好輝煌呀,我哋嗌咗個片皮鴨啦 魚香茄子煲同埋啲甜酸排骨. 先港片皮鴨雖然冇深井嗰個咁新鮮咁多肉汁但係味道都幾好, 然之後魚香茄子煲嚟園已經聞到陣陣嘅魚香味 好熱辣辣好新鮮送飯一流 最後港甜酸排骨呢個甜酸排骨同我平時嘅甜食嘅甜酸排骨有啲唔同佢一夾起上嚟黐滿曬糖膠 而食落口糖膠有黐牙嘅感覺好香口令人好回味唔怪得小朋友食完一舊又一嚿!我哋知嗌咗三度菜大已經食咗一大碗白飯 如果今次五粒星唔返嚟講我會畀四粒星王府味道唔錯繼續keep住落去魚香茄子煲熱辣辣好香口片皮鴨雖然冇深井咁好味但係口感都算唔錯甜酸排骨入口感覺好特別…Read More

嗰日行經屯門鄉事會路， 煌府啱啱開張 ，於是坐低食個中午飯。 兩個人叫咗個香蒜龍仔斑腩蒸飯 ，鮮蝦腐皮卷 ，嗌多個甜品㖭， 蜜餞芝麻芋 。荷葉 墊底 蒸新鮮 班腩， 魚汁滲晒落啲飯度 。飯粒有荷葉 清香 加埋啲魚香非常可口 。鮮蝦腐皮卷 用料新鮮外脆內軟 。甜品芝麻芋，芋頭炸 得好香脆非常可口 。兩個人食得飽飽返屋企。…Read More