YAKINIKU HOMURA (Closed)

午餐真心性價比高，我哋叫了石頭鍋牛舌飯和日式壽喜燒湯烏冬，午市套餐仲包括二款小食、沙律和海帶麵豉湯，食物質素絕對沒有欺場，員工服務態度好好，再者，惠顧兩份午餐，第二份仲享有半價優惠，推👍🏻👍🏻👍🏻…Read More

超低質的燒肉，肉的質素十分差。火爐只有一邊可以用，而且火力控制很難，只會燒不熟或燒燶食物。這餐最好食的是只有那個可以任refill的沙律。 十分不推薦，不知道為什麼會有這麼多好評，…Read More

睇間舖節日都可以即時book位再4人餐6折都深知不妙，見到賣相幾好排頭幾位唸住試下啦。結果真係中大伏，呢舊盛合裡既雪藏肉，燒前燒後都搞唔掂，好似食緊鞋底咁😂😂😂唸住解凍再試下，結果都係好難食 對唔住呢個價位。仲有，呢個燒爐好痴底，點解唔用返網格？下次唔會再黎🙂‍↕️…Read More

情人節諗住近近地食間餐廳，叫咗個情人節套餐，都知道唔會有咩好嘢，平心而言啲肉都唔錯嘅，對比起個價錢都有70-80分，但係呢個鰻魚炒飯真係令人好想講粗口，啲飯又腍，啲鰻魚又梅，成個飯一啲味道都冇。色香味都冇。真心想買樓下紅茶個鰻魚炒飯俾個廚師食，對比下有幾難食…Read More

成日屯門經燒肉 焰，門口裝修用上了木屏風，強烈的日式感覺，呢間日式燒肉餐廳不論味道環境服務都係一流，職員仲會幫你燒烤肉，咁就掌握到最好味嘅火候👍🏻一口牛三食 $128一大碟一口牛配上，香蔥、蒜香、辛辣，幾種口味，咁就大家都啱食！一口牛係燒熟之後先至加上配料，香蔥超級好食，啲蔥有一定厚度，令成個口感提升。菠蘿胸腹肉 $288視覺效果一流，有一整個菠蘿，職員將成個菠蘿肉起咗出嚟，然後將靚靚牛胸腹肉放喺菠蘿上面☝🏻黑毛和牛壽喜燒 $268黑毛和牛雪花狀態兩片大過手掌🤤超級吸引。質感都非常好，職員會幫我哋燒，燒嘅過程非常有技巧掌握最完美熟度。配上蛋黃同飯肉味鮮美，口感極佳！龍蝦尾 $258視覺效果一流，兩條龍蝦尾大大隻，上面鋪滿新鮮蒜蓉，未燒已經好想食！職員會幫你燒佢哋燒得好有技巧，側邊蒜蓉牛油都會放落去。食材高質素簡單少少蒜蓉調味已經好正，龍蝦肉咬落去爽口。特選燒牛肉飯 $168成個飯鋪得好靚，每片牛肉都經過火炙，外層微焦，入面仲係粉紅色非常嫩口，蛋黃鮮黃色質感唔錯， 牛肉醮上蛋黃漿，再配上白飯好好食。焼肉 焰 (屯門)屯門屯順街1號屯門市廣場1期2樓2253A號舖FOODMAZE內…Read More

雖然呢間唔係任食，但係佢哋嘅食物質素仲好過啲任食嘅 一口牛三食 $128呢個牛有3種食法，店員同我地介紹有3隻調味可以配搭黎食，一個係蒜粒，第二係辣蒜，第三係洋蔥粒，個人最推介洋蔥，因為口感爽爽又香口，蒜粒係因為麻麻地食生蒜🙈最緊要係牛肉好易燒 肉味濃郁😻菠蘿胸腹肉 $288呢個係大人氣嘅菜式，每次嚟都有食呢個，空腹肉勁好燒 肥瘦適中 怕油膩嘅可以食埋佢啲菠蘿黑毛和牛壽喜燒 $268黑毛和牛油花分布好靚，入口即溶燒幾秒就已經熟咗 另外配埋佢嘅蛋飯，真係好邪惡 😽龍蝦尾 $258龍蝦尾仲長過我手掌 面頭d蒜蓉粒好多店員教我哋如果唔想喺燒嘅時候令蒜蓉粒跌走晒，可以將啲蒜蓉放晒入牛油角兜度，同時燒龍蝦嘅時候再拎牛油兜落去一齊加熱燒，燒完龍蝦就可以直接將溶化咗嘅牛油加去龍蝦度食特選牛燒肉飯 $168牛肉燒得好靚，燒到半生熟，另外仲有一碟嘅芥末醬油，加落去同牛肉同埋飯一齊食，味道超正 一啲都唔會油膩 凍抹茶鮮奶 $48芒果益力多綠茶 $42…Read More

屯門巿廣場燒肉店 價位是中上餐枱空間位置寛敞 木系舒適裝潢 加上店員服務佳 頻繁地換燒網另外見到午市有特惠套餐 今次試晚餐🥩黑毛和牛壽喜燒(2件)$268黑毛和牛肉味濃郁 由專人負責即席烹製 熱火輕燙和牛再配上蛋汁 口感軟嫩入口即溶 配埋一口飯 超好吃!!!❣️🐂菠蘿漬鑽石和牛胸腹肉胸腹肉口感好軟 漬得入味 新鮮菠蘿是畫龍點睛 超甜!!!價錢都划算🦞龍蝦尾（2隻）$258龍蝦尾加上蒜蓉牛油醬汁 厚肉好惹味 🐮特選牛燒飯$168一片片牛肉蓋在飯上 味道濃郁有口感🤣配埋蛋汁 撈埋一齊食一口牛三食$128比較少脂肪 口感相對地較硬…Read More

最近同朋友去咗位於屯門市廣場嘅「焼肉 焰」食燒肉🥩餐廳環境高級，店員會幫手燒肉，服務周到☺️✨🥩一口牛三食呢款牛肉切到好似骰仔咁，仲有三種調味料可供配搭，分別是蒜粒、辣蒜同洋蔥粒🥰每款都各有特色❗️✨🍍菠蘿胸腹肉菠蘿酸甜多汁，胸腹肉口感柔軟✨🥩黑毛和牛壽喜燒黑毛和牛嘅油脂比例分佈均勻，入口即化，配上蛋汁同飯豚完全唔會覺得膩，好食❗️✨🦞龍蝦尾擺盤精緻吸引，龍蝦尾仲啖啖肉😍建議稍為燒熟之後再剪開，然後再配上牛油燒，非常滋味😳✨🐮特選燒牛肉飯上面鋪咗燒到半生熟嘅牛肉，仲有半熟雞蛋，攪勻之後食，味道豐富！✨🍵凍抹茶鮮奶✨🍍沖繩菠蘿梳打…Read More

天氣轉涼就成日想食燒肉依d 有個爐熱辣辣既野收工黎到屯市就一定揀食燒肉 焰！❣️黑毛和牛壽喜燒見到d 雪花紋就知正店員會幫手燒仲有埋生蛋同埋壽司飯撈埋蛋汁包住壽司飯一齊食牛味香濃，入口順滑真係好好食！❣️一口牛三食切到細細粒，一口一啖仲配有蒜蓉，辣味蒜，京蔥燒完自己調味配京蔥就會香口d❣️牛油蒜香生蠔我地叫左兩隻兩隻都好大隻面頭舖滿牛油蒜蓉同埋蔥花生蠔燒完充滿蒜蓉香味！❣️菠蘿漬鑽石和牛胸腹肉我特別鐘意用水果漬完既和牛因為燒完特別多汁而且口感特別淋身店員燒完仲會排到好靚方便我地食，好貼心菠蘿燒完又甜又Juicy~❣️特選牛燒肉飯係定食形食包埋前菜同埋湯牛肉唔算薄身，都幾有牛味中間有溫泉蛋撈埋d 飯一齊食不知不覺就食左好多飯❣️沖繩菠蘿梳打❣️芒果益力多綠茶…Read More

屯門燒肉天花板-焰呢排返工真係好地獄，搵埋屋企人陪我食，我最鍾意食嘅日式燒肉，焰就不嬲係我哋信心之選，環境舒服，出品穩定一口牛三食餐廳精選一口牛，有齊三款醬汁：蒜蓉、辣椒、香蔥三款醬汁，可以體驗唔同口味既一口肉菠蘿胸腹肉係特選胸腹肉，外層微焦，內裡多汁，肉味濃厚，店員總會貼心幫我哋燒埋菠蘿，菠蘿多汁清甜，啱啱好可以消除肉類油膩感黑毛和牛壽喜燒焰的和和牛絕對有質素保證，黑毛和牛肉眼壽喜燒，肉眼可見嘅紋路漂亮，唔需要擔心火侯問題，配以餐廳秘製醬汁，混合蛋漿令人食指大動！龍蝦尾龍蝦尾肉質爽口彈牙，味道清甜，蝦味仲好濃郁！特選燒牛肉飯每件牛肉都呈完美粉紅色搞勻上面溫泉蛋好好味啊！定食套餐仲有幾款漬物，仲有麵鼓湯！📍燒肉 焰屯門屯順街1號屯門市廣場1期2樓2253A號舖…Read More

呢日同男朋友去左屯門呢間燒肉店食dinner。我地點左黑毛和牛壽喜燒，大大塊既靚黑毛和牛，望落去係紅白分明既雪花紋，放上鐵板上燒，散發肉香，將生蛋黃同白飯撈均，用和牛包住一齊食，勁滿足！另外點左龍蝦尾，龍蝦尾比想像既大隻好多，而且非常新鮮，龍蝦肉燒完之後口感彈牙，充滿鮮味，再淋上熱溶既牛油，令成個味道更昇華！必點既當然有名物！菠蘿漬鑽石和牛胸腹肉，牛胸腹肉喺菠蘿上面，好eye catching，旁邊仲有兩件厚切既菠蘿，燒完又香又甜。特選牛燒肉飯同一口牛三食都好正！…Read More

屯門巿廣場買禮物送朋友，順便約朋友去食燒肉 走進2樓FOODMAZE內既日式餐廳 焼肉 焰，店員為你添上餐前小食 - 椰菜絲沙律配上胡麻醬，最想食A4和牛，揀咗一口牛三食，和牛脂肪分佈均勻，燒熟後肉質鬆軟，充滿油脂香氣，而且食落入口即溶，口腔內滿佈牛脂香，撒上岩鹽令牛味更加突出。菠蘿胸腹肉和牛胸腹肉，肉質鮮艷而且柔軟，濃郁牛肉味道，喺我最喜愛既牛部位，加入菠蘿一併食用，真喺好爽甜呀!黑毛和牛壽喜燒富口感又有肉味，融合了肉類、蔬菜和調味汁的味道，讓人回味無窮。龍蝦尾龍蝦尾厚肉，鮮味彈牙、敖龍蝦味濃而且味道鮮甜，香味濃郁。蒜蓉醬汁將鮮蝦既香味完全帶出，入口時帶豐富味道。…Read More

牛魔王生日，滿足佢要求去食燒肉，之前食過一次，最鐘意係一大盤蔬菜沙律可以refill，店員服務好又坐得舒服，乾淨企理，食完無陣油煙味🥰 ❣️名物！菠蘿漬鑽石和牛胸腹肉 ($288)~ 原個菠蘿同大大塊和牛胸腹肉，朋友話呢個係必叫，原件菠蘿酸甜多汁，牛胸腹肉味香濃， 肉汁豐富😋 ❣️龍蝦尾(2隻）$258~龍蝦尾啖啖肉，用左特調嘅蒜茸醬再用蒜蓉同埋牛油，口感彈牙😊 ❣️黑毛和牛壽喜燒 (2件) $268~黑毛和牛肉味濃郁，油脂充足，熱火輕燙和牛再配上蛋汁 口感軟嫩入口即溶， 配埋一口飯 ，超好吃🥰 ❣️一口牛三食$128~牛肉味濃郁😋❣️特選燒牛肉飯$168~飯面鋪滿燒牛肉，燒完既牛肉油脂好香，配埋生蛋拌飯，食完依個飯，真係好滿足🥳❣️菠蘿梳打$36~好fresh 用黎解膩真係一流😊…Read More

高級日式燒肉總是讓人垂涎三尺又回味，今天到訪位於屯門市廣場的「焼肉 焰」，一家融入日本現代燒肉文化的高級日式燒肉餐廳，主打日本鹿兒島及北海道和牛；以簡約的木系砌築作為裝潢主調，衛生舒適又富現代感；用餐前先奉上胡麻沙律-🔹一口牛三食 $128香蔥、蒜香及辛辣猶如骰子牛般的形態，牛肉緊緻軟嫩略帶筋膜，淡雅的肉香慢慢滲出；配搭香蔥、蒜香或辛辣有提鮮作用，各具風味-🔹名物！菠蘿漬鑽石和牛胸腹肉 $288選用特大菠蘿原個呈上，起肉後放入冬菇、生菜及牛胸腹肉，附上粟米及印有品牌名稱的雞髀菇，極盡心思菠蘿稍為烤熱更香甜多汁，有解膩之用；牛胸腹肉柔軟細緻，脂肪比例不高，肉香甘甜獨特-🔹黑毛和牛壽喜燒 $268兩大片油花分佈平均的黑毛和牛令人垂涎三尺，附上原個蛋黃及小量米飯和牛稍為加熱已可進食，口感柔軟，有入口即化之感，肉香濃郁細膩，油脂豐腴，沾上蛋液及輕甜的壽喜燒醬汁再配搭米飯進食，令人滿足！-🔹龍蝦尾 $258兩大隻龍蝦尾已被起肉，肥大肉厚，灑卜蔥花及附上蒜頭及牛油龍蝦肉雪白而爽嫩彈牙，將熱溶牛油及蒜頭淋上龍蝦肉上令鮮味更突出，滋味無窮-🔹特選燒牛肉飯 $168片片粉嫩的燒牛肉鋪滿在米飯上，加上溫泉蛋，附以芥末醬油、多款前菜及湯品前菜為胡麻豆腐、青瓜及去皮香甜車厘茄；湯品為海帶牛肉湯，鮮味足料燒牛肉柔韌有彈性，脂肪比例低而肉香出色，蘸上芥末醬汁令肉香提升；將溫泉蛋拌勻到米飯中，啖啖濕潤的珍珠米飯充滿蛋香，令人停不了口-🔹抹茶鮮奶 $48啖啖醇厚抹茶香，細滑低甜-🔹芒果益力多綠茶 $42坊間少見的創意組合；芒果的香甜配搭益力多獨特的味道及解膩綠茶，味道天然，毫無違和感…Read More

放工之後，我同朋友去左屯市食燒肉，第一次食燒肉焰，店舖環境同服務都唔錯。店員介紹左前菜同須知，我就揀左以下呢個set試下。🔹秋葉燒炙盛宴 $788▪️呢個餐有豬肉、雞肉、和牛、虎蝦、生蠔、豚肉飯、蔬菜、胡麻豆腐沙律，齊集唔同款式，好豐富🤤▪️前菜🥗豆腐嫩滑，配上芝麻醬，味道唔錯。另外仲有一大盤蔬菜沙律，酸酸地幾開胃，食完仲可以refill，解油膩👍🏻▪️肉🥩➡️和牛部分有牛小排、和牛貝身肉同和牛胸腹肉，三款不同部位的牛肉，口感嫩滑，油脂分布舌尖上，入口即溶。個人推薦牛小排，柔嫩多汁，味道濃郁，配埋醬汁一流！➡️梅花肉燒完原汁原味，燒得外層焦香，煎香剪開之後，仍然保持多汁。➡️雞爽有甜甜地嘅醃肉味道，獨特味美▪️海鮮🦞➡️虎蝦烤熟後保持濕潤感，加上蒜蓉蔥花嘅點綴調味，爽口彈牙，肉質結實！➡️生蠔有兩款口味，分別係芝士生蠔同牛油蒜香生蠔。生蠔夠肥大肉厚，新鮮無腥味 👍芝士生蠔滑嫩，當芝士融化時，一層嘅奶香味散化，令蠔更鮮甜。▪️北海道十勝豚肉丼🍚豚肉有五花腩嘅香味，食落又唔會太膩 ，埋配半熟雞蛋🥚撈飯，食到勁飽。▪️2x芒果益力多綠茶 $42@1芒果味清甜，清新不膩，最啱燒肉之後解渴～…Read More