焸 - 帝王蟹海鮮火鍋專門店 (Closed)

今日去樓下開了一段時間的帝王蟹火鍋吃午餐，餐廳裡面的人不多，原本以為火鍋店午餐都做得不好，但上菜的那一刻，才知道自己錯了，這家午餐做的很有心機，食材配料都非常落本錢做，叫了一個瑤柱蛋白蝦炒飯，先說蝦仁，用的不是速凍小蝦仁，而是很新鮮的大蝦，去了蝦殼，大概有8隻，味道與水準我覺得跟大酒樓168一碟的炒飯差不多，可是這裡只需要五十多元就有，還送一罐汽水，人生第一次吃到這麼便宜又非常成本高的炒飯！實在驚訝，還叫了辣子雞，非常正宗，但可惜覺得雞肉不夠多！但是值得嘗試！

今日和朋友突然想要在將軍澳吃些麻辣口味的菜色，最後尋覓一番後發現了這間火鍋店，我們決定一起去放題。店面位置還好，並不是很難尋找，parkside 後面，我們到了的時候已經10點多了，店內人數並不多，安排我們入座。我們點了一個鴛鴦鍋- 麻辣鍋底（牛油口味）拼蕃茄湯底。店面裝潢與舒適度店面裝修還不錯，就是讓人感覺有些老牌海鮮酒家的感覺，不過非常乾淨！值得稱讚👍🏻！至於舒適度還是可以好些的，因為座位連結了電磁爐，不像其他連鎖火鍋店做的很精緻，這間的電磁裝置有些龐大，讓人坐的有些擠。食品方面首先我想評論一下湯底，麻辣牛油湯底還是不夠驚豔與濃味，本來以為湯底像四川麻辣牛油湯底整鍋都是牛油，但發現只是表面一層而已，味道還好，可以在濃味些！蕃茄湯底反而不錯，酸甜的蕃茄香味還不錯。加點食材很不錯！都十分新鮮！牛肉的肉質很讚，不是普通的肥牛，是在高1-2個級別的肥牛。店家加入了一些不尋常見到的食材，例如淮山面，海菜之類的特色食品，很不錯總括而言，是會來第二次的，唯一希望湯底在濃郁些，畢竟是火鍋的靈魂，而且這樣才可以搭配上店家新鮮的好食材

一直都知道將軍澳南這邊有一家帝王蟹火鍋，初時價錢比較貴，看上去不是很多人吃，但自從推出了任吃，而且148一位，多了很多人，今日我也前來嘗試.真的是太驚訝了，148一位，羊肉隨便吃，在香港已經很少，最重要肥牛也隨便吃，而且是雪花肥牛148一位可以有這麼高檔的牛肉真的還是第一次，其他配菜都很新鮮，而且種類非常多，種類夠特別，四川麻辣鍋裡面還有新鮮的青花椒，水準一流，值得下次再來嘗試，不過要9:00pm後才有148一位任吃！

今晚試過，雖然價錢比較高，材料是好，也算抵食。今晚試鱔片和蠔很正，湯底招牌海鮮都好味，鮮甜。舖不算大，但兩個人吃得很舒服，檯夠大放食物。不少街坊棒場九時特價，好像是八五折。

今晚同舊同事飯聚，冬天搞gathering多數都係火鍋，揀咗呢間冇乜特別原因，純粹係因為有幾位同事都住附近。呢度有英超直播，邊睇波邊邊邊就啱晒。小食係花生豆，紫色嗰隻係紫薯味，都幾特別。食物種類都幾多，成張紙密麻麻。我地揀咗招牌海鮮鍋$188/鍋，海鮮有紅蟹、海蝦同花甲。花甲好大隻，而且好鮮甜，蟹就細隻咗啲。海鮮份量唔算多，所以個湯嘅鮮味唔太出。手切本地肥牛$300 - 算幾大碟，而且唔太薄，牛味濃郁，油脂豐富，正！餐廳每日都有一款海鮮配料特價，今日係大扇貝$38/隻，每人限叫一隻。上碟真係好大隻，當然唔只係個殼，係粒扇貝肉都好大。淥完都冇乜縮水，味道鮮甜，大大粒擺落口感覺好滿足。蟹籽墨魚滑$88，爽彈墨魚味濃，都不錯。法國生蠔$58/隻，上碟好大隻，不過淥完縮水超過一半，味道亦唔算突出。法國生蠔都係生食好。其他火鍋配料質素都唔錯，凍豆腐$58、午餐肉$48、炸響鈴$58。價錢都係一般火鍋店嘅價錢。幾位舊同事，一路食一路分享吓近況，嘻嘻哈哈，又渡過一個愉快嘅一夜。

琴日一家人打邊爐，睇到寶盈花園門口廣告燈箱有火鍋川菜店，行5分鐘到，人都幾多，等了20分鐘有位，坐在靠玻璃位，幾舒服，裝修唔錯，叫了清油麻辣鍋，手切安格斯牛，黑毛肚，牛黃喉，千層肚，馬尾藻，小竹筍，蔬菜盆，完全四川火鍋風格，非常難得，我中意。牛肉雪花分布均勻，肉味濃，冇渣；黑毛肚和千層肚脆爽，但唔可以燙得太耐；馬尾藻稀罕，人生第一次食，清清楚爽爽，配火鍋一流，但晚上好似冇主食，小小遺憾。小竹筍粗纖維，幾健康，食著兩碟，份量少。埋單人均$270有找，幾抵食。

一家八口有老有幼的慶祝生日飯，點知最後食到個個「㷫烚烚」，汗水淋漓，一路食一路爆汗，貼錢買難受。呢間店舖真的完全不能夠接受，感覺沒有空調冷氣，何謂火鍋店。店內就算出動幾部大風機和座地風扇，都不能解決熱的問題⋯⋯簡直就是 熱、熱、熱、熱、熱 .......無限的熱爆就算食物質素有幾好都沒有用，何況又不是特別美味，一般般的材料，又貴。另本人又覺得價格比較昂貴，性價比極低。一次「搵笨」便足夠，以後不會再幫襯

Most hotpot are mass market in tseung kwan o area! This one is the only Nice mid-high end hotpot in tseung kwan o! Beef and squid ball quality comparable to wan chai and causeway bay! Definitely worth a try if you live in the clear way bay/TKO area. Especially for beef lover!

我們幾個老友記有定期輪流請吃飯的約定. 這次輪到我請, 本來夏天熱辣辣不想吃火鍋, 但是聽朋友推薦這間火鍋店很有特色,就決定去試下. 我們老友記三人叫了一個特色的蕃茄湯底. 安格斯肥牛,挪威三文魚還有由雲南空運到港的野生菌等等. 果然有特色. 蕃茄湯底沒試過如此鮮甜, 聽講是廚師有用秘方熬制.肥牛和三文魚也很新鮮. 在這裡要特別推薦野生菌.因為在香港很難得吃到這些天然野生的菌子. 品種又多.健康美味. 店舖的裝修也很高檔, 洗手間干淨又够空間. 絶對够5星酒店標準. . 下次一定還要再來吃一次這間店的炒菜. 

這間新開張我食左幾次火鍋，今次多左每天特價，象拔蚌一條只是390，只限星期五，其它火鍋料價格比以前平左，今次叫左麻辣湯底，超正，本地切牛到現在都回味，侍應態度親切，我試過好多間火鍋店，喜歡這間👍

將軍澳可選擇的食肆不多，有特色又好吃的更是太少，將軍澳廣場附近餐廳已基本試過，昨天休假，傍晚與老公去海邊散步，順便看看大興土木的南區建設，行到唐俊街與至善街見到這家裝修特別高大上的火鍋店，一看門口餐牌，價格不算貴，當然進去大快朵頤，侍應生很熱情，由於當時人不多，著淺藍色衫的（可能是經理）幫我們點菜，介紹了招牌小食、小炒和海鮮，當然還有火鍋，我們只有兩位吃得唔多，也不知道好唔好食，所以只叫了銀杏潤肺湯底，手切安格斯肥肉、金鼓活魚起片，墨魚丸，蔬菜拼盤，藍色衫侍應說份量較大，建議暫時不點墨魚丸，不夠再加，很體貼哦，後來真的發現，這間火鍋店的出品一級棒，湯底鮮甜，每款配料都夠新鮮，份量也夠大，好彩沒有叫墨魚丸，都食唔曬，環境非常舒服，洗手間完全是酒店風格，只是大廳座位有一點擠，可能生意太好吧，埋單時還給了九折（是不是我向藍色衫侍應贊了這個店裝修靚的緣故），哈哈！老公還說終於這次沒有把她帶到“坑裡”，沒想到一餐飯居然能帶來成就感!

是晚，朋友新入伙，幾個好友夾份恭賀喬遷，請到街對面的帝王蟹火鍋打邊爐，紅紅火火，好意頭。一行4人，七時左右到，已有6桌人，裝修唔錯，感覺有點貴，心裡不踏實，是否會超過預算？我們的經濟能力可沒法與朋友比。反正已經進來了，也不好意思離開，叫了4人火鍋套餐，湯底是我們大家都中意的麻辣鍋，麻辣味剛好，還有一串串的新鮮青花椒在鍋裡，越吃越有味，活魚起片，刀工不錯，賣相幾好，手切安格斯肥牛，份量足，牛味濃，無渣，贊，蔬菜拼盤幾新鮮，份量也大，樟茶鴨必須贊一個，完全不似本地鴨子，肉質細嫩，茶香濃郁，但也要說說不足之處，精美小食的三文魚，份量太少，一人一塊，點夠？提議應該加大1倍。是晚埋單$977,人均$244,預算內，開心！

開張果時到依架食過幾次，d服務越黎越差，又無冷氣，我同侍應講咁熱既，佢話係咁架喎食火鍋食到成身出哂汗，你估你呢間野平架？次次最少千幾，d野食係ok，但d服務好唔得，我比咁多錢，得黎的服務好似我求你。d侍應一d笑容都無，你話你係高級火鍋店？我覺得酒樓d服務仲好過你地。無禮的服務態度，幾好食都無用，使錢受你氣？Never come back!!!!!!!我都唔會再推薦朋友黎食。

牛肉唔錯 但只係唔錯 😑 我第一次見鋪頭食物d冰 唔係用乾冰或者用保鮮紙包住 打邊爐熱辣辣 d冰好快溶哂 浸住食物 好快feel到一陣陣腥臭味 攪到食物變哂味 😰 仲要一路食一路佢溶左既冰水開始滴落個身到 😑(定佢係本身就腥？唔知 因為d野食係一次過湧哂上台 十幾碟野 都冇地方放）🙁打電話book枱 員工態度勁差 完全不知所謂 問佢地食法同菜係咩黎 一問三不知😑心諗你係到做都唔知 我點會知？第一次打邊爐出哂汗，冷氣本身已經唔夠 仲要熄人冷氣 .... 冇錯！ 佢係熄左你冷氣！！！！！！智障員工😤😤😤間野價錢唔係便宜 但我寧願比多幾百食其他好過 冇下次！

食物質素吾錯，d野上得都幾快～同好大碟...叫左大肥牛，鱔片，雜草籃，桂花蚌，鯇魚片，烏冬...個湯底醉雞～我地用OpenRice 訂，所以全單有88折...已經同伙計講左幾次係OpenRice 訂，都吾知係有心定無意..都係吾記得整88折食完仲有糖水送～全部都好ok....但係....未試話去間酒樓打邊爐係無冷氣！！我地4個人...全部抹汗...枱枱抹汗同問可吾可以較大d冷氣...但系冷氣已經最大-.-"今次同係大排檔食係無分別...再好食都吾會再去.....