焸 - 帝王蟹海鮮火鍋專門店 (Closed)

前幾日約左個好耐無見既朋友出黎吹吓水（我哋都係住將軍果頭），就比佢捉左入呢間餐廳（焸帝王蟹海鮮火鍋專門店）到，屈左餐放題邊爐食（默哀）。咁走果陣加埋呢樣果樣，埋單個價錢大概就係每位約莫三百蚊左右“落樓”啦，個火鍋餐既食物份量岩岩好。首先佢第一個上果個頭盤係一盤刺身，同埋一盤海鮮，咁都預左呢個價錢，食到既刺身同埋海鮮唔會話多得去邊到架啦，咁就雖然每款得一兩件（人頭計），不過上黎個種類都真係唔少，除番暈計都ok既，然後到個邊爐料，係可以無限添加，所以都唔洗驚話食唔飽。…Read More

留意到呢間舖頭係最近換左福大海報係門口，身為一個TKO人，當然要捧場下La...入去之前，第一件事梗係睇下openrice sin，發現都有啲人講緊佢最新推出ge果個套餐(大海報上面ge刺身火鍋放題)，內容不外乎係:吾夠多，價錢唔算平，味道幾好...由於本人食量少，衝住"味道幾好"呢點，而入去試下的。咁當然，我係拉埋個friend同我一齊落水...然後得出左個結論:叫水:慢服務:中等上菜:快刺身:鮮肉類k湯底:正份量:適中價格:適中其他:雖然知道呢間野到左夜晚就一向都full(我都係提前電話book)，原本都算幾闊落ge座位，係坐滿人再加上d侍應係到走黎走去就比較…但只論食野，就合格ge!…Read More

琴日同同事出開呢頭(將軍澳)，經過呢到見到張大海報，同事話想試下，但見裡面都已經人山人海......不過都試下去問啦，點知甘好彩岩岩好有兩位!入去坐低之後，店裡面啲人都已經忙到吾得閒招呼我地咁制...幾經辛苦甘落左個半放題...原本以為個<海鮮火鍋半放題＞，啲刺身海鮮一定少，點知上桌戈陣，種類原來都好多下。我地叫左一個辣鍋底，一個係蕃茄湯底。湯底味道唔錯，辣夠香，蕃茄夠甜，而且都好入味。不過我地叫戈兩杯水，就叫左幾次先送到黎lo...整體食物不錯，但速度有待改進吧!…Read More

話說最近焸帝王蟹,出左個新的海鮮火鍋半放題,二百幾蚊一個人,果日咁岩同朋友經過開,又見唔洗等位,就入左去試下(之前都黎過呢到食野)。落左單之後,首先會上個刺身拼盤同埋海鮮拼盤,件數唔多,大部份都係人頭計,每位1-2隻,然後開始有牛肉拼盤(好似係3款唔同牛,忘了),肉質幾嫩(只不過數量依然係不多),最後配菜可以任你叫(都係丸,菜,響0果D),包飽...配上個特辣鍋底,正!刺身同埋D海鮮都係幾OK,牛肉口感嫩,雖然份量唔多,但唔夠飽最後都有指定食物可以任叫,總括黎講都可以!…Read More

話說上個禮拜落左去<焸帝王蟹>到試佢最新出既果個半放題，同個朋友黎到，叫左菜無幾耐，個頭盤(刺身)就已經上左先。認真，味道真係唔錯，而且個樣幾岩相機食(我個fd對住佢影左幾張相,不過自己就無影...)賣相好，但如果份量可以多番d就更好...(對於我呢挺大食既黎講有點少)成日聽人講呢到辣道正,,不過可惜我食清湯底...但見個fd係咁"碌",我諗應該都係唔錯既最後...店內環境唔錯, 比較暗,望落感覺幾舒服…Read More