Mugen Ramen

好耐無食拉麵，有d掛住，知道呢間係過江龍店，今晚又唔洗排隊，就即入小店好有日本feel，係入座前要喺部點餐機落單付款先，然後入座，都幾好，可以食完走人，唔洗等人過黎先埋到單1）特製和牛牛骨白湯拉麵初初有小小擔心d和牛會唔會好似餐牌既圖片咁，d和牛係鮮紅色，好彩上碟時係剛熟的暗紅色，好好多😆😆😆 即刻飲啖湯先，好鮮甜、唔鹹，仲想飲多幾啖的感覺，拉麵掛汁，材料豐富，仲有燒到焦香既叉燒、同1隻開邊糖心蛋，超滿足！圍碗邊既和牛夠薄切，唔「溜」👍🏽👍🏽2） 牛骨麻辣叉燒拉麵 呢個食得小小辣既一定要試，就算我去日本，都未食過麻辣湯底既拉麵，而且湯底都係掛湯，叉燒雖然肥美，但一d都唔膩口，仲係燒到有微焦👍🏽👍🏽3） 迷你火炙叉燒丼飯 呢個火炙叉燒飯好好食！新鮮熱辣奉上，而且有炭燒焦香味，叉燒切到細細粒容易食，真係非一般的叉燒飯哦，係食唔夠喉的感覺～4）特製和牛丼飯呢個和牛配上日本生蛋黃撈汁咁食，濃香蛋汁同和牛都係咁夾，一啖肉加啖飯，呢個有超滿足的感覺！蘋果汁係日本架，圓筒紙盒包裝好得意😄聽住日文歌喺bar檯食拉麵，真係好似喺日本咁呀！服務好貼心，每張櫈下面都有個籃可以擺嘢，亦都唔催人食完就要走，咁就食得唔洗趕#無限拉麵 #灣仔拉麵 #日本過江龍 #牛骨白湯 #日本拉麵…Read More

餐廳：無限ラーメン地點：灣仔皇后大道東菜式：日式拉麵餐牌：四款拉麵、迷你丼飯、小食、飲品特製和牛牛骨白湯拉麵 $168特製和牛牛骨白湯拉麵賣相一流，一共有9大塊和牛圍喺碗邊，粉嫩又淋，牛味好濃，點少少湯食超正。個奶白色牛骨白湯起嗮白泡，好好飲又唔覺有味精或者油膩，牛味唔錯，好厚身又滑溜。其他配料仲有甜甜地好香口既火炙半肥瘦香脆厚切叉燒兩塊，糖心蛋一開二，扁筍，洋蔥碎，蔥花同菜苗，材料豐富。麵條係幼身，有咬口又有蛋香，好味。牛骨麻辣叉燒拉麵 $108呢款牛骨麻辣拉麵好特別，湯底一樣用牛骨湯但加入麻辣風味，麻辣味勁香，辣得過癮。其他配料有一件叉燒，肉碎同蔥花。好有中式風味。特製和牛丼飯 $28特製和牛丼飯細細碗，飯面加有好多粉嫩和牛片，溫泉蛋黃一隻同蔥花配七味粉。整穿隻溫泉蛋黃先，撈埋和牛同d飯，和牛汁少少甜甜地，原來加有少少日式芥末，加埋蛋黃汁入口更滑溜。餃子 $45餃子一客5隻，皮煎得燶面，口感又脆又帶少少煙韌，咬開入面有肉有菜，點埋枱上面既餃子醋食更加好味！青森蘋果汁 $20從來未見過呢款蘋果汁包裝，好新奇。今餐拉麵好正，真心推介牛骨白湯拉麵，其他食品質素都好高。餐廳環境乾淨衛生，坐得都舒服。…Read More

無限ラーメン喺灣仔超人氣拉麵店，賣招牌豚骨湯底，濃郁香滑又唔油膩，麵條彈牙有嚼勁。配料豐富有叉燒、溏心蛋同蔥花，食完好滿足。環境簡約舒適，服務親切，食拉麵嘅好地方！🍜無限ラーメン嘅特製牛骨白湯拉麵湯底濃郁醇厚，帶牛骨香味，口感滑順温暖，非常滋味。牛骨麻辣叉燒拉麵則係辣味十足，麻辣香氣濃烈，叉燒肥瘦均衡，肉質嫩滑香濃，辣得過癮但唔會太嗆。餃子外皮薄脆，內餡飽滿多汁，味道鮮美，是絕配小食。🍜🔥😇…Read More

📍無限ラーメン😍灣仔高質素拉麵👍🏻～特製和牛牛骨白湯拉麵😍好耐冇食過咁正嘅拉麵😍牛骨白湯非常香濃👍🏻麵條爽口彈牙❤️特製和牛入口即溶😘～牛骨麻辣叉燒拉麵❤️第一次食麻辣拉麵😎估唔到味道又幾正喎😘牛骨麻辣湯底整得非常之香😍叉燒肉質鮮嫩🤪麵條非常正👍🏻～餃子😛高質素嘅日式餃子❤️皮薄餡多👍🏻～青森蘋果汁😘非常鮮甜嘅蘋果汁😛蘋果味好重👍🏻～順帶一提😛餐廳環境靚😍食物質素高🥳店員服務態度好👍下次一定再嚟食😎📍無限ラーメン (灣仔)灣仔皇后大道東130號地舖…Read More

大阪過江龍人氣拉麵店登陸灣仔，主打極濃厚牛骨白湯拉麵，開業不久便吸引了大量食客到訪及熱捧，湯底曾於午市售罄，認真誇張。特製和牛 牛骨白湯拉麵 ($168)有溏心蛋、叉燒、西冷牛肉以及葱花等配料。湯底用上大量牛骨長時間熬煮而成，呈奶白色，質感濃稠，拉麵用上掛汁力強的幼麵條，食落啖啖濃郁牛骨風味。牛骨麻辣叉燒拉麵 ($108)嗜辣者更可選擇麻辣，湯頭濃郁辛香，辣勁十足。叉燒帶有適量脂肪，吃起來口感軟嫩多汁，有陣陣油香但不油不膩。每一條麵條都依附着濃厚的湯汁，過癮刺激。青森蘋果汁 ($20)味道香甜，果香充沛，解辣一流。…Read More