Video
7-min walk from Exit B1, Sham Shui Po MTR Station
continue reading
Telephone
34861626
67906920
Introduction
This Chinese restaurant mainly serves grilled fish, skewers and hot pot with dozens of choices. The dishes offer spicy and non-spicy flavors. Besides, it provides different fishes and ingredients for the signature grilled fish which is served with Sichuan and Hunan flavors.
continue reading
Opening Hours
Today
17:00 - 01:00
Mon - Sun
17:00 - 01:00
Above information is for reference only. Please check details with the restaurant.
About Reward Scheme
Recommended Dishes
Signature Dishes
放假落大雨真係影響心情，想心情變靚就去搵下好嘢食，男朋友帶路去深水埗福榮街食烤魚加燒烤，滿足重口味嘅我😍呢間餐廳好多元化，有串燒、烤魚、雞煲，仲有打邊爐。而且價錢好抵食，我哋就點左烤魚、蔬菜加燒烤串燒😋烤魚揀左江團魚$298鮮青椒味+$20可揀辣度，揀左小辣，有好多青椒粒、藤椒舖面，烤魚大條厚身，魚皮有陣陣香烤味道，魚肉雪白緊緻又軟嫩，啖啖鮮魚香而沒有腥味。湯底味道濃郁惹味，所以我們再點了一些配菜加入湯底，有即炸響鈴、粟米、萵筍、土豆片和生菜！燒生蠔（4隻）$88香噴噴嘅蒜蓉、配上新鮮嘅生蠔，鮮香味無窮燒鮮魚卜（2串）$36坊間極少有的菜色，於餐單見到時毫不猶豫便點選！外層軟糯，內層爽脆，調味恰到好處燒海蝦（2隻）$26大隻厚肉，肉質緊實，味道鮮甜燒白鱔$38皮脆肉彈牙烤茄子$35每次食燒烤必食，茄子經過烤製後質地變得柔軟，蒜香味十足燒韭菜$13條條嫰綠分明，惹味香口﹗燒秋葵$18平時秋葵中間滑潺潺未必人人鍾意食，但燒完就變咗乾身仲要脆卜卜總結：烤魚、配菜份量十足，燒烤食材新鮮調味惹味，當晚越夜越多人👍🏻
continue reading
好耐冇出深水埗食飯, 深水埗素來有平民美食天堂之美譽, 今晚揀咗間有生啤飲、有串燒食, 也可以食雞煲、打邊爐及食烤魚的食店 ~ 烤吧31。窒外開放座位今天收5：00, 早食早享受, 食店裝修上復古的紅磚牆, 很RAW很舒服的視野。至於食品方面, 數十款即叫即燒串燒, 雞、魚、牛、豬、海鮮齊備, 多款烤魚可自由配湯底, 有辣有唔辣, 也有雞煲及打邊爐湯底, 藥膳牛骨湯底好吸引呢。烤吧當然少不了酒精, 除咗呢幾款啤酒, 還有好多其他牌子, 黑啤都有供應。鎖匙生啤 ($26)食串燒又怎能少了這杯生啤呢？ beck's 品牌的生啤還是第一次飲, 麥味較濃厚, 幸好是生啤, 夠凍冰之餘, 口感清爽, 配濃味的串燒食物剛剛好。川味無骨鳳爪 ($38)香香辣辣, 佐酒一流。串燒推介 ;1. 燒白鱔 ~ 白鱔出名油脂豐富, 燒得皮脆肉爽, 油香四溢。2. 雞泡魚乾 ~ 有點嚼口, 甜甜地烤汁, 日本居酒屋佐酒名物。3. 雞全翼 ~ 大大隻, 雞皮燒脆口, 雞肉香滑, 鹹香惹味。4. 燒新鮮天梯 ~ 天梯即猪的上颚, 出名爽口, 撒上椒鹽辣椒粉, 惹味非常。5. 臺灣腸 ~ 很久沒吃台灣香腸了, 烤香腸雖然唔健康, 卻是最無敵美味食品, 燒得脆皮肉汁香, 欲罷不能。6. 燒日本蕃薯仔 ~ 微甜, 軟糯, 美味又健康。7. 燒墨魚咀 ~ 墨魚咀濕潤爽口, 撒上辣味粉才上檯, 香香辣辣, 飲酒良伴。8. 燒牛脷 ~ 有啲似食緊牛肉乾感覺, 但就帶點爽, 略略燒過火咗少少, 如果改用厚切牛脷或燒烤時間短返啲, 牛脷應該帶點肉汁才是最好吃。墨魚咀濕潤爽口沙巴魚剁椒豆豉味 ($368) 另加配鮮腐竹、豆卜、萵筍、云耳 ($68)食店供應六款烤魚及五款湯底味道, 有辣有唔辣, 剁椒豆豉味坊間少有, 當然試這款新窩底。大量剁椒、豆豉及香芹, 沙巴魚原條煎香放烤爐, 好大條, 食極都仲有, 魚肉尚算嫩滑, 湯底滾久也不算辣, 辣味平和, 魚肉索汁後, 入口香辣鹹香, 有豆豉的鹹香, 豆卜實口, 鮮腐竹滑口, 索汁一流, 口感覺各有優點。如果食得落....其實都有啲想叫埋佢哋碟牛肉......用剁椒湯底打邊爐
continue reading
早幾日去深水埗探朋友，晚上朋友帶我去附近食烤魚，這店不是很大，但環境幾舒適，而且有戶外座位，對吸煙人士相當友好。蒜香酸菜炸江團魚，十分大盤，賣相亦很吸引，店員介紹江團魚很少魚骨，而且肉滑，所以就選了江團魚，果然非常少骨，小朋友食都不怕，肉質相當嫩滑，比想像中更好味，湯汁味道調校恰到好處，酸酸辣辣，又不會太辣，好正！秘製牛筒骨，比較特別，筒骨都好大條，鋪滿金香的蒜蓉，入口有香濃的蒜香，亦有骨髓的油香，幾惹味。烤生蠔，好大隻又飽滿，鋪上蒜蓉一齊烤，十分香，入口熱辣辣，非常軟滑，好香口，這個必定要試。燒田雞，原隻切開上，外型有點趣怪，肉質都幾嫩滑，燒得很香脆，但田雞不是很厚身，都幾美味。燒水魷超爽脆，味道不錯，值得一試。燒牛肉，肉質夠嫩，口感不錯，味道比較濃郁。燒墨魚嘴，都算大粒，脆中有軟，相當惹味，沒想到墨魚嘴是那麼好食，未食過的朋友必定要試試。
continue reading
昨日係深水埗和友人晚餐，朋友想食串燒，上open rice 介紹最近係烤吧就入左去。開頭見到八點幾唔係太多人，都驚會有d 伏，但估唔到有驚喜喎。坐低好職員已經好有禮貌咁問我地飲唔飲生啤。串燒，如牛胸爽等（⭐⭐⭐⭐⭐）串燒方面，首先黎到係牛胸爽，食第一啖即講好味喎，一黎香港唔多覺好多串燒鋪有，同埋爽口得黎又有d juicy 感覺，建議必叫。雞軟骨，唔太乾，帶有少少脂肪口感仲好；雞翼外脆內嫩，孜然味香味撲鼻；韭菜同五花肉就相對冇咁出色。豬骨筒 （⭐⭐⭐⭐⭐）好似食豬手咁，有少少脆皮，裡面就滿滿骨膠源。如果唔介意用手揸住黎食係好正，呢樣都係其他串烤鋪唔覺有。燒海鮮（⭐⭐⭐⭐⭐）燒海鮮方面都好有質素，扇貝連金菇蒜蓉新鮮惹味，想清哂d蒜同金菇；白鱔脆皮爽口，肉香，彈牙，充滿魚香；燒蠔係最意想不到的大隻，鮮甜，唔似大陸果d 細細粒鋪滿d 蒜就算，少d蒜更食到蠔既鮮甜，必點。燒蝦有少少辣，但仍覺鮮甜。烤魚（⭐⭐⭐⭐⭐）我地點左江團魚，唔多骨，本身係唔辣嘅，不過可以加辣。少辣得黎仲充滿魚味。啖啖肉魚咀滑，魚腩彈牙，加烏冬土豆做配菜仲正。總括黎講，我覺得服務同食物質素都一流，下次應該會三五知己去食。~~~~~~~~~~~~~~~~~~~~~~~~~~ 烤吧31深水埗福榮街25-31A號新榮大樓地下E號舖👍地道風味 👍環境寧靜 👍味道香濃
continue reading
呢間係深水埗嘅烤魚及串燒都非常不錯，店員服務態度親善有禮前菜叫咗個芥未魚皮，唔會好辣，魚皮香滑爽口蒜蓉牛油娃娃菜嘅份量都算多，底層仲🈶粉絲，娃娃菜充滿牛油香味生蠔一碟4隻，蒜蓉味香濃，蠔肉肥美多汁烤魚揀咗鮮青椒味江團魚，另外再加大豆芽、蓮藕片、秋葵➕ 滑豆腐，除咗豆腐係碟上之外，其他配料都放入鍋內一齊煮。魚肉香嫩入味，食落又辣又麻，十分開胃燒物叫咗雞全翼、雞腎、海蝦、白鱔，件件都燒到好好味😋燒紐西蘭羊架唔會羶， 韭菜亦好香嫩飲品叫咗一札竹蔗茅根水，份量十足，兩個人都飲唔晒，而且唔會好甜，值得推介👍🏻
continue reading