The Fly Place (Kowloon Centre)

一直對呢一間餐廳好好奇，因為個名好特別，上網一search原來係代表喺四川烏蠅館意思係「味道不錯嘅餐廳」！ 呢間係食烤魚，即刻打去book book位！《 烤魚自選組合 $ 398 》 - 清江魚 ， 包一款小食及三款配料。「清江魚」揀咗*招牌香辣（小辣） - 魚肉結又肥美，肉厚嫩滑。湯底入邊本身有木耳、菇片、金菇，整體小辣好惹味。小食揀咗 「 爆海红糖滋巴（全份）不拼薯格 」- 即炸熱辣辣 ，入口香糯，中間有流心红糖，好好食！三款配菜揀咗 「鮮淮山片 、鴨血、特級香菇貢丸」*全部配菜都可以加錢點全份*鴨血半幾滑，鮮淮山片爽口，貢丸爆汁彈牙！另外散點 「 四川寬粉 」全份 $13食烤魚我一定會落寬粉，吸晒佢啲汁好惹味～「蟹肉棒 * 半份 $25 」 「雲南豆皮* 半份 $18」 呢款腐皮唔會溶，掛湯好味～《成都老酸奶 $20》大陸啲酸奶好好食，好似布甸嘅口感好滑！《桂花蜂蜜 $18》《原葉梅檬茶 $18》《 檸檬蝶豆花（凍）$18》 …Read More

呢間位於亞士厘道嘅烏蠅館係一間主打四川成都菜嘅餐廳！食物款式多元化，提供烤魚、冒菜同串燒等等！今次就決定來食下呢到嘅招牌烤魚先😋～🌟烤魚自選組合係食烤魚必叫嘅超值套餐！包含咗烤魚、一款小食同埋三款火鍋配料～✨招牌香辣烤魚 烤魚簡咗餐廳推薦嘅清江魚！清江魚味道鮮甜，肉質結實而肥美！配搭招牌香辣湯底，令人越食越滋味！底層仲有芋絲、金菇同埋木耳等等～✨四川傳統酥肉酥肉炸到金黃酥脆！表面灑滿咗孜然粉！香口又惹味，令人停唔到口啊～✨精選牛板腱牛板腱肉質柔嫩，牛味濃郁～✨豆腐入口嫩滑，香香辣辣好入味～✨鵪鶉蛋鵪鶉蛋充分地吸收哂湯底嘅精華，味道有驚喜～✨鮮蝦滑蝦滑味道鮮甜，爽口彈牙～✨雞肉串雞肉串味道鮮美，保持咗豐富嘅肉汁！仲加咗孜然粉去增添風味添～✨牛肉串牛肉串嘅味道就再濃厚啲，肉香四溢！同樣都加咗孜然粉去提味～另外，每位只需+HK$28，仲可以享受到無限暢飲多款無限酒精飲品添啊～…Read More

週日黃昏同朋友一齊嚟咗呢間川式烤魚兼打邊爐餐廳食晚餐🤩依家有特價 $398「烤魚自選組合」，包「清江魚」（自選口味）+ 一款小食 + 三款烤魚火鍋配菜 🤣小食揀咗「脆脆午餐肉6片」：午餐肉炸到外邊脆脆哋，夠晒香口🤣食「清江魚」之前食咗個 $45「大澳蝦醬通菜」：通菜幾新鮮兼爽脆，加咗蝦醬一齊炒，味道濃郁，勁有鹹香🤣「清江魚」揀咗唔辣嘅「蒜香口味」，上枱嘅時候「清江魚」放喺一個四方鍋裏邊，要煲滾之後先可以食🤣，「清江魚」多肉、肉厚、肉質肥美兼嫩滑，有勁多蒜蓉放咗喺湯底裏邊煮，湯底味道十分之濃郁，充滿油香兼且鹹味十足🤣三款烤魚火鍋配菜分別揀咗「萵筍（全份）、黑豚肉（半份）、特級香菇貢丸（半份）」：全部都幾好味道🤣餐牌仲寫住《每位加 $28可暢飲無酒精飲品》🤣，咁我哋飲咗「檸檬蝶豆花（凍）、人蔘烏龍茶、無糖可樂、黑糖桃膠鮮奶（凍）」，如果可以叫「少甜少冰」嘅我哋都叫咗，全部都清新幾好飲🤣仲加咗一個 $46「花雕雞半份」：花雕雞肉質非常軟滑🤣…Read More

上司話想搵我陪佢食辣嘢，放工同佢一齊去咗位於尖沙咀亞士厘道的烏蠅館，隱身於九龍中心大廈的地下，餐廳獨特的川菜風味，輕鬆的用餐環境，舒適而不失熱鬧的氛圍，吸引了不少食客，非常適合與朋友聚餐。烤魚清江魚、招牌香辣晚市的烤魚不容錯過，我點了招牌香辣的清江魚，魚的外皮烤得金黃酥脆，內裡依然保持著鮮嫩的口感，配上特製的香辣醬，帶來一種香辣誘惑。烤魚的份量相當驚人，適合與朋友分享，大快朵頤。四川傳統酥肉（孜然味，拼薯格）喜歡食薯格，酥肉，外脆內嫩，香味四溢，令人忍不住想要一口接一口。精選牛板腱（半份）牛板腱肉質鮮嫩，煮得剛剛好，搭配香辣的湯底，每一口都充滿了川菜特有的辣味和香氣。蒜泥白肉烏蠅館的小食是必點的招牌菜之一，蒜泥白肉的特色在於其豐富的爆蒜，秘製香料醬汁和醇厚的白肉。豬肉片薄而滑，搭配蒜泥的香氣，讓人胃口大開。川式芹菜牛肉紅油水餃（4隻）紅油皮蛋（小食）除了主菜，烏蠅館的小食也相當吸引人。我嘗試了紅油皮蛋和川式芹菜牛肉紅油水餃，紅油的辣味恰到好處，每一口都讓人驚喜。而紅油水餃則是經典的川味小吃，餃子皮薄而Q彈，餡料鮮美。香菇貢丸（半份）豆腐（半份）冒菜中的配料選擇也相當多，包括豆腐、香菇貢丸等，讓整體的口感層次更加豐富。稻庭烏冬清江魚作為底料，烏冬吸收所有湯汁精華。暢飲無酒精飲品 $28/位黑糖珍珠鮮奶（凍）白桃寒天綠茶（凍）西瓜啵啵冰（凍）黑糖桃膠鮮奶（凍）至於飲品，CP值很高的暢飲無酒精飲品，黑糖珍珠鮮奶和白桃寒天綠茶都非常受歡迎。黑糖珍珠鮮奶的口感滑順，珍珠Q彈，甜度適中。而白桃寒天綠茶，檸檬百香果，西瓜則清爽解膩，特別適合搭配辛辣的食物。整體服務也相當周到，服務員熱情友好，對於菜品的介紹也非常專業，讓人感受到賓至如歸的感覺。這裡的烤魚絕對不容錯過，下次再來享受這美味的川味盛宴。…Read More

天氣濕濕立立，最啱就食吓辣嘢去下濕。咁啱朋友仔又係一個「麻辣控」。 呢晚一於去出名食辣嘅「烏蠅館」試吓師傅嘅手勢！由iSquare行過去大概5分鐘就到達餐廳，橙橙紅紅嘅裝飾好吸晴👀 嚟得幫襯，梗係要食辣啲🤭 呢晚我哋點咗幾個小食同烤魚，一於辣爆佢！✨風味小食蒜泥白肉 - 半肥瘦嘅白肉配合餐廳特製醬汁，味道唔會太辣，但係入口就非常惹味紅油皮蛋 - 香辣嘅紅油淋上糖心皮蛋，口味好特別川式蓮藕豬肉紅油水餃 - 水餃餡料非常豐富，咬落去啖啖鮮肉仲有啲蓮藕粒，口感好豐富✨香辣烤魚招牌香辣海鱸魚 - 以往一向只會食麻辣醬烤魚嘅我，呢日就聽服務員介紹試吓新口味！由30幾款香料煮成嘅醬汁，餐廳仲細心到可以比客人選擇少油少鹽。配埋肥美嘅海鱸魚一齊食，湯汁香辣得嚟又唔會蓋住魚肉嘅鮮味，的確係一個唔錯嘅新嘗試！之後我哋仲嗌咗啲火鍋料加入湯汁一齊食，呢餐真係好豐富呀！✨甜品醬爆紅糖糍粑 - 即叫即做嘅紅糖糍粑，口感煙煙韌韌咁，一啖咬落去，紅糖醬爆晒出嚟... 香濃嘅紅糖味道，口味令人喜出望外😉餐廳整體食物質素同唔錯，服務員對客人有傾有講，仲會因應客人口味介紹唔同食物，充滿人情味！朋友仔果然冇介紹錯！！📍 #烏蠅館 🪰 （尖沙咀）亞士厘道29-39號九龍中心大廈地下G29號舖…Read More