Yummy Dino‧Mr. Dino

第二次嚟呢度同小朋友生日，已有哂生日佈置唔使煩。嘢食有薄餅，意粉，意大利飯，小食，烤雞，豬手，甜品等等，大人細路都啱食。生日小朋友仲有隻公仔送。仲有各款玩具，boardgame同電子遊戲機玩，大家都玩到唔捨得走。…Read More

服務態度差等咗好耐先可以落單落完單要等好耐先有嘢食中間出去玩玩具啲玩具又壞又污糟個夾公仔機完全冇力水bar唔開燈餐廳環境裝修好差唔明點解H8會租呢個相俾佢哋又叫我哋去參加佢嘅會員制之後就話會取消我哋OpenRice 嘅訂座紀錄…Read More

去到尖沙咀帶小朋友食飯，就梗係要去啲親子餐廳啦厚福街一上到去就發現到呢間恐龍餐廳，上邊啲佈置係全部都恐龍嚟㗎，咁啱有人準備開生日會，佢仲可以免費佈置得好靚㗎🥰佢有好多board game ，又有遊戲機射籃球都好適合大人玩，當然啦，仲有好多啱小朋友玩嘅遊戲嘢食方便都唔使擔心，我哋今次嗌咗一個豬手拼盤，有燒大蝦，燒菠蘿，仲有幾款燒腸仔，個豬手個皮好脆啱啱好唔太鹹，炸薯角大人小朋友都啱食仲有兒童餐，有個白汁意粉炸魚薯條，仲有少少生果夠晒健康👍🏼佢有好多嘢飲都好特別，可以一路玩一路飲，仲要唔限時真係聚會嘅好地方…Read More

前排同幾個朋友帶埋啲小朋友一齊去咗呢一間餐廳，發現呢度真係有驚喜，店舖入邊嘅環境都好大，餐廳以恐龍做主題，有唔同嘅恐龍模型同埋有好多種類嘅玩具，再加上有小朋友啱睇嘅書籍仲有遊戲機，直頭係開party嘅好地方。餐廳嘅嘢食都幾好，我哋嗌咗幾樣嘢，差唔多都有驚喜，特別係佢個西班牙海鮮飯同埋安格斯意粉，真係加分，其他食物都好唔錯，至少我哋食晒冇留底，清碟。仲有悉心照顧小朋友嘅恐龍兒童餐。小朋友食飽之後去咗玩遊戲打機，眼見有其他嘅家長成員陪同小朋友一齊睇吓圖書，玩吓益智遊戲，感覺都好溫馨。最重要嘅係，餐廳仲有彈珠機玩，一有小朋友玩嗰陣時，成班小朋友一齊就擁晒過嚟，玩得好盡興。個人認為呢度如果要舉行家庭聚會的話或者舉辦小朋友生日會的話，係一個唔錯嘅選擇，又有啱大人食嘅嘢，亦都有啱小朋友食同玩嘅嘢，真係可以玩足一日。…Read More

朋友帶我哋去咗尖沙咀一個恐龍主題親子餐廳，呢度充滿驚喜同歡樂！一入到餐廳，哇，成個空間都係恐龍主題，牆上、枱上到處都係恐龍擺設，連餐具都係恐龍造型，超可愛！仲有兩隻恐龍公仔喺門口同你say hello，超有氣氛！小朋友一見到已經興奮到飛起，大人都忍唔住影相打卡！呢度真是一個親子天堂！除咗恐龍裝飾，餐廳仲有好多玩意：賽車機、籃球機、街機、夾公仔機、彈珠機，樣樣齊全，滿枱都係玩具，小朋友玩到唔捨得走！仲有board game畀大人hea玩，無論大人細路都啱晒！如果想幫小朋友搞生日會，呢度絕對係一個好選擇，氣氛同設施都好適合！霸王龍小食拼盤 ($148)：炸雞翼、薯條、洋蔥圈一應俱全，外脆內軟，適合一班人share！招牌西班牙海鮮飯（細）($188)飯粒吸晒醬汁精華，濃而不膩，份量啱晒2-3人share！夏威夷比薩 ($98)菠蘿同火腿嘅經典組合，芝士拉絲好邪惡！不得不提，入面有兒童餐 ($85)有意粉、炸物、水果、蛋糕、賓治同一個超可愛嘅恐龍玩具！啱晒小朋友嘅胃口。今次我哋一行5人點咗唔少飲品同菜式，總消費$844，價錢親民，食物份量夠，味道又唔錯，環境又好有特色，玩樂設施仲要多到唔想走！性價比真心唔錯！啱晒輕鬆聚會！「為食恐龍餐廳Mr Dino」真是一個大人細路都玩得開心嘅地方！食物選擇多，味道親民又唔失水準，環境充滿童趣，仲有唔少玩樂設施，無論大人定小朋友都玩得開心！絕對係親子聚會嘅好去處！如果你想搵個地方同屋企人或朋友輕鬆聚會，又食又玩，呢度真心推介！快啲去同恐龍們一齊開餐啦！🦖…Read More