炳記茶檔

Open Now

Now Closed

鐘意開就開（寫到明叫你來之前睇ig), 鐘意賣就賣(繁忙時間唔做外賣、買一兩件唔賣）。野食不過不失，價錢不貴但也不算便宜，試過一次基本唔會回頭，典型的游客打卡食店。

大坑炳記：十幾年前大坑五光十色嘅時候個人留下不少腳毛、順興、民聲、炳記、每一家都10分精彩、但自從骨幹成員種種原因不在其位的時候、質素開始下滑……. 今日嘅炳記車水馬龍，水吧位靈魂人物不在其位換來幾位姐姐處理、雖然食炳記我都唔係食味道, 係食風味、唔應該抱太大期望，但係味道真係每況愈下，我叫個豬扒爽麵，豬扒腌到有一層黑色「暗黑聖衣」嘅醬汁喺外面，又唔鬆化，爽面medium rare , 可惜面質問題蠟味10分重，多士就零特別，只要屋企有部多士機都可以做到，個人認為食厚多士必定係跑馬地昌記、薄多士必定係觀塘海潮

縱然因為愛，每個星期例牌至少一次山長水遠過去食一餐，為嘅一份情懷。可惜呢份愛會逐漸逐漸變淡，只因為得唔到我希望得到嘅小小回應。其實顧客肯經常黎，其實心底裏都係想同你地熟絡啲姐，唔係話要搭晒膊頭攬晒頸，而係最基本say個hi或者講聲早晨. 可惜我單獨嚟咗踏入第三年，仍然好似一個生客咁🥺最重要就係加埋啲嘢食嘅水準真係差咗，可能因為本身沖奶茶嘅走左去整多士，本身整多士嘅人唔知走咗去邊。咁就出事，原來求其搵個人頂都唔係辦法。仲要近日加咗價，係每樣食物加一蚊，我平時叫四樣嘢（奶油多/火腿/煎一隻蛋/熱奶茶）即係加咗4蚊。（加咗10%）😨真係有諗過唔再專登去，唔知為乜！

見到好多留言話奶茶好飲，唔通我去咗平衡時空？凍奶茶熱奶茶都點咗，兩個字：勁失望，茶底淡而無味，亦冇奶香！點咗豬扒丁，好明顯冇用出前一丁，而且個面未淥熟就上台，勁hea 咯！山長水遠由元朗慕名而來，除咗失望，都係失望！名過於實，冇下次

🍪【#銅鑼灣】炳記茶檔💥大坑親民大排檔 足料大份早餐💥.🍪寧靜社區的熱鬧大排檔，十點後開始現人龍！~~~~~~~~~~~~~🍽 餐蛋出前一丁$20（3.5/5）麵條硬度剛好，煎雞半熟流心~.🍽 鹹牛肉雞翼米粉 $30 （4/5）如果鹹牛肉同雞翼係熱就正！.奶茶 $17 （3.5/5）.~~~~~~~~~~~~~味道 Taste：🍪🍪🍪🍪/5環境 Ambience：🍪🍪/5💸消費 Spending：$ /人 Person🔥推介度 Recommendation：4/5.📍 炳記茶檔@bing_kee.

係愛定係責任啊？好明顯係愛啦🥰每個禮拜專登過海嚟食大排檔，可惜仲未得到老闆嘅認同😭今日本身諗住去點知忘記咗原來係星期日一，超級失望😮‍💨雖然早兩日睇到IG話佢價錢又微調左，但係依然冇阻我要去嘅決心，你話佢好貴咩咁相比起出面有啲集團茶餐廳又未算貴，更何況佢嘅質素真係幾唔錯！其他唔明嘅人就會覺得我發神經（包括我媽媽）不過我始終寧願選擇專登搭車過去食啲自己想食嘅都唔想食樓下求其到爆嘅。明嘅就會明😏都係果句啦如果我搬埋去大坑Perfect啦😅

大坑除咗有好多靚靚cafe食，仲有一間充滿香港特色嘅炳記有時見到佢地都大排長龍🙈到底有咩咁吸引呢，今次好好彩唔洗等！佢地有嘅食物款式選擇好少，幾乎個個都食個幾樣豬扒配雞翼係必食嘅推介我地叫左兩碗 個人比較鍾意食米粉又或者建議轉出前一丁仲有佢地嘅奶茶👍🏾👍🏾👍🏾茶味都幾出，鐘意飲奶茶嘅值得試下！但我最鐘意係佢地個奶醬多！花生醬同煉奶好多，冇偷工減料個多士唔係好薄個d ,外脆內軟啖啖都好邪惡🙈🙈

自從知道炳記嘅奶茶被CNN評為香港四大奶茶王之後就充滿好奇心，然後直接摸過3次門釘(依家先知原來佢有IG會講幾時唔開⋯☺️)，亦為此去左港島唔同茶記，中晒伏咁試左啲網上排行榜上榜上有名，描述到為之動容嘅港式奶茶。而就喺完全冇計劃之際，我終於飲倒炳記嘅奶茶。佢一上憑個色澤已經知道應該唔會太驚艷，如果想飲佢個茶底都還好，但如果想飲一杯絲滑潤喉嘅奶茶，佢會偏茶啲，但茶味又唔算好濃，凍飲有啲甜。食物方面，奶醬多厚多士十分香脆，花生醬同煉奶嘅比例洽度好處，一貫茶記嘅發揮，但個麵就淡同腍得濟，條菜亦有啲味😂

炳記茶檔 ． 就是吃這一種風味 唔係什麼美食 享受嘅係香港懷舊嘅情懷 其實食到炳記，應該算係一個驚喜 因為假長期排隊 而且早收工坐喺行人路邊 其實檯與檯之間都有段距離 隔離已經係車路 附近大量車房 亦都好難泊車不過全部都係露天位，空氣流通 如果落雨就麻煩啲雞翼公仔麵豬扒公仔麵味道就一般 同平時茶餐廳食到的有不同奶醬多👍🏻👍🏻👍🏻焗得比較脆口 奶茶係must order , 香滑嘅味道overall 好有街頭風味 👍🏻👍🏻👍🏻

@kan.teen相信中意飲港式奶茶嘅你一定聽過炳記茶檔～有睇開我都知我係超愛奶茶的><!!!無論係台式珍珠奶茶奶茶🧋定港式茶餐廳奶茶☕️我全都要❤️炳記係足足有70幾年歷史，呢一種用傳統茶檔鐵皮屋風味嘅門店設計係依家已經係碩果僅存。係呢度食野無冷氣，食自然風，同人搭枱，好懷舊嘅港式風味。🤎佢哋嘅招牌奶茶更被CNN評為香港四大奶茶王🌞基本上每一枱都會叫翻杯。去嘅當日天氣好熱 先叫左杯凍奶茶！結果飲過返尋味 忍唔住要試多杯熱奶茶 睇吓係咪一樣咁好飲...飲落口茶香奶滑 呢四隻字講就簡單但要真係做到並唔係咁容易～飲落去唔會覺得條脷”鞋口”，茶味香濃而唔澀 奶茶質地厚身。即使係熱奶茶嘅話一樣咁滑 唔似得其他茶餐廳嘅熱奶茶飲落會有少少酸酸地。凍同熱都好飲，悉隨尊便😆另外食左豬排米，醃得夠味 唔係用鬆肉粉醃到啲肉爛晒嗰種 咬落仲有豬排一絲絲嘅肉質。調味就好重黑椒味 仲帶點蜜糖味甜甜地。食港式野當然唔少得西多士 奶醬多呢啲😌多士薄身非厚切 花生醬塗滿滿 食落啖啖醬 邪惡啊！！如果再烘脆啲更佳👐🏻整體來講我覺得佢哋嘅奶茶係必飲 鍾情飲奶茶嘅大家 不坊整翻杯試下✌🏻但食物方面就唔需要話特登

去大坑就一定要試下呢間懷舊大排檔，經常都大排長龍，蛋牛治烘底，烘得好脆，蛋牛就正正常常，雞翼醃得幾入味，味道都吾錯，奶茶茶味夠曬濃，最緊要係黎感受下懷舊大排檔既風味。

比起其他茶記，呢度主打既係招牌豬扒雞翼，黑椒汁豬扒雞翼非常之入味！ 唔會過分濃味，食到黑椒同有少少甜甜地既味道，可能係蜜糖？ 有少少似BBQ個d味☝🏻肉質亦都唔會太過鬆散，鍾意佢預先已經切到細細舊食起上尼好方便！可以就咁嗌一份小食或者加落麵度，我自己就覺得叫個豬扒雞翼蛋出前一丁好d，食食吓d濃味嘢食啖麵🥰 仲要係有幾條菜係碗麵入面，唔係象徵式加1條嗰隻😆😆😆 個出前一丁仲可以加佢啲自家製辣椒魚露或者麻油🙌🏻🙌🏻🙌🏻奶醬多都係好味嘅，多士好脆，好慷慨咁加咗煉奶同埋花生醬，唔會搽到一忽忽，有比心機😆

大坑是鬧市中的一片綠洲，而且建築物保留原有風味，所以吸引很多性格小食店進駐，成為周末打卡好地方。不過，今早去開天后，筆者還是偏愛在香港遲早會消失的鐵皮大排檔。當中，大坑美食餐廳必數「炳記茶檔」！這家懷舊老店仍然保留舊式鐵皮茶檔，更被譽為明星最愛的平民餐廳，好彩的話會見到名星！ 星期三的早上八點半已經有長長的人龍，真是厲害！不過，眼看似街坊，食客及排檔都似互相認識，果然係一個鄰里關係良好的小社區！ 排左10分鐘就有位，馬路兩旁都隨便放了枱櫈，夏天就不會來，沒有冷氣太熱！一個人當然要搭枱，一坐下已經要落單，從來沒有見過餐牌。望下隔離枱，好多都是食豬扒麵，實在太豐富，筆者唯一想要就是大排檔奶茶！奶油多加熱奶茶，埋單先知$28。這個茶檔的熱奶茶沒有想像中吸引，入口雖然順滑，但茶味有些苦澀。奶油多是香港茶餐廳特色小吃之一，即是多士先塗牛油，再淋上煉奶。食用時能夠吃出牛油香味和煉奶香甜，所以很惹味。 

星期六一場嚟到大坑，梗係要食吓呢度出名嘅豬扒公仔麵。人龍都算幾長，但係因為我一位嘅關係其實都算幾快有位。叫咗一個豬扒出前一丁，豬扒醃得都幾入味，同埋唔會好鞋。佢哋嘅奶茶都幾滑同埋茶味都幾香，不過如果要大排長龍嘅話其實就未必真係覺得需要排隊。另外我仲叫咗一份多士食，佢哋嘅油占多做得都幾好食😋呢啲係港式茶餐廳先獨有嘅味道。走嘅時候仲見到佢哋嘅名其實一早已經煮定左擺喺個覽度，咁就唔怪得出品都出得幾快。

今天來到許志安、陳奕迅也常到的茶餐廳吃午飯，試了必點的豬扒出前一丁、有香港四大奶茶之稱的奶茶，還有店員推介的鹹牛肉炒蛋三文治及奶油多士。之後看到鄰桌點雞翼，我們也追加了一份。豬扒鬆軟入味，走腥，出前一丁麪質爽口彈牙，生菜煮得軟淋，桌上還有日清麻油以及辣油可任加。可惜湯底如清水般淡而無味，店員如果可以提供出前一丁的味粉就更好了。麻油質素當然好，辣油則味道一般。雞翼不夠熱、有點韌，亦不太入味。厚厚的多士烤得剛好，外脆內軟，牛油的味道在茶餐廳來說算是中上了，鹹牛肉炒蛋則一般般吧。奶茶味道普通。整體不過不失，價錢相宜，一試無妨。