Aburi Wami Japanese Restaurant (Trend Plaza North Wing) (Closed)

17/10 夜晚去咗呢度食夜晚放題，限時120分鐘，第75分鐘叫埋單，第90分鐘便要截單，店員服務還可以，但刺身食物上枱有點慢初初件食評唔錯，一心想去試吓。結果失望而回。第一轉叫刺身，第二𨍭叫熟食。先講刺身，所謂阿根廷蝦，極之冇味，帶子一般般，北寄貝普通，三文魚還可以。熟食羊架刺，雞翼還可以。飲品選擇還是可以飲品選擇還是可以，其實食物選擇也不多，其他般般．之後門口，就去左洗手間爆C，好明顯係啲刺身唔新鮮，10分失望。…Read More

屯門的日式放題不多，襯有人生日，又去刷返餐放題慶祝，以解無得去日本食野的慾求。今次來這間店，位置方便，亦就近西鐵站。價錢親民不算貴，但款式算多，可以食到飽飽又滿足！食放題，當然少不了刺身，有最多人叫的三文魚帶子，吞拿魚甜蝦等。電話落單，不用等好耐就上菜。刺身不過不失都OK，份量不會覺得薄或細件！小食亦有很多，炸物燒物，天婦羅。有芝士年糕，燒菠蘿，燒鰻魚串。炒飯或烏冬。最特別的就是雞泡魚乾。這味小食出面買都不便宜，配了蛋黃醬，好食！👍 應該要試！飲品有熱有凍，不過不失。我就覺得薑蜜都不錯。食餐最後，會有個雪糕雪條的小LIST可以揀。每人可揀一件，即食或取走。清單一般都有熟悉牌子的脆皮雪條及迷你雪糕杯。店舖比較細，座位有少少擠迫，不過還可以接受，衛生都可以。性價比都OK。…Read More

時間許可一定選午市，午市同晚巿食物一樣，但平d同時間長d。食物吾算等太耐，質素可以、選擇也多有刺身、壽司、手卷、沙律小食、天婦羅、爐端燒、一品料理、甜品、飲品。甜品：啫喱、布甸、糯米糍其中榴連最正。飲品：最驚喜係有吾同特飲同椰青水，也有清酒、梅酒、其他凍熱飲。Häagen-Dazs/Movenpick：雪糕/雪條每人一支…Read More

好少放題可以做到每樣都好食 這間炙和味日本料理就差唔多有這水準 裡面食物既款式都算幾多 有沙律 前菜 刺身 壽司 軍艦 手卷 天婦羅 爐端燒 甜品等... 上菜既速度亦好快 沒有漏單既情況 🐟刺身好鮮甜 🍣壽司係即叫即做 飯同刺身比例平均 好驚喜有海膽帶子壽司 海膽同帶子都好新鮮好甜 🍤炸物都係即叫即炸 外層皮唔會好厚 裡面既熟度剛好 推介喜歡食多香魚既朋友 一定要食 唔推介既係軟殼蟹 因為蟹很少 炸粉較多 爐端燒既食物 🍖除羊架較熟了點外 其他都好好味😋 推介係燒海蝦 蝦肉彈牙 海蝦一早已開邊 食既時候好易就整條肉攞出👍 飲品方面這店都有好多款 而且有特飲 都唔需要特別收費 最後甜品除左可在餐牌上點 店員在用餐時間差唔多 仲會比一張雪糕紙 Haagen-Dazs & Movenpick (每位可選一款) 真係好開心☺️☺️☺️…Read More

屯門日式放題嘅選擇一向唔多，呢間［炙和味日本料理］開左一年多，屯門人唔想出市區食放題？可以考慮呢間，質素真心唔差呀最吸引：1. 刺身厚切，夠凍，新鮮，三文魚厚，阿根廷紅蝦大隻，推薦呀2. 炸物夠熱，咬落有汁，唔乾3. 食物款式多，特飲都多，有驚喜呀4. 服務態度幾好丫（我係平日夜晚去的）小缺點：1. 餐廳迫，枱細2. menu 寫有中拖羅，但上碟係赤身刺身唔錯壽司都ok鰻魚、牛舌厚肉，唔乾身…Read More

炙和味日本料理（Tuen Mun)🤫收工口痕 為左獎勵吓自己 梗係要食返個放題先罷休🤪🤪 屯門一向都好少放題舖頭 今次嚟到市中心一間日式放題🇯🇵 望落就幾旺場咁 試下先～⌖ 限時2小時放題🍽💰$268（星期五6:30pm前入座）（另收服務費🤝）劃一價錢黎講整體放題嘅款式都幾多👍 不論係刺身、壽司🍣、揚物🍤、爐端燒🍢同埋嘢飲選擇都多元😍😍 刺身：🤩擺盤賣相好靚仔 真係落幾件刺身就會上幾件 有誠意！👌🏼 不過大部份刺身表現一般 尤其係北寄貝、八爪魚、墨魚都係淡而無味🥲 不過阿根廷紅蝦🦐就真係幾推介 夠新鮮😙😙 三文魚都係厚切 夠肥美👄（不過除咗頭盤之外 第二輪開始好明顯刺身質素就會下降 小編諗呢個都係放題嘅定律。。壽司：淨係嗌左三款質素都唔錯 海膽帶子都算新鮮 醋飯味道適中😌一品料理：😮清酒煮蜆份量都幾多 係面頭嘅蜆肉會乾而無味 但係喺底嘅蜆肉味道又幾好😂😂 會推介金菇肥牛卷 食落好Juicy🤤 手卷：淨係嗌咗海膽手卷 放題來講手卷真係偏大舊😬 超多飯🍚 好彩個海膽正常一啲都唔腥 不過都唔算太推介爐端燒：🍢燒物質素還好 推介芝士燒扇貝🧀、鰻魚串 而燒牛舌可以話係大伏🥶🥶 好似橡筋咁韌..天婦羅及揚物：炸物質素都係普通 🍤天婦羅會比較厚粉🤥 飲品：最驚喜係有椰青水🥥 同埋都有啲特飲🥤、熱飲☕️同埋酒類🍾選擇 各款特飲味道幾特別 可以一試～甜品：甜品選擇雖然唔多 不過推介榴槤糯米糍😗 除咗Menu上嘅 店員都會比一張紙俾你揀Häagen-Dazs嘅雪糕口味😋☻ 回頭指數：7 / 10 #Fatshit_ami #Dinnertime #屯門美食 #港式美食 #香港美食 #食好西 #日本美食 #日式放題 #屯門放題 #日式料理…Read More

呢一間本身我已經食咗兩次放題今次第一次試佢午餐。連食兩次放題係因為佢啲刺身真係好食！！而且仲有紅蝦選擇，真係好少～見食落去仲要係鮮甜㗎！！但係佢啲燒物譬如牛柳粒，羊架就麻麻，好硬～ 但難得屯門有咁高質嘅放題，食刺身都回本，甜品仲有movenpick, 飲品選項多到癲，有酒有汽水不特止仲呀珍珠奶茶飲，唔係賣廣告真係好正😂今次終於試到佢嘅午餐真係好抵食😂我呢個壽司拼盤配烏冬餐都不用70蚊有埋嘢飲，而且壽司係好食。我朋友就食咗炸豬扒拉麵，佢都話好食好滿足，仲有兩件細加州卷。講真呢個份量我覺得普通女仔係食唔曬，雖然我同個friend都食曬haha，但我係冇食早餐去。…Read More

屯門區放題無出面咁多，第一次食完覺得整體質素唔差又唔貴就帶屋企人黎食，不過今次好似無上次咁好食落左帶上菜都好快，天婦羅都炸得好好，唔油膩壽司正常，放題黎講我要求佢唔腥已經唔錯刺身都好多款式比你揀，全部都好新鮮，幾鐘意佢有泰式生蝦燒羊架，2次食都好香，入面燒到粉紅色的! 不過今次少咸串燒有燒饅魚真係好正，夠彈牙，放題好似好少有燒饅魚食…Read More

屯門 - 炙和味作為屯門牛嘅小編，好想介紹啲屯門美食俾大家，如果係大胃王嘅你哋一定要去試呢一間日式放題餐廳，真係誠心推介大家去食🆙🆙🆙Lunch想食日式定食都可以嚟呢間，屯門嘅街坊都話乘日食🤤🤤沙律都有幾種選擇，大蝦柚子沙律、炙の味沙律、蟹籽沙律等等，面頭有大量吾同種類嘅刺身，小編嘅媽媽食完一碟又一碟🙈🙈刺身種類多達十五種選擇，有三文魚、中拖羅、帶子、阿根赤紅蝦、馬刀貝等，三文魚充滿油脂，極肥美；中拖羅好睇師傅切嘅部位，一時好似雪花般嘅油脂，一時好多筋🙃馬刀貝好爽口；阿根赤紅蝦大大隻，已經好貼心剝好殼壽司卷物都細細件，可以每樣試啲都吾怕，推介芝士鰻魚天龍反卷，上面放上輕微火炙半溶嘅芝士加上入口即化嘅鰻魚，比美日式餐廳；花の戀必點之選🆙兩片厚切嘅三文魚，配上沙律醬、大量嘅蟹籽，只有半舊飯量，勁鮮，食到啖啖三文魚油脂香😋😋熱食有吾同嘅串燒、蔬菜等等，網燒羊架燒得好香，帶點羊膻味；金菇肥牛甜甜哋而且吾鞋，海鮮釀蟹蓋內裏有大量嘅蟹肉絲，啱曬吾鍾意拆肉嘅人，海鮮類就叫番刺身好食啲喇仲吾夠飽？吾緊要，有吾同嘅拉麵、炒飯、烏冬、鍋物，但小編真係太飽喇，留番你哋試下喇仲有特飲、清酒任飲，但我覺得特飲就太甜喇甜品有日本焦糖布甸，exactly 就係十幾蚊一個個啲，鍾意食榴槤嘅一定要試榴槤糯米糍同榴褳忘返，一個凍一個熱，兩種口感都吾一樣，但同樣榴褳味都好濃，最後每人一個haagen dazs或者movenpick 嘅雪糕🗺 炙和味日本料理 (屯門時代廣場北翼) (屯門)屯門屯隆街2號屯門時代廣場北翼地下41-42號舖分店：荃灣荃華街3號悅來坊地庫B119A號舖…Read More

冇咗晚市， 12點至六點變咗午市放題。$248一位。可以食兩個鐘。睇Menu見到佢哋有得任食中拖羅，好似好吸引。見到其他人嘅食評都話唔差，就去試吓啦。可能因為疫情爆發，冇咩人食。成間餐廳大概得三台客左右。唔使等位。坐低梗係即刻叫番啲刺身先啦。見到中拖羅即刻心心眼。然之後每樣熟食同壽司都叫咗少少。佢仲有好多粉飯，但係怕會太飽就冇叫啦。佢哋有個阿根廷大蝦好新鮮好好味。就咁食同擺喺壽司上面都好好味。第一round嘅刺身嚟到擺盤好靚。三文魚切得好大件，亦都新鮮。帶子唔係好大，仲俾佢切到好薄。如果可以口切啲就好啦。然後非常之失望就係個鐘拖羅。你睇吓幅相就知啦。咩都唔使講。根本就唔係中拖羅。係普通嘅赤身。仲係平時食好平好平嗰啲。冇味。呢一點非常之失望。其實如果唔想Cost太高，我寧願佢直接話佢自己係赤身，唔好誤導食客。其他熟食都做得好好。亦都有好多唔同嘅飲品。鍾意飲黑糖寒天。仲有凍咖啡。佢哋嘅海膽唔好食。好似鼻涕咁。滑潺潺。海膽手卷嘅海膽份量非常之少。飯就非常之多。反正海膽本身就冇味道，質感又核突。食其他嘢好過啦。佢啲壽司，蝦刺身，同埋熟食都唔錯。我哋第一輪正常份量咁叫食物。食完第一輪之後擔心自己食唔晒，所以都一至兩件咁樣叫嘢食。可能因為咁樣，廚師都唔想為咗一件或者兩件嘅炸物而開爐。我等咗超過半個鐘都唔見有任何熟食上枱，唯有吹一吹。再過多10分鐘之後就一次過上晒枱啦。我覺得呢一點佢哋可以做得好啲。我都明白我一兩件咁樣嗌好乞人憎，但如果我一次過嗌10件或者20件，食唔晒又好浪費。呢個係放題嚟㗎嘛。得兩個鐘頭。感覺佢好似想儲多啲單一次過先開爐去煮。但我等得來開爐，放題都完啦。無奈嗰日又比較靜，得嗰兩三台客，所以又點會有好多人點餐可以一次過煮大量嘅嘢食呢。不過可能係我諗多咗啦。可能佢漏單掛。但淨係漏熟食嘅單，所有唔使開爐煮嘅都冇漏。…Read More

這是一間推介的屯門日本放題炙和味，真係都要電話預約先可以book到枱嫁，而且手機掃QR落單，十分方便。整個放題比較欣賞壽司、炸物、熱食及飲品，其他食物同一般放題一樣。原來滿4人便送一隻蟹！壽司方面，黑椒燒牛肉壽司同火炙鰈壽司十分出色，我地都叫左2 round炸物方面，大蝦天婦羅、軟殼蟹天婦羅松葉蟹棒天婦羅十分好吃，仲有燒菠蘿，好味！熱食方面，有芝麻雞翼、炸軟骨餃子、紫心番薯波波、芝士年糕同榴槤忘返，推介！仲有最香口的燒雞泡魚干！飲品方面，大多十分出色，好似紅粉菲菲、藍色夢幻、水果茶等都十分好飲！至於刺身方便大多新鮮，特別是三文魚及中拖羅。其他質素一般。最後完放題時亦送Haagen Dazs同movenpick總括來說，都係一間中等以上的放題，雖然坐位方面比較狹窄，但食物質素還好，有機會亦會再去試，畢竟屯門放題亦比較少，價錢亦相對合宜，4人食除番每人328位。…Read More

11月22號黎食平日，18:00入座，20:00走一坐底無耐，店員送上燒三文魚頭。另外咁岩荃灣店新開張，再送上紅色蟹一隻，幾鮮甜。刺身亦好快送上，總共嗌左兩round ，第一round 質素幾好，惟第二round 水準不及第一round新鮮。炸物不錯，不太油。燒物也出色。尤其燒菠蘿。最後甜品方面，馬卡龍不錯，不太甜。雪糕系Movenpick 。整睇黎講計埋加一每人都唔洗300黎講，性價比系幾高，值得一試。…Read More

喺fb嘅壽司關注組見到有人介紹呢間就帶埋屋企人嚟試夜晚打嚟好多次都唔通好彩最後成功卜到星期日嘅午市放題😆價錢係$258+10%嘢食種類同一般放題相若重點講吓啲我覺得好食嘅嘢！1. 炙燒壽司 基本上所有款都好食！特別推介汁燒三文魚～2. 刺身全部都新鮮而且真係叫幾多嚟幾多3. 燒雞全翼佢調味調得好好食！4. 酒類唔係度度放題都有酒叫佢有梅酒、啤酒、凍清酒、熱清酒我哋4個人飲咗咁多🤣🤣🤣整體來講呢個價食到呢嘅質素嘅食物我同屋企人都好滿意一定會有下次😍…Read More

終於搵到一間唔洗齋食刺生的放題，燒物同炸物都相當出色，特飲都做得非常好。即叫即整，食材新鮮，不偷減。樣樣都要叫黎試下，唔需要一味食刺生。個人比較鍾意食羊架。炸蠔好吃。…Read More

公眾假期屯門市區好多人，想搵間野食都難，行過見到呢間冇咩人就入左去，入去想搵紙仔寫，係冇既。問個阿姐有冇紙寫，點知佢勁惡咁話冇呀，咪寫左係出面，冇帶電話咪入唔到去食😅惡到，最後走左未食過openrice俾唔到差評唔打咁多字了😅…Read More