358
29
19
7-min walk from Exit F1, Causeway Bay MTR Station continue reading
All Branches (2)
Telephone
28056665
Introduction
Located in Causeway Bay, 炊豕店 is a Hong Kong and Taiwanese style restaruant that is famous for their fried pork chops. Aside from fried pork chops they also have garlic noodles, deep fried fish balls and sesame chicken. continue reading
Opening Hours
Today
Closed
Mon - Sat
12:00 - 21:00
Sun
Closed
Payment Method
Cash
Other Info
Wi-Fi
Alcoholic Drinks
May Bring Your Own Wine
Delivery Details
10% Service Charge
Review (446)
Level4 2019-01-15
5610 views
銅鑼灣作為香港嘅繁華地段之一,食肆當然無處不在,種類繁多,不過價格就相對較高,因此以親民價格食到好味高質既食物十分有難度。但原來銅鑼灣比較偏僻既位置都有幾間食肆,而呢間出名食豬扒的小店正正係好味夾抵食之選👍🏻🤤其實本身唔係一個喜愛炸豬扒既人,但由於佢好有名氣,不得不同友人一齊黎到朝聖一下!😍眼見6點15分已經有大量嘅人排隊等候入座,狀況都幾墟冚😱不過佢確實係我食過最好味嘅豬扒👍🏻店舖唔大,座位都比較少,但係坐落又唔會比人好逼狹既感覺,店內嘅一面牆壁用紅磚砌成,加上牆上既舊式時鐘同埋木桌等等好有懷舊復古既味道,另一面既牆壁有幾幅漫畫,其中有一句「我們都是食豬長大的」好得意,令人睇到會心一笑,等待食物既途中欣賞下漫畫就唔會悶💕餐廳採用開放式廚房,但係唔會好大油煙。🐷《秘制豬扒飯+肉燥汁》$54首先豬扒好大塊,好厚身😍肉質非常鬆軟,而且好嫩滑易咬,肉汁亦都好多,食唔出一點既雪藏味👍🏻👍🏻炸豬扒既皮好薄,係我食過之中最薄!加上皮脆得黎又有啲啲韌性,口感好好🤤最驚喜既係皮下有一層啫喱狀既物體,令到豬扒食落更juicy更滑,呢個質感真係係呢度先食到👍🏻不過略嫌皮有點過油膩,但整體出色👍🏻而底底既飯加左甜甜既肉燥汁之後更加香,食起黎無禁dry👍🏻🥰🐷《沖繩豬軟骨+肉燥汁》$56豬軟骨好大舊!!份量又多,不論味道,已經十分抵食!豬軟骨炆得夠淋入味,膠質十分豐富,食落去軟淋淋,唔洗用口咬已經能夠係口入面溶化開,好好味😚不過個人認為可以淋少少醬汁係面,食落就會無禁乾👍🏻👍🏻🐙《椒鹽魷魚鬚》$38又係大大舊,炸粉薄,即使放置得耐左仍能保持到脆口,而魷魚爽口彈牙,油份又唔會過多👍🏻表面灑上炸蒜,好香口😋賣單時候發現連加一都唔洗收,以五十幾蚊係銅鑼灣食到大大碗足料又好味既飯,性值比真係十分高😍有機會會再去! continue reading
(The above review is the personal opinion of an user which does not represent OpenRice's point of view.)
Level4 2019-01-05
2695 views
同波友們係跑馬地friendly⚽ gather 前,係大球場附近🍴再次來訪炊豕,今日係4點半既 luner (lunch+dinner) 既時間,都係全店滿,要等一等先有位😮炊豕店係銅鑼灣外圍🏬,名店丹麥轉角,舖仔大概有20至30個位,有高枱bar位,始終係旺區,枱同枱之間都係比較密😓點餐用餐紙,豬🐽🐷🐖全部都係豬,另外有啲小食,印象中佢間唔時都搞啲限定飯,今日揀咗秘制豬扒飯(咖哩汁)同埋煎蛋焗豬扒飯,另外加多個辣味海蜇咖哩豬🍛細心咁將咖哩汁同豬飯🍚分開想,可以比你慢慢欣賞塊厚切🐷扒炸得幾咁通透,幾咁靚仔💋 佢個脆醬做到唔厚,好似啲compression gear咁貼住塊豬扒,但同時扒入面唔油膩😎😎,只係有肉汁,應該係要高溫油快速炸先做到👍👍 飯身估佢用上日式珍珠米,黏度啱啱好,可以比啲咖哩汁穿透米同米之間既罅隙🌋至於焗豬,由於要焗,炊豕店係要四點後先供應🤔可能午市人流要快 等咗15分鐘左右上台😑 大盤承住焗盤,驚你盪手💝 半生熟煎蛋放係焗🐖飯面浪下浪下又唔爆,真係要煎得好用心💓 蕃茄比足料加埋應該有大半隻,而就番要焗熟,個豬扒就無咁厚身,但都係入味👍 可能食慣大家樂焗豬,對佢個隻茄味又有啲唔慣,下次會揀番傳統碗飯😉海蜇唔太特別,都係來貨嘢👌另外加5蚊有熱飲,加7蚊有凍飲,埋單都係70零蚊左右一個人,係銅鑼灣食好味道,呢個價錢係佛心價🤩🤩 重點係中環就快有,不過應該排到癲😓 continue reading
(The above review is the personal opinion of an user which does not represent OpenRice's point of view.)
同事介紹哩間下晝一定要排隊等位嘅豬扒專門店,等左大概 15 - 20分鐘度,好彩俾我地等到!哩度係一人一張點餐紙,因為可以追加唔嘅配菜,咁就真係5怕會落錯單期間限定嘅豬扒飯,不過第一次黎又想試下啲豬軟骨同事嗌左招牌豬扒飯,真心勁大塊,試丌佢小小,真係炸得好脆之餘,啲肉又夠晒嫩口,好淋身。厚切餐蛋麵真係唔好睇少佢,塊餐肉真心厚肉,仲要有2塊,大大塊又炸左嘅tim, 不過一啲都唔乾身,好juicy! 配埋撈麵真係好夾咩都想試嘅我嗌左豬軟骨飯加煎蛋,再加埋肉燥豬軟骨真係炆得好淋好軟熟好入味!其實本身唔加肉燥都好夠味,啲汁真係好特別不過貪心嘅我加埋肉燥撈飯真心無得輸!本身飯就有幾塊蓮藕同埋蘿蔔tim, 其實正常食量嘅女仔黎講,可以嗌少飯,仲可以減$1不過今次第一次試,唔知真係黎到咁大碗咁足料,下次試嗌啦3個人,加埋2枝飲品都係$200唔洗,食到勁飽,難怪咁多人排隊! continue reading
(The above review is the personal opinion of an user which does not represent OpenRice's point of view.)
Level4 2018-11-12
4829 views
豬扒飯是一些香港人很喜歡的食物,不論是茶餐廳的洋蔥汁/ 咖哩汁豬扒飯,或是日式的吉列/ 滑蛋豬扒飯,不同類型的豬扒也能吸引到「豬扒迷」。銅鑼灣素來是美食匯聚的地方,西式、日式、中式應有盡有也是理所當然的事,但由從前已經想不到在銅鑼灣的一角,竟然會有一間以豬扒為主題的餐廳。晚上到人氣食店要等排隊也是很正常的事,人龍在店外,但排隊空間甚小,大概花了20分鐘左右就有位,也不算太長時間。這餐廳的形式是邊排隊邊寫單,入座時只等待食物來便可,現今有不少餐廳都是採用這樣的形式。這餐廳的食物款式甚少,除了最出名的肉燥汁豬扒飯外,亦有豬軟骨飯、豬手飯等等,另外可以加錢加配料,還有一些小食和飲品可供選擇。「我們都是吃豬長大的。」除了玩味的字句外,牆身亦有一些帶有懷舊風味的漫畫,令環境變得有生氣。餐廳內的環境有個很大的缺點,就是開放式廚房,其實開放式廚房原本並不是一件不好的事,但是平時多在日本高級餐廳才會有的。日本高級餐廳的食物多數不會令環境有太多的油煙,可能是因為比較少油炸類的食物,或是油的份量控制得宜。但在這裡,地方比較細小也不在話下,開放式廚房又佔了餐廳不少的空間,以致客人在用餐的期間可能會不太舒適。芝麻雞翼(2隻) $26 聽說最出名的除了豬扒飯外,芝麻雞翼亦是不錯的,芝麻雞翼是日式放題中很常見的食物,香口的感覺亦是令人那麼喜愛它的原因。芝麻雞翼外皮做到足夠的香脆感。但裡面的雞肉略嫌油膩。最初還以為橙汁會是杯裝橙汁,並沒有想到會是一樽樽的,感覺挺新鮮的。我並沒有仔細看它的包裝,但驟看飲品似是外國的產品,味道沒什麼特別,但我覺得份量可以再多一點。厚餐肉煎蛋飯 $50餐肉煎蛋飯在不少茶餐廳都有,所以可能有人會好奇為什麼在這裡也會有這道菜呢?厚餐肉,顧名思義有一定的厚度,其實也真是挺厚的,厚度大概是尾指長度的厚度。煎蛋方面就沒有什麼特別,只是體積比一般的煎蛋大一點。秘製豬扒飯 (肉燥汁) $54還記得第一次食是一年前,那時候的豬扒真係好脆,肉又大大件,無可否認真的好好喇。然後最近光顧,竟發現有炸的外皮部份好容易脫落,豬扒又軟軟的,沒以前那麼有質感,真的有點失望了。但唯一一樣值得讚的是,肉燥汁中肉燥份量算多,令整個飯不會太乾身。 continue reading
(The above review is the personal opinion of an user which does not represent OpenRice's point of view.)
Level2 2019-02-21
4 views
朋友放工後過黎揾我食飯,於是便和他黎哩間炊豕店度食晚飯,餐廳內地方不大,以簡單懷舊帶點日式格局去佈置,廚房採用開放式的設計,完全唔怕客人偷施或觀看,廚房外的上空位置櫃內擺放了些懷舊物品,如:電視機、玩具、花露水及月餅盒等,各餐枱上都放了筆和點食物的紙,客人可隨時下單自選心水食物,簡單易睇又方便。我點了(人氣推介) 的蔥油豬扒飯+炒蛋(另+$10),朋友就點了咖哩汁秘制豬扒飯+炒蛋,我們還點了兩杯熱蜂蜜柚子飲品,每杯跟餐都只是另加$5,朋友的咖哩汁秘制豬扒飯先來,裝咖哩汁和豬扒飯的碗也是六七十年代常用的碗,充滿住懷舊氣氛,咖哩汁與豬扒飯分開用碗上可令到豬扒保持香脆口感,炒蛋的份量覆蓋住飯面,份量厚實,而咖哩汁內原來還有一舊薯仔及蘿蔔,令到整碗飯不會甘單調,而咖哩汁的味道甜與辣味適中,仲可吃到濃濃的香草味係當中,至於豬扒,真的從未見過有任何一間餐廳會用甘厚身又甘大件的豬扒比客人食的,豬扒炸到金黄色,咬落鬆脆啖啖肉,炸漿唔會好厚,所以咬落唔會好多油好膩口,而整件豬扒他們將它一開四,整個份量相對一個正常食量既人黎講唔會太多仍都唔會太少。到我的蔥油豬扒飯出場了,整個飯像個小山丘一樣高,頂部是綠油油又滿滿的蔥花,感覺很震撼,吃落滿口的蔥油味道,配合埋大大件的豬扒和炒蛋吃,感覺非常滋味又滿足,這個價錢食到甘高質數又美味的食品,真的非常超值,難怪他們人流不絕。 continue reading
(The above review is the personal opinion of an user which does not represent OpenRice's point of view.)