Shabu Shabu & Dim Sum (Closed)

咁啱經過油麻地，又好想食中式菜，便去了這一間火紅點。店員推介鮑魚雞煲， $200也不用，便點了一個。另外還點了四川水煮魚同腐乳炒通菜。餐牌上還可以吃火鍋和點心，說是多元化和種類。點的東西全部都很有鑊氣，味道也很好吃。我覺得值得再來。…Read More

本來，呢間店係可以俾一個好評嘅，但做人要公道，各位有機會幫襯時要小心呢間店啲做野手法，免得最後掃興。話說當晚五個人食飯，叫左六款菜，包括麻辣雞煲(全隻)、炸全豬手、椒鹽魷魚、古法老豉油叉燒 + 龍蝦伊麵、炒四季干煸豆。總體味道其實唔錯，但其中個雞煲就好古惑。本身可以選點全隻 $188 或半隻 $108，叫人多就叫全隻。點知一上到枱...所謂全隻雞，係放係一個15cm 嘅鐵沙煲上，即係平時叫小菜一人餐個種尺寸。放上枱個刻其實已經問：呢度全隻？個侍應話：係呀！裝滿還裝滿，但係好明顯，大家各自食左三至四件，根本砌唔番一隻雞出來，半隻都差啲唔夠。裝得滿只因為仲有好多洋葱菜料墊底。最搞笑係，佢有賣炸子雞，亦都有全隻，有相為證。惟獨個煲係無大細參考圖片，死無對證，變左疑點歸於被告，只能斷估佢落錯單。例牌會點啤酒汽水，通常二會一次叫晒，唔夠再添，因為咁先至夠凍。叫左四支個時，睇下張單，做乜個手寫係「正 一」，即係六枝。可樂要一罐，但寫左「丅」，當兩罐。即刻捉住侍應，問做乜寫多左？夾好照要無問題，不過我地就hold住張單，免得佢又寫多野。埋單當然睇清睇楚啦，已經無爆佢個雞煲昆人，如果無留意佢地寫多兩支酒同罐汽水，真係俾佢昆左差不多幾舊半水去。本來好地地可以賺個好評，老實啲咪好，而家去唔去下次都諗過。我當佢忙中有錯都算，請多個人落場做野得唔得？星期五晚嚟喀，根本唔夠人。…Read More

今晚出去銅鑼灣行街，行行下都去到夜晚食飯時間啦!。今日想食中菜，於是就來到這間餐廳試試。餐廳都算幾大，有圓枱也有二人枱。牆上掛滿這間餐廳的小菜相片，令人也想點來試試。看過餐牌後點左鎮店之寶，鎮店鮑魚滑雞煲，真的值得一讚，除了份量十足料之外，味道簡直是一流！鮑魚約有半打甘多，雞肉鮮嫩可口，完完全全吸收了鮑魚的味道，令整個雞煲的味道提升，真的很難找到這麼惹味足料的雞煲！唔錯呢餐食得好滿足，下次繼續同朋友來食。…Read More

好大隻鮑魚呀😍！🔥火紅點 Shabu Shabu & Dim Sum🔥 一定要食佢個招牌菜「鮑魚雞煲🥘」！鮑魚好新鮮好Juicy😋絕對唔係罐頭🥫鮑魚！而且佢個雞煲吸收曬鮑魚既鮮味D雞肉更加滑嫩同香濃！好滋味🤤！順帶一提佢既「蔥油脆皮炸子雞🍗」外脆內軟！炸到好甘香！好開胃👍🏻送飯🍚一流！我之後唔夠喉再叫左個菜遠炒安格斯牛肉！牛肉味好香濃同埋一d都唔韌！一個字「正👍🏻」最後仲送埋滋補養顏既木瓜燉雪耳糖水💕！…Read More

今天去旺角逛街，突然想吃一點「佬味」的東西， 看見這家火紅點雞煲點心專門店就想試一試！我們點了鎮店之寶，鎮店鮑魚滑雞煲， 真的值得一讚，除了份量十足料之外， 味道簡直是一流！鮑魚約有半打， 爽口彈牙，雞件大大件，完完全全吸收了鮑魚的精華， 令整個雞煲的味道提升，在香港真的很難找到這麼惹味足料的雞煲！另一個主菜是川式水煮魚， 份量也是相當十足，這家店真的童叟無欺， 而且魚肉十分鮮嫰，不算太辣， 不吃辣的人也可吃一點點！最後點了椒絲腐乳通菜， 這家的炒菜也絕不馬虎， 非常有鑊氣！說實話，這家店絕對是驚喜之作， Lucas很想再來試試其他菜式～！…Read More