Pho 5 (Kei Cheong Building)

真係好鍾意呢間越南小店！有次咁岩經過見到下午茶$40連嘢飲就入去試下，最後埋單凍飲唔加錢，仲要冇加一！！之後因為要係附近上堂就成日幫襯，真係好鍾意佢個生牛肉湯河同撈檬仲有炸蝦餅！個湯好鮮好濃，唔似係味精湯。撈檬個汁小小辣好開胃。個蝦餅好足料又彈牙，$28四件真係好抵。每次所有嘢都食曬連湯都飲曬真係好正！外賣有折，下午茶都有優惠完全唔知佢哋點賺錢。今次去仲見到有隻貓貓，不過因為驚人所以用塊黑布遮住，希望以後佢可以慢慢習慣人可以摸下啦～不過就算係下午茶時段都唔好多客，希望呢間小店生意興隆，再多啲人幫襯。…Read More

這一間食咗好多次，沒有MSG味精的，湯底非常唔錯，介紹話用16種材料製造而成的，食完沒有需要不停飲水的，之前食炸蝦非常之新鮮好好食，喺佐敦的越南粉，值得推薦，價錢相宜，支持小店…Read More

大西北人已經外賣自取幾次返屋企同屋企人一齊食, 認真係我成家人嘅愛店, 不過感覺無咩人幫襯, 所以特登寫個評論。🙏♥️食物如題, 請大家嗌撈檬。♥️（其實除咗撈檬無點嗌過其他, 淨係食過一次火車頭河粉, 不過個人感覺普通😅）。但係撈檬真好食, 佢哋個汁係重點, 夠味同難得夠酸（成家食慣我婆婆整嘅撈檬, 我個人又偏好酸味, 所以對撈檬汁嘅酸味有D要求）。我由細到大喺出面都無試過食到咁有酸味撈檬（當然同我婆婆整嘅仲差少少, 不過對比起我以往出街食過嘅撈檬, 呢間店已經可以有~9分🥹）。其他餸應該正正常常, 不過加埋嗰撈檬汁就超開胃好食。🤤總之希望大家多多支持小店，而且外賣自取仲有折, 抵試抵食㗎🫶。（btw佢好近佐敦西鐵站出口, 所以幾方便）…Read More

今次試咗生牛肉河粉，整體感覺普普通通，湯底味道偏淡，牛骨香氣唔夠突出，生牛肉片切得過薄，浸落熱湯度轉眼就熟晒，失去咗生牛肉應有嘅粉嫩口感店員服務態度友善，上菜速度都幾快。另外加咗份炸雞翼，炸得金黃香脆，咬落去肉質都算juicy，係全餐比較好嘅部分。 以呢個價位嚟講，食物質素算係合理，但未至於會令人想回頭再試。不過如果當快餐得閒食吓都OK，因為見佢都人來人往，始終係嗰條街平民嘅嘢唔多，有時想食碗麵呢間算係一個選擇…Read More

每次嚟佐敦道必食嘅一間越式料理，肉足粉多，今次食咗撈檬，汁都好香，檬粉軟硬適中，有彈性唔會太軟，而且店內提供配料可以問職員攞，我自己就叫咗青檸，同埋都有水、紙巾嗰啲免費提供。價錢正常而且服務質素同食物質素都好好，每次食完都會好想再嚟食下次🍴我自己就係學生，每次補習完得閒就嚟食，希望更加多人可以發現到呢間餐廳！真係一間良心好食嘅餐廳😭👍🏻都可以試吓佢啲河粉都好好味！！希望我嘅好評可以令佢多啲生意😭…Read More