Master Kitchen (Closed)

位於屯門v city嘅灑家燒味小廚，臨睇戲之前，去咗呢一間嘅食肆邊食邊等開場，地理位置都幾方便為，人流唔算太多，裝修唔錯，坐的地方都算舒服濶落。花店員很醒目，一入門口就已經主動帶位。位置坐得都闊落舒服。睇餐牌，在大商場來說價錢都算合理，平均每個小菜都係六至七十蚊左右肉排入口鬆化好餸飯芥蘭過熟了菜幹比較硬蒸排骨分量好少，好像有點呃秤總體來說灑家燒味小廚，食品質素不過不失，上菜速度很快，店員醒目，但點心份量有點小，使人覺得有不值，如果點心份量加返些的話，心覺會良好很多。…Read More

約咗人早咗到, 但仲有大半個鐘, 所以搵嘢食啦, 時間較早有些食肆都未開, 加上已食咗少少嘢做早餐, 所以想搵細份D嘅.  發現"灑家" 個名咁過癮嘅, 有粉麵及點心食, 最後便決定咗呢間.時間尚早, 去到即刻就有位, 舖頭中間有張彎月形嘅長枱, 上面有堆小吊燈, 坐嘅凳有花花, 又幾靚喎.在坐有半數嘅客都係食點心飲茶, 但本身約咗人都唔係好多時, 所以只叫咗雲吞麵($38) 同豬潤麵($40), 碗麵大小都適中, 剛好一個麵餅, 雲吞有5粒, 裡面無大蝦嘅, 味道還好, 而豬潤係爽但就淡茂茂, 唔乜味....麵質都幾爽, 個湯底都幾鮮味, 因為我本身都口味偏淡嘅, 所以個湯味就啱啱好, 但有人就話個湯就較淡, 呢個就要視符個人口味, 但最後一點係食完唔會好口乾, 應該真係用大地魚煲嘅湯, 這個值得一讚.…Read More

從食友的口中得知，灑家剛入圍米芝蓮2017的美食推介，這令我感到有點訝異。灑家雖然偶有佳作，但飄忽的水準總令人又愛又恨，照理該未至於可推介的程度吧!不過米芝蓮只是個參考指標，食客自有個人判斷，當不必認真。這天經過灑家，但見店内食客不多，米芝蓮的光環似乎仍未發揮作用。若不是遇到新上市的煲仔飯，該不會選上這一家。在天氣轉涼之際，看到煲仔飯應市，誰不心動?臘腸滑雞煲仔飯($75)留意到專責做煲仔飯的是位年輕人，貌似實習性質或是煮藝學院的學生，雖然動作帶點生硬，但成品仍算是合格的。臘腸偏瘦少脂肪，吃着不覺膩口，帶玫瑰酒香，甜甜的絶對是煲仔飯的好朋友。雞件雖嫩，但脂膏滿佈，實在是肥膩得很。豉油有特別調煮過，香而不咸。一小碟豬油為飯身添色，也令米飯多一份豬油香。未有溝米的飯身尚算煙靭可口，其實可再乾身香口一點，飯焦薄薄的口感也不錯，當然不能跟街邊炭烤煲仔飯相比，不過用料也算不賴，收貨吧! 這價位的煲仔飯是偏高了點，這倒令人更想念起那些街邊的地踎煲仔飯了。燒味拼盤($138)這次的叉燒不算太肥，鬆軟且充滿蜜香，灑家的叉燒一向甚有水準。貴妃雞屬脾位，肉嫩但偏肥，薑蓉只附葱油，未有薑末，論水準不及叉燒出色。豆漿十分冰凍，微甜天然，不錯!要不是水凖太過䬗忽，灑家便會成為我的飯堂之選。灑家唯一穩定的是她的服務 - 穩定地維持於低水平...... 也許評審去的，是觀塘店吧！…Read More

餐牌上有很多選擇, 一時間確是有點眼花撩亂 ....然而我已瞄準了久未吃過的 " 京都炸醬撈麵 ", 沒錯, 就點炸醬麵吧 ~京都炸醬撈麵 $45賣相美觀, 份量適中, 麵條的軟硬度剛好, 充滿口感又不致難嚼, 炸醬的色澤鮮美, 肉絲切得粗幼適中, 味道酸甜又帶點微辣, 十分開胃 ~本篇完 ~…Read More

不知道大家有沒有聽過「瓏門」，坐落港鐵西鐵線屯門站上蓋，自設大型商場V City，單位開揚，面向屯門公園...... 哈哈！別誤會是樓盤消售時間，只是數年前，正當 BeautySearch 看中這裡的單位，但不知何來的聲勢，不足一星期，這裡的單位價格超出20%， BeautySearch 搬往「瓏門」的心願，即成泡影！這些年來，BeautySearch 也沒踏足過 V City，不過，早排卻心血來潮，約了幾位居於屯門的舊同學聚舊，他們相約了在V City內的《灑家燒味小廚》，當然，BeautySearch 不會錯過機會，早到一點，順道在V City 閒逛。原來，V City內的高店和商店都是挺多樣化的，而且已成了內地旅客的目標了，似乎，他們比我這本地彊更了解各區行程喔！《灑家燒味小廚》的外牆設計很獨特，大大的花朵背後，可隱約看透店內的環境，設有一套中式的服飾擺設，威風凜凜的；還有店子的最後方，設有燒味陳列的窗廚，感覺帶點懷舊，卻又揉合了現代化的設計，別有一番風味。店內的地方雖然不算大，感覺乾淨企理，設計方面感覺中式，卻又加上幾分時尚感，沒有土氣，非常舒服。雖然店子小小，食物款式卻包羅萬有，包括：點心、燒臘、湯品、粥麵等。先來一碟「五柳雲吞」重拾昔日童年味道，已經好少地方可以食到如此正宗的「五柳雲吞」了，選有傳統的雲吞皮，炸的香脆感十分，又沒有過多的油份；雲吞皮包裹著嫩滑的蝦膠，份量雖然不多，卻充滿蝦的鮮味。而整碟「五柳雲吞」的最大精髓在於那碟小小的五柳酸汁，醬汁混入五柳菜，是最傳統的製法，亦是坊間最為少見，把炸雲吞蘸上酸汁，令炸雲吞更添滋味，同時亦大大減退炸物的油膩感，傳統的味道，確實非常味美。來到《灑家燒味小廚》，當然不可不吃燒味，先來斬大舊叉燒，我們點選了一碟例牌叉燒。「叉燒」的肉身肥瘦均衡，以蜜汁烹調，味道鹹甜適中，肉汁豐富，口感軟腍又煙韌，可算高水準的表現！由於大家都喜歡吃雞，難得來到中式館子，我們點選了半隻「醇香花雕醉雞」來品嚐。醉雞的皮薄爽口，沒有太多的肥膏，肉質厚身又嫩滑，酒味香醇，偏向清淡，而且透入肉身，非常入味。生滾粥品一向都是中式館子的殺手鐧， BeautySearch 曾多番取經，用盡各程方法，也難在家中煮出如此棉密的生滾靚粥，今次，我們點選了「黃沙豬膶粥」，豬膶大大舊之餘，肉色透出淡淡紅潤，而且非常鮮美口感爽滑，搭配香棉的粥底，的確甚有水準。…Read More

去完朋友屋企拜年之後就一齊外出醫肚 早前過年時連續的大魚大肉 今日想食得輕鬆D 唔想咁重負擔 卒之走咗去食雲呑麵 大家各有各叫 各式其適 我就叫咗個及第粥 粥底稠而且香又夠綿滑 材料都好多姿多彩 有齊傳統及第粥嘅料 好似有豬潤 生腸 豬肚 肉丸等 店家用料新鮮 豬潤夠嫩滑又夠沙 生腸爽口 味道絕對正宗…Read More

無煮家飯的日子，就係舉家外出覓食的時候！家人提議到V City，因為夠近，最後選中了灑家燒味小廚。因為灑家燒味小廚位於V City一樓的最尾尾，由一田乘搭電梯會更容易尋找。其實工作時需要乘搭西鐵，所以經常於V City逛街，但從未食過呢間。店內燈光明亮，就如中式茶樓般有茶壺茶杯，中式點心，燒味，炒粉炒麵，粥品等。既然係灑家燒味，當然不能不嘗試燒味！點了叉燒($58/例)，以蜜汁烹調，juicy又夠煙韌，與街邊賣的乾爭爭的叉燒真係無得比。醇香花鵰醉雞例牌($68)，可能一向食的醉雞亦偏向濃味，而灑家的醉雞則偏向淡酒味而突出雞味。所以如果和我一樣偏愛吃濃味的則可能對此醉雞有點失望。五柳雲吞($30)，已經好少地方可以食到咁正宗的五柳雲吞了，不會因為雲吞皮而搶去了主角的蝦膠香，亦不會因為蝦膠而失去了炸雲吞皮的香脆感。現在大多售賣的都以大大塊炸雲吞皮做主角，而灑家的則還原本色，一小口即可享受原汁原味。被隔離桌吸引而點的及第粥($43)，內有豬肝及豬肉丸，煲至粥底綿滑，連愛吃香口的我亦愛上綿綿白粥。蟹籽棉花雞($30)，比醉雞更得我心。因為雞肉真的猶如棉花般柔軟滑身，雞肉吸滿了雞汁，非常鮮味可口。如果並不愛喝茶，可以另外叫飲品，我點了熱柚子蜜($12)。原來熱柚子蜜為安全飲品，因為其他人點了咖啡奶茶等，都比較淡味。最後，竟然，飲品是敗北………Read More

朋友搬咗去屯門差不多成年 一次都未到訪過 趁住過年 過去拜拜年順道去屯門行下 好多年冇去 景物人物全非 屯門變成一個社區 一個重覆着他人模樣的社區 言歸正傳 拜年過後就到了附近商場找地方用餐－灑家 叫了個銀芽肉絲炒麵 麵底夠脆口 芽菜夠嫩夠爽 肉絲又嫩滑 味道非常 濃郁入…Read More

上次因為在何洪記錯過了試一試他們的雲吞麵，恰巧今天在V-City工作，可以順便前去何洪記姐妹店-灑家，填補之前的小小遺憾。雲吞麵大地魚香味濃郁，從挾起麵條的那一剎那，陣陣甘香味已充斥鼻腔，令人忍不住還是得先喝一口湯頭，再說說麵條，韌性夠，彈力佳，齒咬即短，完全沒有軟腍綿綢之感，人說吃雲吞麵最怕就是鹼水味重，但這麵條幾乎吃不出半點鹼水味，想必濃郁湯頭的作用不容小覷。雲吞一口一粒，皮薄滑溜入口輕嚼之下，充滿彈性的蝦肉夾著豬肉的芬香，每一口都鮮香清甜，成碗麵不消一刻已被消滅，暢快！…Read More

叫個燒鹅碟頭飯俾左隻脾，正皮吾會un有鹅味，肉滑!乳豬飯套餐:乳豬皮吾夠脆，不過有肉味，吾會太咸!整體嘅燒味新鲜，吾會燒左好耐咁!套餐送燉湯，西洋菜陳腎湯西洋菜味濃，陳腎好香冇味精，似住家湯…Read More

最近經常見到好多食家講呢間食店，咁岩今日經過，所以帶住非常高既期望入去試！又唔可以話好失望，但係同我想像中既期望有少少出入！下午茶既款食都幾多，你想食粥品又得，點心又得，燒味又得！四十蚊食個下午茶來說，價錢都幾合理！我都幾中意食點心，不過驚食唔晒，唔想浪費食物，無叫到！我叫左個花雕醉雞麵，味道一般般啦，平時食開既唔會太苦，但今次花雕好似落得重手左，反而令到味道偏苦，呢樣扣左少少分！總括黎講，只能說不過不失啦！…Read More

行到肚餓，是但入間鋪食飯， 隨便叫個燒鵝飯 ，估唔到有原隻鵝髀 ， 燒鵝髀 既皮香脆 多汁d肉好嫩， 唔會燒得時間太長 ， 飯面淋上燒鵝汁 ，色香味俱全，令我食不停口 下次要再黎試下味道的乳豬飯…Read More

中午來到位於屯門V City的灑家，餐廳好像主打燒味外，還有湯麵/撈麵、生滾粥、點心、精選小菜等，十分肚餓的我倆很快就決定要試一試這裡的燒味，特別係這裡的燒鵝，據說係「正宗古法金牌燒鵝」，未知味道如何?.部份餐牌↑.燒鵝瀨粉 $53 (轉鵝脾加$25)雖說家裡附近就係元朗著名的「天鴻燒鵝」，不過近期感覺水準有點下降，所以看到這碟泛著油光的燒鵝真的很期待啊! 不客氣的一咬下，皮脆外，還肉嫩多汁，皮與肉中間還帶有點脂肪一同咀嚼，那股豐腴的脂肪香實在太邪惡了。整碟燒鵝的份量都不少，所以配上清湯底的瀨粉剛好中和了油膩感。.叉燒 (例牌) $58最怕食到乾爭爭又硬又凍既叉燒，而這裡的是帶有濃濃蜜汁味的半肥瘦叉燒，每一件都見到不全是瘦肉，咬落肉質鬆化，食落相當惹味，好食啊! 想不到燒鵝和叉燒都有驚喜!.醇香花雕醉雞 (例牌) $68他一向是醉雞王，那裡有醉雞就會點黎試下，剛好見到這裡有當然又點了一份例牌。值得一讚係，雞皮很容易便能與肉分離，肉質入口嫩滑，帶濃郁甘醇酒香，不只是外層有酒香，感覺酒係滲透到肉裡，不過食多兩件會覺得鹹左少少，但整體味道還是不錯!…Read More

VCity好就好在食肆夠集中，一落西鐵超肚餓都易搵食；我們吃得多就知道邊間應該lunch去~邊間tea去好，如峰壽司~weekday lunchset真心抵，而tea set絕對是灑家完勝，最平0個個set好似只似$20加一，但餓底的魚子媽還是選擇了 粥+炒麵+豆漿+$10油菜，星期日黃昏的人流不多，舒舒服服坐卡位，下午茶餐仲供應到6pm~真係當晚餐咁食都得~起初以為有得自已揀粥，但當日default是魚片粥，雖然吃不慣多骨的魚片粥，但新鮮滾熱辣，在冬日吃罷已滿足，小心為妙就可以了，份量也頗多的說$38有粥有麵有豆漿，原本都無乜期望，但碟炒麵份量慷慨，有d出乎意料之外，填肚一流的下午茶選擇現在已非常少刻意到處嚐新，但求坐得舒服，過程滿意，這裡是場內可取之選；繼續是我們家的飯堂…Read More

要在附近辦點事，見朋友未到，於是先來吃些東西打底。旅日期間，其實除左雲吞麵就想吃廣東粥，店的粥其實也不錯，豬潤是起沙的靚貨，粥底夠厚，另外亦叫左豬手，味道不算濃得要飲普洱解膩，但都夠同入味，皮的脂香不錯，吃得龍肉多回歸基本步，其實都好唔錯。…Read More