42
0
0
Above information is for reference only. Please check details with the restaurant.
上次買完泰國嘢外賣，當時已經對呢間喺隔離叫「瀧」日本嘢好有興趣，今日放工經過就幫襯吓啦😃😃首先要介紹佢嘅主食：吉列豬扒蛋包飯🍽️豬扒好大塊，炸得非常香口，佢嘅蛋包飯一啲都唔Hea，蛋整得好滑，每食一啖飯都充滿啖啖蛋香另外叫咗豚肉泡菜炒飯，平時吃嘅泡菜炒飯，通常泡菜味唔係好出，因為用料比較吝嗇，但今次呢個就非常足料，所以泡菜香非常足夠😍😍佢全部都係套餐，所以有包水果、沙律、同埋味噌湯😍真係聯和墟抵食之選👍👍推薦
continue reading
🍽瀧嚟到聯和墟呢間餐廳，曰式有拉麵、烏冬、日式飯同小食，佢啲小食都唔錯㗎。➰➰➰➰➰➰➰➰➰➰➰🔱赤瀧叉燒拉麵（地獄湯）$68叉燒拉麵材料豐富，有叉燒雞蛋仲有好多配菜，湯底濃郁鮮味，雖然係地獄湯底都唔會好辣。夾住材料拉麵一齊食口感豐富，滋味無窮，越食越開胃👍🔱吉列豬扒烏冬$68豬扒烏冬、烏冬好彈好滑、材料都好豐富、有吉列豬扒、雞蛋有好多配菜。豬扒炸得好出色，外脆內軟，豬扒好淋好嫩。給人帶來愉悅口感享受。🔱曰式煎餃子$20餃子好香脆，啲肉好新鮮好味。🔱日本一口炸芝士$24芝士外脆內軟，芝士好香好濃，食完好有滿足感。紫瀧飲品$36杯飲品顏色好靚，清香酸酸甜甜，食完嘢飲番杯真係冇得頂。➰➰➰➰➰➰➰➰➰➰➰➰➰
continue reading
平時比較少去粉嶺，但原來聯和墟一帶都有好多小店餐廳。今次就嚟試下呢間日式小店。餐廳裝修及佈置帶點田園及可愛風格，門外戶外區左右各設有長枱，室內區空間感十分充足闊落，四周有好多不同類型的畫作及手工藝擺設，都幾有特色。❇️黑瀧叉燒拉麵(黑蒜湯)配日式煎餃(2件) $68▶️每次食拉麵我都一定會先品嚐一下個湯底，因為湯底往往係成碗麵的靈魂所在。以往試過響其他拉麵店食黑蒜湯底拉麵，好多時都會有過鹹或過濃味的情況，以致影響成碗麵的味道，但呢度的黑蒜湯底有黑蒜香味但又唔會過鹹，更加唔會飲完D湯覺得口渴的問題，唔錯！👍🏻拉麵軟硬度適中亦頗彈牙，叉燒肉質夠腍而且有肉汁，加埋半熟流心蛋，估唔到呢度的拉麵比起好多拉麵店都做得出色！而煎餃亦炸得香脆，呢個價錢真心超值！🤩❇️蒲燒鰻魚丼 $88▶️上枱先知原來係鰻魚蛋包飯嚟。原條鰻魚外皮燒得香脆，肉質juicy，下層的蛋夠滑，入面飯量都幾多❇️章魚小丸子(4粒) $22▶️章魚燒新鮮即製上枱熱辣辣，入面有足足3-4粒八爪魚粒，而且好有咬口😋最後試埋佢地的特飲 (跟餐半價+$18)❇️紫瀧▶️由荔枝、青檸、蝶豆花及梳打製成，上紫下黃的顏色賣相好吸引，飲落有好香荔枝味但又唔會太甜❇️青瀧▶️由桃汁、橙汁及梳打製成，薄荷綠色，無論賣相及味道都好清新呢度整體食物質素都相當不錯，而且價錢相宜，坐得舒服，屬性價比高之日式餐廳之選！👍🏻
continue reading
粉嶺聯和墟眾多小店，會選擇嘅通常都會係坐得比較舒服，食物品質同價錢成正比，呢度似乎都合乎我既要求🤭黑蒜油豬軟骨拉麵～豬軟骨非常入味，湯底亦都有驚喜，麵質彈牙兼有蛋香！刺身便當配迷你烏冬～三文魚厚薄適中，非常新鮮，炸蝦卷即叫即做，沒有太多油膩感，腐皮壽司用料豐富。配上嘅烏冬係用洞庭冷烏冬，質地非常好，湯底亦清甜。芝士手羽～雞皮非常香脆，內裏夠晒多汁吉列豬扒～炸到金黃色賣相非常吸引，豬扒厚度適中亦保留該有嘅肉汁。芒果沙冰～我沙冰非常香甜，而且喺平地上面起高樓！非常抵飲！紫瀧～點佢嘅原因係外表非常美麗，估唔到飲起上嚟都咁清爽好飲。
continue reading
平時我地成日食瀧既越南嘢食，因為逢星期三休息，今日就試吓佢既日本料理😎我哋叫咗一份咖喱吉列豬扒蛋包飯同咖喱漢堡扒蛋包飯☺️估唔到佢嘅咖喱飯好好食，漢堡扒好Juice，吉列豬扒都好好味，唔會炸到好乾身同埋係厚切豬扒👍🏻份量都算大，女士們可能會食唔哂，男士就會岩哂😎臨走望到佢個月餅廣告紙，見到好吸引😍$128一盒有6隻，見整得好靚，所以買咗兩盒😋老闆好好人，每次嚟幫襯都好有禮貌，職員又好有效率👍🏻值得推介嘅餐廳🥰錯位都好闊落，冷氣好夠，食食吓會覺得凍添🤣
continue reading