Soi Lou Weng Hot Pot Restaurant (Closed)

抵食到爆2⃣️個人幾百蚊海鮮超正又新鮮正到不得了我同朋友二星期前食完已經想再去多次不過湯底可以再濃味D就好了非常抵食服務好又乾淨我最愛十下十下下次我要叫埋一班朋友去食先得…Read More

辣汁野菌花蛤鍋-惹味，個湯汁令到你食唔停口，花甲份量多都新鮮，野菌索汁鴕鳥肉-減肥之選，都係一般味道牛肉-有肉味墨魚滑-打邊爐必叫，都係正常水準油麥菜、冬瓜-打邊爐必食嘅蔬菜，下火有纖維烏冬-都係一般雪藏貨色，索湯不俗…Read More

第一次去食係有人帶小編去，成班人一齊打邊爐。小編唔係特別鍾意打邊爐，因為唔太好肉同丸。聽到呢個海鮮火鍋就好期待。坐低不完啲醬料就上個鍋。係非常之啱影相放上fb ig 呃 like 🤣食過三次左右，海鮮大部分都新鮮。種類都唔少，眼見咁多，可能有啲喺底，不過大至上都係呢啲。呢個海鮮盛宴有包埋幾款餸，可以自己喺張紙揀，有某啲肉，菜同麵揀。湯底都有得揀，上圖係小辣嘅水佬榮辣汁湯。餐廳嘅staff會幫客人預埋時間睇啲海鮮幾時熟，到佢地開蓋就食得架喇～ 順帶一提，呢度嘅鮮榨橙汁好好飲，如果諗唔到飲咩絕對可以試，大概百三蚊一榨。…Read More

星期三夜晚去食火鍋，食佢嘅主打航空母艦火鍋套餐，隻母艦就好有睇頭，但可惜隻船太大，他們原本應該係用兩個電磁爐煲滾佢，但竟然一個開最大火，一個開最細火，結果大火嗰邊啲海鮮煲到老晒，令一邊都仲未滾，咁樣都算專家？簡直浪費食物撇除海鮮煮得唔好食，其實佢啲海鮮都算新鮮，除了沙蜆（真點有沙的蜆）外，其他的都好鮮甜。服務基本上係冇嘅，唔知是否跑馬關係？海鮮煲到老晒滾晒都要叫才拿走個蓋，全程冇人換碟，冇人加湯，要叫才有的服務，如果大家想要一個冇人騷擾的環境食飯，呢處係好啱嘅，因為你想搵人加水，加湯，落單都好困難😤。汽水係枝裝，好好味，不過盛惠16元（細支），自家製蔗水，就$2x一杯，$6x一酹，果汁要百多元，飲品偏貴，連清水都收了10元一位。航母套餐其餘所揀的食物，不算貴價食物，豬紅、豆腐、豬潤、鴕鳥肉等，除安格斯肥牛較出色外，其他的質素一般。我們一行四人，吃完也不算太飽，最後單點了手打墨魚丸，是整晚最出色的食物。$98/碟…Read More

之前聽朋友介紹食呢個極大份嘅海鮮盛宴，一路都好想試，終於可以約齊飯腳嚟試一試， 果然冇令我哋失望， 大大份嘅海鮮拼盤 ， 賣相吸引，排列整齊，侍應哥哥攞出嚟已經非常之有氣勢。同埋已經安排好每人有一樣份量，大家唔使爭食， 一嚟就先食蒸海鮮，各款海鮮好新鮮，唔使加任何調味料食已經好好食， 而且食蒸海鮮最好唔使加任何調味料，咁先可以食到原汁原味。 食完海鮮仲可以繼續打邊爐 ， 可以揀幾款唔同嘅打邊爐配料 ，基本上份量可以食飽， 唯一美中不足就係有限時 ，唔可以同朋友吹水吹耐d。…Read More

👍🏻航母海鮮盛宴🤤 $238-268呢個海鮮邊爐有八種時令海鮮😍蝦 鮑魚 蟶子 蜆 蟹 青口 扇貝同魷魚🤤另外仲包埋五種自選配料👍🏻而佢既湯底都幾鮮甜啲味都幾出🥘啲海鮮夠新鮮果道都幾好💜啲蟹同鮑魚好吸睛好吸引呀🤤可以話係滿足哂中意海鮮又中意打邊爐既朋友呀🤤💯…Read More

今日爸爸話想食海鮮，便上openrice search 下，便選了呢間座落銅鑼灣駱克道的澳門台山水佬榮火鍋專家。我們一行4人點了航母海鮮盛宴，包含8款海鮮，蜆、鮑魚、海蝦、蟹、八爪魚、青口、貴妃蚌、扇貝、粟米等，d海鮮全部超級鮮甜，d精華全部滴落下層湯底，個湯超級鮮甜。另外，餐廳提供足料既調味九宮格，可自由配搭所需調味料。其他配料我地點了特級肥牛、魚皮餃及魚皮等，雖然份量唔多，但食哂d海鮮已經夠哂飽。另外，值得一讚是魚皮非常香脆👍。…Read More

食之前已經看過相，知道海鮮鍋是很大盆。沒想到，親眼看到之後，還是覺得很驚訝! 真的很大一盆!!!朋友子很喜歡吃肉，所以海鮮鍋的五個配料有4個選了肉。滑牛，蝴蝶楠，肥牛，豬肉(忘記叫甚麼)，4款肉也好好吃! 牛並不是普通便宜的牛，很有牛味! 推薦! 另外一個配料我們選了韭菜餃，餃子很普通，可吃可不吃。說到海鮮，海鮮真是非常新鮮! 我們加錢由蟹轉了龍蝦(因為懶得拆蟹)。龍蝦真的很鮮甜，而且已經拆好，一剥就吃到，不過吃蟹的朋友就麻煩一點，要慢慢拆，不過蟹也一樣鮮甜。其他海鮮都很好吃。最後，吃完所有海鮮，當然要用海鮮魚湯煮烏冬吃，正!…Read More

又是朋友的生日飯，之前有朋友吃過覺得幾好便建議這家。我們本想訂佐敦店，但那裹只能訂6點半，限2.5小時，銅鑼灣的同樣限2.5小時，但可訂7時。很巧地當中有三位因事要遲來，便問侍應可否遲入座，殊不知他竟不禮貌地說：你訂位的時候就應知是訂7點嘛！好彩最後也說第二輪𣎴滿座應可讓我們延長半小時。我們5人被安排這卡位，都幾舒服。我們點了航母海鮮盛宴，每位$268，包一鍋海鮮及5款配料，我們選了肥牛、黑豚肉、廣東雲吞、凍豆腐同腐竹。我們選了海底椰魚湯底，配合這些海鮮真的幾鮮味，海鮮也頗新鮮，帶子煮得久了但也不會太韌，蟹不是很大隻但有蟹味，象拔蚌、鮑魚仔同蝦我都鍾意。最後來兩個出前一丁，配合海鮮精華湯底也很美妙。不滿的是那個凍豆腐，有些是酸的。值得一提這裏有3款小吃只要在facebook follow & like 便可免費選一款，我們選冰火魷魚，帶點辣、惹味而爽口飲品不是免費，我們點了一瓶蛇舌草，個人感覺偏甜。整體來說，這裏食物是不錯，但服務欠佳，不單是入座時的不禮貌，我們途中叫侍應加湯/水，因為蓋不過食物及一丁，但最後還得自己不斷反反食物，如改善服務態度就 very good 了。…Read More

我地7個人黎食呢間野叫左個艦母 簡左粥底啦服務員既態度唔好其實上黎前已經知我地見到佢餐牌上要收每人$10茗茶但一直冇人問我地飲咩茶 直至我地叫人黎跟住上個艦母 海鮮望落係ok但食落咩味都冇 粥底亦都冇味 又冇粥膽除左鮑魚好食啲之外 都唔知食左啲乜佢可以簡烏冬或出前一丁 但係唔可以每樣一半自選5款我地點左肥牛 牛粒 黑豚肉 蝴蝶腩全部都係一人一至兩片onlyo曬咀已經要$268+$10+$10 再加一$316由於唔飽我地仲點左響玲 烏冬 有一人一支啤酒埋單一人$380仲要得7成飽一定唔會再食…Read More

一行十人嚟到水佬榮就係想見識吓個航空母艦。五個人一個，我地有兩個。上枱嘅時候個個都嘩嘩聲，影相就真係一流啦。Like左佢嘅Facebook就送咗兩個小食，呢個火辣魷魚，又香又辣，魷魚彈牙，幾好幾好。另外呢個炸豆腐粒，外脆內軟嫩滑，淡淡椒鹽味都幾好。每隻航空母艦可揀五款配料一款麵，兩邊都揀咗肥牛大家都話唔錯。雲吞味道還好，實的的成粒牛丸咁。貢丸幾好食，黑豚片就一塊冇乜味嘅肉。響鈴平時浸一秒就吸湯，呢度嘅響鈴就浸四五秒個心都係韌韌難咬。另外一邊叫咗肥牛，魚皮餃，腐竹，豬潤，鮮牛肉。我試咗豬膶都幾好。烏冬係煮極都係比較實身彈牙，不是軟的。煮過嘅海鮮， 其實大家都知海鮮煮得耐會有咩後果，老韌霉。其實一開蓋已經九秒九盡快食，都係唔得。元貝同貴妃都又韌又霉，鮑魚成舊擦子膠咁咬極都唔爛。蜆又係霉仲有啲腥。青口八爪魚不過不失。蝦都尚算彈牙清甜，係估唔到係最好食，隻隻都多汁多肉鮮甜。如果咁嘅價錢，又咁多人來講，打邊爐寧願散叫了。…Read More

筆者我終於考完試，又要開始慢長的趕稿日子~~5月算是給自己一個休息，也可以讓自己的胃口有好好的調整！月中去了CWB，玩了密室，還有...再次吃水佬榮！ 因為我和朋友都對水佬榮念念不忘，上次去了佐敦店，這次剛好可以試一下CWB店！事前朋友還打電話去BOOK位，問清楚幾多點才是宵夜時間！因為宵夜時間有折。為何會說這些？還不是因為發生了不好的經驗吧！結尾會交代。 環境方面，CWB店的確一流，坐得舒服又不迫，有個好好的空間談天說地！ 點菜餐單和上次一樣~~ 來了~~~！ 最期待的海鮮到了！又是大大盤！又是選了水佬榮辣汁湯底~~ 在蓋上的同時發現了有這個FB優惠！！立即做了~~我們選了冰火魷魚！ 冰火魷魚我初時以為是冷盤，怎知道原來都暖暖地，魷魚本身都爽口。配料都OK~都是新鮮... 但我和朋友都覺得比佐敦店差，因為牛肉方面，上次我們是有入口即有牛香的口感，這次都沒有！海鮮我不會太大評論，因為都不是下等貨，是難以忘記的海鮮！ 只是這店的員工服務的確比佐敦店差，佐敦店的員工會主動幫我們加湯，這間...客人不多，但也沒有這樣做... 湯味也有少少欠奉...是甚麼原因真的不知道！最後要講一下，BOOK位我們BOOK了9點~因為店員說是9點開始宵夜時段，怎知...原來是9點半.... 可以這樣的嗎？真係有點火！但我已經好好人，這張單我照簽，只是我需要當時聽booking 同事的資料，結果他們磨了一輪也交不出名！ 最後的確，對方因為我的言詞而願意退款，這個也是我不負評的原因。但我不會再來這間店了~~ 很多時有因才有果，做得好不好，應該會心知！有更好的選擇，為何不去？…Read More

經朋友介紹，咁嚟到呢間火鍋店， 一行四人叫咗一個航母海鮮盛宴，叫了海底椰魚湯底，襯返個堆美味海鮮！未開始煲會比我地睇吓幾足料有蟹，有八爪魚，蜆，鮑魚，蝦，其他貝類等。 全部都好新鮮仲識郁鮑魚大大隻！成個煲鋪滿曬海鮮真心震撼諗起之後飲個湯底就開心！熟咗係咁樣，蟹肉鮮甜，唔會散！蝦非草蝦，肉都係實淨，鮑魚淥完唔會縮水其他貝類都勁正，一啲腥臭味都無，欣賞佢用料新鮮啊！湯底超清甜所以即淥佢送嘅出前一丁索曬d湯，第一次食唔洗落粉嘅出前一丁係咁清甜。個味唔會太濃，而又唔腥，好香好好食其他配料我地叫咗牛根丸，特級肥牛，牛仔粒等。份量其實唔會好多，因為食啲海鮮已經夠曬飽！呢度嘅果汁都唔錯，我哋變咗雪梨汁非常之甜又可以解渴…Read More

呢間最近成日係IG見人post相，終於有機會一試，order左航空海鮮盛宴，有8款海鮮，4款蔬菜，另外自選5款食物，同埋烏冬，成盆放上檯好震撼，湯底選了海底椰魚湯，好鮮甜，而且海鮮都好新鮮，8款海鮮，有蟹，蝦，青口，蜆，墨魚仔，貴妃蚌，扇貝，同埋鮑魚，自選配料既安格斯牛同埋一口牛都好好食，食到最尾放埋個烏冬落去，好滿足既一餐，值得再encore~~~…Read More

今次我地一行六人，為其中兩位美女慶祝生日，揀左呢間非常igable的火鍋店！睇相就知有幾咁igable啦！呢鍋海鮮每一款都好好食好新鮮，海鮮一定係食佢既鮮味，所以佢個湯底只係好清淡既菜湯，都已經足夠襯托呢鍋海鮮！值得一讚既係佢既粟米，勁鮮甜！套餐仲包一碟牛肉、幾款自選配料同埋出前一丁，手切牛肉同牛柳粒好正！另外我地仲叫左好多好多配料，不能盡錄不過唔知點解明明我地六個人，佢每款海鮮比五份，但我地當時又唔知點解冇問點解，又冇睇張單佢收左我地幾多位既錢，定係佢既份量真係咁樣？真係不得而知了。…Read More