潮豐魚蛋粉

其實我哋之前嚟過，食物質素以一般粉麵店黎講唔算差，不過全冇service可言。落柯打嘅阿姐通常好grumpy咁問你食乜，或不發一言咁企係你隔呢，等你開口為止。今次食set around $40, 有雞飯 - okay la, a bit bony湯 - seaweed with normal amount of MSG菜 - a bit yellowish今次嚟發生插曲:搭枱男子正在食緊麵, 阿姐係佢食完之後5分鐘就話: "食完俾返張枱我好唔好?"男子開頭唔so佢, 阿姐再問, 男子話: "係咪唔洗比錢吖!"阿姐: "得啦得啦，你坐啦。" 阿姐 然後走開。男子: "離X哂譜，咁都得?!" 再過幾分鐘,男子就埋單走咗。其實當時重有位,不過入d冇tv 啫。阿姐於是執枱，不過大力掟嘢，仲好大聲xyz個男子,話佢比得$17,坐成個幾鐘，正乞衣，@%&*xyz... 好惡囉！人地Starbucks 買杯coffee都比人任坐啦, 呢間做街坊生意好心唔好咁小氣!我哋好驚阿姐唔知幾時發作，所以拿臨食埋就走, total 25min 內finish。點知侍應阿叔叫阿姐收錢時，阿姐又串爆咁話慢慢等啦! 仲囗up up 話頭先又唔走，兩個人食一個餐... 煮緊麵嘅另一個阿叔於是出黎收錢。OMG! 乜嘢人黎架?! So scary! 如果大家唔想有mud損傷 (唔知阿大家姐幾時發癲),千祈唔好幫趁!本人就bad list咗呢間叫潮豐(聽落個名都有d玄機)嘅嘢！！！！！ …查看更多

我本人住係呢間潮豐附近，有好幾次諗唔到食咩，諗住近近地事但食啲野算，但幾次都非常失望。今晚又諗唔到食咩，又趕住返屋企做野，打算比多次機會佢，叫一次外賣。其實我本人就冇食過佢啲晚餐，咁岩見佢有啲幾平既飯餐，於是同男友一人叫左一個。我叫左個「金牌牛雜飯」，男友叫左個「沙姜雞飯」，兩個餐都包左一碟油菜、紫菜湯及熱飲（凍飲加兩蚊）。一個餐本身$30，我地兩個飲凍飲，照計應該$64，正常外賣加一蚊，比盡佢$65。點知比錢果陣佢收夠我$70!!! 我問個阿姐何來$70，佢話外賣兜每個$1。講真，幾蚊唔係比唔起，係唔GUR佢係餐單冇提過，我問個阿姐，又串串貢，佢同我講：「你地自己數下D兜啦！兩個碗兩個盒兩隻杯，啲筷子飲管冇計你地架啦！」返到屋企打開D兜，真心講左句：「撞鬼囉！」兩碗紫菜湯放埋一齊都算啦，佢夠膽死將啲油菜放埋落啲湯度。一飲仲撞鬼，菜又唔係菜味，湯又唔係湯味，真係唔知想點既味！！打開第二個兜，仲撞鬼，啲牛雜我以為佢會放係盒飯度，點知佢又放埋落去啲菜度，又水又油，搞到啲牛雜冇晒味！仲學人話金牌牛雜喎！！正常係出面食油菜，人地都會問清楚你食咩菜，通常都比幾款菜你揀，但佢問都冇問就幫我揀佐菜心同芥蘭（其實我會兩碟都揀晒芥蘭）。芥蘭浸住晒啲紫菜湯，其實真係唔知咩味。啲菜心就勁老，老過我阿婆！食左一條就冇食。啲牛雜既內容如下：牛肺 x 1, 牛膀 x 1, 牛肚 x n, 牛腸 x n。真心唔明點解佢會自稱為金牌牛雜囉!!!結果，我每樣野食左幾啖就放棄左，然後轉戰屋企啲公仔麵。我發誓，我唔會再去呢間野食！…查看更多

全個土瓜灣有三間七喜，位於浙江街的分店只到過一次，是日本來走過來吃碗粥，見到旁邊的粉麵店"潮豐"，賣二十多塊一碗坑腩麵，便轉過來吃。此店有分柱候腩和清湯腩，坑腩的是清湯系，麵底是吃慣的伊麵底 。湯底有牛骨的清香，但略為鹹了一點，坑腩質素不俗，爽而鬆化，肥膏位更有種油脂感。伊麵底表現稱職，煙韌帶彈性。最失策的是配菜，芥蘭帶有一陣不知怎說的怪味。原來此店的沙薑雞，牛雜，也是受到食客歡迎，似乎又要來吃多次一遍了。…查看更多

五月上旬‧開始有風雨問這裡有什麼好吃，我說，牛腩。來一碗坑腩米，牛腩切得大件，但肉質鬆軟，有肉味又帶油脂甘香，很不錯。湯頭清鮮，不過當然是有點「師傅」，22元一碗粉大大碗的，算是這裡的了。加5元有多杯熱飲，奶茶比咖啡好。全店也在看電視，街坊小店風格。…查看更多

開業不久.經已吸引大批食客捧場,在浙江街上段可算是佔有一席位了最出色的牛腩,以及沙薑雞.味道不用多講.份量亦是非常十足.老板娘服務態度親切xD雖然旁邊仍有兩所餐廳.分別係雅苑同埋新增分店的七喜小廚.但是她仍然保持客量食物亦是保持水準..值得一讚..價錢亦相當便宜呢!!一定要再回頭幫襯!!@v@…查看更多

我發覺依間魚蛋粉最好食既都係唔係潮洲麵食，而係沙薑雞，配飯同麵都得。我最安心既就係佢地d沙薑雞，第一係無血，第二係夠腍，唔un，第三係都算有雞味。不過為了健康理由，碟沙薑配料太油，都係少落為妙。…查看更多