潮興牛雜粉麵專家

Open Now

Now Closed

見到遊客 熟客 就畀大碗啲 見到我呢啲新客 就畀兩啖粉 上枱嘅時候 成碗水 我以為佢畀咗 洗碗水我 完全食唔飽 啲牛雜又細件又少 湯水冇味 放幾粒窿到黑嘅蔥就當係 味 完全冇 傳統 湯底可言 食咗兩三淡粉就已經見底 而家明白點解要北上消費喇 食完佢碗粉之後我都會北上 起碼人哋抵食夾大件 呢間嘢係我食第一次之後亦都係最後一次嘅粉麵舖

店員唔理人，態度差，花錢買白眼狼，兩個店員冇理我冇回應我喺我面前走嚟走去近兩分鐘。還讓我唔好擋路，你哋地方细都唔系我嘅問題吧!面食冇味，個粉好易斷。好後悔冇拿呢些錢去買m記。

今日放工自己一個去黃埔行街買野，路過入去簡單食碗牛雜河！店內光明整齊，地方乾乾淨淨企企理理，枱面都好乾淨，樓面姐姐工作勤快有禮貌！叫左陣就好快有得食，碗粉黎到真係好大碗，幾抵食！牛雜切得大大件，炆得幾冧味道都幾好！我鐘意牛腸有肥膏，正！佢加左蔥油係面，有畫龍點睛！我自己加埋佢既辣油就更昇華！另外加左$7 有碟細油菜，本來想再加$5要杯豆漿但實左太飽飲唔到！炸魚皮都好想試，唯有下次！總括來講，我會再過來食牛雜河！

當諗唔到食咩既時候，就會成日諗起食潮州粉麵❤️哩間粉面店可算係紅磡街坊必定識嘅鋪仔，叫得鋪仔梗係細細間，搞掂快啲食完嘅粉麵式快餐啦😂嚟到食粉麵，我自己必定揀雲吞牛腩麵！雲吞都算大粒，皮好薄，每粒都有2-3隻蝦仔，味道同口感都對得起個價錢～至於牛腩就係坑腩為主，肥中帶瘦有口感，牛腩嘅牛油香揀直為個麵嘅湯底升華到不得了。麵底就無我最怕嘅簡水味，配埋佢地自家製嘅辣椒油，一絕！如果嚟開紅磡想快食粉麵嘅，絕對推薦哩間😎

呢日去咗黃埔返工，下午放飯時搵到呢個舊式牛雜粉麵，要入去試吓叫左牛雜撈粗麵，點知上枱係幼麵算！點食，都唔錯，幼麵都幾彈牙！牛雜食得出滷水嘅香味，完全冇內臟嘅腥臭味，處理得幾好，而且份量好足料另外叫咗腐乳通菜，腐乳汁調得好稀但係好鹹

講到紅磡黃埔區魚蛋牛雜相信好多人都會認識佢當然佢唔係咩名物咩名店但一講同區食魚蛋粉我會絕對揀佢😆😆😆原因係佢性價比高每樣產品都好好今次我就點左牛雜米望落普通但每樣都好夠味仲配搭左勁多芫茜，葱😌😌😌😌最好既係佢地會比d炸過既乾葱吊味超惹味又香岩曬我呢d重口味人士🤪🤪🤪重點黎喇！佢地既辣油係超好食！辣得黎唔會死辣佢地有辣椒香蒜香蔥香配合佢既最佳拍檔大紅浙醋簡直無得輸啊！ 如果路過唔知食咩好一定要入去食下😆包你食過返尋味

今日嗌左雙丸(牛丸加魚蛋)河外賣，堂食就30蚊外賣加一蚊，個河粉份量十分足夠，呢隻河粉係比較吸水同易斷嘅，所以外賣會比較碎，不過都好食嘅。我中意牛丸多過白魚蛋，牛丸好濃味又彈，白魚蛋比較平庸。

叫咗四樣嘢埋單都只係$80好明顯係做街坊生意份量算大份雲吞好易散味道好普通魚蛋粉湯底偏淡總算好過香港仔魚蛋腐乳通菜味道好怪可惜味道一般無驚喜唔試無損失試過又無特別

這天行完黃埔，一路行去到民泰街附近，見到又是我們曾經光顧很多次的潮興牛雜粉麵專家，當然要入去吃碗啦，不可以錯失機會嘛！依舊例牌叫我至喜歡的牛腩雲吞麵，另叫了兩碗淨雲呑，大家一起分享。牛腩肉腍嫩滑，完全不韌，爽滑可口入味，麵身爽而不淋，湯底香濃美味，加入潮式調味料，非常惹味。雲吞算是大粒，內裡蝦和豬肉鮮味十足，而且調配的味道很合很好吃，越食越想食，太好味啦。還有每碗都有生菜，現在很少粉麵有蔬菜配搭，所以以後食牛腩和雲吞，這間店一定是首選，必定要吃。

住附近的人都應該知道這鋪位的餐廳隔一陣日子就做唔住要易手, 而潮興應該算做得最耐的一間! 我和家人經常來吃, 因為味道不錯, 抵食, 服務也好! 下午茶時間去吃更划算, 外面根本不可能30多40元可以吃到一碗面、細油菜再一杯凍飲! 

牛腩夠冧夠肥，超好食!!!!!!!!!叫魚皮餃河時，侍應主動問需唔需要加腩汁，唔錯!!!!!!!!!!!!!!!!!!!價錢合理內部裝修比想像中好好多!!!!!!!!!!!

晚上十點半 附近很多餐廳都關門了還開着的多是甜品店 適合一個人吃晚飯的選擇很少路過這家店還開着就不挑三挑四進來了 店員告知11點關門但當時仍有不少客人 而且不時有人來買外賣生意不錯呢凍檸檬茶(跟粉麵加$7)各方面都很淡 甜度也好酸味也好還是茶味都淡本來打算要求加添糖水 不過想着時間已經很晚了吃清淡一點也不是壞事 而且只是淡也不是難喝不過作為凍檸茶的應有質素是不合格牛雜河粉($29)有牛肚牛腸牛肺因為一早說好不要牛膀 所以不知道這個原本會不會給先喝口湯嘗嘗........跟凍檸檬茶同一命運很淡= =這家是少鹽少糖食肆嗎?下了三四湯匙的豉油才好過來一些牛雜質素還可以 軟腍度合格牛腸內夾雜着油脂肪使味道濃郁起來 能補充咸味牛肺牛肚則平淡了些 缺少牛雜那股濃郁牛氣但不至於淡而無味 咸度至少比湯好河粉尚算幼細與滑可惜湯做得不好 使河粉遜色了我都是靠着在河粉直接淋上豉油與辣油同吃順帶一提這裡的辣油比一般要辣若用上我平時的量 大概是吃不了所以這次下手輕點不過辣是夠了 但不怎麼香價錢在接受範圍之內 但同區不難找到比它便宜三四元的麵店我覺得這麼晚還有很多客人大多是因為太晚了不多講究就順從了或是剛好在附近

這幾天已經在家附近吃了很多餐，開始想不到吃甚麽了，見這粉麫店再次易主，姑且試試。店名好像與以前大放魚露味的粉麫店相同，但看店員又不像。我們點了牛雜撈麫、牛雜河粉與腐乳通菜。本對新店沒甚期望，平凡的麫食也沒留影，想不到差成這樣。牛雜撈麫麫條質感是不錯，不過鹹得要死，是不是師父的味覺出了問題？牛雜每一件都很鹹，除了鹹都嚐不出食材的味道了，為甚麽這樣浪費食材呢？附上的湯浮著些爆燶了的蔥花，很難看，但吃著超鹹的撈麫，連蠔油跟這湯都可以中和一下。吃得勉強，放著超鹹的牛腸油都凝固了，唯有咬走凝固的牛油繼續吃。腐乳通菜的腐乳是甜的，還是我們已經給鹹到味覺失常？同伴的牛雜河粉湯頭也是除了鹹甚麽味道也沒有，平常的麫食搞成這樣真令人意外，見師父也勤快，也有不少客人買外賣，其他食物是比較正常的嗎？希望盡快改善，不然要步上手的後塵了。