潮福蒸氣石鍋 (Closed)

前牌阿妹喺潮福酒家book咗一圍12人席同屋企人食，開始我以為係食潮州菜啦，去到之後發現原來係食傳統嘅廣東菜嘅，雖然我地得七個人，冇辦法啦因為佢哋無半席，雖然潮福冇豪華嘅裝修，但係都光猛乾淨，齊人之後就好快上菜，頭盤是乳豬拼盤，皮好趣，啲肉就厚咗少少，但係肥膏唔多而且啲肉好嫩，好好食，跟住就係龍蝦伊面啦味道比較清淡嘅，啲龍蝦肉就好嫩同伊面好入味又好爽，一啲都唔諗，之後就是龍躉兩味，一個係蒸龍躉，個味道就比較清淡嘅但係肉好滑，火候剛剛好，反而個炒龍躉片又鹹又老，麻麻地；個金湯海皇翅吾係成盅上，分好左12碗上枱咁都好都方便，味道不過不失拉，食到呢度都已經開始飽啦之後上嘅第一雞就老左少少所以都冇乜點食，但係佢嗰個臘味飯就好好味，最後上埋壽包同生果。我哋七個人食12人席，所以其實都剩低好多食物。其實千零蚊包埋加一食到一圍12人嘅菜其實都唔錯。唯一最唔好嘅就係隔離枱有一班大叔成晚喺度飲酒吹水非常大聲，嘈到我同屋企人都冇辦法好好傾計。…Read More

自從有蒸鍋之後就愛上左,因為覺得冇咁滯又原汁原味,今次我地又去左這間店舖,之前食過覺得多選擇而且價錢合理,今日差不多9點來到差不多滿座,我地等左一陣就可以入去,好彩仲有睇電視位...不久餐紙也黎到...這裡餐紙有分左右,一邊係只可以叫一次,另一面就任食...當然我地食完海鮮先再叫任食啦,...飲品方面有分免費同收費都十分清楚,我地最後飲可樂加熱水....這個薑汁糕係我地十分喜歡吃的甜品,夠辣夠薑之餘口感十足,而蒽花卷味道都濃而少少葸油味不錯喎.牛肉都係任食,而我地2個就覺得牛肉片比牛肉粒好味,牛味重而吾硬幾好味,最後我地食左幾輪添.蔬菜同肉丸都選擇不少,反而朋友喜歡吃荷葉糯米飯,荷葉味濃而有口感,粟米都夠甜而雞夠滑身.每位都有個貝殼盛宴,生猛龍蝦,當然聖子.鮑魚和貝都吾少得啦,....聖子口感一流,鮑魚厚身但吾會好難咬,龍蝦都十分新鮮...不可不講係差不多全程都有人幫手整野食,我地等食就可以,而且時間岩岩好,所以海鮮整體都好好味道.蜆份量多同大隻到呢...而且仲十分鮮甜.竟然仲有我最愛的馬拉糕,蒸完十分軟熟又香口.燉湯我地選擇左淮杞燉湯,味道好香濃而吾會太咸,比心目中足料同好味.＿再一人半隻乳鴿....好滑又夠脆,如果有得添加就好啦..哈哈最後食完蒸鍋就食我地之前選擇的南瓜排骨粥,粥夠綿又香,南瓜淋晒仲有頭先蒸鍋的精華係入面,味道都吾錯,但實在太多,食不完添.…Read More

男人收九點多，等完佢收工我就話附近有間食蒸氣鍋價錢吾貴就二個人大約十點過去食 ，去到冇諗過都吾少人喎，我地就坐左四人桌勁舒服等野食黎到。蒸氣鍋有好處一開頭會倒米同材料等一陣蒸氣食完就有得食粥，當然叫左最愛南瓜粥啦，夠甜又綿。任食材料都吾少又新鮮，最愛蒸雞都有二款選擇添，而蔬菜蒸完都好鮮甜。這個待應服務態度真係勁好，見佢咁辛苦幾分鐘就黎一輪又驚我整親，真係勁窩心。牛肉十分親鮮，而丸都有好多吾同選擇，男人同我都喜歡吃蝦丸和墨魚丸。有個海鮮盤，蜆好大隻又清甜而且這是一人份量都吾少。仲有龍蝦同鮑魚，口感十足，勁開心。黎到一人一燉湯，味道濃郁而味道剛剛好。這就是海鮮盤，元貝同聖子仲要超中隻添，見到都食指大動。竟然蒸氣鍋送我最愛乳鴿，好脆又夠香，拍得住過百元的乳鴿，突然覺得好超值。涼茶味濃郁甜度可接受，二人飲晒剛好。醬汁都吾少選擇，我地最後一人一醬汁吾洗爭。係街口就見到佢，好易認而且交通方便，最好仲要有電視睇又坐得舒服。…Read More

午飯時間想食番d中式野 (其實姐係炒粉麵飯)，呢間係同事介紹的飯堂，午市免茶介及加一。我地四個人就嗌左四個餐share 食，同早排去食的餐牌有d唔同，無左梅菜扣肉飯，不過其他都大同小異。個湯原來都唔同左之前係燉湯，而家改左做普通老火湯，可能燉湯成本較高吧！就甘食無咩味，要加d豉油。個麵煎得好脆炒得幾乾身，唔油炒飯都粒粒分明，腩丁原來係指燒肉。午市$48 有湯有飯有茶飲算係經濟實惠，每一碟分量都唔少，如果唔太肚餓可以點少一個share食。…Read More

生日有同事請食飯揀左潮福蒸鍋食 8個人叫左特價套餐 包左幾款海鮮同埋有任食既丸同菜再散叫排骨粥底和一份我最愛既象拔蚌食完已經想再食，個種鮮甜真係冇得頂，頭號推介一定要食以下幾款都是套餐包了：貝殼類，搞口同沙白 蒸完都特別鮮甜，果然係蒸比烚更鮮味！套餐都包左一人一隻乳鴿 食落欠小小味 始終蒸鍋地方 還是食返蒸海鮮啦接著來了蒸蠔 大大隻 成隻手掌咁上下 蒸熟就縮細小小 但依然鮮甜 諗返去流口水再黎一人半隻龍蝦 有成隻手臂咁長 勾起成舊肉食 好滿足再黎一人一隻鮑魚 爽口彈牙 加左蟲草係面 食落好甘香鮮甜最後一人兩隻蝦，大大隻，蝦都好爽口以下係任食款，唔使怕食唔飽：肉類 丸類 菜類 糕點類，簡直食到飽住走 最後食埋個粥底 超 級 甜 啊！！！所以 記得留小小肚食粥底 如太飽 就浪費左個海鮮汁煲出黎既粥啦每人338既套餐可以食到咁多海鮮 值得既…Read More

想食蒸氣鍋又夠飽肚又夠鮮我都會諗起潮福，分店又夠多，而且地點都好方便。而且我同女朋友都好鍾意可以食任食嘅嘢！相信依頂草帽大家都好熟悉嘢飲依間係自助形式去拎嘅，我比較好鍾意！汽水呀啤酒呀都係任飲嘅！點餐分為兩部份自選海鮮，同任食部份！任食方面，我哋就真係好鍾意食牛，點幾多真係會出返幾多，肉汁完全爆出來， 肉嫩入口有牛肉的香味。 肉質鮮美味，口感柔嫩適。大元貝好食，簡單來說夠鮮味，加上蒜蓉及粉絲以增加口感層次！唔需要加醬料係最好食嘅！馬拉糕夠軟綿綿，味道比較偏甜。乳鴿外層脆卜卜，內裏的肉嫩，聞落非常香噴噴。個粥好軟綿綿，所有鮮味流晒落去，好甜，餐廳同事建議加一啲芫荽，再帶出鮮。…Read More

今次係我第3次食蒸氣火鍋，所以驚喜欠奉，不過若論海鮮價格，就係最貴既一次店舖唔算太易找，我係最早到既，星期一晚8:05左右到，1樓分2邊廳，我獨覇其中一邊，任揀位坐（之後越夜越多人，果然不愧為旺角）店員話我d朋友未到齊，可睇住餐牌先，8:30先叫會平d（每位平$40），佢仲全程幫我地蒸食物和分碟，好窩心喲😊粥底：瑤柱淮山粥(係我食3次蒸海鮮粥底最好既一次，可惜食到最後太飽食唔晒)湯：可人人唔同，但我地唔多覺2款湯有咩唔同😅乳鴿，貝殼，龍蝦：唔使揀，人人有份，但乳鴿一般自選海鮮：揀左元貝，鮑魚，蟶子，蚌（元貝有少少老；鮑魚唔算大隻；蟶子不算太鮮，之前食開蒸海鮮都無咩調味料，但呢度加左蒜蓉豉油等，係咪因爲唔夠鮮味？）都叫左其他食物，印象較深刻既係蝦丸和百花釀花菇都ok, 而和牛肉好食過和牛粒(後者可唔叫)…Read More

一家人帶住父母食乜好，去潮福食蒸氣海鮮鍋實岩食，又有新鮮海鮮食，價錢又合理公道，都吾錯。去到先點了粥底，放定入鍋底慢慢用蒸海鮮嘅水嚟煲粥，精華係晒粥底，粥係金黃色嘅，最後記得留肚食，超正。佢有吾少套餐選擇，點了生猛鮑魚餐，六位用嘅，平日星期一至四都係$1188咋，都幾合理，每人都係200度，我地八人去照計返，當中套餐都有吾少海鮮包左，鮑魚餐當然有鮑魚，仲有大元貝，貴妃蚌，龍躉件等，全部都好新鮮鮑魚係用蟲草花嚟蒸嘅，肉質彈牙，吾錯嘅龍躉都好嫩滑，仲有一大盆硯丫青口等，都幾鮮味，冇食到沙除左海鮮，套餐仲有脆皮燒乳鴿，熱辣辣上碟好香，皮都幾脆，肉都幾嫩滑仲有蠱草花蒸雞，和牛粒等，和牛就咁蒸原來好好食，牛仲保留左肉汁，食落好滋味，雞就不過不失，份量好多，食吾晒。最後不得不提，蒸馬拉糕，原本都已經好飽不打算食，不過丫媽話吾好浪費食左先知正，佢暖粒粒，超鬆軟好香蛋味，食落好舒服，比平時就咁食馬拉糕好食多了，建議好飽都試下，我覺得好好味。最後當然整返碗粥啦，食完個肚暖粒粒，好幸福丫。…Read More

話說早兩日小學同學gathering ,約咗去最近大家嘅旺角食飯，8個人唔知食咩好，咁就去咗通菜街嘅潮福蒸氣石鍋，食海鮮蒸氣鍋。呢度嘅菜色琳琅滿目，就淨係個海鮮吧已經有好多深海海鮮俾你揀。來到潮福蒸氣石鍋食嘢，梗係要食盡佢嘅海鮮啦！呢度嘅海鮮除咗話好新鮮，就係好新鮮！上菜嘅時候一盤又一盤嘅海鮮，有鮑魚有龍躉有生蠔有青口，仲有好多貝殼類海產啱晒海鮮控嘅我哋。除咗海鮮之外仲有好多和牛任你食任你點！想得枱嘅和牛都係好新鮮全部鮮紅色絕對冇瘀血一睇就知唔係隔夜牛肉！用海鮮蒸煱蒸出嚟嘅牛肉啖啖鮮牛肉汁，啖啖爽滑牛肉口感真係一支棒！更值得讚揚嘅係龍躉魚肉片每一天都好似三文魚魚生咁大片足足有兩隻手指咁闊咁粗咁厚既先甜又夠口感！絕無欺場！除咗蒸得嘅嘢食之外蒸完之後大家仲可以食埋個粥底煱！粥底煱有南瓜同埋豬肉做配料，加埋濃厚嘅海鮮鍋海鮮汁直頭就將鮮帶到更上一層樓！…Read More

同朋友睇完戲，肚仔有d餓，又唔想食到咁油膩，經通通菜街見到潮福，300幾蚊就有自助半放題蒸海鮮食，覺得幾抵就同朋友行左入去食入面海魚魟，海鮮種類都幾多。龍蝦，大花蟹，虎蝦，瀨尿蝦等等，我地叫左個排骨粥底，脆皮乳鴿，外皮好薄，入面肉汁必哂出黎，肉質都好嫩滑。首先食蒸龍蝦先，龍蝦一分為二，上面有蒜蓉，龍蝦本身味道唔重，但勝在爽口，新鮮海蝦，哩個真好食，肉質結實，蝦頭有膏，甘香鮮甜象拔蚌配上蒜蓉粉絲蒸，好惹味！除左以上海鮮外仲有其他食物係任食！我地叫左釀苦瓜，蝦丸，鯪魚丸，豬頸肉，牛肉片，馬拉糕等等我最欣賞牛肉片，醃得恰到好處，外層有小小油份，牛味夠霸道！馬拉糕即蒸即食，夠鬆軟！到最後就梗係食個精華粥祗，夠綿身，正呀！…Read More

朋友來香港旅行每次我哋都帶佢去食泰國菜，今次佢就威番次，帶我地來食蒸氣鍋去到餐廳見到每台中間都放着一頂草帽，就係今晚嘅主角蒸鍋呢個半自助餐呢包一個燉湯， 我就揀咗個老黃瓜湯，好清甜飲得出冇落味精燒乳鴿皮夠薄有又脆又香口咬落去仲有肉汁自選方面，我哋就選擇左龍蝦，魷魚象拔蚌，大元貝，食材豐富龍蝦好爽甜加上蒜蓉好match除咗海鮮之外仲可以任叫手打丸之類我就勁鍾意粒蝦丸仲可以點牛片同埋牛肉粒我就勁鍾意食牛肉粒貪去食落有口感最重要就係要食呢度嘅馬拉糕，鬆軟，甜度適中…Read More

試過一次蒸氣石鍋就真係翻唔到轉頭！老友知道我鐘意吃蒸海鮮，就強烈推薦我去潮福試下，話抵食夾好吃！佢介紹到，鐘意四圍搵食GE我當然去捧下場！平日都好旺，通菜街呢間有兩層，有得食小菜邊爐同蒸氣石鍋！蒸氣石鍋就要上2F，有得坐卡位幾好重有電視睇！LEE到係自選四款海鮮，加蜆同龍蝦，其他就可以任飲任食，咁都係三百幾！超值！落完單就送上乳鴿同滋潤燉湯！無諗過食蒸氣石鍋都有乳鴿食！兩樣都完全無揸流灘！乳鴿皮十分入味，肉質不乾！燉湯同樣多料好味！主角蒸海鮮到 ！全院滿座阿姐都服務得好好！走黎走去幫每枱蒸！有個timer計住要蒸幾耐，呢隻龍蝦超厚肉，蒸得岩岩好，無overcook夠彈牙鮑魚又係大大隻好好味雖然海鮮不是任食，不過份量每件都大大份！同岀面套餐一樣咁猛料，又有蜆、元貝、龍蝦、鮑魚、龍躉、象拔蚌等等等等！食完D海鮮已經好飽！之後就係任點任食，有牛雞豬頸肉蔬菜肉丸果D又係大大粒好彈牙特別推薦蝦丸！差D唔記得個底仲有鍋粥，是鮮甜軟綿的靚粥 ！飽到上心口仲要吃翻兩碗埋完單食埋個水果就走了。真係無介紹錯，每人三百幾蚊真係超級無敵抵食！…Read More

幾個朋友一齊食飯，有人 suggest 嚟潮福我估唔到連蒸海鮮都有 semi-buffet！😂朋友話淨係啤酒任飲都已經抵返哂 😂有【青島】、【嘉士伯】同【Asahi】任飲都有三款！等我著墨一下點樣任食法啦首先就揀咗粥底先，有【新鮮排骨粥】同【瑤柱鮮淮山粥】二揀一我就揀咗後者，食材特別啲嘛跟住每人有一個燉湯，都係二揀一有【老黃瓜燉唐排】同【姬崧茸燉螺肉】我又係揀第二個個燉湯好足料，好滋潤 😋每人有半邊【脆皮乳鴿】，燒得都幾靚仔入味得嚟唔會死鹹，意外地好好食喎一人一份【貝殼盛盆】，隻隻都好好肉店員呀姐有介紹邊隻打邊隻，唔會唔知自己食緊乜左上嗰隻刀貝蚌超級新鮮爽口！👍🏻然後有【刺身拼盤】同【生猛龍蝦】二揀一呀姐就推介我哋食龍蝦，話真係好生猛㗎 😂【生猛龍蝦】真係唔錯！肉質好彈牙之後就自選四款海鮮第一個緊係揀【北韓鮮鮑魚】啦，夠哂豪氣嘛！每個都好大隻，好新鮮食落鮮爽得嚟唔會好難咬開第二個揀咗【北韓象拔蚌】，剪好哂方便食乜北韓嘅海鮮咁出色㗎咩？呢個又係勁好食！好鮮味好甘甜 👅第三個係【生劏龍躉件】，好矜貴～每人都分到兩大嚿魚㗎最尾就係【北海道北寄貝】全部都好鮮味！任食嘅部分都有好多嘢揀建議大家海鮮食到大半先點如果唔係真係會食唔哂呢個係【手切和牛肉】，另外仲有個【手切和牛粒】雞都有兩款，啲雞味道唔錯手打丸都有幾款，啲丸整得幾爽實如果細食可以兩個人分半粒咁就可以試哂咁多款啦因為每個都幾大粒下呀姐介紹嘅【馬拉糕】，果然係好鬆軟想講呢度啲服務真係好好啲姐姐會同你有講有笑介紹食物嗰陣啲形容好風趣唔係一兩個侍應好招呼，係好幾個都係咁個個都勁好笑容㗎任飲任食一輪先至三百幾蚊絕對會再嚟 👍🏻…Read More

我都幾中意食海鮮, 特別係海鮮蒸鍋食到海鮮嘅 ge 原汁原味呢~不過蒸海鮮價錢普遍有點貴今次朋友推介我 o黎潮福食任食套餐果然冇介紹錯! 每人三百幾蚊, 食到勁飽 aro野飲都係任飲, 啤酒都有得任飲 ga我揀 o左自家製竹蔗水雪到好冰凍, 清甜解渴套餐有得揀刺身拼盤或者龍蝦刺身成日有得食, 當然揀龍蝦 la~好大 o舊肉 ar 貝類 ge 拼盤, 有青口, 蜆等等雖然係任食, 但服務都好好職員會幫我 o地蒸食物同分配食物又會介紹有咩好食 除 o左海鮮, 每人仲有半邊乳鴿整得幾好食 ga鮮鮑魚好彈牙! 帶子落 o左蒜蓉, 連 d 粉絲都好惹味 任食都有好多 o野揀依個係手切和牛肉有好多種手打丸依款豬肉丸非常好食!最後堅持食埋個粥, 因為依個真係精華 o黎 ga個粥比平時食 o個 d 口感 Q 彈 d食到勁飽都要食哂佢 ar!之後仲有個水果盤 o添, 真係好抵食 ge 一餐!…Read More

一早已經聽過蒸氣鍋, 之前都有同事升職請食過, 今次久別重逢, 約jor個大同去食lei間以草帽為特色ge蒸氣鍋餐廳。今次去旺角女人街分店, 位置非常方便, 就近柏裕中心嗰邊ge女人街。食蒸氣ge記得上一層ar。潮福ge蒸氣鍋依家係任食套餐, 海鮮就冇得encore, 右邊ge就可以任叫!!! 啤酒, 汽水, 韓國飲品同竹蔗水都係任飲, 抵玩。潮福招牌草帽, 好cute cute, 好似農夫帶嗰d。出面仲有醬料櫃, 選擇多多, 有大路ge蔥蒜芫荽等等, 包保有一款你鍾意。xo醬味道唔錯ga, 而且仲有花椒油, 正ar!!!首先每人半隻乳鴿, 炸到皮脆肉嫩, 香噴噴。每人一盅燉湯, 我就揀左螺肉lei個, 清清地, 幾有味, 唔錯。海鮮種類都好豐富ar。有貝殼拼盤, 今日食左花甲, 青口同大蜆, 新鮮好味, 爽口彈牙, 乾淨冇沙!!! 自選jor北韓鮮鮑魚, 帶子, 桶蠔同蟶子皇。侍應姐姐會每樣分開蒸, 好專業, set埋timer!!! 一響就過黎夾俾我地食!!! 每樣海鮮都好正, 又新鮮又甜美, 蒜蓉粉絲整, 好惹味!!! Lei兜就係尚在生ge貝殼拼盤!!!睇下蟶子皇, 大大隻, 肉質鮮甜, 彈牙, 冇沙, 肉厚!!! 粉絲索哂蒜蓉味, 簡直一流ar!刺身同龍蝦二選一, 當然揀龍蝦la!!! 半邊開邊蒜蓉蒸, 聞落香噴噴, 食落爽彈, 肉肥美, 食唔停口ar!!!車輪轉食完海鮮後, 到任點任食系列la!!! 內容都幾豐富, 有雞, 牛肉片, 牛肉粒, 蔬菜, 手打丸等等任食。手打丸必食蝦丸, 大大粒, 蝦味濃郁, 彈牙, 仲食到有蝦肉tim!!! Encore左2粒tim!! 牛肉片都唔錯, 蒸到啱啱好, 油脂唔錯, 牛肉味濃! 馬拉糕又一推介, 糕鬆軟而且甜味剛剛好。食完侍應姐姐幫你拎起塊架, 南瓜排骨粥份量好多, 食jor 3碗先食完!!! 粥都鮮甜, 飽到上心口都要食!食完休息下, 仲拎埋西瓜出黎, 真的投降了!!! 同大同吹水之後先食到!!!經理同侍應服務好好, 全程都幫你蒸, 完全唔洗自己落手!!! 佢地仲會留意我地進食速度, 食得慢, 會唔蒸住! 服務貼心。…Read More