潮盛館

Open Now

Now Closed

我同朋友尋日去咗一間潮洲菜館，諗住試吓佢哋嘅味道，就叫咗個二人餐，入面有燉湯、鵝件拼雞同翠綠炒蝦球帶子，之後仲加咗兩隻生炸BB乳鴿。講吓個燉湯先，上枱係熱辣辣嘅，湯底用咗啲基本材料燉，味道幾清，唔係好濃但飲落暖胃，有少少甘甜味，湯入面有些配料例如紅棗同瘦肉，食落去都幾軟熟，整體係唔錯。鵝件拼雞係一碟拼盤，鵝件大概有7/8件燜得幾入味，肉質算嫩，表層有啲醬汁，鹹度啱啱好，稍微帶點油香，唔會太肥膩，配飯應該幾好。雞就切咗幾舊，肉質嫩滑，皮有少少脆口，調味簡單，食落去有雞嘅鮮味，係幾juicy幾好食。兩樣加起來份量夠二人分，味道同口感唔錯。翠綠炒蝦球帶子就係一道炒菜，蝦球有五六隻，size中等，咬落去幾彈牙，夠新鮮，味道唔濃但有海鮮嘅鮮味。帶子肉質算鮮嫩，炒得唔過火，保留到啲甜味。配菜有西蘭花，炒得幾脆口，油用得唔多，食落清爽啲，顏色都幾靚，望落健康。整體嚟講呢道菜係簡單嘅海鮮炒菜，味道OK。另外叫咗兩隻生炸BB乳鴿，佢係單點嘅，上枱時熱氣仲上升緊，外皮炸得幾金黃，咬落去有啲「卡滋」聲，算脆口。肉質嫩，啲汁鎖喺入面，食落有少少油香同肉香，調味唔重，靠炸嘅火候帶出味道。乳鴿size唔大，一人一

陪朋友嚟新蒲崗購物，行完就過咗去越秀廣場地下嗰間「潮盛館」食晏。餐廳主打潮州菜同各款即叫小炒，店內裝潢清雅，設有落地大玻璃窗，空間開揚，環境舒適寫意！點咗午市 2 人餐，套餐包是日燉湯、鵝肉雙拼、1 款小菜、白飯及飲品。今日嘅燉湯係椰子雞湯，湯頭火喉十足，內有雞肉、瘦肉和螺頭等，入口濃郁鮮甜，飲得出無落味精，充滿住家風味。鵝肉雙拼揀咗配鹽香雞，鵝肉半肥瘦，皮下脂肪不厚，細嫩入味，滷汁略帶焦糖香氣；鹽香雞皮薄肉滑，鹽香加上雞香，佐飯一流👍🏻翠綠炒蝦球帶子，蝦球鮮美爽彈，帶子肉厚多汁，配上翠綠西蘭花，色香味俱全。另外仲點咗客蠔餅，蠔餅大大份，外層炸到金黃酥脆，內裡包裏著粒粒鮮嫩多汁嘅蠔肉，配魚露吃，解膩又提鮮。

琴晚宵夜去咗食潮州打冷，呢間潮州菜館位置喺越秀廣場一個轉角舖位；舖頭牆上貼左一大幅中式復古壁紙，環境舒適新淨。地方雖然唔算好大，但都設有獨立房間。九點後過嚟食宵夜仍然坐滿人，好熱鬧。～滷水鵝件拼鹽香雞滷水鵝件帶少少肥膏，肉嫩多汁，而且滷得入味。鹽香雞雞皮軟滑，肉厚嫩滑，鹹香味濃；適合送酒或送飯。滷水豆腐襯底，吸收晒滷水汁嘅味度同鹽香雞嘅鹹香。～蠔仔粥蠔仔粥新鮮足料，一大碗大概係二人分量。蠔仔粒粒飽滿漲卜卜；飯粒完整，粒粒分明。配料有方魚，肉碎同芫茜。方魚烘至香脆，又可以用嚟提鮮，個粥食落更加鮮味。～竹炭豆腐竹炭粉做外皮，炸過之後特別酥脆，裏面包住嘅豆腐依然嫩滑。外面撒上蒜蓉粒同金箔，即時令簡單菜式變得矜貴。

抵食滷水選擇-潮盛館經過新蒲崗見到呢間潮式食店，就入去試吓啦，星期六都有下午茶，而且都好多款式，而且大大碟好抵食😛大大碟滷味乜嘢款式都有👍🏻味道都唔錯㗎，鵝腸好爽口，鵝肝都好滑啊😗另外點咗個麻辣豬肚同埋酸蘿蔔，麻辣味好香，都好辣㗎，食得辣嘅朋友可以試吓🥵另外，酸蘿蔔都好爽口，夠晒開胃👍🏻如果外賣自取仲有折㗎，真係好抵食🤣下次可以再試其他

喺新蒲崗嘅寧遠街，有一間潮州打冷館叫「潮盛館」，絕對係夜貓子嘅覓食聖地！💁🏻‍♀️位置雖然唔算旺區，但正因為咁，多咗一份街坊人情味。九點後入座仲有八五折😍啱晒鍾意夜蒲嘅香港人！ . 一入門口，就見到枱枱都係街坊，氣氛熱鬧得嚟又親切。🦆首先登場嘅係「醉乳鴿」，上枱時仲有乾冰效果，煙霧瀰漫，打卡一流📸！師傅刀工了得👍🏻將乳鴿切得薄如蟬翼，浸喺紹興酒中，每片肉都充滿酒香🤤食落鮮嫩得嚟又帶住淡淡酒香，真係令人回味無窮！🌟.跟住係🦪「蠔餅」同🍲「蠔仔粥」，蠔餅外脆內軟，蠔仔數量多到嚇親人，每一啖都係鮮味爆發🤤蠔仔粥更加係足料到不得了，啖啖都有蠔仔，🥰鮮甜得嚟又暖胃。最後嚟個「五指毛桃燉雞湯」，湯底清甜滋潤，飲完即刻覺得成個人暖笠笠，啱晒夜麻麻補一補！😚.總括嚟講，「潮盛館」唔單止食物高質，仲充滿街坊情懷，九點後仲有折，真係夜生活嘅最佳選擇💁🏻‍♀️

放假同媽咪行街去食佢最鍾意嘅潮州菜呢間午市套餐好抵食$168 兩位好豐富首先有兩個燉湯然後再揀鵝肉雙拼（鹽香雞、牛腱、大腸、元蹄、豬腩肉、墨魚）有個小菜翠綠炒蝦球帶子/虎皮椒炒鹹肉仲有白飯同飲品燉湯非常足料，超熱又大盅好好味有豬肉，鮮雞，雞腳，非常清甜又滋補鵝肉拼鹽香雞一上枱已經好香鵝肉既皮連帶少少油脂更香配上紮實嫩滑鵝肉鹽香雞鹹鹹地肉嫩好香雞味底層仲有豆腐索晒啲滷水汁好入味呢個雙拼份量都好足虎皮椒炒鹹肉鹹香惹味送飯送酒一流啫啫蝦醬肉碎芥蘭煲非常惹味，蝦醬嘅鹹香配肉碎芥蘭脆口又入味另外仲有其他午市套餐同宵夜套餐都好抵食

Book左9p仍然滿坐甘多人，可能宵夜時段9:00後有85 折，好彩預先約左☺️！餐牌好多款都好似好吸引，兩個人只能選2個主菜。「特色醉乳鴿」一上枱就俾佢造型吸引🤭好有仙景feel , 花瓶加左乾冰, 適合打卡！杞子浸咗酒，入口香香甜甜。乳鴿切起薄薄一片片，方便一啖一口！ 「蜜汁燒鱔」😍😍👍🏻 賣相已經吸引，估唔到咬落去第一口，喜出望外！ 個皮脆卜卜，入便啲肉係爽爽實淨，最鍾意佢中間肉冇骨 ！ 要趁熱食，熱食係好味好多！「脆通鯪魚球」😍😍👍🏻 一嚟到俾佢size話一聲🤣 比平時一般食開係大一倍！ 外面包咗薄薄一層炸米粉之類，脆脆的，唔係熱氣喉嚨痛嗰隻！鯪魚球個皮亦都有薄薄煎香 ！咬一疊亦都喜出望外，實淨彈牙，最重要係冇一般街外個種魚腥味！ 忍唔住食完一粒再一類！「砂鍋鵝肉醬油炒」👍🏻 有幾隻爽爽大蝦喺面，裏面仲有啲鵝肉碎，飯都炒到一粒粒，食落又唔會覺油膩喎！ 不過兩個人食，真係飽飽豬～～～🤣🤣

行完Mikiki，朋友話想食潮州菜，醒起新蒲崗附近有間抵食潮州菜館，二話不說就行過去食😝。🥢午市二人套餐$168，包燉湯兩位、鵝肉雙拼、小菜、白飯兩碗及餐飲兩杯。• 當日燉湯係五指毛桃螺頭燉雞湯，湯頭帶有清香五指毛桃味，螺頭肉好軟腍鮮甜，連燉完湯嘅豬肉都好有肉味，冬天飲完成身都暖哂😋。• 鵝肉雙拼我哋揀咗拼鹽香雞，口感都幾嫩滑，而鵝肉嘅質地亦夠嫩腍，墊底仲有嫩滑豆腐。• 二選一嘅小菜，我哋揀咗翠綠炒蝦球帶子，蝦球同帶子同樣都好爽口，西蘭花亦好爽脆。• 白飯兩碗• 餐飲兩杯🥢午市優惠小食 • 麻辣金錢肚$28金錢肚好爽彈，麻辣味夠濃。🥢小食雙拼 • 墨魚拼牛展 $88帶酒香嘅墨魚質地夠哂爽彈，牛展Q彈有嚼勁。

新蒲崗宵夜食堂晚上21:00入座仲有85折優惠😍滷水鵝拼盤再自選雙拼 $188有成10款配料自己揀，我就揀左鵝腎同鵝腸，份量比我想像中大份好多，滷水鵝肉嫩，又鵝味夠濃，仲有滷水豆腐墊底😍鵝腎爽口，鵝腸柔嫩彈牙😍鹽香海蜇手撕雞 $118半隻份量都好多，撕到好細又易入口，鹽香味又唔會太重，唔會好鹹，配埋海蜇，香香辣辣又幾正拍蒜炒時菜 $88自己揀要咩菜😍連豆苗都有😍蔬菜好新鮮，份量又多👍🏻脆炸牛奶卷 $58一碟有5條，炸到金黃色，外脆內軟，有香濃嘅鮮奶味

新年去親戚度拜年，諗住隨便落街食個晚餐，親戚話有朋友介紹呢間潮州菜館好好食，但係佢都未試過，咁就一於去試吓啦。一去到估唔到已經坐滿晒客人，而且佢新年都冇加價，非常值得欣賞。等咗一陣就有位啦，雖然佢好多人，但係座位都唔會太迫，坐得好舒服。首先，我哋就叫咗個藤椒魚皮，估唔到咁大碟，而且味道都好好，辣辣地好開胃，就連小朋友唔食得辣都忍唔住係咁食。我覺得最抵讚嘅，就係呢個足料燉湯。佢嘅價錢唔算好貴，但係好足料，而且飲落一啲味精都冇，仲平過自己煲啊。另外，呢個鵝肉醬油炒飯都好出色，佢嘅飯炒到粒粒分明，食落好乾身，而且有鵝油嘅味道，雖然佢好大碟，但係都忍唔住食晒呀。呢度最出名好似係食滷水，所以我哋都叫咗個滷水雙拼，佢嘅海蜇真係好出色，食落好彈牙，而且辣辣地又係好開胃。呢間餐廳又平又抵食，而且食得出佢係好正宗嘅潮州味道，非常推薦大家嚟試吓呀。

蜜汁燒鱔我平時對魚類食物冇咩興趣，但見到menu上蜜汁燒鱔嘅相好吸引，就決定試一試。食咗之後一啲都唔後悔。燒鱔外皮微微脆，表面均勻塗咗一層蜜糖，入口有啲甜味。鱔魚肉質緊實、彈牙，爽脆可口，完全冇嗰種難嚼嘅韌性。魚嘅油脂香氣濃郁，令人回味無窮。一份好大，碟入面有好多塊，兩至三個人都夠食。醉鵝肝單係外觀，就可以見到呢度嘅鵝肝好鮮嫩。入口之後，鵝肝細膩滑溜，幾乎係入口即溶，口感同煎法式鵝肝差唔多，但冇嗰種油膩感。店家喺烹飪過程中加咗酒，令到鵝肝帶有一股醇厚嘅酒香，越食越上癮。與其他“醉”類菜品唔同，呢道醉鵝肝食落冇苦味，只有淡淡嘅酒香，唔單止冇破壞鵝肝嘅鮮美，反而令呢道菜層次更豐富。鵝肉醬油炒飯呢間舖頭嘅鵝肉醬油炒飯都值得讚。炒飯用一整個煲仔端上嚟，裡面配料好豐富，有大量鵝肉同埋唔細嘅鮮蝦。蝦肉鮮嫩彈牙，鵝肉口感唔比滷製嘅鵝片差。炒飯熱氣騰騰，仲有一絲焦香味，每一啖都好正。咁啱嗰日又凍又落雨，叫一份嚟食，嗰種滋味真係無得頂！

【新蒲崗•潮盛館】@ππππππππππππππππππππππππππππππ潮盛焗中乳鴿乳鴿外皮金黃酥脆，肉質鮮嫩多汁，調味恰到好處，散發出濃郁的香氣。焗烤的手法讓鴿肉吸收了獨特的醬汁蝦乾魚滑浸時蔬蝦乾和魚滑搭配得恰到好處，鮮味十足。時蔬的選擇清脆可口，與滑嫩的海鮮形成鮮明對比。湯底清淡而不失風味，讓整道菜更顯清新。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#新蒲崗美食 #潮盛館 #web3新蒲崗潮盛館 (新蒲崗)新蒲崗寧遠街3-23號越秀廣場地下G25-G27號舖

潮盛館 @chaosheng_restaurant 人氣高企個人認為係新蒲崗最好食CP值最高的潮州菜午餐及宵夜價錢親民‼️仲有超抵食二人套餐可追加午市優惠小食 大碗飯系列下午茶-$10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🥢🥢🥢🥢🥢午市2人套餐🥢🥢🥢🥢🥢🍲是日豐料燉湯X2寒冷天氣下 喝碗熱騰騰的燉湯就最合適不過雞肉和瘦肉的香氣交織🐖螺頭的鮮甜添層次濃郁的湯底裹著每款食材味道 既暖心又滋補·🦢鵝肉雙拼
（可選鹽香雞/牛腱/大腸/元蹄/豬腩肉/墨魚）鵝肉皮香肉嫩 搭配鹽香雞鹹鮮 口感對比驚喜每一片都散發著誘人的香氣🐓肉質嫩滑鮮美可蘸特製沾醬 底層更鋪有豆腐 吸滿精華醬汁·🥦翠綠炒蝦球帶子（可選翠綠炒蝦球帶子/虎皮椒炒鹹肉）蝦球爽口彈牙 厚肉帶子鮮味在爽脆西蘭花中更顯風味 淋上玻璃芡🍤蔬菜與海鮮完美結合·🍚白飯X2☕️奉送咖啡/奶茶/紙包飲品（凍飲加$3 罐裝飲品加$4 鹹檸七加$8）。紙包飲品🧃蘋果綠茶/柑桔/解茶。罐裝飲品🥤可樂/Zero/七喜/加多寶⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍶醉鵝肝（半份）設半/全份選擇 以鴨子造型碟呈上 強烈推薦醉鵝肝入口即化🤤每一口都帶來奢華的享受香氣四溢

新蒲崗午市套餐推介🤩 $168 ，有燉湯，鵝肉自選雙拼，蝦球帶子炒芥蘭，仲有白飯，飲品，好抵👍🏻🌟#是日豐料燉湯燉湯以雞肉和藥材熬製而成，湯底清澈見底，味道鮮美，湯頭濃郁卻不油膩👍🏻飲完暖笠笠💗🌟#墨魚鵝肉雙拼必須講係真鵝肉！鵝肉紮實嫩滑，香氣十足，而且份量不少😍墨魚厚切，肉質緊實，口感滑順，鮮味彈牙👍🏻👍🏻🌟#翠綠炒蝦球帶子翠綠炒蝦球帶子色彩鮮豔🤩蝦球與帶子大大隻，鮮甜彈牙，西蘭花吸收了鮮味，味道更好😋🌟#脆炸牛奶卷脆炸牛奶卷外酥內嫩，咬下去時，奶香四溢💗甜度適中✨🌟#麻辣豬耳豬耳Q彈口感，配上麻辣醬，香氣濃郁惹味🤤🌟#生炸BB乳鴿生炸BB乳鴿外皮金黃酥脆，肉質鮮嫩多汁，每一口都充滿香氣，搭配椒鹽，增添風味😋

係新蒲崗想打冷，返黎#潮盛館，以性價比出名🌟環境企理，座位舒服，潮州手工小菜、打冷、小炒等都有，相當多選擇👍🏻滷水雙拼，鵝件拼墨魚，份量好多，墨魚入口好香海鮮味，又滑又厚身😍滷水鵝，肉嫩，鵝味濃，同滷水好夾，正👍🏻仲有滷水豆腐，又滑又入味，好好味😋鹽香海蜇手撕雞，好多，撕到好細好易入口，鹽香好出唔會太咸，海蜇香辣幾正😀雞肉係食得出既新鮮雞👍🏻潮式凍烏頭，厚肉，真係有黃油，幾香，加埋普寧豆醬食好爽😆食潮菜係依頭真係可以試試👍🏻好多特色菜味道又正，食多幾次試晒佢！😎