Chiu Fat Restaurant

潮發粥麵茶餐廳😘😘😘潮食粥粉麵飯尖沙咀樂道、購物天堂、有一間港式麵店為主、加添多元化美食、粥粉麵飯！仲有雞飽翅（仿翅）、可以食豪D😛😛✨滋味韭菜餃拼豬肉丸薄薄廣東雲吞皮、包裹清香甘甜韭菜、豬肉粒、入口味道清香、上湯底、老闆袐製湯底、主要有豬骨+鮮魚熬製、提升湯底更鮮甜、豬肉丸夠脆口彈牙、爽口不油膩😁✨油菜（芥蘭）上湯灼、翠綠夠腍甜、新鮮✨凍檸檬柑桔蜜檸檬清香帶點酸、滋潤柑桔🍊、蜜糖、最佳配搭！潮發粥麵茶餐廳尖沙咀樂道11 A號地舖港鐵尖沙咀/尖東站A1出口、步行2分鐘…Read More

周四，在尖沙咀樂道11A號的潮發粥麵茶餐廳午膳，我體驗了一頓令人滿意的港式地道午膳。🌟這裡的招牌牛三寶湯麵~$69，牛腩、牛肚和牛筋的搭配，讓湯底的鮮香味道層次分明。牛腩軟滑入味，牛肚彈牙，牛筋則帶有濃郁的膠質感，令人一口接一口😋。🌟此外，我也品嚐了淨鮮蝦雲吞併豬肉丸~$60。這道菜的雲吞皮薄蝦肉鮮嫩，搭配自家製的豬肉丸，口感相得益彰。每一口都能感受到師傅用心製作的美味，讓人回味無窮。🌟最後，我點了一杯凍架啡~$19，與豐富的麵食是最佳拍檔。…Read More

💮小店 🚹1-4人 🐻‍❄️#箍牙妹——————嚟到尖沙咀遊客區，🐻🐻‍❄️化身遊客，搵間遊客多嘅餐廳食吓😛當日除咗🐻🐻‍❄️，全場都係遊客🤣🍜招牌牛三寶麵（粗麵）$69 湯麵牛三寶有金錢肚、牛筋、牛腩，每樣最少有2舊，都算多餸。湯底腩汁夠濃，金錢肚夠冧，牛筋就可以再冧啲，牛腩夠入味。粗麵爽、無鹼水味💯🍲鯇魚片粥$36粥底有調味，清淡但味道唔淡，鯇魚片落得多，啲骨清得幾乾淨👍🏽🫃份量🤰啱小鳥胃😛食完7成飽，之後仲食得落甜品😆注意：舖頭只收現金💰結論：食物質素幾好，但麵嘅價錢比較貴。仲有下場下午茶/甜品可以揀呢間～全場大部分係遊客🤣…Read More

味道極普通，牛腩牛肚唔夠味，撈麵份量少，價錢貴，所有飲品唔跟餐，性價比極低。加上單據唔會放上枱比你睇，個人感覺唔老實。食食下天花有佈滿塵膠袋飄左落枱，絕對唔係做本地人生意！唔會再幫襯！…Read More

唔知係咪尖沙咀嘅粉麵舖都係咁貴，成$50一個雲吞麵食物普通到不能再普通。但員工態度幾好。不過雞翅湯飯啲翅都幾多，雞幾香，但係個飯幾難食，個湯都有啲清，同埋唔夠多湯好快索哂。雲吞都幾唔好食，非常普通，湯底難飲。…Read More

來到了尖沙咀樂道依邊，諗住簡簡單單食碗粉麵，試左佢出色既麻辣牛肉, 我揀左米粉同埋另外再加多10蚊，加左魚蛋, 得2粒最後都叫左杯凍檸檬茶，都幾好食，不過唔平一共$85。…Read More

食味非常一般 ，但賣超貴價錢，大家慎入呢。餐牌有標價錢的會係正常價（例如：湯飯賣$5X），但冇標價錢嘅就要小心，會收非常唔合理價錢。今次因為直接向廚房姐姐嗌咗八寶麵先，轉頭先有另一個姐姐行出離收錢，收錢時先知要$81。一心諗住可能會貴得有道理，好好味。結果係麵底皂水味重，唔算好彈牙，食材非常一般，餃入面嘅涵料唔係好新鮮。其他丸同魚蛋就同平價麵店差不多冇咩特別。最後，其實一打開個外賣，連蔥花配料都冇，白雪雪一碗麵咁囉。…Read More

叫了一碗淨魚蛋加雲吞，菜心一碟。店員沒有比單我。在等待中周圍望，全間店都沒有湯麵或淨雲吞的價錢。店員態度是好的，。碗食物到了，拿起筷子想吃，對筷子「黐立立」，要熱水洗過才用。到埋單時，才看到價錢貼在收銀機上，坐埋邊的不會見到。價錢令年嚇了一跳，碗魚蛋雲吞要$79，味道真是一般。我不會再光顧了…Read More

非常難食及衛生情況極差嘅牛腩麵去食晏，叫完嘢食先發現麵檔個廚，口罩一路都淨係帶係條頸嘅位置！包括預備牛腩及其他食物嘅時候….. 跟住見到啲侍應成日除口罩唔想帶返！已經想走，但係經已叫咗左嘢食算數。話係牛腩專門店，諗住質素都唔會太差⋯⋯點知碗牛腩麵嚟左嘅時候，發現啲牛腩顏色好古怪、冇乜肉…又唔係筋，擺落口試吓，質地及味道係我食過最難食嘅牛腩麵！如果唔係門口個侍應係我行過嘅時候好有禮貌，我就唔會中伏入去！大家小心！價錢$45⋯⋯…Read More

恭喜呢間餐廳有幸成為我第一個post!平時就算覺得啲嘢難食好想寫食評，最後都會嫌煩冇寫。但係外賣淨水餃$50得3粒，唔係啩？！自問生平未食過咁貴嘅水餃。味道冇問題嘅，但係貴到咁就好有問題囉。…Read More

而家堂食至十點，起碼收工肚餓都仲可以食到嘢，唔使餓到返屋企先可以食😅————————-心大心細唔知食乜，又要好食😋又要唔好食得太飽😁⋯⋯唔可以再係咁肥落去😅😅————————食咗個八寶湯、南乳豬手，其實我好小飲汽水，但因為呢到嘅係懷舊枝裝忌廉，所以點都要飲翻枝😝————————-🟩八寶湯：話明8⃣️寶。當然係有八款食物，咁係乜東東呢😁1-大大粒又皮嘅鮮蝦豬肉雲吞：2-大大粒嘅菜肉雲吞3-彈牙爽口魚片頭4-潮洲白魚蛋5-彈牙爽口豬肉丸6-帶煙韌口感的魚🐟鮫7-又爽又彈牙的墨魚🦑丸8-魚片夠滑又彈牙————————-🟫南乳豬手：必吃的南乳🐷豬手，炇得夠焾又入味，味道又適中，炇得夠焾又帶一點口感，又爽又焾又入味而又有口感之間就係炆得最正、最恰當嘅時候，慢慢嘆、慢慢食.....—————————🟧經典忌廉：食完再飲反枝經典忌廉：🐷🐷🐷🐷🐷🐷............哂😂😂😂😂——————開心🥳⋯⋯就係咁簡單—————…Read More

有日🙆🏻‍♀️帶住🙆🏻‍♂️去做facial~聽到啲美容師朋友推介呢間餐廳大件夾抵食(依家所有粉麵都減10蚊)😆整靚完塊面就去左填填肚.📍潮發粥麵餐廳.🍜韮菜餃咸雞麻辣湯米線($41)-韮菜餃好大粒好扎實😍😍一咬係勁香勁彈牙~完全係皮薄餡靚啊!!麻辣湯係餐廳自製😆怕佢太辣所以試個小辣先~湯底唔會好油但夠香夠辣喎👍出面好少會見到有嘅咸雞都好夠味🍝豬手撈粗-豬手煮得入哂味仲好淋😋粗麵唔會淋爛又唔會太硬👍…Read More

星期日過開尖沙咀買嘢，行行下好肚餓，朝早都無食早餐就出咗去。見差唔多到食晏時間，為咗避開同人迫，我即刻搵間餐廳食咗先，費事遲少少1個人食要搭枱，分分鐘仲要排隊，嘥時間又食得唔舒服。見到潮發有位就入咗去坐低啦。之前都路過，知道佢係食粉麵為主嘅。不過今日我好肚餓所以就決定食飯，點咗牛三寶飯，入面有牛筋、牛肚、牛腩。3樣都炆得好入味，鹵水味道都幾濃郁，牛肚同埋牛筋夠淋，唔會太韌食到黐牙。牛腩係瘦腩，無乜肥肉連住，其實如果係肥腩會仲好食，牛脂肪嘅香味加上辣椒油，真係飯都可以食多D。…Read More

尖沙咀區域真係有大把嘢食，但係放lunch得一個鐘，唔咩時間周圍行去覓食。有時想食粥呢，都幾難搵到有粥賣嘅地方。上次行過一圈先發現呢間有粥賣，所以每次想食粥就嚟呢度買。我最常食嘅就係海蜇豬肚粥，一開始就覺得好特別，無見過咁嘅組合。食落味道鮮甜，海蜇同豬肚又有咬口。每次食粥我覺得太單調我都會叫多一客口水雞，口水雞好特別，有好多酸菜係面，口水雞香辣配上酸菜嘅甜辣味，配上粥食好開胃。一個人咁樣食就有啲貴，不過搵同事一齊share就最啱啦，一人一細碗粥，配上口水雞，食得都算輕盈。…Read More

我對酸辣味呢就真係情有獨鐘，所以唔止鐘意食泰國嘢，都好鐘意食酸辣米線。呢度因為近返工嘅地方，所以偶爾都會幫襯下。酸辣米線唔錯，米線係偏淋果種，係我鐘意嘅口感。有時胃口唔好都會過嚟買碗粥。由於我個人重口味，鐘意食啲內臟，所以每次食都係點鮮腰潤粥。粥底都好綿滑。配料分量都唔少架！咖喱雞飯都係成日點嘅，咖喱味香濃，少少辛香但唔會太辣，雞肉嫩滑。環境就係一般茶記，因為經常都係外賣所以對環境要求唔高，外賣速度都幾快，唔駛等好耐。…Read More