潮州公館 (Closed)

到這一間食館吃東西, 也是吾妻看到食評, 來到, 叫碟出名既蠔餅, 果然乾身, 兼少瓜各, 確係好正。至於龍躉也不錯, 不會太少肉. 而鹵水比想像較差, 因為沒有我們細個時的鹵水味.飯後送上一碟西瓜丸作甜品, 配上少許讓食客洒上去的配料, 酸酸甜甜, 幾好吃。至於鹽焗蟹, 是膏蟹, 喜歡吃的人士, 會覺得唔錯.

因為媽媽那邊一家都是潮州人，所以今天與公公婆婆吃晚飯特意選了這家餐廳。點了「老」水鵝片、蠔洛、沙爹牛肉炒河粉、青瓜魚肚、冬菇鵝掌、花枝西芹，甜品有竽泥、清心丸。由第一碟鵝片上菜開始，媽媽就不斷說：「嘩，很正宗哩！」更說跟在潮州吃的一樣味道。每一道菜都很好吃－－蠔洛夠香、鵝片入味。至於沙爹牛肉，原來真是潮州菜。牛肉很嫩，河粉很彈牙，不會像在別的餐廳中吃到的那麼碎。就因為媽媽說到這麼正宗，不禁狐疑怎麼會沒樓上那位的芋頭炒飯，所以好奇地問了問經理。回應是：「現在的芋頭不當造。」而不是直接了當地說沒有。所以我猜想要是想吃的話，可以嘗試問問，大概也是會替你弄的。甜品方面，竽泥沒甚麼特別。雖然我覺得蠻好吃的，可是也許因為天氣熱，吃了兩口就覺膩。至於清心丸，原來是糖水，甜度適中，丸子很彈牙，據經理所說有養顏作用，未知真假。本來媽媽還想叫反砂竽，可是回應也是竽頭不好，炒不出好的反砂竽來，只好作罷。總括來說，這頓飯吃得很高興，公公婆婆都讚不絕口。絕對會再之光顧～！

我吾會再去.order 左個鵝肉(例). 得骨好少肉, 仲要比好多好似豬紅的東西做"箭"底.豆腐比得少少. 好吾掂.雖然,環境係幾靚,門口仲有鳥聲, 但食物真的一般.我朋友食完仲肚"0我". 所以呢個食評一定要寫出來.

我屋企就係附近，所以就近黎過幾次。well，周6、日先有早茶飲，點心幾好食，有特色，蛋煎糯米雞，韭菜餃都幾好，可能主打都係小菜，點心選擇小，價錢較貴。小菜比較多選擇，我最鐘意食佢個檸檬蒸烏頭，佢地d 烏頭無泥味，加上檸檬味，空口食都唔錯，重有咸菜頭煮黃花魚，好香口，送飯勁正。有個蒼魚柳，係油炸o既，但又唔係好乾，送啤酒，好味，但係就細碟d ，但係你想下，靚蒼魚幾貴，收你幾十蚊，佢又無乜利潤。唔想食魚，可以食鹵水料，佢地d 鹵水鵝唔係最正，起碼好唔過蕪湖街新記，但係都叫做ok，鵝片都係50幾蚊，我就最喜歡佢d 豬腩肉，你唔好驚肥，你怕肥就無法享受好食物！佢地d腩肉入味，肥瘦相間，重有軟骨連住，又唔會好硬，但係又有咬口，好正。鹽焗雞係用嘉美雞黎做，係真正焗出黎，唔係鹽水雞，所以會耐小小，但係第一唔會乾巴巴，第二，好香口，但係就咸左小小，我已經同佢老細講左，佢話會改善。重有個一口牛柳係用真正牛柳黎做，好有肉味。裝修有特色，唔係好俗o既雕龍雕鳳，入門口勁有以前大戶人家氣勢，重有落地大玻璃，鯉魚門海境奉送。重要一提，原來佢地幾個經理都係以前係雅蘭酒店轉過黎，招呼當然一流la，就算帶朋友黎食，都肯

本身是潮州人,看雜誌知道此菜館的景色優美, 而且又是推介地方, 於是叫埋公公一起品嚐家鄉菜, 讓老人家回味以往生活. 怎知, 食物味道, 菜色+ 員工態度都令人失望.首先, 點菜時的那位阿姐, 全程黑口黑面, 好似得罪佢咁. 叫佢加多個菜, 竟然無反應, 好似唔願做咁.服務差, 算! 如果食物好味, 都由佢. 不過真的好失望, 食物油膩之餘, 連最基本的老水鵝片都唔入味. 咸菜豬肚竟然湯多泎少. 老人家想食家鄉菜芋頭炒飯, 就搵晒全本餐牌都唔見. 我覺得食物唔得, 服務就要好d作補償.....所以一句講晒...失敗

因為見上一個食評咁正，所以一行8人今天中午去試。叫了兩個4人套餐，價錢相宜，$198 和$248，整體水準唔錯，分量夠，味道好，但是侍應唔得，樓面唔夠。食到咁上下，叫上套餐甜品，等3個字，催3次，只得個生果。雖然一人一杯又好靚，粒粒圓由個西瓜同個蜜瓜刨出來，但係個水晶飽同甜湯就唔見啦，等到發火，叫佢唔使上，埋單，扣番30蚊。講真，今時今日咁服務係唔得。佢根本可以一早預算好上甜品的時間，唔使客等，真係水平差。

一家五口(四大一小)中午到潮州公館試菜飲荼.先來一碟鵝紅及一碟墨魚併鵝片;先講鵝紅,賣35蚊一碟,香滑無比,從未食過咁好味鵝紅.一碟已經夠五個人食.至於那碟墨魚併鵝片,侍應話叫做麒麟鵝片,其實係一片鵝片隔著一片墨魚;墨魚爽口鮮甜,不似一般大路貨.另外鵝片方面,鹵水汁非常入味.啖啖肉,只賣78蚊,抵!跟著叫了幾個點心,先來一碟菜棵,皮很薄,煎得很香軟,未來奶奶猛話正,連食兩件.跟著來了一碟炸饅頭,附上練奶,一碟四件,小朋友連吃三件,我吃了餘下的一件,發覺外皮脆,入面鬆軟.好.帶子餃就ok啦,無乜特別.椒鹽九肚魚,去骨才炸,好和味.蛋煎糯米雞,勁蛋香,又唔會太乾.出面小有咁好食.排骨陳村粉,必試.用長方形銻盤上碟,熱騰騰,配上蔥花炸菜,很香滑爽口.最後來個水晶飽,一籠四粒,皮薄彈口,又不太甜.埋單380多元,很抵附註一提,環境勁high,全落地玻璃,可望見鯉魚門海景,裝修古樸清雅.高級食肆格局,d唔逼,可惜在漁人碼頭,比較吊腳.