潮州仔食堂 (Moved) New Location

呢間聽聞招牌菜白胡椒豬手好好食，真係要試下先得，係咪真係咁好食！？白胡椒豬手啖啖肉，唔會得骨頭仲有好多collegen！而且淋度岩岩好！👍🏻我最鍾意個湯底，辣度岩岩好，喝完成個人好爽！下次再去一定要encore.順便要試埋其他野食！

7月頭同老公行過見到好多花牌係呢間鋪門口, 諗住新野要試下, 點知入到去係賣哂!!!!! 個陣時係星期六, 4點左右, 見到佢個餐牌有(白胡椒豬手)真係勁想食, 但無奈地要等下次啦!終於比我等到機會喇! LUNCH  老細唔用車, 可以叫司機車我地去買外賣, 我即時提出要去潮州仔試新野啦! 點知另一個同事話呢間野超正, 係門口都會聞到香味, 又有朋友食過豬什話超正, 咁就真係唔駛講, 即去!!我地第一次去買左白胡椒豬手, 豬肉丸, 牛筋丸, 豬雜(洗得好乾淨, 唔會有陣味, 好好食), 魚皮餃, 魚片頭, 瑞士雞翼! 有米粉, 河粉, 油麵選擇!白胡椒湯底好好飲, 我飲左成碗, 飲到成頭汗, 成個人滿足哂, 至於味精呢個問題, 我本人唔係幾食得出, 總之食完唔會好頸渴既, 咁 OK 啦, 出街食野想唔頸渴已經係好難既事啦! 仲要咁好味, 真係難得一見! 豬手又淋又滑, 直頭贏左粉嶺個間X記豬手, 而且D伙計個個都好好面口, 唔會黑口黑面, 老細又攪笑又親民, 咁平既價錢真係無諗過有咁好食既水準同服務囉! 豬肉丸, 好香, 同出面既唔同, 好食好多!魚皮餃, SIZE 岩岩好, 一啖一隻

屋企鄰近開新野，緊係去試下啦！要試，就要試招牌菜《白胡椒豬手》平時豬手食得多，白胡椒豬手都係第一次食白胡椒豬手，真係好好味，有肉食，唔會係得骨，淋度適中，胡椒味不太辣，食過返尋味呀！墨丸都唔錯，不會太粉架口感辣椒油都好特別，係有豆豉在內，由於我唔食豆豉，所以無試到，辣油就唔係辣了（我都食得辣，食開5小辣）湯底唔太咸同有味精架感覺三十幾蚊套餐，大大碗麵，仲要豬手都一樣價錢，凍飲都比茶餐廳大杯，真係抵啦！