潮味莊 (Closed)

好耐冇食過潮州打冷食物，今次特登專誠到，紅磡北帝街潮味莊一試此食店出品，因此店蠔仔粥在網上好評如潮，而我就俾佢個辣味田螺吸引眼球，當日我柯打這兩個食品外，再加炸潮州豆腐，炸雲吞，炸豬扒，煎蚝餅，鹵水鵝片再加一支啤酒，合共8樣野，若以每樣食物評分，個炸潮州豆腐堅好食有A十水準，蠔仔粥及田螺亦冇令我失望，評分有A，而鹵水鵝片，煎蚝餅，炸雲吞亦有B級評分，而個炸豬扒就非常失色，又簿，又乾，又嚡直情近乎難食級数，評分係D，最後一提此店食物繁多，價錢又街坊價，值得再去光顧試多幾樣此店出品…Read More

蠔仔粥超級多蠔仔，每次食都勁足料🤤，蠔仔新鮮又大粒，炸雞翼都好抵食，炸得非常香脆，炒田螺同埋滷水鵝都好入味，之前意外嘅行入嚟間舖頭，而家每個禮拜都會幫襯一兩日，特別係蠔仔粥食極都唔厭呀😋…Read More

常在土瓜灣覓食的話就不難發現這間在北帝街經營多年的潮式粉麵小食店「潮味莊」，牛腩牛什、潮州蠔餅、韭菜豬紅、雲吞水餃等潮州食品一應俱全，味道亦正宗。呢度最特別的當屬可自由搭配的“車仔麵式”潮州泡飯。坊間類似的米線面店唔少見，但可自選餸料的潮州泡飯應該獨此一家，蠔仔仲要可以當是其中一餸，鐘意蠔仔粥的朋友一定不要錯過。泡飯亦可自由更改米粉，河粉等。可惜小店的衛生狀況令人堪憂，店家的雜物四散店內，枱面油膩膩，大概只有真愛先會一路幫襯吧。…Read More

有時餓得滯,都唔會咁挑剔,見到咩就食咩啦,仲咁多嘢講咩? 對腳話:主人乜你唔覺得我已經好軟喇咩,仲開#openrice搵呀? 搵得嚟你都PK啦!咁又啱嘅,卒之咪樁咗入去呢間潮味莊囉.呢間潮式飯店,個look就冇乜睇頭,平民過平民,但車水馬龍,好似好受歡迎咁.潮州嘢都離不開叫鹵水鵝咖啦,再整個自選泡飯,炒蜆,滷水五花腩肉飯.鹵水鵝肉$86食落夠鬆軟嫰滑,鹹味適中啲驚喜. 泡飯$42嘅鯇魚片,厚到成塊擦紙膠咁,有誤導成份,但食落又鮮味好食,縱使有啲泥味,湯底都好鮮甜,飲到見底.炒蜆$56都味道不錯,唔太鹹唔太辣,可惜啲蜆好縮水,差啲搵唔到佢啲肉.滷水五花腩肉飯$42,味道較清淡,唔能夠滿足重口味嘅我.承惠$226.抵食,有機會會再嚟!…Read More

我不時到土瓜灣附近覓食，因為有很多價錢親民，質素好的小店，這間「潮味館」就是其中一間。看店名就可以知道這是一間潮式粉麵店，牛腩牛什、雲吞水餃、紫菜四寶丸等都是主打食物，當然「潮味莊」也一應俱全。之前同食友已經吃過數次，都會試吃不同菜色，也會有小驚喜，但必食的一定是「鮮蠔仔肉碎粥」和「郊外油菜」。大大粒鮮蠔的潮州粥，份量足夠兩人分享；蠔鮮味十足，完全不會有腥味，更不用加胡椒粉。芥蘭、菜心、韮菜、通菜，所有蔬菜都是每日由老闆親自到市場選購，保證新鮮、顏色翠綠！同行食友說：這是我食過最好食的豬紅！豬紅很出色，不會一夾就散開，有咬口而且很入味。韮菜新鮮，但有些會「有渣」略嫌可惜。大腸炆到軟身而且入味，但都會出現大腸常見問題，哈哈！想起電影「食神」的一句對白！雖然「潮味莊」的食物味道真的很不錯，但過往有一點真的要批評一下，間中都會見到「小強」出來玩耍，老闆都會快快手解決。老闆的熟練手法，可見「小強」應該是常客吧。不過大家可以放心，今次去的時候見到店內已經重新裝修過，衛生比以前改善不少，環境明亮，座位亦比較舒適。總結：營業時間比較長，半夜心絲絲想小嚐潮式美食，又不想花大錢？不妨試試價錢親民的「潮味莊」，你會發現小驚喜喔！…Read More

正等待小友下課，百無聊賴四圍逛。逛至肚子咕咕聲響，看來是時候祭祭五臟廟....來到北帝食街。一個人，隨便吃甚麼皆可，不用每次吃都那樣講究，否則很辛苦的。做人有時隨性一些，反而自在....興之所至，就來此吃碟潮式碟頭飯吧....飯未至，奉送的紫菜湯先來。一呷，只覺鹹氣迫人。近年越食越清淡的本人，登時就被嚇窒。最後就只隨量食點紫菜就算....一大碟潮式牛雜飯。一睇色水，就知是濃味之作啦....牛肚、牛膀與牛腸盡嗦鹵汁之味，著實味十分濃足。愛重口味之人必愛煞之，而我呢，就感覺有點負擔太重了。不過若論三者之咬口質感，倒是做得挺好的，牛肚夠軟淰；牛膀口感彈牙；牛腸沒很重怪異味....就連旁邊的那一大條生菜，都被鹵汁浸透至味極濃，由此可知這鹵汁是濃鹹得那般厲害了....…Read More

這間潮州鋪，已經在這裡開了幾年，每次收工肚餓都會想起這𥚃，不是因爲特別好味，而是它收零晨三點，今晚又來到，開門嗅到一股味道，有些人覺得臭味，其實係潮州鹵水的味道。其實這裡除了牛腩，還有其他選擇，如雲吞、牛雜、蠔仔肉碎粥、蠔仔餅、牛丸、魚旦、豬肉丸。今晚和平常一樣，點了牛腩河$30，河粉嫩滑，牛腩質素一般，有瘦、有肥，隨廚房喜歡，他給甚麼就吃甚麼。味道都可以接受，只為吃飽一餐回家睡覺💤💤💤。…Read More

今晚到土瓜灣，本想到大漠食羊肉串但因太早未開門，附近逛逛時被這家潮州小店的牛腩吸引，入內才發現小店還供應豬雜麵及潮州蠔餅，又試一試吧。 先來秘製牛雜米，牛肚、牛肺、牛膀、牛腸及金錢肚，湯頭夠牛，又鮮又濃，牛雜亦夠味。牛腩河亦不錯，我喜歡比較肥的部位，肥美又軟腍，潮州鹵水沒有落柱候醬，只用自家秘製香料和藥材混合，將牛腩不同肥瘦部位放下鹵水浸至六七成熟後，吊起風乾後再鹵，這樣才入味而肉質又腍。 潮州蠔餅半煎炸，火候還可以，脆口少許油膩，蠔仔數量不少，味道不重，加點魚露提鮮會好點。金不換炒蜆味道頗濃，我們看著店員到附近買回來，蜆仔還新鮮郁動，可惜比較細隻，鮮味不足，但誠意可嘉。 潮味莊 土瓜灣北帝街17-19號 注: 欣榮花園提供時租車位，附近有大量咪錶車位。#hkfoodblogger#hkfoodies#土瓜灣美食#潮州粉麵 #潮州蠔餅 #金不換炒蜆…Read More

呢間開左一陣子，我都無去食過 前2日晚上凌晨1點幾 無野食 就選左呢間 食左碗雲吞牛腩麵，我老公就食左個牛腩撈河粉。份量ok既！但就等左起碼15分鐘以上先到🤦🏻‍♀️當時加埋我們2個得4個人！雖然唔明因咩事可以甘耐🤦🏻‍♀️🤦🏻‍♀️之後昨晚去叫左外賣 又等左4個字！其實不是很快的嗎？一碗湯河而已🤦🏻‍♀️🤦🏻‍♀️牛腩幾淋 幾好 感覺無味精既湯河雲吞算大粒 裡面見到有蝦仁 最後 想講 其實呢間有打電話叫外賣 不過個姐姐會話唔識去唔送😂😂😂…Read More

巧經土瓜灣，才發現北帝街有很多餐廳，而且全是小店經營，而不是連鎖分店！最後選了食潮洲粥，因為可以好似車仔麵般自己點餸，而且價錢一律$39！花多眼亂下選了蠔仔肉碎潮州粥，媽媽點了四寶紫菜河及炸魚皮一碟。潮洲粥即點即煮，但都只是等了5-8分鐘。蠔仔都算多，而且湯底好夠味！不錯！難怪店主以此為生招牌。四寶河都是大大碗及足料，特別是紫菜，超級多！唯一不足的是炸魚皮，雖然全部都大大條，但係超級咸！不是蒜味重的咸，只是覺得用了很多調味料去醃！浸完湯都覺得咸就可以想像到有多重味！ 喜歡吃重口味的朋友就可以試試…Read More

見到呢度開左間新野所以入黎試下，行到入黎....成間舖頭好大陣臭味 總之成個感覺好唔舒服，不過同女朋友入左黎所以廢事走人叫左個蠔仔粥，味道普普通通唔算太大驚喜蠔仔都幾肥美，份量都唔少，肉碎味道都ok芫荽帶動整個蠔仔粥既香味九菜豬紅好多呀份量，豬紅食落有口感而且個汁好夠味！唯一就係間鋪真係好臭，成餐飯都同臭味共存希望呢一點可以改變下…Read More

今晚同2位好姐妹黎到土瓜灣食野, 不過因為晏晝食得太多野, 我地幾個帶住個唔係食得好多既身軀黎到呢度食潮州菜呢度既價錢一啲都唔貴, 好街坊價😊 蠔仔肉碎粥＄38一碗都幾大碗嫁! 蠔仔份量一般適中, 整體味道都ok韭菜豬紅 $40原本嘅韭菜豬紅係有豬腸, 不過因為我哋唔食所以叫職員幫我地走腸, 豬紅食落去好煙un, 唔會一夾就散開, 韭菜放咗喺下面, 食落都OK架! 整體味道都幾香, 同埋有些少辣👍🏻田螺 $40Size都幾大隻而且每一粒都有肉食, 不過嗰醬汁唔夠辣, 所以田螺個味道唔算太濃, 唔夠惹味整體味道都OK有機會嘅下次過嚟試吓佢哋嘅炸雲吞同炒蜆先😁😁😁…Read More

這間在我公司附近，我覺得呢間的牛腩都可以，雖然沒有九記好吃，起碼都算可吃。之前和太太吃過魚蛋粉，D魚蛋都不錯，最重要係晚上開到零晨三點，土瓜灣好少夜店，所以都不失為一個選擇。…Read More

很久沒來到北帝街, 有某些食店因為重建而消失了, 在街上找尋粉麵店, 結果來到這間未去過的潮食店可能未到12點, 店內沒有太多客人, 感覺一般, 樓底算高, 坐得舒服叫了一碗牛腩河, 半肥瘦, 也算不俗, 湯底算清唯一感到不好的, 是店內用的筷子, 是粗身木制的, 但拿起時, 幾支也似 "披披地", 有點不太衛生的感覺…Read More

近期來多了土瓜灣區，發覺區內有不少新食店，潮味莊便是其中一間。今晚我地特意來試試，叫了「三餸泡飯」、「蠔餅」、「牛雜」。三餸泡飯 - 「即叫即煲」吸引左我地想試下，揀左蠔仔、豬潤、冬菇，白飯另上。等左約15分鐘，滾熱辣上枱。試一試個湯，好香濃既豬潤味，試一片豬潤，屬爽囗類，不會太粉。蠔仔亦幾大隻，但蠔味唔重。冬菇索左豬潤湯汁，幾入味。湯內仲有生菜底，夠健康。先飲細半碗湯，再加點白飯變成泡飯，夏天冇咩胃口食呢個泡飯，唔錯唔錯！蠔餅 - 上枱見到個樣有d失望，試一啖，同樣失望。蠔餅煎得太鬆太碎，有d乾身。蠔仔正如泡飯一樣，無咩蠔味，而且份量亦唔多。牛雜 - 呢份牛雜都包含左好多部位，牛膀、牛肚、金錢肚、牛腸、牛肺＋喉、牛粉腸等。牛腸、牛肺＋喉都整得好爽口，牛粉腸更係少有食店會提供，兔仔不知幾鍾意 至於牛膀牛肚等就比較普通，整體而言已經唔錯。後話：返到屋企冇口乾感覺，相信店內食物冇咩味精:)…Read More