潤記粥麵茶餐廳 (Closed)

一直都係潤記既常客, 經常order 外賣 / 直接行去食一直水準都唔錯但最近幾次叫外賣，令本人非常失望第一次失望，外賣楊州炒飯，無味，飯過硬，有d焦 (人誰無過，我無出聲)第二次失望，燶左既 乾炒牛河，河粉碎晒，又乾又硬，牛老晒，每粒河粉都焦焦地第三次失望，今日，班腩豆腐炒河, 甜既，多左紅蘿蔔 ，多左薑…d粉完全唔入味…以上三樣野，我過去十年成日叫都係好食既…我打去問係咪換左廚師，佢地話無…如今，我只好從此唔再幫襯…唔想再花錢食垃圾拜拜！

今日上完堂要去接老婆跑10K, 由於上年等到自我消化所以今年事先食少少野打個底.見附近有間開左好多年,依家喺香港買少見少舊式粥麵店格局既潤記,決定要試一次點知一試發現又係間好野點左一碗雲吞麵一杯凍華田, 師傅用舊式做法將麵放左雲吞上令麵不會太腍, 咬落爽口彈牙冇鹼水味,雲吞皮薄材料足,大少剛好一啖一粒!凍華田都俾心機架, 唔係溝好多水再加糖水既感覺,好飲!

夜晚落班噶時候原本霖住唔食野，不過突然間覺得好肚餓，又咁啱路過一間茶餐廳，於是就霖住入去隨便食啲野填飽個肚啦~~豬心麺，可能有好多人都接受唔到豬心呢樣野，不過我自己就好鐘意食啦，煙煙韌韌，味道好正！！雲吞，雲吞噶分量幾大，而且粒粒都好多肉，湯底都唔錯，好鮮甜餐蛋麵，材料比較豐富，不過湯有啲少，麺唔錯，煮得啱啱好。牛腩，牛腩食落去無牛噶騷味，而且牛腩非常入味，分量又夠多

潤記每每我想吃美味的粥品，我一定會來潤記，今次又口痕痕，掛念潤記的肉丸粥，放工後一於去食啦！肉丸粥$30最喜愛潤記的粥底，又綿又鮮甜，食落會發現潤記加了腐竹去熬粥底，令粥底更滑更香。另外，肉丸的味道很濃豬肉味，吃得出不是一般的肉丸，很彈牙很有咬感，豬肉丸的鮮味亦滲入了粥底，令粥底的鮮味更上一層。鹹肉儍$10食完碗粥其實已飽了，但又想食隻儍，見$10就叫隻啦，熱辣辣好熱好熱，但淋左啲，冇咩咬感，肥豬肉較少，冇咩特別，都係粥品最正！

潤記粥麵茶餐廳由於身體繼續抱恙，我只好繼續尋找美味既粥品！潤記既粥底熬得好綿，夠濃杰，亦好鮮甜，香噴噴！好滿足呀！最鐘意係啲肉丸，估計有7-8粒，調味好出色，非常入味！再加埋薑絲同蔥花，正呀！

有人介紹呢間茶餐廳佢話細細個住北角住左好耐，由細食到大仲話呢度既牛腩麵同粥好好食，近近地一於去試下啦細細碗但都幾足料好多薑，有根又有腩，仲有條菜添個汁都幾好味幾濃，薑味好出haha，但牛腩唔稔，un un 地但雲吞唔係太熱，皮有啲乾，好似無事先luk番熱佢咁麻麻地啦其實，中規中矩

是晚球隊係北角練完波，做完運動寧舍肚餓，所以走左入潤記醫肚，一共點左3個餸！京醬雞中翼京醬幾香，雞中翼size合理，但係雞中翼本身唔夠味，有d醬還醬，翼還翼既感覺豆豉鯪魚油墨菜家常菜式，豆豉鯪魚都係果d，油脈菜幾新鮮，而且碟頭夠份量,送飯食一流海鮮豆腐煲份量十足，海鮮其實係獅子狗蟹柳加蝦仔，不過整體味道都唔錯同場加映菠蘿冰少冰！不得了！好.....甜！佢係凍檸水既base加罐頭菠蘿！總結：抵食夾大件，就宵夜而言係個非常好既地方！

又加班，但不是太肚餓，簡單叫個「滑牛粥」（$27）走薑絲！因為其他同事都有叫，食物多，所以要20分鐘先送到，幸好仲好熱，雖然材料簡單只有粥、牛肉同蔥花，但粥夠綿，牛肉滑，有牛味，份量亦多，連蔥花一齊，食完成身暖晒，好正！

叫咗一個魚片皮旦粥，加個咸肉糭，（$38）25分鐘送到，粥底都棉，皮旦都多，魚片切得夠薄，份量也不少，可惜有D腥，雖然有落蔥花加薑絲，個咸肉稯跟埋濃甜豉油，隻糭都大隻，足料，送到來仲好熱，好味！

這裡 「潤記粥麵茶餐廳」又有我必食佳品，一間地道老香港茶餐廳，已經歷史悠久，沒有美麗的裝修，座位亦不多，但每次也能牽引著我，令我不期然踏進來找我心儀的美食 豬膶粥是令我念念不忘的好吃東西，用的是黃沙膶；它的甘香酥軟，入口爽脆無比，實非用一般的血膶可以做得到的食味，我總愛要求放入牛肉片為它加上一點點色彩與鮮味，粥底㷛得綿軟，口感濃稠，香噴噴的放在你面前，怎不能為它動容？ 經過一番膽固醇的洗禮，再來一杯和味的凍鴛鴦洗擦味蕾堪稱一絕 !

好友向我推薦潤記的豬手好幾次了，其實我也愛吃，但總是覺得吃起來有些麻煩，而且吃相會不太好看，也就一直拖著。這天好友再次提起，好吧，陪她走一遭，圓了她的心願。 下午茶時間，店裏也座了七八成客人，多是附近街坊，和老闆夥計有說有聊，很是熟絡。我點了豬手米粉，外加熱奶茶。 豬手很快端上來，看色澤已經很誘人，連湯底都好香好好味，可見燜了很久。兩大件豬手，外皮、筋都好焾、好入味；吃到口中比較黏，不覺得肥或者油膩；調味都很好，不鹹，有少少甜味；所有關節位都很容易咬開，但畢竟有幾塊大骨，啃起來還是比一般食物費勁，不過值得啦，呵呵！米粉都煮得不錯，很爽口，不爛，加上燜豬手的湯底，很好味，即使我這個不喜歡吃粉麵的人這天都吃光了。奶茶用金屬杯裝住，夠熱，保溫效果也好，這點很不錯。但味道就比較普通，茶味夠，但奶感覺就少了一點，也不夠滑。或許最近喝了不少好的奶茶，嘴巴也變叼了，其實也不能說差，收貨還是沒問題的。

誤打誤撞去了街坊茶記食麵 後來知後覺是間零咸面的 而豬手麵是這裡的名物, 但也沒所謂反正我不吃豬手的。點了一碗水餃麵: 轉頭已經上枱, 先呷口湯, 看似清澈但明顯地加了豬油增加香味, 還是正宗的做法, 加點韮黃取代蔥, 麵質彈牙輕微鹼水味則可以接受 水餃料有蝦,豬肉,木耳,荀等, 非常足料大大隻爽口味美 。

早些時介紹食友九龍區的食豬手好地方, 看見new come 兄有好介紹, 是北角的潤記, 這店是本人多年前住那裡附近時常去的老店. 已經很久沒幫襯了. 自北角村拆卸後後更加不知是否仍然營業. 今次挑起條筋, 又要追尋這舊味道.在人事全非之下再到臨北角村的遺址, 不過經參考過 OR 的地圖後, 郤全不費功夫.下午三點, 只有三兩個人客, 在大電視對面坐下, 看見餐牌上琳瑯滿目, 十分多選擇, 不似當年只賣粥那麼簡單, 但此來的目的是豬手麵, 不需浪費時間了. 便叫阿姐寫了豬手撈麵. 30 大元.五分鐘便有得食, 這份量可不小呢, 長方形的碟子, 三件巨型的豬手, 幾條菜心伴碟, 看一眼已經心花怒放. 口水宜流.先試跟上的湯, 上有幾條韭王漂浮著, 有大地魚的香氣, 十分傳統, 味道也不錯, 沒甚麼味精的踪影.夾起豬手品嚐, 發覺和他店用南乳炆的味道稍異, 是很濃的甜豉油味, 令我聯想起耀東街長發的豉油撈麵的味道, 甚佳.豬手的口感也上佳, 有咬口, 不太腍, 但很入味, 真的是豬手, 不是豬腳.麵很爽口, 彈牙, 沒有梘水味, 當下大口大口的吃, 甚是過癮.心思思想試其他的食物, 但

如沒有記錯，此店三十幾年前(店址位於北角邨)老媽子巳帶我去經光顧過，當時只不過是幾歲的我， 還記得當時有位伙記本來是在北角碼頭拉纜的，今日重臨'新地'，叫左牛腩麵 + 淨雲吞 + 凍奶茶，46個大洋，吃得飽飽的，雖不是我最喜歡的清湯底坑腩，味道也不錯，雲吞( 淨雲吞有八粒)也不是我最不喜歡的乒乓波那般大的'大蝦雲吞'，可以一試。

早排天寒地凍，最啱食粥，但俾隔離間廿蚊扒截左糊，今次補番。我地叫左一個鮮茄魚片粥同一個焗魚腸飯。個鮮茄魚片粥好味呀，如果得魚片會好齋，加左鮮茄就醒胃好多。個魚腸飯係典型麻甩野，都整得唔錯，可惜就係腥得滯，要點多ｄ辣椒醬先掂。呢個餐仲跟個湯，咁個湯就係典型麻甩青紅蘿蔔豬骨湯。