呢間茶樓來過兩次，雖然唔係爆場嘅茶樓，但係好多在地當地人都幫襯，輕輕鬆鬆坐埋位一盅兩件，叫個盅飯叫多個點心就一餐。今日早上遲咗去，嗌唔到最鍾意食嘅大包，叫咗干蒸牛肉、魚翅餃、珍珠雞、跟住嗌多個冬菇蒸雞，乾蒸牛肉脹卜卜，非常足料，魚翅餃喺出邊都冇乜幾可食到，裏面有豬肉雲耳同粉絲，加上薄身嘅餃皮，裏面材料質感有層次，珍珠雞餡料不多，但糯米很煙靭，北菇蒸雞雞肉非常滑溜，冬菇用細粒冬菇，有口感菇味，通常點心好有味精，但呢個食完之後沒有勁灌水，相當不錯。啱啱食緊途中見到有個花牌寫住呢間小茶樓會做到星期四，之後老闆就會退休做家務，之後再嚟長洲又少咗一個地點可以Hea Hea地感受當地人生活了。…Read More
