漢興茶檔

Open Now

Now Closed

食開有感情，讀書果時得閒就會黎食，而家做野就冇咁既機會喇，因為呢間野通常三四點就會閂門，好懷念呀每次都會叫豬扒雞翼一丁全部即叫即炸 炸出黎熱辣辣 ，正到爆呀 重要一點係豬扒雞翼都會另上，一定唔會浸到淋哂。

這間位於聯和墟的漢興茶檔，買的都是多士、公仔麵…其中比較特別的蛋鹹牛肉加多士，真係幾好味蛋鹹牛肉加多士 - 鹹香味道特別加上蛋把肉汁鎖住，食落十分香滑👍🏻蛋也不會太老豬扒公仔麵 - 豬扒大大件用五香粉做調味，肉質鬆軟加上選用出前一丁麵，今時今日買這個價錢還可以在那裡找到

依間野成日都好多人排隊，個日平日去到，大約11點，明明過左早餐時間，但都幾多人下，證明真係好受歡迎！叫左豬扒湯通粉，大大塊豬扒加埋通粉都只係20蚊，好抵呀！雖然個通粉食得出係超市有得賣係隻快熟通心粉，連個湯都係個隻湯包😂，但20蚊仲可以要求d咩！另外，雖然塊豬扒都幾乾身，但食得出有d甜甜地，餣得幾入味，味道同煎法都好有屋企既感覺！另外，聽講尼道既奶茶好出名，所以成10蚊我都照叫。但我覺得普通啦，d茶既苦澀好重，而且好細杯，不過人地應該都係靠杯野飲賺你錢既者，如果唔係20蚊碗麵仲要咁大塊豬扒邊有得賺😂

今日趕得及3PM收舖前來吃過下午茶，今次來到又吃蛋牛，另吃几乎每枱都叫的豬扒。今次配的是米粉及 麵，麵是出前一丁，湯底味濃很入味。另可選福麵、米粉、通粉。每碟豬扒都會剪開上枱，方便大家吃。吃得出豬扒是用過薑調味的，肉質鬆軟。另我最愛喝這家的菜蜜，每次來都必叫，味濃又不太甜，剛剛好。

食完早餐先返工！今日遇到呢間門口有位泊車，仲要唔使等位，坐在近門口圓枱，阿姐勁爽手快快落好單，當然叫鹹牛肉蛋餅！然後耐心等候！蛋鹹牛肉加多士：鹹牛肉用足料，加蛋呢個配搭好夾，鹹香好味，多士烘得外脆內軟，好味蛋鹹牛肉出前一丁：同事食！凍檸忌廉：第一次飲忌廉加檸檬，味道比檸樂清爽！好味！凍檸蜜：同事飲！熱檸水：同事飲！阿姐店員都好厲害，出出入入招呼，啲嘢都無錯！講嘢好豪爽！價錢唔平但有水準！

蛋咸牛肉麵 加 飲品 $28鐘意食咸牛肉的人一定吾好錯過，這裡堅用“出前一丁”仲要$30都吾洗已經十分抵食，這裡十桌有9桌都叫同款就可想而知有幾受歡迎啦麵和餸分開吾會整淋左，一咬個咸牛肉蛋勁香，咸香味夠特出，而又吾太老身，比心目中好味道喎當然佢麵質一睇都知得有口感，意外沒太裝潢的小店有這水準！！！佢地仲要開平日添，好彩今日返工可以經過到黎食好野

住北區多年，竟然前幾天才知道聯和墟有家很受歡迎的茶檔 慕名而至，下午一點多果然已經爆滿!我們點了雞翼麵、鹹牛肉蛋麵和凍奶茶~兩碗淨麵和雞翼很快就到，麵和餸分開上，炸雞翼不怕浸稔炸雞翼夠熱，亦算大隻，微鹹　落單時無留意有出前一丁，只叫「雞翼麵、鹹牛肉蛋麵」，待應無追問出前一丁還是褔麵，原來無指明要出前一丁是褔麵，褔麵無甚驚喜，但亦不是未煮好就上枱鹹牛肉蛋等好久，麵開始乾才到....鹹牛肉蛋好滑，牛多蛋少，蛋香欠奉且有點油膩，有點失望至於凍奶茶，我們點了少甜，對於習慣少甜的我們甜度適中，唯奶較多，我還是喜歡茶味較濃的奶茶。如果住得遠的朋友，我覺得不用慕名而至，家住附近下午茶時間可以來一試

公仔麵不嬲比人感覺係快捷、速食，而呢間茶檔唔單止好快咁將食物送到客人手上，而且傳遞到一份溫暖親切既慰問比顧客每次我黎到，啲姐姐都會話:「呀妹，想食啲咩啊？」「記得拎齊野啊」有時佢地得閒仲會同我地傾計，無所不談除左堂食之外，亦有好多人買外賣走我最後叫左雞翼公仔麵: 20蚊雞翼香脆，但食落又唔太熱氣，通常我都會配埋茄汁食出前一丁麵既軟硬度適中，唔係煮左好耐發晒漲咁又或者煮得一陣好硬咁端上台。呢度啲出前一丁唔知點解特別好食，可能因為香味影響，咁多碗加埋麻油味特別香另一特色就係自制既辣椒醬唔算太辣，但有好多配料，好好食

放假當然係訓到晏一晏啦，但起身經已係成點午餐都就嚟完自己又懶得洗，落街揾下有咩平野食先落到嚟漢興見佢唔多人就入去啦，豬扒雞翼麵（乜咁似燒烤食品）好就叫佢加杯熱檸樂先嚟餸，但食落口唔只有油炸味仲有少少滷水味（我講豬扒）雞翼應該有醃過味，炸唔會太燶營成好似炭燒過的味道（豬扒同雞翼），呢樣係成功再嚟麵，有麻油味仲有爽口，食個時一定要連湯食，唔係麻油味會出唔到嚟，勁有細個食過的感覺真係咩都返哂嚟杯熱檸樂仲滾架唔少得合體照

本身係想去食豬手米，點知冇開門，响附近睇下有咩食可以泊車，咁啱呢間門口有位泊，所以就試吓2個人，叫咗一個豬扒公仔麵，一個牛肉蛋餅面另外就叫一杯熱奶茶同熱齋啡 個面本身就係＄20同21蚊嘢飲就加$10其實係算幾抵食嘅個面底係出前一丁，唔洗另加錢，但好明顯啲湯係唔夠熱，所以基本個面都唔好食！煮個面d湯唔熱，只會浸漲d面，但又唔林，好似食發寶膠咁豬扒係剛剛煎好熱辣辣嘅，不過乾爭爭冇晒肉汁，好硬又冇豬扒味鹹牛肉蛋餅就係好普通，啲蛋漿溝得好希，其實已經冇晒蛋味！就只係食到咸牛肉嗰啲鹹味但係個名話明係茶檔，杯奶茶係幾好飲，夠滑又有茶香嘅，而熱咖啡就普通啦我求其食都唔會揀呢間，冇下次

走進舊墟聯和墟，這間門面普通又簡陋，沒特別的裝潢，卻常常高朋滿座的茶餐廰，除了這裡聞名遠播的厚厚圓形鹹蛋牛好吃之外，就是要吃這裡的街坊人情味。光顧過幾次，茶餐廳的職員全都是一班媽媽級的，每次都能見到她們一同工作時的喜愉，而她們的喜愉亦能感染到食客們，食客們亦會樂於齊齊搭枱，因為實在客如輪轉，搭枱文化更見街坊人情味。在這年代，竟然只需25個大洋就可以吃到一個茶餐，平日都那麼多人光顧並不無因，太經濟實惠啦！另外這次我點了菜蜜(不用加錢的)，很足料，沒有混過多的水所以味道很濃厚。這個是下午特價麵餐 <蛋鹹牛肉麵加熱飲> $25麵是出前一丁麵，麵煮得剛剛好，不會太硬也不會太軟。我平時不太喜歡吃公仔麵，但每次到這裡都必吃麵。亦可選福麵/ 米粉/ 通粉同價，供應時間: 14:00-15:00份量多，而且蛋牛很滑，食完整個也不會覺得膩滞之餘還覺得很滿足，是蛋牛控大愛呀！這裡營業日至限星期一至五，而且3pm就關，如果要假日才可以山長水又遠到此覓食，也可以喔，只要剛好紅假是星期一至五就可以咯，但要有心理準備及耐心排隊等候，紅假的日子多數都會排隊排2-3個舖位的喔。餐牌:

之前看過所有食評都對此店奶茶讚不絕口，今天要拜山順便有藉口試試其奶茶。從粉嶺火車站行去都頗遠！要差不多15分鐘。下午2時都有不少食客堂食，我外買熱奶茶＋奶多士。奶多士：用的士普通薄方包烘底，味道好一般，無特別好味與否感覺。熱奶茶：可能因為之前看完所有讚的食評，對此有點期望，卻換來有點失望。是好濃的「茶」味，但缺乏奶茶應有的奶香，飮到後半還有點苦澀。見到店內不是用大路名牌港式奶茶專用淡奶，可能是此原因令其奶茶欠缺奶香及滑的感覺吧。試過便算，不值得山長水遠再去⋯⋯

有沒有吃過有「溶化」口感的鹹牛肉蛋治？這裡就是了，好吃得感動。另外熱奶茶也很有水準，香滑俱備。可惜雞翼已賣清，下次再試。 幾時都話地膽建議係最堅，謝謝食友Tony Wong的誠意推介！ 又，可以只在星期一至五營業（還要每天下午三時收舖！）的茶記，呢個境界不是人人可以達到。

經朋友的介紹，今天去了此茶檔吃它的雞翼麵。雞翼夠脆，而且味道一流！加上麵的口感又剛剛好，總之好味道，無得頂！而朋友則叫了豬排米，豬排亦是香口，而且味道非常入味。最重要是麵和餸分開上，不會浸腍！

每次到粉嶺，必到漢興茶檔。可能是因為他們的蛋牛例牌。可能是因為出前一丁。可能是因為他們收檔收得早，每次都拿拿聲趕去，途中生怕他們收了檔，又怕好多人要等位。熱奶茶 － 茶味香濃蛋牛例牌 － 必食，超厚的鹹牛肉炒蛋比例剛好，同時也是心癮。腿腸出前一丁 － 喜歡這裏的出前一丁，麵煮得剛好，鹹度也剛好。