漢發麵家 (大南街)

Open Now

Now Closed

很有驚喜既豬潤麵豬潤超肥美同厚豬扒好厚好入味豬潤同豬扒份量都好多自製辣椒油好正 有水準既紅豆冰梳乎厘質地既煉奶西多士唯一不好就係 杯奶水吾夠煉奶味最重要係有超班既服務態度相比平時d吾休做既餐廳 淨係識呼呼喝喝閒日去 4點幾去食 要排隊等15分鐘但相當好既質素 我覺得好值

今日去考筆試，難得去到深水埗，去搵吓同事講呢間麵店從外表看起來都知道有好多報導我同事推介豬手，豬扒，炸雲吞，西多士心多多既我咩都想食店員話豬手唔可以拼豬扒，咁佢就推薦我分開一份豬扒叫啦，我本身仲想叫炸雲吞，店員好禮貌咁同我講唔夠可以再叫，份量應該適合啦豬手好淋肉都夠滑食落一陣陣南乳味，好入味好食😋豬扒係即炸，感覺唔太油膩，內面係淋身，容易咬，比一般豬扒厚身，但未算好多汁，大眾化口味我走果時未到午飯時間，已經有人排緊隊啦！

唔知有冇朋友仔同我一樣好鍾意食豬潤呢🤤豬潤有兩隻：一種係好粉好粉既，另一種係好爽口彈牙既😋而我自己就偏愛爽口呢隻👍🏼漢發正正就係呢一種口感拿拿拿～沙嗲牛一丁大家就食得多 豬潤牛一丁大家又有冇食過呢😏呢間茶記聽就聽得多喇 食就第一次☝️食，一於Try下佢先😍🔹豬潤炒牛丁 $52呢間豬潤出曬名出色，勁厚切 爽口 無腥味😛牛肉經炒過先擺落麵到 唔會齋淥就掉落去 誠意十足😎值得一讚👏湯底食落麵唔似係味精湯 因為食完好耐我都無好口渴 所以真係唔錯😌🔹炸鯪魚球 $39鯪魚球炸得乾脆，咬落彈牙有好強既口感，食得出用左好靚既鯪魚肉去打成，有少許果皮味去增添佢既味道 好鍾意呢種味道，再配上蜆蚧汁去點綴，畫龍點睛🤍媽呀～好好味🤩📍地址：漢發麵家 (深水埗)深水埗大南街192號

漢發來過很多次，從沒令人失望過，水準很穩定，這種穩定包括它的食物水平 (質素及份量) ，整潔水平，衛生水平，服務水平。豬潤厚切，份量很多，剛剛熟，很軟身，不起沙不起泡，很難得。熱飲夠熱，菜心加豬手汁也不遜色，膶麵HK第一，當之無愧!!!

仔仔返左學兩囗子落深水埗買嘢，平時去開福榮街果邊食嘢，呢日另一半突然提出食漢發.平日中午時段來到，當然一定要等位，大約10分鐘左右就有位.佢哋嘅奶茶好好飲，略嫌多咗少少冰.我叫咗豬潤牛肉麵，呢度嘅豬潤係厚切，食落鮮味十足，好好食牛肉正常，下次可能就咁叫豬潤麵就得.食完個豬潤麵西多士就啱啱好到.熱辣辣剛剛炸起，蛋味比平時西多士濃，第一次食到咁軟熟嘅西多士，真係好好食打完呢篇文我已經又想食下次可以帶埋仔仔過嚟食

曾經家住太子,那時候漢發仲係大排檔,麵好食湯好飲,果陣重有淨鹵水鷄腳,之後入鋪水準依然,不過自從變咗網紅之後,水準大不如前,琴日特登去幫襯,叫咗豬手粗麵,炸鷄翼,涼粉冰。結果,豬手重有毛未去淨,林到甩晒皮,粗麵鹼水10分勁,炸雞翼依然係冇去毛,懶兼核突,涼粉冰冇嘢好講,如果咁都唔識沖真係執笠好過,總體而言失望,永別漢發...

飽到飛天既一個午餐, 同個friend 2條友,特登黎呢到食個豬潤麵! 嘩。。。真係不得了!! 豬潤扒出前一丁, 我再叫杯紅豆冰, 朋友仔叫豬潤扒蛋出前一丁加杯凍奶茶。 隨即見到隔離枱有人叫左個西多士。。。 我地又叫埋, 都貴既個西多士,40蚊,但好吸引,所以忍唔住叫左先算。真係不是普通豬潤麵,而係豬潤扒麵,太激動! 好好食,好 juicy, 唔會好命似x記咁好乾, 正,價錢唔平嫁,五十幾蚊嫁!就係見到隔離枱叫左呢個1,我地跟叫。。。飽到夜晚都食唔落。豆多又林,正,無跟餐價就貴啲啦

依區講到豬潤麵，就有兩間好出名由大排檔起家做到開茶餐廳，漢發麵家絕對無介紹錯吾係誇大讚依間小店，而係小店豬潤麵 vs 維記豬潤麵比較，維記食物水準保持吾到往日風味而漢發豬潤麵水準一直保持兩間餐廳堂食先不比較，先比較食物漢發豬潤麵灼得岩岩好，豬潤上枱吾會過熟仲帶汁🤤湯底吾會過咸而維記起家有一段時間👉🏻但過往維記豬潤麵比依家好食好多，現在維記豬潤麵食過好幾次豬潤都係灼過龍，同以前風味好吾同🙅🏻‍♀️而且湯底咸好多所以食豬潤麵會簡漢發漢發除左麵食好食外，連凍檸茶帶大排檔風味，食過麵好回味

如果你中意食豬膶 你絕對要試宜間！以前只係識食深水埗維x，但見佢宜家質素無以前咁好 跟本唔值都得再去排。加上你試完漢發跟本就番唔到轉頭，只會怪自己太遲認識佢地....講到好似好誇張咁 但絕對係真！佢地用既係黃沙豬膶 本身已經較厚身同爽口加上煮到滑一滑又無腥味 真係一絕咬落唔會有渣喔😍而且每碗面都有大約5舊豬膶 絕對夠食👍🏻👍🏻👍🏻👍🏻....唯一要踩一踩既係佢地既凍奶茶🥤略嫌太淡無咩味真·食評

男朋友知道我豬潤控，仲要厚切😝特意帶我來試厚切豬潤。但食好嘢都需要時間排隊的，我們等了差不多1個鐘終於有位。豬潤麵呢度嘅豬潤不得了，超厚切，勁大塊。一口咬下去，又爽又滑，好味到唔識講嘢，食到停唔到口。d豬潤爽得嚟，裏面帶creamy質感，不會有腥味，正宗黃沙潤，係我食過最好味嘅豬潤。麵方面，本來是配出前一丁的，但我怕肥，諗住揀幼麵清啲健康啲，自我感覺良好🙈幼麵幾爽口，但有些少鹼水味落入湯頭中，但這不減我對呢度豬潤麵嘅喜愛，豬潤才是主角，下次選米粉就好了😂🙈。法蘭西多士呢度嘅西多士竟然要$40，但係一場嚟到就試試。裏面係花生醬，可以配糖漿或煉奶，我就選了煉奶。上枱賣相非常吸引，金金黃黃，有一大塊微溶的牛油，香噴噴🤤。將牛油塗均切開後急不及待要吃一口，蛋香濃郁，鬆軟有空氣感，真的像吃疏乎厘，非常有驚喜。裏面的花生醬香濃，配上甜甜的煉奶，非常邪惡😈但真係好好味，食完先再減肥！

麻咪推介我嚟的 今次同埋佢一齊食好西我地點了一碗雙拼的豬潤牛肉米粉 啲豬潤 同牛肉嘅份量都好多下🤩😍🐷🐮豬潤勁厚切 質感好爽滑 超級好食🐷🤤🤤同埋啲牛肉都好🈶️滑牛嘅感覺👍🏽👍🏽🐮仲🈶️個西多士超級無敵霹靂好大塊炸🉐️靚同埋塊牛油都好正🧈🍞仲🈶️得煉係配上蜜糖🍯或者煉奶🥛小妹係揀左蜜糖 識揀一定係咁揀 哈哈奶茶紅豆冰 都幾大杯下👍🏽👍🏽同埋紅豆的份量都係超級多☺️☺️係🈶️半杯嘅份量 啲紅豆size大細唔一樣 不過質感咬口都算係咁 同埋個奶茶都好好飲 甜度適中 奶同茶的比例都剛剛好 歡💜整體都值🉐️推介 絕對🈶️回頭的機會喔😉☺️

呢間野終於開翻，之前一路都想試但係佢得外賣，難得開返堂食我又要去附近買嘢就去試吓。一去到超多人，多人到我唔想等，不過都係等啦真係想試吓。結果都冇乜令我失望，本身想食豬膶粗麵，但係服務員話公仔麵出名啲，所以就轉左豬潤公仔麵，佢啲豬潤好厚，口得來都算係啱啱好，同出邊講嘅出名豬潤麵係略勝一籌，分量都幾充足，加上佢個奶茶好好飲， 整體來講我除咗唔夠飽之外都冇乜地方可以扣分但係如果下次要我等半個鐘或以上我就唔會等完。

平日下午時間去都要等位，等左20分鐘左右先入得，咁嘅天氣等一陣都熱死人(34度)。一年冇黎，加價幅度非常高，超碼都有一成（但我人工都冇加一成咁多）鬼叫我鐘意食豬潤咩，但又唔係間間都整得好食，所以講咁多咪又係照食。豬潤公仔麵$43有酒味，共5塊豬潤，塊塊厚切，食到第4塊都開始飽飽地，講真，係好好食嘅。老公叫嘅牛腩河$50好貴呀依碗牛河，不過牛腩係唔差，同出面2幾3十蚊碗嘅牛腩河係唔同嘅。另外叫左個小食，炸雲吞配芥末醬$39雲吞剛炸起好脆，點埋芥末醬好清新，唔錯～紅豆冰$28不過不失依餐食左$179，好貴呀，真係為左食豬潤嫁咋，我諗都要隔一排先再黎，但我怕到時又加價，到時食唔起啦。但我返到屋企勁飲水，我諗味精都唔少。

新近搬来住在附近，看资料这家餐厅虽然是小店但却很有名气。但因为 COVID-19 疫情，这里全日不设堂食有很多星期了。我只买了两次外卖。据说，猪润面很出名。我买了外卖来试试。猪润算 OK，但只提供出前一丁面。而且这里不提供任何套餐。连早餐都得散叫。另一次，买了一份这里很受欢迎的西多士，只不过不失。这里最弱的是服务员态度。最近一次，看见它恢复了堂食，就进去想吃早餐。结果一肚子气离开，没有吃就走了。本来，对于茶记，我们都要求不高，又不是大酒店。能忽袖而行的，都算几得。

第二次到此店， 1個人易有位啲! 等咗10分鐘!食物:豬潤生麵，今次啲豬潤有2種色; 有啲係黑棕色，有啲係粉棕色! 一半半， 每種3片! 黑棕色唔好食，硬又鞋! 唔知係唔係隔夜嘅!粉棕色好味，夠粉又有彈性! 同上次食嘅一樣!湯底好有層次，鲜甜唔似重味精湯！可以飲多啲！雲吞正常! 豬扒可以! 凍奶茶， 好味！環境: 普通大細，要搭檯，有裝修，有特色，等嘢食時可以欣賞壁畫！冷氣普通！衛生: 非常清潔！服務: 非常好！全女班！客客氣氣！細心聽客人點嘢！