漢發麵家 (大南街)

Open Now

Now Closed

糟糠一直想帶家人來吃這家的豬潤，今天終於得償所願。下午3點半來吃下午茶，結果也是要等超過三十分鐘才有位，可見餐廳的受捧程度。豬潤米粉的豬潤是厚切，厚度有差不多1厘米，咬下去弹牙爽口，果然名不虛傳👍🏻。37元一大碗，十分抵吃。炸雲吞外皮松脆，內𥚃餡料還有蝦仁，絶不偷工減料👍🏻。怪不得那麼多明星幫襯，連大仙也不例外😆

朋友極力推介呢呢度食豬潤麵。 黎到見到勁多人排隊好！我等， 就睇下你幾咁好食！一等就 40分中....等到中途店家宣布多士售罄，再過一陣， 雲吞售罄， 正驚緊連豬潤都售罄之時， 終於有枱！叫咗招牌豬潤牛肉米粉！ 豬潤超厚！湯底清甜！ 不過本人認為豬潤有過厚，對於我嚟講太漏。如果薑味再重D就好啦！另外叫咗茶走，味道幾唔錯， 茶味又濃又滑係咪真係咁好食，真係見仁見智， 各人有各人口味！ 如果要我再次排40mins隊等食，我應該會想試下第二度 .....

今日特登早少少去試下😅😁😉唔使等位喎竟然😂🤗😂🤗因為早十一點半左右裏面已經坐咗好多人食緊😋👍😋👍😋👍😋👍一坐低梗係嗌個豬潤麵啦🤣🤣🤣🤣個個都話要食呢個同埋西多士😲我就覺得西多士雖然我冇食但係我覺得好貴囉$40😵坐低冇幾耐已經有得食👍👍👍👍厚厚大大的豬潤4片😁👏😁👏真係剛剛好反而出前一丁就差唔多🤗唔會太林亦都唔會太硬😊豬潤係剛剛好嘅唔會太晏因為好juicy👍👍👍👍成個麵嘅份量都係剛剛好嘅🤗😊補充一句我係去一次已經夠😅因為服務態度甚差😵我覺得幾好食嘅嘢服務態度都要好囉😲食物質素環境都係好好嘅👍😁

除夕去搵嘢食，好多鋪頭都冇開門去到呢間好出名嘅面加入去食碗豬潤牛肉麵，嘩一嚟到啲豬養厚度有成村口，鋪滿晒成碗面，鍾意食豬潤嘅我真係好開心，啲豬養真係多到食唔晒，一食落口多幾爽幾趣，好似有啱啱熟嘅感覺，但係食到最尾嗰兩舊真係太多啦有啲想反胃🤢

豬潤出前一丁🐽 ($34) (4.5/5)唔好以為深水埗食豬潤麵得維記一間🤔 其實有另一間仲正🤫 由大排檔開到舖頭🤭 好多明星都去食就知唔小野😛 呢度啲豬潤非常厚身🐷 仲好爽👍🏻 最重要係無渣無腥味🤤 屬高質😍👉🏻注意星期日同公眾假期唔開📅 平日開至下午5點半炸🤚🏻

從維記、品記吃到漢發無論别人說哪裡的豬潤麵好吃 我也會去捧場知道我喜歡吃豬潤麵好多朋友介紹這裡除了豬潤麵、炸豬扒麵 還有一個fluffy 西多士 （一嘗我想吃Fluffy pancake又唔想排隊的心願）豬潤夠爽夠厚切炸豬扒好juicy 煉奶西多士真的好看又好吃 😋簡單的東西做得好吃就是我尊敬的地方吃東西不一定要吃最貴或者有什麼名牌It doesn’t matter Michelin or not, as long as it’s yummy 乾淨、好吃、令人回味無窮才是王道大家有更多其他推介歡迎介紹

慕名而來，大南街漢發麵家，聽說是從前大排檔店主搬入店舖繼續營業，又為了天倫之樂，營業時間縮短了很多，食肆一般背後有個故事都會特別吸引，當然我亦不例外😅門面盡是一些名人合照之類，也收廣告之效，店內牆壁上有手繪圖畫，應該是繪製從前大排檔之貌😬客人比想像多，我們只能迫在其中一個角落，坦白講，如果不是慕名而來，我應該會拂袖而去🙁既然一場黎到，也循例看一看餐牌，其中一張黑白照片，應是他們歷史的見證，餐牌隨便看了一下，其實心中已打算好order什麼🤔先嚐嚐地道的凍、熱咖啡☕️，水準之上，也合格，只是少甜比預期甜了少許，咖啡的味道不帶酸，不錯👍🏻遠道而來試的豬潤公仔麵，放下的時候「嘩」了一聲，實在太大片，看上去好像發漲了的，跟我平時吃慣的的豬潤麵，賣相截然不同😬可惜，入口令我有點失望，咬落去怪怪的好像pump漲的魚蛋一樣，像啤水啤漲了的肝，當然，純粹是個人感覺，只吃了二片已經放棄了，公仔麵就正常，整體感覺「名大於實」☹️價錢我唔敢話貴，見仁見智，好食嘅就貴一貴都值，唔啱食嘅話，就請我都冇用😬

我經常要去深水埗搵物料，搵搵搵，行到腳仔軟，係時候坐低抖抖。話說深水埗開左好多特色Cafe, 皮革工具店，舊區翻新，非常有型格。行到有間麵店，店外一排名車，店舖的玻璃貼滿老闆娘同一堆明星嘅合照。嗯... 應該係有D實力，等我看過究竟。午市都幾多人，我叫左個牛🐂潤+蛋🍳麵+油菜+奶茶無餐跟，全部散叫，當然比茶餐廳平時45 - 50Lunch貴。麵份量不多，所以我叫多蝶菜，男仔可能不夠食，湯好渴，沒味精感覺，香噴噴。注意平時5點30收工，星期日休息，好串🤣🤣🤣

今朝睇完朋友介紹呢間 漢發麵家 就即刻嚟試下碗豬潤麵有幾好食😋真係正，豬潤又厚又爽夠鮮味，杯咖啡亦唔錯👍仲有份西多士係必食推介，賣相已經夠晒吸引，入口軟熟夠蛋香，食西多士加煉奶真係無得輸，仲有值得一讚嘅係店員好有禮貌唔該前唔該後，唔似其他出左名嘅小店態度咁囂張(唸住食西多士最好早啲叫，因為要等好耐)

同事有日建議食豬潤麵，就帶左我地黎呢度。十二點半已全場爆滿。望價錢牌會覺得佢偏貴，一碗麵要接近四十蚊，冇飲品跟，但食完都覺得值👍同事不停推介潤牛麵，但我就揀潤蛋麵。望住碗麵就超開心。塊塊豬潤都有厚度同大塊，浸一浸等佢再熟少少，一口好滑無渣！好味。隻蛋仲要煎到半生熟，配出前一丁一流。不過個湯略嫌豬潤味唔太出 唔夠喉。我地仲叫左炸鯪魚球，一上碟唔食得住，太熱😂。 一咬好有果皮味🤤🤤 彈牙好食，可試 (一碟有五粒，$36)同事點左牛腩飯，佢話好食，仲附送一碗湯 (同事話應該大地魚湯），我飲左一啖都不錯，清甜冇味精☺可encore 😍

話說去左深水埗買電話卡去旅行用,難得黎開深水埗,無理由唔去搵食嫁ma之前黎開深水埗都係食劉森記,車仔麵醒起上網睇過人地話漢發豬潤麵好掂~把心一橫睇住GOOGLE MAP 搵路去搵食終於比我行到啦~由於一個人比較快可以進入,LUNCH時間唔洗點等 勁正呀豬潤大大件,有成五六件都算，哇~ 厚切到成舊午餐肉咁呀極度爽口彈牙每一舊都無渣無腥味先至係重點,你無睇錯....真係$34 環境又好....乾淨企理,有冷氣,衛生下次想試埋西多士呀....牛腩麵~ 但豬潤麵都要叫埋~

早幾日去左深水埗食早餐，因為知道有間厚切豬潤麵。之前豬潤麵只食過維記，不過本人覺得麻麻，因為我覺得佢d豬潤比較乾身，好似細個屋企人煲完豬潤水，拎番起d豬潤咁。點左個豬潤蛋爽丁，上到枱，豬潤真心係厚切嘅。食落仲好嫩滑，無渣。口感好豐厚滿足，不過，我嫌湯低比想像中無咁鮮甜。佢應該係用番丁麵嘅湯粉。反而維記應該係連豬潤一齊煲左個湯底，所以會鮮甜d。不過如果比我揀，我會選擇食哩間。起碼豬潤先係重點，同埋下次我會識叫多蔥。後記: 好似食神話齋，不如溝埋維記湯底，漢發豬潤做豬潤麵牙！笨！

呢間其實之前同事介紹試過食之後，真係返唔到轉頭勁好食，剛剛好熟，唔會乾柴柴，時間掌握得啱啱好，而且30幾蚊一碗入邊有四、五塊勁大塊既豬潤，湯底都係勁香，加埋粗面索晒個湯，正👍🏻👍🏻👍🏻仲有最好唔好四點之後過嚟隨時冇晒

(#深水埗必食）比同區嘅豬膶好食❗️❗️❗️❗️豬膶牛肉出前一丁🥢 大大件厚切豬潤五六件，咬落去極爽極彈牙，完全唔會un🤤而且剛剛熟透，食落好有膶味而且無渣無腥味👍非常juicy😋 牛肉滑口加埋出前一丁再加上辣油，真係不得了。😋❗️❗️❗️p.s如果想食全香港最好食既豬膶 ，一定係呢間。🤤🤤🤤牛腩牛筋麵🥢牛腩牛筋超滑超腍，唔洗點咬已經喺胃入面，啱哂我呢啲冇牙力既婆婆，加埋佢既生麵好正好好食，腩汁好濃好入味都係冇得輸。不過佢愈黎愈多人食😣，牛腩牛筋好明顯質素下降，之前揀最靚嗰part比人食，而家就已經唔係😟（真係好傷心💔），好彩豬膶仲維持到質素👍😋味道指數：🌝🌝🌝🌝🌜抵食指數：🌝🌝🌝🌝回頭指數：🌝🌝🌝🌝🌜⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️💡是日嗌咗： （免加一）豬膶牛肉出前一丁$41牛腩牛筋生麵$34💡餐廳資料：漢發麵家 (深水埗)深水埗大南街192號

一直沒為意原來大南街有間漢發麵家, 因為附近都是賣皮制品賣布料的鋪頭, 冷冷清清的街竟然有食肆, 而且還時有人排隊, 令我想一探究竟人流都去得好快, 排隊期間見門口貼住好多明星合照, 又見不時有人揸車專登過來食, 心裡懷著滿腔期待! 即刻上openrice check下有咩名物推薦先 ~ 原來係豬潤麵 !坦白講豬潤平時唔會食, 唯一只在維記食過, 今次發現與同區豬潤麵各有千秋 首先因爲平時少食, 大鄉里第一次見豬潤五塊都同午餐肉一樣咁大件咁鬼厚, 完全無腥味, 口感猶如脆肉鯇般彈牙!唯湯底覺得有點格格不入, 可以改善! 而熱奶茶只屬一般, 下次想試埋西多士, 又有借口再來 ✌