漁民火鍋雞煲專門店 (Closed)

今日同朋友喺大埔放工，無啦啦想打邊爐。上網搵到呢一間漁民火鍋雞煲小廚。見到入邊好多人就一於入去試吓。湯底都有好多唔同嘅選擇。最後我同朋友叫咗個胡椒豬肚雞鍋（$148），有半隻雞。其實配料都好足，最好味就腐竹。吸晒個湯底嘅味道。胡椒豬肚湯十分惹味👍🏻👍🏻脆肉鯇片都好新鮮👍🏻而且每塊都好大塊。都幾抵食。之後再嗌左少少皇帝菜同蘿蔔。兩個人已經食到好飽。三百零蚊兩個人打邊爐，其實都算幾抵食。而且餐廳員工都非常好禮貌。如果下次係大埔想打邊爐既，真係要試一試依一間👍🏻👍🏻…查看更多

今日老公放工6:00，約咗佢食呢間訂咗位嘅漁民，好耐冇打過邊爐了，所以一直好期待兩個人烚吓烚吓！ 去到見到位置好寬躺，最怕打邊爐坐得好迫！ 連擺餸地方都冇就好慘啦！ 見到佢有鴛鴦鍋，啱晒心大心細嘅我哋，我鍾意清清地所以我就叫左芫荽皮蛋湯，我老公鍾意重口味所以佢就叫咗勁濃椰香沙嗲窩！ 叫完之後，陸續有人入嚟，未夠七點都差唔多坐滿！ 仲見到有啲人帶蛋糕入嚟慶祝！ 睇嚟呢間火鍋店都幾適合慶祝生日🎂叫完湯底，我哋就叫配料，呢度嘅蔬菜有很多選擇，連比較冷門啲嘅皇帝菜都有！ 我老公見到已經心心眼😍呢度配料價錢都算公道！ 我見到呢度嘅餐牌明碼實價寫明有幾多粒牛丸有幾多粒雲吞，好公道，叫都叫得放心，而且方便預計份量。上菜啦！ 佢嘅配料非常之新鮮，尤其係佢嘅手打芝士牛肉丸，非常好味。 兩個湯底之中我就比較鍾意椰香沙嗲窩，湯底好濃郁好香。 食到我同老公都lam lam 俐佢呢度仲有自家製嘅竹蓆茅根，$3x 就有一楂！ 而且可以清楚見到入邊好足料由於皇帝菜非常之好味，所以我哋食完一盤又再叫一盤。 總括而言呢間火鍋店嘅食材新鮮而且選擇多。下次再嚟我哋會試一試佢嘅雞煲。順帶一提佢呢度嘅服務員非常之有禮貌，定時定候幫你執乾淨張枱，你可以舒舒服服咁樣食餐…查看更多

一坐低就已經有12款醬料自由配搭，xo醬好好食，食到一絲絲乾瑤柱！胡椒豬肚鮮雞鍋 $148湯底配料有半隻雞，豬肚，紅蘿蔔，白蘿蔔，粟米，炸支竹。先試試湯底，有清新的胡椒味，之後就越煮越香濃，十分暖胃。 雞肉分量唔算多，大約有十幾件，一上鍋就要即刻食，如果唔係雞肉就好鞋。豬肚有點過肥，口感軟淋淋，味道都ok。 值得一讚粟米很鮮甜。唧唧魚麵 $32口感q彈，而且有啖啖魚肉味。以前打邊爐好興食，但近幾年很少見了。脆肉鯇片 $68魚肉都算新鮮，但個人不太識食有骨的。雪花肥牛 $1584成肥，紅白相間，油花都算均勻，有牛的鮮甜味。鮮蝦雲吞 $48真材實料，裏面有3隻蝦，很鮮甜！非常好食，推薦！自製響鈴 $48打邊爐點少得響鈴呢！一籃響鈴來到，賣相已經好吸引，一層一層薄薄的捲起來，炸得非常酥脆，再浸落胡椒湯，味道一流！芝士咸牛肉油炸鬼 $58香脆好味，芝士比較淡味，配沙律醬冇得輸，很特別的小食。竹蔗茅根水 $34足料，甜甜的好飲，叫了2瓶。…查看更多

難得最近大埔人咁團結，今日就約咗幾個大埔朋友出嚟商討香港大事。㷫烚烚嘅心情就襯返打邊爐食雞煲😂其實係住太和附近嘅朋友推介呢間。平日嘅夜晚唔使排隊，直入就得，聽聞星期六日好滿好full。朋友幫我叫咗胡椒豬肚雞窩湯底。姐姐提我地飲啖湯底先，真係好飲喎，好重胡椒味，辣辣地，味夠濃。大家嗱嗱臨食咗啲雞先，雞件好嫩又多肉，並唔係頭頭尾尾。叫咗大嘅雪花肥牛，雪花脂肪分布平均，幾好！仲有佢嘅自製響鈴，夠脆又無油味，我地一人一件最後果個要搶🤣特別特別推介佢嘅雲吞，入面大大粒鮮蝦，好足料😍夠彈牙，推介。令我聽到朋友讚佢嘅粥底火鍋，我諗下次冬天再嚟試下先😋😋😋…查看更多

夜晚約左朋友食飯如果想慢慢坐低慢慢食，雞煲火爐係一個好選擇漁民雞煲係消防局附近，位置方便，去到既時候已經有唔少人排隊啦，睇黎幾受歡迎一入坐，店員好快就拎左調味料俾我地自己揀，仲推介左餐廳最受歡迎既食物，非常友善，印象好好。 我地嗌左重慶雞煲，之後再落火鍋料menu 好多選擇，唔想食雞煲都有普通邊爐，或者粥底海鮮火鍋，其實每樣都好吸引，但朋友話想食雞煲，下次會再黎試一試粥底火鍋雞煲好快就上菜，嗌左小辣，味道剛好，唔會太咸，令人驚喜。推薦大家食響鈴，配雞煲個汁一流另外都推薦肥牛，肥瘦算均勻，入口都好香牛味。 娃娃菜份量算多，炸芋條都好推薦，喜歡芋頭既人唔可以錯過啊飲品方面有啤酒，果汁，涼茶，仲有特飲，火鍋配啤酒係絕配啊…查看更多

今日去到大埔接個朋友收工一齊食飯，見餓餓地就一齊食邊爐🤣一入到去就比呢句說話吸引到，講得好啱！打邊爐真係可以一邊傾計，一邊烚吓烚吓，絕對係人生樂事！我哋叫咗一個美國肥牛同埋一個黑豚肉，一啲都冇冰鮮味而且佢亦都真係解到凍，唔會啲肉痴埋哂一齊，同埋唔會太肥，油脂比例唔錯！亦都叫咗一個四寶丸，每一粒丸都係非常彈牙！口感非常之香，特別係牛丸好重牛肉味！蝦滑亦都非常鮮，好彈牙，份量亦都好足夠同埋尼到竟然有唧唧魚麵！好少地方會有，所以今次都無叫到我平日最愛嘅紅薯粉呀，唧下唧下咁樣食仲過癮🤣🤣粟米係超級甜！本身我就麻麻食粟米，但係真係甜到我都忍住住食左幾舊🤣🤣🤣我地叫左一個野紅茄牛尾，煲到最後，啲牛尾入哂味咁樣野真係非常正！…查看更多

今日去到大埔搵野食～漁民雞煲係太和中心入邊，地方有少少難搵一入到尼，係圓形枱，枱與枱中間都好有空間，所以坐得好舒服😌今晚唔太想食雞煲，所以我哋揀咗火鍋，而湯底我哋就揀咗野紅茄牛尾侍應都叫我地試吓個頭啖湯，真係好好飲呀！一飲非常之清，好香番茄味，亦都有一啲菜同埋蘿蔔我哋都忍唔住不多左碗再飲，即使後尾加咗啲湯，但係個湯底仍然好香，番茄味非常濃郁，非常好飲！我哋都叫咗個竹茅根，非常清，亦都唔會好甜，啱晒打邊爐飲！由於太肚餓，所以我哋叫咗個小食，叫咗一個鹽酥雞軟骨，佢嘅鹽酥味好香，雞軟骨亦都炸得啱啱好，唔會炸到竉晒，好香脆，即使唔掂汁，都已經非常惹味，啱晒做邊爐之前嘅小食！我哋都有叫到佢個蔬菜盆，入面有好多種類好多款式亦都好新鮮！…查看更多

今晚收左工，趁第二日dayoff，緊係夜一夜同同事一齊食雞煲打邊爐慰勞自己首先好想讚下依到貼心既點，第一，坐低見到d調味料好齊全甘用左個架放左喺每個客人張枱，唔洗自己行黎行去攞，夠曬方便！第二就係個打邊爐「哩」有個托架托住，唔會驚反！為咗可以打邊爐食更加多種類嘅食物，我哋兩個人只係叫咗半隻雞。雖然只係半隻雞，但舊舊都有肉食同埋我好鍾意佢雞煲嘅醬汁，野味得來唔會好重口味同埋太鹹。可惜我個朋友唔食得辣只可以叫小辣，如果佢呢個味道適中嘅醬汁配上多啲嘅辣會更正(btw職員超好心甘行過嚟教我地用響鈴點下雞煲啲醬食，真心好邪惡同埋更加冇咁容易整到舊響鈴林晒！）打邊爐材料我哋叫咗響鈴、芝心丸、娃娃菜、炸芋條、手打四寶丸拼盤同埋必食嘅肥牛個人認為響鈴娃娃菜呢啲好掛湯嘅食物打邊爐一定要嗌。記得食嗰時已經係夜晚10點幾，但響鈴內外依然都好脆冇通風！娃娃菜棵棵都好新鮮，炸芋條都好想讚下，食到芋頭好足料好香手打四寶丸拼盤每粒都好彈牙，色澤好靚。肥牛都好食，呢度好大方唔會切到好薄！依度真係好好食，又好好坐，同朋友傾傾吓計我都叫咗兩支1664希望再有咁得閒嘅晚上再嚟幫襯！…查看更多

香港人不嬲都鍾意食火鍋，特別係雞煲，就算咁訣時嘅我建議要大汗疊細汗琊要去原因只有一個，就係之前食過魚民系列嘅火鍋都知道佢非常之好食，而且而家住得近咗大埔，所以難得今日放早都一定要同女朋友過嚟食返呢份嘅感覺。漁民雞煲裝修乾淨企理，服務員親切友善，連呢 d便攞一啲沙煲冷餐過嚟都特別好態度同埋笑容😊， 呢啲咪叫做服務囉。我成日都話食嘢除咗味道先我就係人情味囉。呢度嘅雞煲嘅香味同出面好唔同，真係唔知佢哋嗰方法係點樣做到，入口係成幾分鐘都唔會散，而且牛肉好鮮味彈牙。墨魚滑更加係有驚喜，入口嗰種味道簡直可以用齒頰留香呢形容。一邊食一個咁香口嘅火鍋及美味嘅配菜，一方面再飲返杯冰凍橙汁，簡直係人生一大樂事。只要有時間以後都仍然會再來。…查看更多

突然想去大埔食嘢，本打算食八妹，但諗諗下想揾間未食過嘅餐廳，最後去左漁民。可能時間尚早，只有一枱客，所以感覺好清靜舒服。確實臥虎藏龍。 店舖不大，橫裝簡約，但夠舒服。點選食物時，見餐紙中有好多選擇， 原來仲有海鮮粥火鍋，但由於太想食雞煲，最後都係放棄 海鮮火鍋，下次再試。點了半隻雞及少辣，好快便上枱。嘩……接著一陣陣的香氣湧出來，果然係鎮店之寶，汁香但唔會有死咸的感覺，食完亦不覺口喝，再配罐啤酒， 絕配之後侍應為我們推介響鈴，稱自己手捲的，所以試試，味道同質地真係同其他地方唔同，油靚。下次真係要叫多幾個人食，因食物太多元化，好想試晒佢d。…查看更多

今日同媽撐枱腳，二人同行到大埔食好嘢， 搵到間已開了七年的漁民雞煲，確實臥虎藏龍。 店舖不大，橫裝簡約，但夠舒服， 職員充滿笑容， 會為怕凍的我揀選較暖的位置，非常親切窩心。點選食物時，點餐紙極多選擇，很多元化。職員姨姨殷勤地為我們介紹人氣之選，十五十六的我，最後選了重慶雞煲，因我媽未曾品嚐過雞煲的。未講雞煲質素前，很想分享一個意外驚喜…… 本來想飲啤酒的我，亦因職員姨姨高度推介而選了竹蔗茅根水。嘩……喝第一啖，已有意外驚喜，堅飲得出屬自家製作，好香竹蔗，馬蹄同粟米嘅香味，最緊要係低甜度，好解渴同清熱氣，對於唔太愛飲呢類涼茶的我，居然一喝愛上，真係值得推介。講返雞煲了，一上枱以香氣撲鼻， 混雜多種材料同醬料的香味，食得出係鮮雞，絕不欺場，確實足料，雞嫩皮薄唔肥。另一自家製作係手作響鈴，別有一番風味。在大半飽之際，點了一客細份的美國雪花肥牛試試，不會令你失望的。補充少少，原來咩煲都可外賣（自取），環保d可帶煲去買，回家慢慢嘆。唔係因為太飽，一定叫個椒鹽魷魚試試，見到人地食，賣相堅吸引，下次一定再光顧。…查看更多

雖然漁民係標明食雞煲，但係其實入面嘅邊爐同埋粥底火鍋都同樣出色，今日就決定食粥底火鍋先。.我哋就揀咗個平嘅餐嚟食，但平嘅都十分之豐富。首先會上一個海鮮拼盤，海鮮拼盤有七種海鮮，包括蟶子、鮑魚、蟹等等(睇圖)，湯底係粥水嚟嘅，初時以為會冇乜味，但係原來可以更加突顯海鮮嘅鮮味。.最令我驚喜嘅係海鮮嘅新鮮度，見到海蝦啲腳仲郁緊，其他海鮮都係十分新鮮，聖子彈牙爽口、蟹肉鮮甜、鮑魚鮮味，係唯獨個蜆瘦左少少，但整體上海鮮都係十分高分，特別係喺落完蟹之後，成個粥底都充滿着蟹膏嘅甘香，即刻令人食慾大增！.除咗海鮮之外，仲可以自選五樣食物，有最基本嘅牛羊豬，其他都有啲幾有特色，我哋揀咗五樣都好新鮮，即使係清清地嘅湯底底下，都唔會有腥味或者怪味。.係食完咁多鮮味嘅嘢食之後，就係今餐最後嘅重點，粥底！侍應會幫我地落啲米同埋蔬菜粒落去，令到個粥底變得”結”啲，再配上佢哋自家製嘅菜脯同埋豬油渣，加落啲粥之後味道真係豐富好多，有各種海鮮同肉嘅鮮味，又有菜譜同豬油渣嘅鹹香，食落去真係超級滿足。.另外多咗兩個嘢飲一個係推介嘅藍金橘蘋果酒，另一個係自家製嘅竹蔗茅根水，個人覺得蘋果酒幾特別，但比較推薦竹蔗茅根水，清清甜甜又可以為個火鍋解膩。…查看更多

漁民最近推廣緊粥底火鍋見到好似幾吸引就約埋朋友一齊試吓，平嘅海鮮套餐238 ，貴嘅海鮮套餐400頭，但店員話做緊八折去到300尾到，但係budget有限，所以只同朋友試咗平嘅海鮮套餐。但係平嘅海鮮套餐一啲都唔輸蝕，首先會有七款海鮮最好食嘅有蟹、鮑魚、魷魚、蟶子等等，全部都出乎意料地新鮮，咁新鮮嘅海鮮配上清清地嘅粥水湯底，就更加可以突顯到海鮮嘅鮮味。除咗海鮮之外仲可以叫多五款配料，入面嘅選擇好多，有肉有火鍋料有菜等等，強烈建議大家可以點一至兩個菜，會令到成個粥底嘅鮮甜味增加，肉都可以用嚟增加粥底嘅鮮味，都會推薦。喺食完海鮮同肉之後個粥底已經變得非常之香，所以就係時候要店員幫手整起個粥，店員會將軟嘅飯，蔬菜粒加落去，再煲多一陣就會形成粥個粥真係不得了，又有海鮮同肉嘅鮮味，又有菜嘅清甜，又有蔬菜粒嘅咬口配埋佢哋提供嘅菜脯、豬油渣同各種調味料，將成個粥嘅層次同埋味道都再提升，用呢一個粥黎完結呢一餐真係十分完美。…查看更多

平日夜晚經過這間雞煲、粥底海鮮火鍋店，於是入去試一試！這間火鍋店位於大埔太和站A出口，步行10分鐘即到，交通也算方便！店內位置也算寬躺，有電視機。看了餐牌後，我們點了粥底海鮮火鍋，HK$238 一位，有八款海鮮，包括：蟹、魚、扇貝兩大隻、生蝦四隻、魷魚、青口、鮑魚及蜆。仲有自選五款配料，我們點了：冬菇四隻、魚皮、肥牛、花膠仔及生蠔兩隻。咁多款海鮮都係新鮮，生蝦上碟仲係旭緊的，唔錯！每枱都有超過六款調味料選擇。火鍋底係用粥水，我哋將海鮮放入去，整個鮮甜湯底先，材料新鮮，唔落調味料都好好食！食完所有海鮮及咁款配料之後，侍應就開始整個粥底火鍋俾我哋食，足底都有配料，南瓜粒及芋頭粒，仲有豬油渣及菜甫伴食，加埋蔥及芫荽！…查看更多

今日老公話兜我去一個新地方食胡椒豬肚兼打埋邊爐。七點左右已經坐左幾枱gathering嘅客人，員工casual得黎招呼周到，感覺好香港好warm。胡椒豬肚雞煲（半隻）- 湯底一啲都唔Hea，豬肚新鮮冇膻味，煙靱有咬口；雞件重雞味，唔似一般雪藏雞。配料紅蘿蔔白蘿蔔粟米等等都鮮甜好味；胡椒分量剛剛好，唔會食到好口渴又不失香味同辣味。手打四寶丸拼盤（八粒）- 粒粒彈牙爽口，牛丸拍得住潮州手打牛丸；豬肉丸咬落有肉汁；墨魚丸墨魚味濃；蝦丸鮮味，肉眼都睇到好多蝦膠。脆肉鯇片 - 大大塊真正脆口鯇魚片勁鮮味，少骨。芥蘭苗 - 新鮮爽甜，真正靚芥蘭苗。未落火鍋料前嘅胡椒豬肚湯好飲，落晒火鍋料之後嘅湯底同紅薯粉又係另一種滋味～呢間火鍋真心覺得正，賣相好，每樣野都新鮮高質，揸車可以直到門口 ，港鐵站行過嚟又只係5分鐘左右腳程；一定會再黎！回頭指數：🌟🌟🌟🌟🌟…查看更多