滿滿丼 (Closed)

今日去左旺角食滿滿丼，呢條街夜晚都好熱鬧，好多餐廳選擇。呢間餐廳係走平民之選，一個飯都只係3x-6x 蚊，加16蚊仲可以加飲品同埋小食，好抵食既，有d似吉野家🤣🤣我地兩個人叫左兩個餐。第一個係溫泉蛋牛肉飯，配松茸菌，同埋棒棒炸雞翼🤤 牛肉好入味，牛汁好多好送飯，牛肉唔鞋口，唔差。炸雞翼仲配左個野菌芥末汁，鹹辣很惹味。另一個叫左雞肉鰻魚飯，配青瓜，同埋炸魷魚。雞肉係有骨個隻，略微鞋了鞋，但鰻魚仍然很入味，炸魷魚分量都幾多，好香口。配左野飲 一杯係熱綠茶，另一杯係芒果汁。值得一提唔知係咪我地去既時間正值晚飯時間多人，店員服務態度好一般般，會黑我地面既 收錢既時候又話搵唔到我地既點單記錄搞左好耐😅有少少影響左成餐飯既體驗🤣🤣

來到旺角都唔知有咩好食？剛巧行經通菜街，見到一間門外寫著大滿足的日式丼飯店「滿滿丼」，即時上前睇下有咩食。他們的丼飯價錢大約$36-$62，只需加$16更可轉成套餐，真係經濟又抵食。餐廳裝修簡約，但就有著點點的日式風味。我哋都唔客氣叫了2份丼飯及3份小食🤤。黑蒜濃湯煮蜆以黑蒜濃湯煮蜆，蜆都吸滿了黑蒜香味，入口咸香彈牙，味道鮮甜。辣湯煮藍青口青口經辣湯烹調，肉厚肥美，口感微辣，非常醒胃。炙燒帆立貝牛肉鴛鴦丼牛肉份量非常多，鋪滿了整個盛盒丼，而且牛肉肉味濃厚，香甜滑順，還有2大粒香口帆立貝，厚身彈牙，令人食唔停口。鰻魚豬軟骨丼丼中竟然有香口嘅鰻魚，而且無骨厚身，更有軟腍又入味嘅豬軟骨，真非常抵食嘅丼飯。

星期六中午經過女人街兩側餐廳，平時經過呢間滿滿丼都好多人等位，今日竟然唔駛等就有位，即刻入去試下一睇餐牌價錢，就知道排隊原因。如果唔加套餐，$42就有溫泉蛋牛肉丼便當，唔計幾年都無食過嘅吉X家，呢個價絕對抵食便當上枱時，覺得係portion比較細，於是又即刻加左個套餐小食--棒棒炸雞翼，但食落個飯又覺得啱啱好份量呢個牛肉應該係燒汁煮，味道濃郁，夾埋蜆肉青瓜配菜我自己就覺得好match. 溫泉蛋係另外上。撈埋燒汁牛肉就係正！！！雞翼亦好香脆，有埋野飲🥤，埋單$65，CP值好高。btw. 食到未到一半餐廳出面已經又有一班人等緊位，好彩早一步。不過呢間CP值真係高嘅，一定會再幫襯

呢間日式丼飯店位於旺角通菜街最平$36就嘆到牛肉丼或雞肉丼喇！每款丼飯可以揀選一款涼伴菜包括有蜆肉青瓜/泡菜/中華沙律/黑松茸鮮菌非常豐富抵食呀😍-🍱溫泉蛋豚肉丼（$48）豚肉有4-5塊，而且都幾大塊！溫泉蛋選用香川縣日本蛋🥚好有質素呢💕配料仲有昆布、酸子薑片同雞蛋絲加埋自選嘅涼伴菜，認真豐富👍🏻而且白飯份量都唔算少女生一定夠飽喔❣️🍱鰻魚豬軟骨丼（$62）鰻魚有成部iphone咁長📱入口甘香，加埋燒汁好惹味呀😋豬軟骨都唔錯厚身軟稔，幾正💕🥤升級套餐（+$16）套餐可揀一款小食同飲品Tt我就升級套餐再+$4揀咗唐楊炸魷魚🦑魷魚炸得酥脆爽口，唔會好韌👍🏻另一份套餐亦+$4揀咗棒棒炸雞翼🍗單骨雞翼一共3件，Cp值唔算好高但勝在香脆肉嫩💕

旺角呢一間日式丼🍱主打創意便當，因為價格親民，所以夜晚黑都好旺人！🥰鰻魚牛肉丼，鰻魚都好厚肉，🔥配埋燒汁好正。加上牛肉夠香滑，🥩食起身甜甜地，好滋味。蜆肉青瓜，🌶帶有小小辣，🥒青瓜爽口，非常開胃。黑蒜煮蜆(套餐)+8辣湯藍青口(套餐) +8兩款嘅份量都幾多，😙自己更鍾意藍青口，因為大大粒嘅青口肉，幾有口感。溫泉蛋，🥚原隻溫泉蛋，可以自己打落個🍚飯碗一齊食。棒棒炸雞翼🐤香脆可口。🔥

能夠自由配搭小菜 有點像日式常備菜有野菇 中華沙律 蛋絲等等挑選主食後可能選小菜多種變化 眼花撩亂原條鰻魚丼鰻魚本身有腌製過 所以味道都大同小異鰻魚醬汁加上珍珠米很搭 飽滿的米粒 粒粒分明份量不少的鰻魚 滑嫩的肉質芝士豚肉丼豚肉切得蠻厚的 七瘦三肥的肉體兩邊燒得焦香 吃下去像薄豬扒肉有流心芝士舖面 鹹香的芝士薄切燒牛脷丼牛脷真的很贊 也是首次品嚐到這種質地質感軟軟的 一咬下去有很多肉汁滲出來肉汁裡面會帶有一點有油潤感有一點偏日式便當的做法 配米飯很好吃份量不少 珍珠米有加醬汁和飯素整體做一個午餐真的滿足

Happy Friday 🥰外賣回家呢間主打日式丼飯價錢都幾親民包裝精美 幾有日本feel~所有丼飯+$16 轉套餐有飲品同小食.🥨鰻魚雞肉丼$63鰻魚大大條 個盒都滿了 有多多汁撈飯雞肉夠入味 可惜有骨😂係用日本米所以非常有口感.🥨咖喱豚肉丼$46係日本咖喱既香甜 唔辣豚肉有燒過 彈牙 juicy👍飯量都幾多 呢個價錢幾抵食.小食方面揀左🍠紫薯餅& 棒棒炸雞翼飲品佢係樂天罐裝飲品或支裝茶拎到返屋企都保持到口感 d飯又唔會林哂或濕哂外賣有咁既質素認真不錯🥰.📍滿滿丼📌旺角通菜街1M-1T號華發大廈地下D號舖

滿滿丼 @don_man_man 旺角一間平民丼飯店，有唔同款式既丼飯同小食。牛肉丼🐂、雞肉丼🐓、豚肉丼🐖、鰻魚丼🐠等。 選用日本櫻城米、香川縣日本蛋、小食都係日本直送。最平既細牛肉丼只係$19，任何大丼飯只要+$16 就可以轉套餐，包咗飲品/味增湯+指定款式小食1份。每份丼飯可選一款涼伴菜，我地揀咗蜆肉同泡菜。另外本身都會有紫菜、海帶、蛋絲同薑。飯既份量好多，表面都鋪滿咗配料，最平30幾一份都算抵食。🌟牛肉丼 🥩 $36 味道正常，有啲洋蔥甜甜地🌟炙燒豚肉丼 🐷$42豚肉燒過都幾香，半肥瘦食落唔會好鞋🌟原條鰻魚丼🐟 $59 有兩大塊鰻魚，比較等得耐既一款，鰻魚都幾滑，搽滿咗鰻魚汁，幾好食🌟蒜片一口牛丼 🥩 $47最近新出既丼飯，一口牛粒份量唔算多，仲有啲蒜片，賣相冇其他丼飯吸引🌟炸日式紫薯餅 $12小食都幾多，啱啱炸起熱辣辣都唔錯📍滿滿丼旺角通菜街1M-1T號華發大廈地下D號舖

✨滿滿丼 ✨聽聞轉角巷仔新開咗一間食丼飯就一於帶朋友嚟小嚐一口🤭價錢親民岩晒學生哥妹嚟食，除咗價錢吸引味道都唔錯🤟🏽享用嘅牛都有晒認證芝士牛肉丼 $39❗️首先吾好睇丼飯個兜咁細咁❗️份量絕對足夠一個女仔食涼伴菜有四款揀（蜆肉青瓜/泡菜/中華沙律/黑松茸鮮菌）我揀咗泡菜，吾算辣仲有小小甜牛肉好juicy 唔會好嚡好乾另外加多兩樣小食🦑唐揚炸魷魚 $19即叫即炸 NICE🤭炸分唔會太多魷魚彈牙👍🏽黑蒜蓉湯煮蜆$23以呢個價錢加配十分之抵食出面可能賣成50蚊以上蒜蓉味香濃 起碼有20隻以上最後連湯都飲埋🤭😂┄ ♡ 評分區 ♡ ┄💰價錢：5/10🌆 舒適：9/10😚 返兜：9/10📍#滿滿丼 地址：旺角通菜街1M-1T號華發大廈地下D號

中學嘅時候喺油麻地，午飯嘅時候就會去通菜街食飯，眨吓眼已經係十幾年前嘅事，餐廳嘅換畫速度真係好快，不過我好慶幸喺上個週末，我搵到一間相信可以長做長有嘅餐廳😀滿滿丼，淨係睇餐廳名就知道佢係食日本嘢啦😛 餐廳以即棄餐具，餐盒為主打，令我喺疫情之下都食得安心，唔使同人共用餐具碗碟。我哋帶咗兩個丼飯，另外再加四份小食同埋兩支綠茶。(1) 蒜片一口牛柳粒丼- 首先真係要讚下個日本和牛🥰🥰，口感爽滑彈牙，證明脂肪比例好均勻- 米粉同埋黑松茸鮮菌嘅味道都好好食(2) 鰻魚雞肉丼- 鰻魚食落都好香口唔會有腥味- 雞肉係有少少炸過嘅質感不過又唔會好熱氣- 飯俠上面亦都有採用日本香川縣雞蛋製成嘅蛋絲, 味道不俗(3) 中華沙律- 中華沙律係一道冷盤，食落唔會太鹹亦都唔會好辣，中和返和牛嘅油香(4) 黑蒜濃湯煮蜆- 唔好睇個碗好似好細其實啲蜆肉嘅份量好多下😂- 蜆肉洗得好乾淨唔會有沙(5) 唐揚炸魷魚- 千祈唔好睇小呢個炸魷魚，好好食，軟硬度掌握得非常之好，冇overcook, 炸粉亦都唔會太鹹😏(6) 味噌湯- 正正常常暖下胃都唔錯呀🤪選擇真係幾多下希望有機會再同其他朋友去食😄

行開旺角女人街，餐廳選擇好多，見到呢間新開張就試下。有卡位安排左坐得幾舒服，但係冷氣吹住張枱好凍下，冇得熄細啲。個餐牌好多選擇，野食全部都唔貴，平有$39， 貴有去到$62， 加$16可以變套餐，有小食同野飲，要注意有啲小食同野飲要加錢揀。我見佢有饅魚同雞肉呢個配搭幾好就叫左，係最貴個餐，加埋套餐係$78。啲野食同小食好快就到，不過因為冷氣吹住啲野食有啲快就涼。個盒咁裝住個飯同小食有啲似便當，幾presentable，但係個盒有啲厚度，用匙羹㩒落去好快到底，啲飯個份量唔太多，如果男仔食有機會一個餐唔夠。啲雞有骨，略嫌醃得唔夠入味。饅魚不過不失，但係唔算好多。個配菜叫左黑松茸鮮菌，有啲驚喜，食落夠味，有黑松露鮮味，同個菇幾夾重木日木總體黎講，套餐係幾平幾抵食，性價比幾高，但係份量略嫌唔夠，可以大份啲。

呢排行過旺角 發現通菜街最近又新開左一間都幾多人食既平民丼飯一心打算以30-40既價錢 好食極有限 抱住試伏既心態去叫外賣。咁就叫左個鯖魚丼，前菜叫左個中華沙律再加$16蚊轉套餐 加左個黑松露野菌菇，炸魷魚同黑椒湯蜆蜆就偏細隻，但至少新鮮。一打開個菇，已經一大陣黑松露味 非常香炸魷魚都吾算多粉，而且脆😋😋最後緊係要講下佢個丼飯，佢個汁好好味而且仲有紅薑。不得不讚埋佢個外賣盒，好靚！如果係環保可以循環再用既，我都會想帶出街再用，好有心思！ 🥰🥰而且佢個鯖魚啲肉好淋，食落唔會有苦味😍😍叫左咁多野都係差唔多$100 我覺得佢係抵食之選！起碼可以填飽個肚又吾貴先

多款日式丼飯，牛、豚、雞、鰻魚、扇貝等都有，想食多d野仲可以轉套餐加小食，豐儉由人，每款丼飯還可選擇一款前菜：泡菜/中華沙律/黑松茸鮮菌/蜆肉青瓜溫泉蛋牛丼 - $42 溫泉蛋做到流心效果，牛肉份量吾少而且牛汁夠味，亦夠多用黎撈飯，飯是用上珍珠米。除左牛肉，亦有紫薑、昆布、蛋絲作配襯，色彩繽紛，紫薑酸酸地，味道吾錯-配黑松茸鮮菌黑松茸鮮菌是凍食的，菇菌數量唔少，但係下邊好多油，而且冇黑松露味炙燒豚肉丼 - $42 豚肉不是一塊塊果d，而是一大片腩肉，而且仲有4塊，面頭有燒過，香得黎油份豐富。配菜一樣有昆布同雞蛋絲，但就冇紫薑- 配中華沙律中華沙律正常發揮，清甜爽口味噌湯 - 轉套餐加$16有大量昆布同埋豆腐粒，豆腐粒好滑，但係成個湯都冇味噌味，叫昆布湯比較合理黑蒜濃湯煮蜆 - 套餐再加$8蜆份量都多算，但個黑蒜湯好油，而且冇咩黑蒜味樂天芒果汁 - 轉套餐+$16棒棒炸雞翼（3隻）配 黑松茸醬 - 套餐再加$6雞翼炸得香脆，雞翼係單骨雞翼，但配嘅黑松茸沙律醬都一樣冇咩黑松茸味

今日收工，突然想食日式丼飯，行過通菜街近廣華醫院見到有一間新開既丼飯店，門口又有人龍排緊…我就被吸引去排埋一份啦！♥️芝士牛肉丼份量超多，牛肉滿如山；芝士醬佈滿整個牛肉山，超級惹味，芝士牛肉入口沾滿整個口腔，調味平衡，再配上泡菜前菜，酸酸甜甜，超正！♥️薄切燒牛脷丼牛脷取材上乘、燒得香噴噴，薄切刀功很厲害，薄到像五毫硬幣，入口肉感實在肥美，味道香口、像鹽燒一樣，與中華沙律前菜超夾，味道清新而中和，好好味啊！♥️日式紫薯餅紫薯內料份量超多，炸粉剛好不太厚，紫薯味道甜甜的，調得剛剛好，甜甜的小吃超好食！♥️蜆肉青瓜微辣的味道，蜆肉青瓜小食，味道變得新鮮吸引、青瓜爽口「索索聲」而帶少許辣，越食越開胃！蜆肉質感滑溜，彈牙QQ很美味！♥️黑蒜濃湯煮蜆菜式一上枱，濃郁既蒜味濃湯佈滿整個空間，超香～蜆肉感肥美，完全掛上湯底，超級入味！♥️棒棒炸雞翼（黑松茸醬）單骨雞翼肉質軟熟，炸粉同樣剛好，皮薄而脆口，再配上黑松茸醬，很Juicey及惹味！

呢一間充滿日本風味嘅餐廳環境好優雅適合同朋友一齊團聚同埋食飯佢哋有好多招牌飯例如鰻魚飯牛肉飯佢哋嘅飯汁好正呀大魚大肉真係好好食分量十足好入味啊 唔需要等好耐亦都好好食仲有啊佢哋有好多各種各樣嘅小食我哋嗌咗薯餅即叫即整好吹口 仲有佢哋嘅湯好暖胃 兩個人share都好正的 仲有啊佢哋有個中國類嘅日本嘢飲 亦都有炸魷魚 好好食的充滿日本式風味佢哋仲有新鮮嘅蝦 鍾意食海鮮嘅人好正的仲有炸雞翼啊 好好食好正啊大家喜歡一齊嚟食啦