Video
6-min walk from Exit B, Whampoa MTR Station
continue reading
Telephone
23636488
Awards and Titles
MICHELIN Bib Gourmand (2023-2024)
Opening Hours
Mon - Sat
08:00 - 22:00
Sun
Closed
Above information is for reference only. Please check details with the restaurant.
RELATED ARTICLES
下晝午飯時間後去都要排長龍，等咗20分鐘。座位好迫，地方唔乾淨，不過如果食物好味就算啦。一坐低叫咗粢飯，呀姐即整完就飛隻碟上檯，糯米飯鬆散，一攞上手就散開，餡料亦唔算多，對個米芝蓮推介有啲失望。試埋酸辣湯水餃，普著通通冇驚喜，不過碗咸豆腐唔錯，多料又有咸香。我記得以前紅磡有間粢飯好好味，成日叫朋友經過買個俾我，好可惜好似已經執咗。番到香港勁想食粢飯，惟有搵間米芝蓮介紹呢間試吓啦，但估唔到都係失望而回。
continue reading
第一次食呢間係因為次次都見有人介紹呢間嘢,話係米芝蓮,以為好好食就去試吓,買佢最招牌嘅粢飯同咸豆漿。點知一食個粢飯就知瀨晒嘢😅😅入面嘅餸可以話係芝麻咁細粒,正常來講粢飯就應該係足料㗎啦,佢入面嘅餸又少又唔好食, 鹹豆漿都係麻麻哋。 咁琴日就諗住比第二次機會佢, 點知入到去, 入面有個女人態度極度惡劣, 黑口黑面 唔講以為上世得罪咗佢,我同我朋友話要粢飯,佢就喺度講冇喎 要等 等唔到就車, 果下我同我朋友都呆咗, 心諗點解呢間嘢可以做到又難食態度又惡劣😅。我成日都以為係我問題,可能剩係得我覺得難食,點知問咗身邊嘅朋友，佢哋個個都話難食同好一般。真心唔明點解會係米芝蓮囉, 真係信錯咗網上嘅人😅見佢哋個個都話好好食。但係我個人同身邊嘅朋友都覺得係劣食囉, 真係中曬伏。。。 -.-
continue reading
好朋友係加拿大返嚟探親，佢又鍾意食粢飯，咁我就同佢嚟試下！我哋叫咗粢飯，豆漿，炸豬扒麵同埋酸辣湯！個粢飯即叫即整，估唔到油條咁脆，簡單又好味😋個炸豬排新鮮熱辣辣，比我哋想像中好食，個麵都唔錯！酸辣湯有驚喜，有蕃茄係裏面，好特別喎！埋單$102 ，真係性價比好高，值得再來😋
continue reading
滿堂樂滬京風味-甜豆漿由細細個開始就飲啦～但鹹豆漿就未試過，所以諗住去試下。店舖好有以前香港建築特色，內部只有兩至三張枱，必要時要搭枱食。去個陣都要排下隊，但都快既我地叫左個套餐set,鹹豆漿+上海正宗粢飯，另外再叫左個雞扒。因第一次飲鹹豆漿，一開始感覺怪怪地。但食落都唔係差，幾好飲，只係唔習慣😂😂😂粢飯因為岩岩蒸起，所好熱好燙手，飯比出面食既香口軟糯，料都好足雞扒-我地原本以為係炸雞扒黎，點知係煎雞扒，但試左都唔差，都好有水準👍👍
continue reading
呢次嚟到呢一間本地飲食店，肚仔餓得咁啱，立刻叫咗碗雲吞。想測試下呢間嘅手藝，所以淨係選咗最簡單嘅雲吞湯底。啱啱好，我個味蕾可以集中於這幾粒大大粒嘅雲吞，皮薄餡足咀嚼感覺幾好，正宗！湯底有個小驚喜，選咗酸辣，但唔係想像中嗰種刺激。湯底唔係好出色，不過材料使足班底，有零碎豬肚、木耳、豆腐，豐富得嚟唔覺得太滯。其實我都小心翼翼希望店家嘅環保意識可以高啲，不過一睇到用嘅係即棄餐具，心裏有啲微詞，明白節流嘅需要，不過下次我記得自備餐具。粢飯同豆漿嘅組合真係相得益彰，當現做現食嘅糯米飯入口，簡直係米香四溢😋，餡料比例拿捏得恰到好處。唯一嘅美中不足，可能係油條稍為欠脆，不過整體嚟講都真係值得一試！餃子就更加值得讚一讚，包得飽滿得滯又唔會皮太厚，蒸完之後，豬肉與韭菜那種新鮮嘅默契，簡直係要立即夾一個嚟開動！下次路過紅磡，呢間真係又係一個好選擇🍲✨。
continue reading