Grun Tak Hei Hot Pot Restaurant (Closed)

係旺角太子行街搵下有咩餐廳食～太子砵蘭街附近都有不少小菜餐廳選擇，經過基隆街，見到間滾得起火鍋小廚，多種類嘅小菜吸引我時試菜精神， 決定去馬啦～好彩早少少去食晚飯（1815），因為越夜越多人黎，見到店舖有羊腩煲、烤魚，啫啫雞煲，奈何近排太熱氣，都係食返小菜比較好，不過下次一定會試吓呢度嘅雞煲同烤魚，因為已經聞到隔離枱好香了～我最鍾意食西蘭花配魚～佢整得好爽口又唔太硬，啲魚亦都唔腥，個肉質煮得啱啱好，因為我唔鍾意吐骨，所以揀呢個完美配搭就啱晒😛呢碟餸一嚟到，就急不及待即刻咬返啖先，外脆內軟唔使講，入邊仲有好多墨魚肉，我仲食到有少少墨魚硬硬地嘅口感，佢俾埋泰式辣醬我哋，夾埋真係太好食啦兩個人都食晒一碟🤣大大隻蟶子例牌三只，果日時價$74一隻， 見到店舖出邊有大魚虹養著啲海鮮，一於試下叫隻聖子幾咁滋味先！ 炒得好入味送飯一洗，食落個蟶子好有肉感入面仲有鮮汁，唔會炒到好老…Read More

滾德起火鍋小廚 有鑊氣小炒 惹味雞煲 烤魚 及火鍋 一應俱全 餐廳仲有個大魚缸 活養生海鮮同朋友心大心細 食雞煲定食小菜好最後我哋決定咗食小菜五花八門 款式多羅羅 價錢仲好大眾化非常親民 相信一定係好多街坊嘅開飯熱點豉汁蒸倉魚$128豉汁蒸 呢個做法簡直係無敵 味道濃郁又惹味蒸倉魚嘅時間拿捏得剛剛好 完全唔會過熟 魚肉嫩滑唔鞋口 完全冇腥味鮮味的蒜蓉豆豉醬配上嫩滑魚肉 真係連骨都俾我哋啜埋豉椒炒蜆$128蒜頭和豆豉是調味界的最佳配搭 用來炒蜆更是百吃不厭的組合 夠惹味香濃蜆肉隻隻新鮮肥美 完全冇沙 啖啖肉用咗青椒 辣椒 洋蔥 作為配菜 既香又辣 鑊氣十足 一句講哂 色香味俱全蒜蓉時菜$50時菜依然爽脆鮮嫩 每條多菜都沾有濃郁的蒜香 炒得乾身非常有難度 因為蔬菜會出水 看似簡單嘅菜式 要整得好卻非常難 廚師功架十足兩個人 三餸一飯確實滿足 total$316有時令海鮮 呢個價錢去邊度搵 真心抵食秋冬時節餐廳仲有羊腩煲食添下次約埋三五知己再來光顧…Read More

今晚喺太子附行街，買左少少野，就到晚飯時間。呢附近都好多邊爐小菜食，咁見有呢間滾德起都幾好生意，咁我地就入去一試。佢地有得打邊爐，亦都有得食小菜。店內位置唔算多，約莫六、七枱，有大枱，有梳化位。大部分都已經有人，咁剛好淨番一張枱，我地都唔考慮喇，即坐😀其實呢度大部人都係打邊爐嘅，不過我地揀左食小菜，小菜款式都好多，而且一路聽到廚房幾有鍋氣👍🏻價錢方面合理，都係七、八十蚊個小菜，除非海鮮類就時價啦。睇黎睇去最終點左幾款大路小菜，家常便飯。小菜即叫即做，需時等候，大概等左十零廿分鐘就上枱。都明白嘅，始終新鮮熱辣，好過煮定哂喺度😍1)蝦餅、墨魚餅：煎炸野做得幾出色，例如蝦餅、墨魚餅炸得乾身，又唔厚粉，食落唔會油淋淋，幾好食👍🏻2)椒鹽豬排：有啲避風塘感覺，面頭有好多炸蒜，幾香口，而且都係即炸，夠哂火喉，又惹味，下飯一流🥢3)西蘭花斑塊：有酒樓水準，魚肉嫩滑，蘭花爽口，最重要係唔會話好多油，我地比較鐘意食少油嘅菜。4)一口牛：幾好食喎，有個燒汁送飯都不錯，而且牛肉又好軟稔👍🏻見其他人食烤魚、雞煲都香，好濃味，幾有興趣，可以搵多幾個朋友試下。…Read More

今日去完太子的人民幣兌換店，兌換完人民幣，順便在太子地鐵站，路口的基隆街轉入去，看到好多食肆的地方。我本身好鍾意食魚，就搵咗間新開張嘅叫滾德起小廚坐低食嘢，門口有個招牌菜都幾抵食室內裝修幾特別又中間有條好大的金魚，夠立體，一睇就知呢度食魚出名圖片中的相，賣相都幾靚，下次人多可以試多幾味菜我兩人食，3磅一美魚，都很夠份量了用電熱爐保溫，較大細火，冬天食就一流,不過這裏冷氣很冷夏天都一定夠凍咁大條魚可以慢慢食我叫左少少辣，咁先至可以食出與嘅鮮味，最鍾意佢的配料，大件夾抵食，好多青瓜呀！如果其他店起碼要加＄30元，才會有這麼多菜，只係$238 就送埋比我，真系十分超值入口的魚肉彈牙，唔算多細骨，主要的大骨比較多，所以都幾易食完一條大大條的魚，今次就食到飽晒啦最後要讚下呢間鋪頭，他的侍應態度，有禮同好笑容，見到身邊隔離食客點的小菜都好想快點再來試…Read More

由於呢排都係枕住食啲日本料理、拉麵，食左好幾餐，今日收工都係想正正經經食餐飯，去左公司附近呢間火鍋小菜館炒左幾個小菜。咁呢間火鍋小菜位置係近太子果邊，叫滾德起，主打石窩烤魚、雞煲邊爐，不過我地一早講好左要食小菜，於是放棄睇落好吸引嘅烤魚。因為眼見左右隔離枱都係食雞煲烤魚，好香好想食。但滿足女朋友要求，最終都維持原判，食小菜。由於我地人少少，只係點左四個小菜，好在啦，佢地嘅餸都唔係話好大份量，我地兩個都可以輕鬆清哂咁滯。我地點左蝦餅、墨魚餅雙拼、燒汁一口牛、西蘭花斑片、椒鹽豬扒。本來係想點避風塘魷魚鬚，不過店員話冇哂，可惜，見人地介紹過，幾想試的:(蝦餅、墨魚餅雙拼：就咁驟眼睇外型，我係分唔出邊款打邊款，基本上係一樣的。呢度嘅蝦餅、墨魚餅同泰式果種完全唔同，唔會好厚身，反而似酒樓食到果啲，薄薄一片。沾上炸粉去炸，面頭都炸得幾金黃色，幾靚的。由於比較薄身，咬落口就唔會食到果種啖啖肉或者好豐滿嘅口感，老實講就比較難判斷，佢係咪好彈牙，好起膠。整體食落幾香口，夠脆，係預期之中嘅蝦餅墨魚餅味道，附上泰式辣醬，冇咁單調。燒汁一口牛：份量相對較少，好似我地咁兩個人食，就冇問題啦。牛柳粒始終比較矜貴啲啦，手指關節咁上下大小，唔洗點咬，牛味十足，而且好腍身，個別有一兩粒肥膏多啲，但都唔會覺得好油膩，非常出色西蘭花斑片：份量適中，兩個人夠哂，斑片都有約十小片，味道都唔錯。斑片大小適中，煮得腍身，而且都幾滑溜，唔鞋，茨汁唔會太杰身椒鹽豬排：本來下單揀左避風塘魷魚鬚，不過店員話冇哂，於是我地轉左椒鹽豬排，因為即時整，所以都需時等候。上枱時都熱辣辣，夠哂香口，不過豬排可能炸得耐左啦，食落韌整體黎講，成餐飯人均二百蚊左右，喺旺角區炒四個餸，都差不多啦。…Read More

上次同朋友黎過打邊爐已經知道啲野好好食，今次決定要試埋佢嘅小廚係咪一樣掂，果然無令大家失望。首先，要介紹嘅當然係招牌炸蝦餅，外表金黃，香脆可口，一咬開，啲煙仲出緊黎，熱呼呼的。蝦膠新鮮，爽口彈牙。如果加埋酸甜醬，味道更加好。燒汁牛仔骨非常入味，味道恰到好處，肉質鮮嫩可口，加埋爆香嘅洋蔥，味道很好。仲有本人至愛嘅椒絲腐乳通菜，腐乳味道很香，不會太鹹，葉的部份很嫩，莖部爽脆。另外，點了兩杯凍檸水和凍檸茶，認真夠晒大大杯整體上，很圓滿嘅一餐小菜。…Read More

難得星期日一齊放假，梗係拍下拖啦～行完街，男人話好耐都冇打邊爐，係OP睇到太子開左間新餐廳，俾佢地個石鍋邊爐吸引左😸餐廳除左打邊爐，食小菜都得。間中放縱一下，食好西，係必須嘅！2個人，以為食唔到幾多樣野。點知最後叫到成枱都係，滿足到捧住個肚回家。先黎個花膠雞煲第一次食有花膠嘅雞煲，發現原來呢個組合都幾夾食完個雞煲，我地諗左陣，食小炒定邊爐好呢？最後都決定黎個海鮮邊爐😆係雞煲上加左上湯，就可以烚下烚下啦～好好服務嘅waitress推介墨魚滑蝦滑，我地就叫左個雙拼。果然係好推介！墨魚滑鮮味，蝦滑彈牙～蝦滑比墨魚滑更正無論食咩菜，我都鍾意叫帶子。呢個幾爽口。皇帝菜係打邊爐必食嘅，唔係唔嗌呀？原來好戲在後頭，牛柏葉同竹笙，配會雞煲湯底係超正架！吸左湯底嘅少少麻辣味，非常惹味仲有桂花蚌，爽甜彈牙～2個人大滿足呀下次帶埋家中兩老一齊再黎！…Read More

幫家中小狗取藥黎，係基隆街搵食，記得朋友講過滾得起既小菜好味，所以就黎試一試時間尚早，店內未太多人，好彩有位坐低後，店員推介羊腩煲，但我同老公都唔食羊，所以無緣嘗試取而代之，我們點了一個雞煲（細）$88、黑椒牛仔骨、咕嚕肉及腐乳炒通菜（我係一個腐乳迷）雞煲（細）：兩個人食，份量剛好，有豬潤，雞肉份量都唔少黑椒牛仔骨：大大碟，牛仔骨配上香甜紫洋蔥腐乳炒通菜：如果腐乳再多少少更好，但味道都不錯的咕嚕肉：外脆肉軟，酸甜汁味道剛好，老公讚麻辣貓耳仔：店員推介，一上枱嗅到麻香，一放入口，一陣麻再食到紅油香…Read More

近來也轉了天氣，特別涼，令人想吃雞煲火鍋。今天男朋友等我收工，肚子特別餓，去了公司附近找一間吃雞煲火鍋，就看到一間門面較有特色的餐廳，就進去試一試。餐廳主題是魚，不同裝飾也是魚，坐位也算舒適。我跟男朋友點了半隻重慶雞煲。看到很大個的花岡鍋，有點嚇到。幸好是半隻份量，雞好嫩滑，味道剛好，不會很咸，而很惹味。豬潤厚切，好爽口，不錯雙拼咪餃子有雲吞同韮菜餃子，雲吞內蝦算大隻又新鮮，而韮菜餃子內饀飽滿，材料新鮮，非常好味。白蘿蔔好爽又甜，我至愛桶蠔好肥美，又大隻，好鮮甜，正。…Read More

石鍋魚好似内地會比較多，但喺香港好似唔係太常見！所以今日一次過試晒魚同雞！舖頭入面有個裝飾好特別！牆上面有好大條魚穿咗出嚟！絕對係影相位嚟！因為未齊人，所以我地叫咗碟咕嚕肉食著先！啲肉粒真係即叫即炸！所以好辣咀！個皮好脆！個汁酸酸甜甜好好味！仲有好多蕃茄青椒同菠蘿做配料！菠蘿好食！準備食辣之前，叫定杯檸樂先！正！兩個石鍋我地一個要辣一個唔要辣！滑嘟嘟石鍋魚唔辣嘅都真係幾大條，個石鍋都已經夠大，佢仲長過個石鍋！條魚未完全熟晒，可以喺我地面前煮多陣，唔怕老晒！等佢滾返起就食得～條魚啲肉好滑～其實條魚上邊有啲肉巳經起咗出嚟，不過魚尾就要自己食喇，都幾多骨，要小心啲食！因為無落到辣，所以感覺都幾清，幾健康～衣條就係我地頭先食嗰款魚喇～真係生生猛猛游緊水㗎！重慶石鍋雞比對起石鍋魚就一定惹味好多！始終辣野點都惹味啲！熱咗之後真係好香！不過要小心痴底！所以滾起之後餐廳有人黎幫我地搞一搞底，再順便炒一炒！之後就食得喇～～時間岩岩好，雞肉好嫩！好食！…Read More

今日同屋企人黎到旺角一帶食中菜，上網見到呢間小店，俾佢個立體招牌同名吸引到，於是就決定一試😋*環境方面：推門而入係一間本地小店，空間感比較狹小，但好在都坐得舒服，好岩帶家人黎食，甚至同班老死黎啤一啤*食物方面：又幾有驚喜😋估唔到有咁好食既小店1. 薑蔥桶蠔味道濃郁，入口咸香！桶蠔吸哂個汁，非常入味！煲內有7隻肥美既桶蠔！真係估唔到足料得黎又好食！絕對推介呀！*2. 豆腐枝竹班腩煲班腩好嫩滑，同街外食既好唔同，食落唔會有死實感！幾好食！*3. 蝦醬通菜味道香濃，菜就大大條！*總括黎講：呢間小店值得推介！確係幾好食！…Read More

呢排就黎進入秋季即係進入大排檔嘅季節，今次黎到太子既滾得起，里面有雞煲又有得叫餸食飯，今次我揀左叫餸食飯，因為一入到去見到隔離枱既野食好香，好吸引，即時揀左幾款小菜。有豆豉鯪魚油麥菜，椒鹽豆腐，金菇肥牛煲，同埋佢地既啫啫雞煲。豆豉鯪魚油麥炒得好香，基本上佢地整既野都好有鍋氣，同埋唔似街外其他餐廳咁好多好多油，同埋一樣好重要既野，叫得豆豉鯪魚油麥緊係唔可以得太少既豆豉鯪魚，老細都無偷工減料，送飯好一流。椒鹽豆腐就當左係一個前菜咁食，炸得好香個皮好脆；而金菇肥牛都整得好入味，佢地既汁我拎左黎送成碗飯；最好味既都係佢地既啫啫雞煲，佢地既雞醃得好入味，唔會話雞同汁分開咁樣。呢間餐廳我覺得幾抵食，野食幾好，態度都幾好，價值就幾合理既。所以叫我再黎，我覺得可以再幫襯。…Read More

呢間野生意幾好，幾旺場，通常啲人過嚟都係食火鍋多，但係今日唔係太肚餓嘅情況之下所以淨係叫咗啲餸嚟食，叫咗一個雞煲，比我預期中更好食， 我平時最憎食好多油嘅雞煲，雖然呢個雞煲係有油不過佢嘅油嘅份量唔算太多， 十分之適中， 雞肉唔會有雪藏味，食嗰時候完全feel到佢火候十分之足夠，同埋唔知係咪老闆定係員工佢哋啲禮貌都好好！另外有一樣野唔關食物質素事。就係佢嘅洗手間超級無敵乾淨啊！！平時食開啲餐廳啲洗手間都係油有陣味，但係呢間真係衛生程度做得好好！…Read More

上次黎過呢間食過小菜，見到隔離枱叫咗雞煲，嗰陣香味記到我依家，甘啱喺太子附近做完嘢，夜晚就揀咗呢間同朋友一齊食雞煲。上枱喇，一大個花崗岩石鍋！我哋叫咗半隻重慶原味雞煲，唔好睇份量好似好少，係個鍋太大，散開睇就好多。雞啲香味不斷咁散發出來，雞肉嫩滑，而且好夠味，侍應態度好好，避免我哋啲雞肉燶咗，行經都會幫我地炒兩下，仲主動幫我地斟水。手打蝦滑真係無得彈，蝦肉好新鮮好彈口，食得出係用左好多心機同時間去打！響鈴大大隻，食雞煲必備，擺5秒，索晒d湯汁，拎出黎食正！雖然叫五花腩，但脂肪比例唔多，食多幾舊都唔怕肥，而且用新鮮豬肉，而唔係我哋平時成日食嗰啲冰鮮豬，加分加分。食雞煲識食一定要食薯粉，吸得最多湯汁，又易熟。兩個人去食，平均200幾食到飽一飽，雖然嗌唔到幾多餸，但勝在材料夠新鮮，侍應服務好，又可以慢慢食。…Read More

<打風過後既美食 好夠鑊氣既小炒 滾德喜>😋太子美食眾多 尤其係中菜， 喺太子呢間既滾得喜 除左有火鍋外 仲會有大排檔小炒 😋 今日甘啱由8 號風球轉3 號風球 最啱就係約埋朋友一齊食野😂 經過開太子 估唔到開鋪開得甘快 於是就入左去食😋🍴蝦醬蒸腩肉 75 蚊🦐🐖外表好靚 豆卜同腩肉落足料😋 豆卜爽口入面帶點juicy豬腩肉肥瘦適中 口感彈牙 帶點豬皮 盡吸咸蝦醬汁 十分入味😋🐖🍴腐乳通菜 60 蚊🌿大大碟腐乳通菜🌿 用少少辣椒調味 🌶 通菜好新鮮！ 幾鍾意佢既腐乳唔太濃 濃度適中 而且炒得好夠鑊氣 好味😋👍🏻🍴黑椒牛仔骨 88 蚊🐮😋一碟有成十件牛仔骨落足料 牛仔骨炒得熟成程度剛好🐮 浸住好夠鑊氣既黑椒汁 帶有香濃黑椒味 , 軟滑既牛仔骨盡吸黑椒汁 好食😋👍🏻🍴避風塘魷魚鬚 88 蚊🔥🦑炒得好夠鑊od既魷魚鬚 d避風糖既料 有炸蒜 辣椒 泡椒 青椒等等🌶 夠哂惹味👍🏻 而且魷魚雖然係炒過 但入面仲好新鮮保留應有既水份 好好味 推介👍🏻再加上抵飲既20 蚊雪花啤酒 好正 係太子區值得去既好味小炒 希望下次可以試下佢既打邊爐😋👍🏻Score 平均分 <7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~Address地址#滾德喜火煱小廚 太子基隆街15 號地鋪~~~~~~~~~~~~~…Read More