滬上園 (Moved) New Location

有班唔係成日見既朋友大家一gathering就好鍾意去食上海野呢間餐廳門面普普通通 平民小店一間裝修座位都有點迫 但係就有好親切嘅感覺野食整體嚟講係好好食!!比出面集團式上海嘢平成一半叫咗勁多野食都食得勁飽坐得都好耐服務態度都好好

今日黎太子呢邊想搵間上海野食呢間餐廳算係小店形式Menu都幾多選擇 價錢亦唔貴叫左幾樣野食 擔擔麵偏淡少少 個湯有啲稀 但麵身都算好食 有咬口糖醋排骨菜飯 糖醋汁整得好好 好送飯但個飯就怪左啲 用珍珠米整既菜飯 冇咩飯香 好散小籠包好夠大隻 熱辣辣湯汁都好夠味 皮都唔算厚 酸辣湯就一般般 飲得出加左好多人工野 同上海食既差好遠野飲反而驚喜 叫左支菊花雪梨茶Menu寫係自家製既 飲落都好清甜 味岩岩好 又解渴兩個人食左百幾蚊 上海菜黎講算好抵食！

呢晚同老婆阿仔黎食晚飯，其實我地已經黎過幾次了，次次都食得心滿意足，味道真的好好，價錢亦非常便宜。...老婆鍾意炸野，呢個好岩佢。我各樣都試食左少少，覺得雞件炸得勁熱氣，非常香口，配上又濃又辣的担担麵，食落更覺得惹味。.看圖會覺得湯色較淺，但將肉醬拌混之後，紅紅辣辣的湯色就出現了。.麵條煮到岩岩好，一點也不淋，又滑又有口感，真係一碗很有質素的麵。...我食呢個，上海湯粗麵。麵方面，比較之下，我覺得老婆嗰碗幼麵好味啲。至於湯底，是甜豉油加肉湯的味道，都幾濃，會忍唔住邊食麵邊飲湯。...阿仔睇完餐牌，毫不猶豫地選了雲吞麵。我懷疑佢識字唔多，餐牌之中唯獨「雲吞」二字是他看得懂的，所以才會叫呢個麵。.份量太多，佢食唔晒，由我包底。我覺得啲雲吞幾好味，相比我同老婆嗰兩碗麵，呢碗雲吞麵較為清淡，岩我阿仔食。...我仲叫左醉豬手和小籠包，前者入味，後者皮薄多汁，能夠以咁便宜的價錢，食到質素佳的上海菜，真係食得好滿足。...餐館有供應茶，不收加一，真係平靚正。

原本其實係諗住食另一間餃子店，但係經過呢間上海野，發現價錢同款式都唔錯，就0.9秒轉左軚食呢間，哈哈哈一共叫了三款食物，都只係 $100 埋單，真心抵食既上海菜，哈哈哈朋友喜歡食上海菜，次次都要叫烤麩，我初初唔知咩黎，上網查先知原來係類似麵根發酵？雖然賣相唔太吸引，但係味道都唔錯既，黑木耳好爽口，烤麩好索汁，軟軟的，唔會好咸，亦唔會油擔擔麵來說，我都係比較喜歡食葵芳果度一間老店，不過呢度都唔差的，麵質剛好，湯底輕微的香辣，份量亦足夠兩個女仔食。鮮肉四季豆餃，出面比較少見四季豆餃，反而有驚喜，價格便宜，size 都算大，不過一到就馬上食，忘記了拍照，入口時四季豆相當有咬口，索索索咁，鮮味肉汁都有，有種家既味道食唔到有味精，起碼都無口渴附近仲有好多食餃子既店，下次有機會再來試其他麵/餃子！

今晚去太子道，經過這餐廳 ， 望見是滬菜 想試下， 推門進入餐廳 ， 環境企理 ，坐位不算狹窄。點了菜飯套餐兩份1. 糖醋排骨菜飯糖醋排骨:酸酸甜甜，糖醋汁甜酸度配合得剛剛好，不太酸，不太甜。 令人開胃，還吃多了飯。2. 阿婆紅燒肉菜飯 紅燒肉切成成長方塊， 醬油色濃厚 ，半肥半瘦肉，煮炖到肉質鬆軟。套餐包菜飯 ，菜飯用碟上， 可加湯或餸菜伴食。送紫菜蛋花湯 ，澆在飯上還可成美味泡飯。送酸辣湯，竹荀絲，木耳絲，豆腐絲……， 開胃。加點一碟灼唐生菜$12， 份量都不細。這杯熱茶有茶香，清新。

前前後後幫襯咗3次，食完第一次覺得好味又抵食，之後都會繼續幫襯，而個酸辣湯次次都有食，真係平靚正！第一次幫襯酸辣湯雖然佢唔係我食過最好味嘅，不過佢有木耳絲、豆腐絲、荀絲，都算足料，而且酸辣味適中，加上呢碗係大size，只係$35蚊，真係超抵！（好似賣廣告咁tim!）涼拌青瓜夠凍又爽脆，配上醬油蒜茸，少少鹹味，正！醉雞個賣相係麻麻地，味道中規中矩啦！菜肉雲吞雲吞大大粒，皮厚度適中，雖然味道係冇隔離舖咁好，加咗少少紫菜同蛋絲，幾好！第二次幫襯酸辣湯醉雞青瓜拌海蜇第一次食睇到係以海蜇為主，拌入少量青瓜絲、甘筍絲、麻油、芝麻同少少葱花，不過不失！涼拌海帶好大碟海帶絲，有少青瓜絲同甘筍絲，其實幾好味，不過有我最唔鍾意嘅莞茜。蟲草花雲吞呢個係素餃，除咗蟲草花仲有幾款菜同木耳，真係有d驚喜，唔錯，可以一試！第三次幫襯酸辣湯唔記得影相手撕雞本身d雞肉冇乜味，好似柴柴地，不過加埋佢果d蒜茸，食落又幾好味！下面墊咗d生菜都照食曬！青瓜拌海蜇一睇就知呢碟比第一次食少咗好多海蜇，多咗好多青瓜絲，🤦🏻‍♀️🤦🏻‍♀️🤦🏻‍♀️水煮韭菜餃之前試過湯雲吞，今次試吓水煮餃子，一咬吱曬d汁出嚟，哈哈！味道唔錯！

午飯時間同阿爸來吃飯，叫咗一個嫩雞煨麵同一個紅燒豬軟骨菜飯餐，另外再叫個灼菜。午市跟餐可以加$12 配鮮肉雲吞或素菜雲吞，我地就揀咗一份素嘅。而豬軟骨飯就連一碗蛋花湯或者酸辣湯，我地揀咗蛋花湯。上菜速度都幾快，等幾分鐘就有得食。先飲個湯，裏面主要係紫菜同蛋絲，清清地唔咸，味道都ok嘅。跟住到嫩雞煨麵，大大碗，滿佈青菜同雞肉，湯底呈濃濃的奶白色，睇個樣已經覺得正! 食落雞肉鮮甜，麵條夠軟腍但唔會好“梅”，連足料煲出來的湯底一齊食，效果非常好 素菜雲吞就普普通通，入面有椰菜同紅蘿蔔，而唔係我想像中嘅菇類同白菜韭菜等嘅綠葉菜，下次可能叫個菜肉雲吞試下。至於紅燒豬軟骨菜飯都唔錯，有六大件豬軟骨，炆得夠腍，豬肉鮮香，醬汁唔鹹係好事，但連喜愛清淡嘅我都認為可能可以稍稍濃返少少，有番果種上海菜鹹鹹甜甜嘅特色，不過真係寧願淡啲都唔要過鹹! 個菜飯都幾好，高湯味加上菜香同少少油香，但唔會過膩，同平日多食嘅白飯係另一種滋味。 總括黎講食物質素相當唔錯，份量算慷慨，兩個人食到飽飽埋單先至$102，十分抵食! 呢度下次還會再來的。

行開太子一帶，想找抵食又好味的一人晚餐。原來荔枝角道隱藏了不少出色小店。。。雖然價錢很平宜，但豬軟骨菜飯的套餐一點也不吝嗇，食得好飽。。店內位置不多，但不設訂座，如果想食最好早少少去啦~

這間上海店開了好一陣子，有各式各樣的上海菜，由小食，麵食，菜飯等等應有盡有。今次點了擔擔麵，十分美味。湯底方面，一開始見到湯底較為清淡，以為非重口味之作，但後來愈食愈香濃，更加入蝦米，令湯底更為鹹鮮。麵質十分彈牙 ，份量很多，當中也有不少肉碎，每一口也能吃到材料，湯底以及面 ，非常滿足。這碗麵子需33蚊，性價比高 ，店鋪還有其他午市套餐或單點套餐，打算有屋企人前來晚餐，試試其他小菜。身旁的客人點了獅子球套餐，也十分可口，一定會再光顧。

跟大班朋友在太子，找到滬上園，店面小，但店員都為我們安排位置，服務態度都不錯。首先小食點了醉豬手、青瓜海蜇、口水雞和皮蛋豆腐，全部味道都不錯，尤其醉豬手夠入味，豬手都大大件。口水雞不算辣，但雞都幾滑，皮蛋有點糖心，味道都很好！唯獨海蜇就略嫌淡了一點。醉豬手 ［8/10］青瓜海蜇［6/10］口水雞［8/10］我們幾人點了菜飯，有糖醋豬軟骨和獅子頭，豬軟骨很唸，糖醋酸酸甜甜，味道很夾。獅子頭厚實不容易散開，質感跟肉餅相近，味道也不錯！糖醋豬軟骨菜飯［8/10］獅子頭菜飯［7/10］

午餐四季豆水餃十隻，加三隻小籠包，三件春卷，合共76元，水餃唔多覺有味精，應該有但不重手。味道尚可丨但也無特別印象。小籠包皮薄兼包得幾好，湯汁份量差不多，可惜二十元三隻不能要求用什麼好部分肉。其實水餃及小籠包都包得幾靚，見到廚房包點心的幾熟手。春卷是蔬菜餡，應該剛炸好，香口不膩。好食！基本上街坊開飯小店，做到便宜而又有手工，味道合格。扺食！同場食飯見旁叫獅子頭菜飯，碟菜飯差不多兩碗飯量以上，跟餐包個酸辣湯。午餐合共不用四十元。雖然是太子區，但也算比較便宜。相比連鎖快餐店，要便宜又合理解決一餐飯，我情願選這種平民小店。

原先打算黎太子區食餃子, 好出名嗰間呢~~~ 點知見好多人排隊, 唯有試呢間.我同我媽都幾鍾意食上海菜, 而呢間經過過幾次都幾多人食下, 就試下啦我揀左酸辣面+餃子, 我媽食豬軟骨湯面, 我的酸辣湯面都OK呀, 都係正宗味道, 有酸有辣都好適中餃子就冇嗰間餃子鋪好味, 不過整體黎講都OK呀價錢都適中, 唔太貴, 但座位就比較人貼人, 可能人比較多, 用餐時間都唔會好耐, 上菜都好快, 下次多幾個人, 可以試下其它嘢

呢間野，我喺短期內已經同唔同朋友食過幾次，整體來講，佢啲嘢都幾好食，小籠包同嫩雞煨麵都唔錯。不過佢嘅炸嘢就有啲一般啊，例如炸豬扒或者酥炸雞，會比較多油脂同埋厚粉，有時仲食到感覺唔太新鮮添。逢星期二至五lunch去食，感覺比較底，因為佢可以加少少錢食其他小食，仲送嘢飲添。相對其他時間食，就抵好多啦。另外，我自己幾鍾意食佢嘅豆沙鍋餅，都幾香架，同埋果次我叫，就好識得出佢係即叫即整嘅。呢度嘅侍應姐姐都不是操流利廣東話，但服務態度都算係幾好架，欣賞。

一向都鍾意食上海菜，平日食開連鎖食肆，今日試試小店。一入門就有兩位非常熱情嘅待應主動上前招侍。舖面雖然細，但座位都有30個左右，而且物件擺放整齊，同乾淨。講番食物先，叫咗芹菜餃子、擔擔麵、高力豆沙。一見擔擔麵，外貌今我有啲驚訝（連鄰座都見到都向店員再三確認枱上果碗係咪擔擔麵），湯底好清，只有一大攤花生碎同肉碎，完全唔似平時食嘅擔擔麵湯底，光睇外表有啲失望。但飲落個湯底原來都好有花生味，同平時濃厚湯底嘅味道一樣。麵係幼嘅，煮得啱啱好。芹菜餃子🥟都幾多肉汁，味道不過不失，$38有10隻，都叫抵食。最後上埋甜品高力豆沙，熱辣辣，帶點煙韌幾好食。埋單，$93有兩個主食同1個甜品，都幾抵食，值得再食。順帶一提呢度嘅服務都唔錯，待應好主動加水。

成日經過都幾多人食, 之前試過下午茶外賣, 今次就試下堂食今次係兩個人用餐, 叫左兩個面, 其中一個係我最愛的酸辣湯+雲吞, 唔記得幾錢喇, 正常價啦味道都OK, 沒有太大特別, 都叫好味, 因為我成碗食晒另外叫左一個豬軟骨湯面, 份量都幾多下架~ 如果多人食, 可以叫D小菜會好D一人一個面, 好似試唔到D咩咁不過講題外話, 呢個鋪位之前做過幾間食店, 但都係做唔長, 希望呢間OK啦~ 不過我估都應該可以, 因為日日都咁多人*佢逢星期一休息, 咁樣安排做食店又要放員工假, 都幾好吖~ 起碼唔洗額外請人頂更嘛~