滙景美食

Open Now

Now Closed

之前收工間唔中都會同同事嚟呢度買宵夜，如果唔係有同事住附近都真係唔會識得搵到呢個地方。佢係好傳統嘅港式沙嗲串燒，有非常多選擇，有豬肉🐖牛肉🐂雞肉🐥生腸，豬頭肉，豬耳，燒賣等等等等。每一次我自己一個人都會叫成十幾串😂因為真係太好食。雖然唔係話啲咩靚材料，但係佢個醬汁好濃郁，而且夠晒杰，成功包住每一條串燒。衰就須在佢冇得堂食，我哋成日都要去公園度食😂😂

好幾次想食都無嘅燒烤，嚟到屯門都係撞唔啱時間，今次好難得啱時間可以去到佢嗰度買嘢食，今次都唔知係我第幾次買佢哋嘅燒烤食啦，不過因為佢哋係外賣店，所以冇得好似舖頭咁樣舒舒服服坐喺度食啦，所以都係嗌咗外賣。特別推介佢哋嘅牛肉啦，雞肉啦生腸啦牛柏葉呢幾樣嘢食我都覺得真係好好食，因為淡淡都係肉，淡淡都好爽口，如果食得辣嘅話記得要同老闆娘講要勁辣，因為佢哋嗰個秘製辣汁真係好爽好正，可以令你再食多次。但係提醒返大家，佢只係收現金所以八達通等嘅支付方法係行唔通㗎。

大家都知道，因為信仰既關係，我間唔中都會出現在屯門。以前就個個星期六都去，現在，就主要在初一同十五先會去。所以，好多時都係一放工，就趕死趕命咁入屯門。時間通常是六點幾七點，有時真係餓到頂唔住架。口痕時，就會想到要食少少野才報到，而巴士站旁的《匯景美食》就是我拮串魚蛋小食，快快趣食小小野既好地方。這一間《匯景美食》就係一間好典型的拮魚蛋店。魚蛋，一串串既小食，內臟同肉食都有齊，旁邊仲有一個賣齋滷味既小櫃，絕對是應有盡有的一間食物小店。幾乎樣樣齊，但差在沒牛雜。初一來，要了兩串東西。算是第一次報導此店，當然係由魚蛋開始。一串滿滿的，足料有七粒。雖然，未必係最正既陳皮魚蛋，但粒粒結實，口感絕對是實在。再者，他們的辣醬夠晒香口，是很惹味的一串。另外的一申，是鴨腎。爽口，甚至可以用爽脆來形容。本身已經熟，要時再放入魚蛋水再浸返熱，加上辣醬，爽口，香脆，爽脆。十五來，也要了兩串東西。這次真的是肚餓了，所以，我要了一條烤司華力腸。大大條的司華力腸，烤是最好吃的了。外皮夠晒脆，肉香，整條腸都好香。是名符其實的香腸。另一串，是充滿了骨膠原的豬頭肉。豬頭的部位，最好食的，莫過是豬耳了。外層的豬皮既腍又香滑

屯門景峰呢間沙嗲燒賣好多人食過都讚不絕口, 真心勁好食佢個沙嗲汁汁底好惹味好香🤤而且啲燒賣佢哋蒸完之後再燒過所以外皮更加香口✨🔥⭐️除咗燒賣之外佢哋嘅滷水豬頭肉都好多人鍾意❤️而且價錢相當優惠大家可以試吓🥰

屯門景峰超級抵食串燒，只要搭輕鐵去到景峰站，一落車過一過馬路就會見到呢間匯景美食，佢哋呢度啲串燒平均$10至$14一串，份量十足，而且老闆娘會比超級多沙嗲汁你，味道簡直係另一個層次，唔怪之得每次經過都見到有好多人喺度買，如果有經過屯門景峰嘅不妨一試！

屯門｜紅橋惹味沙嗲汁串燒 邪惡椒鹽雞髀😈跨區黎食都值得！！鍾意食串燒or鹵水嘅尼間宵夜一定要食🙏🏻推薦左比frd個個都會上癮🔗 ✨燒賣：沙爹汁包裹即燒嘅燒賣脆脆地嘅外殼一流 （不過就要直接拎係手食 水氣焗到淋左就食落麻麻）✨鹵水墨魚：啖啖肉 墨魚唔同部位唔同口感✨燒雞軟骨：脆口 加上雞脂肪 裹滿沙爹汁😙✨✨牛柏葉：爽口 脆口！✨雞腎：爽口 脆口！✨豬耳：唔驚肥嘅一定要試 唸到都流口水🤤唔推薦牛羊豬肉 會唔知自己食緊咩肉😵‍💫通常下晝開到夜晚1-2點～星期日唔開 唔好摸門釘📍 滙景美食 (屯門)屯門青翠徑9號多寶大廈地下29號舖

次次想食串燒就會諗起呢間小店，係屯門景峰既一間串燒街坊店，好近景峰輕鐵站，行兩步就到。最中意叫一大堆串燒一班人 share 一齊食，佢既沙嗲汁好入味，仲可以同佢講分汁D 串燒份份都好抵食，司華力腸就超大條。其他都有雞，牛，羊，豬，雞軟骨，真係好多選擇，燒賣同墨魚丸都好好味平均一串都係十蚊左右，最中意佢既雞腎，牛肉，雞軟骨，司華力腸同燒賣不過個人覺得沙嗲汁有 d 咸，點少少就夠除左串燒仲有其他齋同滷味。雖然店鋪細細間，但都有好多野食賣。

次次放工夜一夜 肚餓一定諗起呢間串燒店呢間野好特別 淨係開夜晚我最鐘意就係食佢個燒燒賣加沙爹汁佢個沙爹汁真係好正 會食上癮 今次整多串生腸 墨魚 😋😋仲有好多其他小食 雞腎 牛肉都好正值得一試👍🏻👍🏻

今日中午過來食個小食，就買左三串野，都係以生腸、八爪魚、魚蛋為主可能是因為不在宵夜時段、食物不算太好食，生腸頗腥，八爪魚都算多既，我都🥰另外魚蛋太細粒了，三串野30蚊，還可以的。但價錢已高於旺角市區了

滙景是井財人氣夜宵店，每當晚上一時興起，便會專程到來此買宵夜。 客人都是為着串燒和齋鹵味而來。買了一串辣魚蛋($6)先吃為快，滿滿塗上芥末、甜醬後，已不單純是魚蛋的味道了，末尾有很强的辣勁，就是一串便宜又合乎水準的魚蛋，若然汁醬再惹味一點便更好了。再買三款齋鹵味跟老公分嚐，分別是齋腐皮粉絲巻、齋雞扎和齋焼鵝。齋腐皮粉絲巻($4)外皮厚身而煙靱，包裹着的全是粉絲，爽口、胡椒味重，以口感取勝。齋雞扎($4)的味道實在是不敢恭維，酸齋的淡味版本，麵筋乾硬且靭身得佷，只嚐一口便放棄。齋燒鵝($10)最有驚喜，外形像極了么鳳的齋燒鵝，味道也有七八成相似，味道不比么鳳的濃甜，非常脆身又不黏牙，只是份量太多了，多吃不宜，此等熱氣之物還是偶爾輕嚐一下就好。

之前照顧寶貝的保母住在景峰。當時常在景峰一帶覓食，滙景是其中一處常去的地點。在小小的店子，你想到的港式小吃，例如魚蛋、墨魚、串燒，齋鹵味，甚至蒸飯、台式飲品，式式俱備，價錢很合理。本來這店子是沒有堂食的空間，有天因為太肚餓，老闆娘還開了張桌子讓在即時就地開餐吃飯。由於保母年齡已過保險承保範圍，轉換了另一保母照顧後，很久未有踏足這裡。今天完成awana活動乘小巴路過紅橋，往稍後將會前往用餐的西餐廳確認一些資料後，決定先到這裡吃點小吃才離開。仍是熟悉的老闆娘顧店。她看到同行的寶貝，雖知是很久不見的顧客，報以一個微笑。叫了一串牛肉，一串豬頸肉，一串墨魚加辣汁，廿四元。燒得熱騰騰的串燒，不管是牛肉還是豬頸肉，均是醃味足夠，沾汁香辣惹味，墨魚的沾汁同樣香辣，肉質爽口。久違的街坊小店，充滿回憶的味道。

成日電視加餸都係燒味 唔係叉燒就切雞其實滷味,炸物都可以齋滷味 $23齋燒鵝會係最後擺 擺係最上層買到返屋企記得要夾起齋燒鵝 保持脆口唔好比d酸汁整林佢嘛齋燒鵝脆卜卜外層微酸 咬落chok chok聲外脆內少韌 少少酸味唔多 勝在夠脆口整體味道酸酸的 特別係酸齋味較"輕"咖哩黃薑粉味道香濃 蠔油則係咁多種內鹹鹹地三種都係麪筋 酸酸地濕濕地 送飯一流亦有d係較濃味 叉燒同鮑魚係有d較甜既汁而質地實實地鴨贀質地再實d 擺係最底 汁最濃最甜每種都十分惹味

雖然唔係初一十五 但都可以食好味齋滷味 有想食既衝動就去買啦～齋滷味 $24齋滷味已經係encore左無數次 味道大可分為三種 酸齋,齋叉燒,齋鮑魚,齋鴨贀 為味酸甜 重口味 我鍾意 食完一舊不自覺另一舊 惹味非常 另一種齋咖喱咖喱唔辣但帶點辛口 感覺到黃薑粉味道咖喱汁係仲多種類刺激性較強 如果食得太多酸齋味食番舊咖哩 咖哩香味更突出仲有齋蠔油 蠔油味沉穩 主要偏甜 最唔搶味質感酸齋,齋咖喱,齋蠔油 較鬆口彈牙 汁滲透麪筋 十分juicy齋叉燒,齋鮑魚,齋鴨贀 順序煙韌程度上升齋燒鵝 脆口非常 咬時卜卜聲 帶來聽覺上既享受今次齋燒鵝比得少 換尼無限多既齋鮑魚其實都係睇運氣姐 最緊要最後夠大盒話唔定老細特登揀d靚貨色呢

得閒懶煮飯系列:齋滷味景峰有唔少小食店 呢間小食店主要賣串燒但係其實有其他食物 有蒸飯同埋齋滷味!!!先送圖無論係買完返屋企即食或擺放一陣都好 強烈建議將齋燒鵝先夾開咁佢就可以保持著超級脆口啦~酸齋（鮮橙）味道酸酸甜甜 十分惹味 麪筋夠緊 絕無偷工減料齋蠔油（淺啡）味偏甜 我鍾意齋咖喱（黃）就主要比d汁影響左d味 但係食真d仲會保留到黃薑味齋鮑魚（橙紅）感覺係實d嘅酸齋 有嚼頭齋叉燒（紅皮）比齋鮑魚再實齋鴨贀（深啡）比齋叉燒再實 擺低 味最濃總之就好多野食啦~~~