Yuen Kee Dessert Cafe

今日早左食飯，總係爭啲嘢咁，搵個甜水食下先得，呢間傳統中式糖水，真心好食！入到嚟座位闊落，都幾舒服，企理乾淨。好，坐低睇吓有咩好食先，桑寄生蓮子蛋茶、蓮子每天人手逐粒逐粒去芯，手工蓮子大粒又粉，好食又有祛濕功效。桑寄生，祛濕養顏補而不燥。慢煮桑寄生蛋，蛋蛋入味，新鮮又好味。台灣腸皮脆肉香，個醬汁甜甜地，同台灣腸本身個咸味撞起，食落好夾。豬皮魚蛋好有以前車仔檔嘅味道，豬皮又爽又彈，豬皮鎖住咖喱汁，咬落去又爆返出嚟！…Read More

召集甜品控！擁有百年歷史的甜品老字號「源記甜品」日前於天后重開😍將傳統中式糖水傳承，每日新鮮製造佢地主打桑寄生蓮子蛋茶，新鮮蓮子每天人手逐粒去芯，仲有平時好少可以食到既清蛋糕🍰今次試左幾款野食都有驚喜😎香滑芝麻糊 $36佢地嘅芝麻用上石磨生磨，芝麻味香濃，入口順滑，鐘意食芝麻糊既朋友仔不感錯過白果腐竹蛋糖水 $42超綿密，腐竹軟滑，白果煮後變得煙韌香甜，加入雞蛋更有營養，值得一試仲有多款懷舊小食及香口炸物系列，熱辣辣好惹味生炸雞全翼 $35選用特大全翼，秘方醃制，外脆肉嫩又多汁，可以沾上茄汁一齊食鮮蝦炸雲吞 $30粒粒蝦肉好彈牙，外皮脆卜卜，大滿足咖哩魚旦豬皮 $24咖哩汁味道香濃，魚蛋同豬皮索左醬汁後大滿足烏龍茶 $15清新有助解膩…Read More

♥ 馳名桑寄生蛋運子茶! 天后重開 ♥這家中式甜品店從西環一直吃到天后，每次都必叫招牌桑寄生蛋運子茶，環境比舊店更大，座位也更寬闊。現在的食物供應種類豐富，不僅有糖水，還增添了懷舊小食和香口炸物。① 桑寄生蓮子蛋茶 $48純手工制作的傳統中式糖水，桑寄生味道清香，甜而不膩，加上香濃的蛋黃和棉密的蓮子，這款養生糖水絕對必吃！暫時是在我心中排第一的桑寄生蓮子蛋茶！蓮子每日人手逐粒去芯的，春天飲桑寄生茶祛濕，秋天飲可滋潤身體。臨走前我們再叫多了一碗「淨水」桑寄生茶② 炸油糍 $30傳統街頭小食，使用蘿蔔絲、蝦米和漿粉，逐個炸至金黃香口。客人落單即做，趁熱食用，搭配甜醬或辣醬，好味③ 生炸雞全翼（2隻） $35選用特大全翼，用秘方醃制，雞翼保留了肉汁和油脂，每一口都是熱騰騰的酥脆雞皮和滑嫩雞肉，正啊！④ 雞蛋糕 $10傳統懷舊的蒸蛋糕，材料僅有三種：蛋、糖、麵粉，沒有添加人造色素或發粉，口感實在，感覺比較健康～📍 源記甜品小食天后永興街2A-2E號美城花園大廈地下B號舖.・。.・゜✭・♥・✫・゜・。.#源記甜品小食 #天后美食 #糖水 #甜品 #天后#港式 #香港必吃 #香港旅游攻略 #食在香港 #香港探店 #香港美食 #香港打卡 #香港生活…Read More

甜品控的我其實喜歡中式糖水多過西式，我個人感覺較健康而且滋味！上次來過源記甜品小食是一間好有心的糖水店，其中鎮店皇牌：桑寄生蓮子蛋茶❤️蓮子每天人手逐粒逐粒去芯春天飲祛濕，秋天飲用可滋潤身體桑寄生可祛濕養顏，補肝補腎，寧神安眠， 調理月經，治療經痛及補血，而且補而不燥，女生可飲多啲❤️🤩另還有杏仁糊，核桃糊，芝麻糊等杏仁，核桃，芝麻. 全部原材料前期要浸，焗，炒等工序，繼而用石磨生磨！綿軟香口！埋單$100 夠平靚正！…Read More

黎至西環既百年老店源記甜品小食，係天后重開，環境乾淨企理，坐得舒適👍🏻除左有經典糖水之外，仲有特色懷舊小食💁🏻‍♀️🍴香滑芝麻糊（$36）一上枱已經聞到好香芝麻味，濃稠度適中👌🏻口感香滑，好夠熱🔥🍴湯圓（$4/粒）湯圓每隻口味至少要兩粒起，黑芝麻同花生口味都試齊，內餡口感沙沙地👄個人比較中意花生餡，🥜味道相比下再香d~🍴白果腐竹雞蛋糖水（$42）糖水質感幾濃稠，腐竹同白果足料😆唔會好甜👍🏻🍴混醬腸粉（$22）腸粉份量都幾多，食落有米香🍚配埋大量既混醬，用白雞皮紙包住一碟上，充滿兒時回憶👧🏻🍴懷舊炸油糍（$30）好耐冇見過油糍呢種傳統街頭小食😍即叫即整 ，新鮮熱辣辣🔥粉漿炸到金黃，𥚃面包住蘿蔔絲同蝦米，幾香口😋🍴香煎蘿蔔糕（$26）蘿蔔糕係採用秘制食譜，用新鮮材料逐底炒出黎。厚切煎到表面焦香👄蘿蔔細心挑選過，食落幾清甜。充滿臘味香，幾足料👐🏻🍴炸一口雞蛋糕（$26）用麵粉、蛋同糖整成，冇落發粉所以口感比較紮實👄雞蛋糕炸完之後淋上朱古力醬🍫有d似食緊紮實版西多士💁🏻‍♀️…Read More

🍽 A la carte💰~HKD40-50🔸Sesame Paste A rich and creamy dessert made from ground sesame seeds🔸Walnut Paste Deliciously smooth, this paste is made from ground walnuts, offering a nutty flavor that pairs well with various desserts.🔸Almond Paste A delightful sweet treat made from finely ground almonds, it's both nutritious and flavorful, often used in various pastries.🔸Aged Lotus Seed and Mulberry Tea A unique beverage combining aged lotus seeds and mulberries, creating a soothing and healthful drink that nourishes the body. It is good for woman. 🔸Egg Sponge Cake A fluffy and light cake made with eggs with a subtly sweet flavor.Overall it has a mix of traditional treats, each with unique flavors and textures! A good place to visit after dinner!…Read More

🔸️《源記》喺港島另一個地址開返 新店座位大好多 裝修 好乾淨開揚 坐得好舒服 🔸️百年歷史嘅糖水舖真係好少見 而且仲有啲港式小食🔸️陳年桑寄生茶<桑寄生雞蛋蓮子茶>係鎮店之寶 名不虛傳 飲落真係好舒服 好降火 蓮子每天人手逐粒逐粒去芯 祛濕效果好 啱曬而家濕熱嘅天氣飲 桑寄生功效有好多 是甜品亦是涼茶 祛濕養顏 補肝補腎，補而不燥 啱曬女仔飲 食埋啲蓮子 有寧神安眠作用 啱曬經常失眠嘅我🔸️純正杏仁露味道好濃鬱 大大隻雞蛋 飲落好舒服 唔會太甜🔸️陳皮紅豆沙紅豆澱粉質出曬嚟 紅豆味好香 淡淡陳皮味道 好矜貴🔸️全蛋雞蛋糕傳統懷舊做法, 材料只有蛋，糖，麵粉 不加人造色素或發粉 食落蛋香味清清甜甜 🔸️混醬腸粉有兒時回憶 腸粉米味好香 醬料好多 唔會硬掘掘 …Read More

同男朋友係天后食完晚飯，知道過百年馳名老店「源記甜品」係天后重開，即刻要去食返碗甜品。餐廳座位闊落，環境乾淨，坐得舒適。一坐底馬上嗌左幾款鎮店甜品同傳統小食。蓮子桑寄生蛋茶蓮子桑寄生蛋茶慢煮而成，人手逐粒剝去蓮子芯，除左苦味，煲到好腍身。雖然顏色似中藥，但竟然係甘甘甜甜嘅糖水，超級意想不到，再加埋入口即化嘅蓮子同好似茶葉蛋香嘅雞蛋，絕對唔會令人失望。桑寄生蓮子蛋茶性質溫和，不寒不熱，桑寄生功效除左春天飲用可袪濕，秋天飲亦可滋潤身體，另外仲可以寧神安眠、補肝腎、補而不燥，對女性更加有調理月經、舒緩經痛、補血及滋補養顏。每枱一定係必嗌之選。凍芝麻糊 （加2粒芝麻湯圓）入門口即刻見到部古老石磨機，一睇就知道係石磨生磨而成。經過浸、焗、炒等工序後，上枱就係一碗超級滑順芝麻糊，我仲加左兩粒芝麻湯圓，外皮Q彈，內有濃郁嘅芝麻餡。陳皮綠豆沙陳皮綠豆沙清熱解毒，健脾胃，啱曬夏天。呢款中式甜品一樣出色，綠豆沙煲到起沙，綿滑無渣，仲有淡淡嘅陳皮香味，男朋友食到讚不絕口，十分值得品嘗。全蛋雞蛋糕全蛋雞蛋糕用左傳統做法製作，材料只有蛋、糖、麵粉三種，不加人造色素及發粉，十分健康，而且食落口有蛋香味濃郁。懷舊炸油糍懷舊炸油糍係一種傳統街頭油炸小食，用蘿蔔絲、蝦米、漿粉製作而成，炸至金黃香口，食落口有蘿蔔絲嘅鮮甜，蝦米嘅鹹香，趁熱點埋甜醬或辣醬食，十分滋味。魚蓉燒賣魚蓉燒賣口感煙韌。終於明白點解可以做到馳名百年嘅老店，講起中式甜品，就一定要食源記，十分推薦俾大家。…Read More

西環源記重開啦！選址天后更方便九龍人過嚟食呢間家傳四代老字號傳統炸油糍 $30 出面極少見，之前有間街邊小食店有賣，但執咗之後幾年都冇食過，呢度見得返😍 太大粒好似炸大魚蛋咁脆卜卜，但切開入面係一絲絲煙靭蘿蔔絲，完全唔粉，仲有鹹香蝦米自家香煎蘿蔔糕 $26 都不容小覷，煎到兩面金黃香脆，厚身但keep到結實質地唔粉唔泡，臘肉煎到走晒油勁香清香合桃露 $36 每天新鮮手工石磨生磨，甜而不膩滋陰養顏，幼滑而每一啖都充滿合桃香桑寄生果凍 $36 天然祛濕安眠嘅桑寄生茶都唔多地方賣，呢度仲要做果凍好特別！清甜嘅正正方方果凍浸喺桑寄生茶入面，做到西式甜品嘅口感，但保留中式涼茶功效😍炸一口雞蛋糕 $26 只用雞蛋同麵粉做嘅清蛋糕連蔡瀾都讚，將傳統融入新一代口味，做埋一口炸蛋糕，淋上黑糖同煉奶，食落好似西多士，但材料天然更健康🙏🏻混醬腸粉 $22 腸粉一般正常發揮，應該唔係自家製，但個醬又真係撈得唔錯😌 …Read More

今日去銅鑼灣見客，順便約咗個frd係天后食野~佢帶咗我黎哩間甜品鋪，本身心諗有乜理由正餐食甜品 lol但係原來入到去先知 原來係有小食同熱野食~因爲係下午茶時間，所以我地都有啲肚餓，嗌咗幾款小食試~香煎蘿蔔糕（$26）煎得都幾香，同埋分量足夠。雖然係煎，但係食都唔會覺得好熱氣混醬腸粉（$22)超正！好耐無食啦~ 但係可以係餐廳形式下食到街邊小食，唔同風味~同埋乾净衛生~~炸鷄全翼（$35)有兩隻~ 哇 哩個超好味，啱啱新鮮炸出黎，夠熱夠香~ 但係又唔會覺得熱氣（都幾神奇）同埋好juicy 一路食 啲油會滴出黎勁中意中式糖水，我就試咗個 熱既核桃糊($36)，我個frd嗌咗凍既黑芝麻糊 ($36)~超級濃郁，質地夠結代表佢地真係磨並唔係溝水。哩個價錢算CP值幾高而且好暖胃~ 咁啱食個日落雨 天氣小小涼~ 好滿足…Read More

源記大家應該仲記得好熟悉嘅上環甜品源記，早前停業左一段時間終於宜家係天后重開啦！位置更加方便，經過銅鑼灣都會過天后食返轉作為一個為食專員我緊係要去試下啦！桑寄生蓮子雞蛋茶雞蛋保持水準，非常入味，桑寄生茶保留風味，香濃好味，非常養生。香滑芝麻糊加個花生湯圓，一碗湯水三種味道，三種口感，非常好味雞蛋糕都係傳統甜品，唔會食完好似食左啖風咁，足料夠蛋香咖哩豬皮魚蛋，咖哩夠香辣，豬皮同魚彈都夠入味生炸雞全翼-即叫即炸香口華鹽，呢10幾分鐘值得等既混醬腸粉傳統宵夜都會諗起既小食…Read More

一直都聽講源記係60年老字號，所以都想試好耐！但係有期望，就自然有失望🥶 食得出啲甜品都係真材實料，有屋企嘅味道，不過就冇特別出彩！對於60年老字號呢個名，就有少少substandard…📍雞蛋糕 （$10）總括而言，可以用個四字詞去概括呢件雞蛋糕「平平無奇」 我只可以話佢係一件冇特色嘅蒸蛋糕，就好似我阿媽平時喺屋企蒸咁😅食得出佢係冇加添加劑，食完條脷唔會苦。亦都冇空氣嘅質感，可以話係真材實料👍🏻但係作為老字號嘅招牌菜，佢又唔係特別好食👉🏻👈🏻不過$10嚟講，佢都算合格📍純正杏仁露 （$36）📍桑寄生蓮子茶 （$40）啲熱糖水，就有少少overpriced。個人覺得個杏仁露太甜，而且都稀咗少少，同我預期中嘅差得有啲遠。係呢三個甜品入邊最失色嗰個。但係都係真材實料嘅個蓮子茶都OK好飲，啲料都比得好足。都有中上嘅水平，係抵讚嘅👍🏻👍🏻 但係$40就略為貴咗少少，而且都唔值得專登入嚟食…Read More

今次去咗天后新開張的源記試吓佢嘅甜品，同時懷緬一下呢間昔日西環的老字號🥰 新店環境比舊舖大，種類更加豐富，有鹹點、懷舊小食同經典糖水，可以滿足唔同口味。我最期待嘅係佢哋用原材料生磨嘅合桃糊、杏仁露同芝麻糊，果然冇失望，幼滑得黎又香濃！😍另外點咗煎蘿蔔糕、鮮蝦腐皮卷。蘿蔔糕配上甜醬、辣醬同胡椒粉，啖啖臘味味，手工製作炒出來嘅質感真係唔同凡響，好香口又唔會太鬆散。香煎蘿蔔糕嘅滑嫩口感同臘味特別突出，$26絕對值得試！👌🏻鮮蝦腐皮卷入面有成隻蝦肉，外皮酥脆，食落去口感十足，唔錯！當然仲有咖喱豬皮魚蛋，豬皮索滿咖喱汁，香而唔辣，正適合我鐘意又咸又甜味嘅衝擊！✌🏻…Read More

👨🏻‍🍳源記甜品小食 (天后)📍天后永興街2A-2E號美城花園大廈地下B號舖 「糖水好味，小食一般🙈」 👍🏻🍽️芝麻糊、合桃糊 各$36香滑濃稠😋系好食既糊！！ 🍽️傳統炸油糍 $30製作需時，幾特別，不過有D膩🙈外層小小煙韌硬脆，裡面好似蘿蔔糕。 🍽️混醬腸粉 $22普通🙈無乜綿糯感 🍽️全蛋雞蛋糕 $10原本好期待呢個雞蛋糕，好耐無食呢D傳統雞蛋糕🥹但系呢個無蛋香，都吾鬆軟🥲🥲乾爭爭的🥺 …Read More

想食好味又正宗嘅傳統中式甜品同港式小食，天后站附近嘅「源記甜品小食」，真係一個唔可以錯過嘅地方👍🏻 「鮮白果腐竹蛋糖水」甜而不膩，白果嘅香味配合腐竹，口感一流「桑寄生蛋茶」招牌必點之選，唔單止好味，仲有助健康，女士最愛🥚✨「清香合桃露」香滑可口，對腸道健康🥄「香滑芝麻糊」每一口都充滿芝麻嘅濃郁香味🌟「全蛋雞蛋糕」鬆軟香甜，充滿蛋香餐廳仲有香港傳統小食，佢哋嘅 「咖喱豬皮魚蛋」，亦好受歡迎，咖喱味道濃郁，魚蛋彈牙🍛如果鍾意傳統中式味道，值得嚟試吓🎉…Read More