源盛飲食中心

Open Now

Now Closed

身為打工仔食中午只求餐廳唔好出錯，但呢間外賣7次就錯了5次，XO醬牛肉炒公仔麵只係要求走哂配菜（除了牛肉），廚房唔睇單就落咗一半落去，挑出嚟挑到手軟，之前幾次要炒公仔麵就比咗炒烏冬我，真求其！

我哋公司經常叫依間下午茶，不過近期啲水準就下降，平時最鍾意食佢嘅炸魚柳配薯條或者炸雞髀配沙律。仲要嗌過佢嘅熱狗餐，佢絕對唔係宜家傢俬嗰種，味道偏向奇怪。炸魚柳係幾大塊嘅，不過炸粉太厚，冇乜口感，有陣時送到過嚟，仲會因為太熱，辣用咗個膠盒，唔太敢食。沙律好大份，佢啲沙律醬亦都好重口味，減緊肥嘅唔太啱食。不過佢都有好處，落單嘅時間唔長佢就會送到過嚟，間唔中會落錯嘢飲，如果係奄尖腥門嘅你，又要少甜小冰走甜等等，就要記得同佢覆多次張單啊

公司開PARTY,經朋友介紹,話呢間既到會OK,咁就試下.估唔到,好OK WOR. 好大盆,好抵食.酥炸墨魚丸最受歡迎,香脆可口.金菇肥牛卷個汁好正,舊卷好大,D金菇多到呢.唯一唔好既地方係,金菇好痴牙,仲要係OFFICE裡面食,有些少麻煩.招牌之一係椒鹽豬扒,重型左少少.較油膩.瑞士汁雞中翼都好入味,唔錯~雜果沙律足料新鮮,女士至愛.我朋友團體聚會經常幫襯,佢話質素有保證,同埋比起集團式果D抵食得多.下次開PARTY會再幫襯.希望試埋佢既酥炸魷魚鬚.