Yuen Fat Restaurant (Closed)

阿爸阿媽話去飲茶，問我去唔去，咁就一齊去啦，唔係就飯都無得食去到見到係街坊酒樓，阿媽話佢地都會去呢間飲茶，方便之餘D出品都幾好，話足料兼抵食點咗6-7樣野食蝦餃 - 正正常常啦，D皮都唔算太厚燒賣 - 大大粒，夠飽肚，不過阿爸唔食，要我食3粒炸雲吞 - 好脆呀，點酸甜汁最夾馬拉糕 - 我老豆嘅至愛，飲茶必點，呢個好鬆軟，唔會硬實，老豆話有8分沙嗲金錢肚 - 沙嗲味香濃而唔會太鹹，大部分都腍，有個別1-2件夠硬，真係食唔到珍珠雞 - 餡料十足，糯米煙靭好食，3個人share啱啱好，唔會食到太滯乾炒牛河 - 牛肉份量不少，肉質鬆軟，味道中上，不過因為炒河粉比較油多，最尾我地食唔晒整體點心有水準，價錢又唔貴，免加一，抵食…Read More

難得經過細個果時住過既土瓜灣區，打個電話搵個同學落街食個飯吹下水先麻甩佬吹水點可以無啤酒? 好彩佢指定小菜有枝大藍妹送!最後發板叫左個避風塘鮮魷、咕嚕肉、八寶冬瓜盅、德國咸豬手避風塘鮮魷大大件，仲有勁多炸蒜粒係面，熱氣野最啱送酒！咕嚕肉除非凍左啦，否則都好難整得難食~哈哈!冬瓜盅都幾大隻下，入面仲好足料！今餐咁多熱氣野，下火一流！而萬眾期待既德國咸豬手終於出場啦咸豬手皮脆肉嫩，新鮮熱辣出爐，份量都幾大。外皮香脆，帶有豐富膠質，肉質鬆軟。飲下食下話咁快食到人哋差唔多打烊，今餐真係飽到差啲食唔哂，下次同朋友再約過。…Read More

任食兩個鐘，分時段收費，我地就食7點果個時段，每位都係$168。真係自從中學之後就好耐無食過百零蚊嘅放題。仲要唔收醬油費，都有幾多款飲品，我就最中意飲椰汁啦，清熱氣！其實本身係想食海x撈嘅，不過因為無預約，明知佢係會爆場就唔去啦，於是就近嚟到呢間酒樓食，點知呢度竟然都有番茄湯底！真係好驚喜！我次次打邊爐都實會叫番茄湯底，但又唔係度度都有好食嘅番茄湯底，呢間都算係OK嘅，幾足料，都算濃郁嘅，番茄和菇類都幾多下。嘢食方面都幾多架，正常打邊爐有嘅嘢食呢度都有嘅，當然就唔會話特別高質啦，畢竟只係百零蚊嘅價錢。不過都算係咁噶啦。都幾抵食，食得好飽~值得一試嘅！見佢呢度價錢都幾親民，下次再嚟試下啲小菜。…Read More

今日同同事出外工作，手頭上嘅工作完畢之後見有啲肚餓就索性係土瓜灣搵食啦由於今日個胃口想食點心，我哋行下行下就去到源發酒家嘅門口見佢價錢唔算貴之餘仲幾抵，一於入去試下啦我哋叫左咕嚕肉、蟹子燒賣皇、流沙包 (奶黃餡)、金雞咸水角，另外再叫咗個白飯送咕嚕肉✨咕嚕肉 - 中式小菜入面咕嚕肉一直係我嘅最愛之一，最鐘意佢酸酸甜甜嘅味道，豬肉肥瘦比例剛好。如果太瘦會無口感，太肥又會太油膩。呢度嘅咕嚕肉真係唔錯✨蟹子燒賣皇 - 燒賣表面鋪上滿滿蟹子，內餡混有蝦肉、豬肉同少量冬菇粒。蝦肉爽口，豬肉帶有肉鮮味，燒賣蒸得夠乾身，完全配合到我個人口味喜好✨豬仔流沙包 - 流沙包造型好得意，係一隻隻豬仔樣。流沙包係奶黃餡，真係做到流沙質感之餘仲好香甜好好食，奶黃餡仲有少少蛋黃粒，加添口感同蛋香味✨金雞咸水角 - 金雞咸水角同流沙包一樣係有可愛造型，酒樓用一個藤籃仔放5隻雞仔上去，感覺好似一個鳥巢咁。呢個咸水角唔單止得外型，內在都幾唔錯。咸水角炸得金黃鬆脆，內餡有少少豬肉粒、沙葛、蔥粒，真正做到外脆內軟及香口，仲要係熱辣辣，新鮮咸水角真係無可能會輸…Read More

買了團購$100的現金劵，打算試試佢，結果完全無伏:)環境感覺係一間舊酒樓，不過乾淨整齊，都幾舒適。叫了個$148套餐，有一條石班，半隻片皮鴨，味道好好，魚新鮮，片皮鴨好脆皮! 叫了灼蝦，蝦好新鮮好大隻，$160斤，團購後就覺得抵食。總括係我好少寫食評，不過都要寫黎讚一讚，好抵食，食品好食，就算係送既紅豆沙都好足料，起晒沙，咁用心既酒樓，試問仲有幾多?…Read More

遲咗收工，於是叫朋友過嚟陪我食啲嘢，簡單叫咗幾個餸，避風塘鮮魷，避風塘炒蟹就食過，避風塘鮮魷就無食過啦。其實我就中意食炒鮮魷多啲，因為方便撈埋啲蒜粒一齊食。如果食蟹就要剝蟹殼，食落都好唔方便。而且呢道餸真係好送飯，又好餸啤酒。菠蘿咕嚕肉，酸酸甜甜，肉都幾熟嫩，唔會特別厚粉，都幾好味。冬瓜盅，純粹係真係無食過，想試下。同埋呢排個人真係好熱氣，想叫啲清涼嘅菜式降下火。呢個真係幾正，飲落十分清甜，燉得啱啱好，飲碗湯再食下啲配料，好滿足。食飽個肚，傾下計，再叫支啤酒。真係好解壓。…Read More

今日兩個表妹和公公過嚟探我地，阿媽有嘢做唔得閒，於是就叫我帶佢地去飲個早茶。通常飲茶都會揀返屋企附近嘅茶樓，於是我就揀咗呢間源發。之前都有食過嘅，佢啲點心都幾得意架，我唸啲小朋友應該幾中意。叫咗唔多，淨係叫咗五樣點心，1.源發蝦餃皇：皮薄，蝦都幾彈牙。2.蟹子燒賣皇：每粒都大大舊，好足料。3.可愛流沙包：表妹見到好開心。我見到就覺得好搞笑，出曬汗嘅豬仔包，食落都唔錯，唔會太甜，啱我口味。4.金雞鹹水角：造型真係好得意，小朋友至LIKE啦！仲話要攞返屋企擺。哈哈。我都好耐無食鹹水角啦，懷舊小食。5.春風得意腸：食落幾香口。幾樣點心都幾好食。大家都食得幾開心。價錢都算實惠。住附近嘅都可以帶下小朋友嚟食下個滿頭大汗嘅豬頭包架。…Read More

有時飲茶就唔一定要揀大酒樓或者連鎖酒樓嘅~好似稻X、x臨皇宮呢啲連鎖式酒樓我都好幾年無幫襯過。食物質素差，服務唔好，衛生情況種種問題....再加上依家多咗好多點心小店出現，實在無必要都唔會再去今日過去土瓜灣探下老人家，順便帶佢去食下午茶，老人家最鐘意食一盅兩件嘆下茶，都啱哂我胃口我哋就去咗附近嘅源發酒家，聽講呢度點心對於街坊酒樓仔嚟講算幾好酒樓空間幾大，好多座位可以俾你慢慢揀到啱為止，雖然有好多茶客但你都唔會覺得好逼狹。由於老人家胃口唔算大，加上我又唔係好肚餓，所以只係叫咗幾款點心。✨蝦餃 - 蝦餃外皮厚薄適中。太薄會好容易蒸到爆皮，太厚又會食到成口粉，影響口感。蝦餃餡唔會有太多肥豬肉，仲有少少筍肉，唔錯👍🏻✨蟹子燒賣皇 - 表面蟹子份量唔少，內餡有蝦肉、豬肉以及少量北菇。入口就濃濃菇味，蝦肉爽口，豬肉肥瘦比例剛剛好，燒賣亦蒸得夠乾身👍🏻✨山竹牛肉球 - 我次次食親牛肉球都醉翁之意在山竹由細到大都好鐘意食墊底個層山竹，因為佢好索味，塊山竹索哂喼汁味真係好好食之餘又醒胃山竹牛肉同其他點心店一樣係混合咗馬蹄粒同少量芫茜，淋上滿滿喼汁，其實就好啱送飯 (雖然我無叫飯) ✨豬仔流沙包 - 一撕開就滿滿奶黃流沙餡，熱辣辣之餘又洶湧，接都接唔切，食到好論盡奶黃餡香甜富奶香味，驚喜位係仲食到少少蛋黃粒，唔會一味死甜，熱辣辣嘅包無理由會唔好食呱埋單每位$8茶錢，仲免收加一，加埋都係$86~學某電視廣告話齋 :「呢個價錢你一定俾得起！」堅係抵食…Read More

看到128元選兩餸再加一碟正價小菜。都合理片皮鴨。蒸班仔。蒜蓉炒莧菜 再一碗白飯整體除左片鴨外其他食物算合格看到餐廳都算多人食，又有蒸火鍋同火鍋任食香噴噴的，最後有紅豆沙送飽哂。埋單220落樓抵食…Read More

土瓜灣老酒樓 餐牌街坊價 舊裝修乾淨 服務好(做咗好耐嗰種)訂咗乳豬 團價$299細size 3斤左右 皮脆肉香骨軟自己動手 落刀唔使出太多力(門市$388正價 唔就腳唔會考慮)炭燒皇子鴨~ $48 (4pm後外賣優惠)細細隻 燒鴨味 脆皮嘅例牌燒鴨半隻份量倒 唔使專登4點嚟茶$8@ 免加一下午茶時段 優惠點心 燒臘粉麵上湯云吞~$4.8特價 肉肉嘅正常味個碗好特別 斜斜嘅 花巧嘢唔實際煎茄子~$8.8煎香唔太油蟹籽燒賣皇~$10.8义燒湯米粉~$13.8份量足义燒淋滑 米粉好 唔會太硬冇噏味 時菜牛肉炒麵~ $38.8麵脆菜心嫩 但 牛肉嚡有粗筋 炸秀珍菇乾 煙韌咬唔入門口有大把車位 要耐心等……(C9心急兜幾個圈 返嚟換晒車😓)& 對面有停車場(留鎖) 常滿☻芋頭糕 $10.8 大大件…Read More

食物不新鮮，有海鮮變壞，回家都有肚痾。其他味道差，漏單情況嚴重，入單兩三次仍未有食物，竟然要走的時候才來一碟鮮牛肉，全程火煱得一碟肉！！以$148來說，是不抵吃。但員工態度有善…Read More

今晚同朋友去食呢間任食火鍋，因為肚餓，叫左好多野，其中有炸魚皮、魚滑、雞片、墨魚丸呢d，都已經唔係咩特別野，但第一輪淨係黎左菜，要一追再追，問伙計姐姐，又話執緊要等。咁好啦，我地都食住等啦，等下又半個鐘，我地再入紙order, 又等好耐，如是者，要逐樣問逐樣追，仲要次次好似要乞咁。如是者，魚滑同墨魚丸就等左2個鐘，寫左3張火鍋紙都唔黎，前後兩枱就不停上菜，問伙計又叫我地等下，態度仲要敷衍，野食已經唔係好食，仲要好似乞佢咁食完仲嬲過唔食！…Read More

由於呢排朝早都要在土瓜灣工作，要繼續土瓜灣搵野食！同事話唔想再食茶記早餐，所以今日就去左酒樓飲早茶，叫了一個飯，一個馬拉糕，一個煎釀矮瓜，兩個人都只係用左47蚊！好抵，好抵，好抵呀！唔好以為咁平就質素差，我想講食物質素一啲都唔差，仲可以用好味來形容！間酒樓在地下的，細細間，入面好多人，自己搵位坐，可以搭枱！我地坐底後，發覺好多人都有叫飯，就搵點心紙睇下有無飯，完來個飯係6.8咋，真係自己煮都煮唔到啦！最驚喜係唔駛加一！茶錢就8蚊倍！個煎釀矮瓜個皮好脆，入面好多汁，我覺得比其他大品牌酒樓整得好味喎！…Read More

今日行過土瓜灣諗唔到食咩，經過一條街見好多餐廳，咁就見到呢間出面個牌有小菜，價錢又合理仲唔使加一服務費，於是去試下，叫咗個炭燒皇子鴨都幾好味，唔會好肥，另叫個蒸魚雲又不錯，只係叫咗個雞煲肉質比較硬咗少少，總結呢間酒家都唔錯，下次會去試下佢嘅點心，仲唔使加一服務費。…Read More

爸爸的生日飯，決定在這裡吃飯，除了因爲地點方便外，也因為價錢絕對相宜！這兒八點半後，小菜全部$48大元，且大大碟，吸引了不少街坊來吃！坐下不久，分別點了1）雞軟骨；2）源發小炒王；3）黃金龍衣；4）瑤柱蛋白炒飯；5）川椒水煮魚。先來了雞軟骨，沒有下太多炸粉，十分好吃！後來了小炒王，不知是什麼菜，但配上了不同配菜，平凡得來卻顯特色！之後來了黃金龍衣，這個很好吃，這個不是普通炸魚皮，而是混合了咸蛋味，十分好吃！絕對值得一戰！及後來了瑤柱蛋白炒飯，飯一粒粒的，味道不俗，價錢只是48大元，性價比很高！最後來了川椒水煮魚，合共有5塊鯇魚腩，味道不是很辣，很適合一家大小吃！總括而言，此店以蔗渣價錢滿足了我的胃，土瓜灣的街坊又多一選擇了！…Read More