Soup Plus (Chik Fuk Street) (Closed)

經過大圍，其實好多小店，但朋友揀左湯加，我唯有照食，點知真係難食。佢地餐牌有好多好多選擇，友人揀左個豬潤牛肉米線，湯底係魚湯底，但味精重，偏咸，份量夠多，但豬潤偏硬唔諗。另一個叫左個唐芹老媽干排骨，配藜麥飯或三色飯，懶健康，但又話無藜麥飯，硬嚟三色飯，但最搞笑係砵仔上，白飯加5粒紅米就見三色飯，令人啼笑偕非。上菜時一大個鍋上，好多排骨，表面顏色係橙色但一啲都唔辣，但味道唔惹味，賣相好油，令人無咩心機食。…Read More

30/5/2019 @ 大圍 湯加夏日炎炎，好多人都鍾意食個湯飯消下暑補下水。 今日去到大圍呢間湯加，專食湯飯嘅餐廳。陳皮鴨腿湯飯， 呢個亦都係我哋呢一餐最失望嘅一個飯。 本身期望都幾高，但係呢到嘅呢個鴨腿湯飯…首先冬瓜唔算多而且一啲都唔腍，亦冇索哂湯汁嘅感覺，好似啱啱先放落去咁…仲爽爽地口完全唔係我哋想食嗰隻冬瓜嘅質感……另外鴨腿又乾又實，而且仲要冇味……可能佢呢個叫陳皮鴨腿湯飯並唔係一早就燉定，只係啱啱先放啲材料落去……連湯都冇應的鮮甜味道，完全唔想食竹笙花膠豬肉片湯飯這個湯飯ok的，湯有鮮甜嘅味道，花膠唔多但係其他材料可以補夠…魚片魚角淮山麵轉番茄湯， 蕃茄湯底都幾濃味，不過唔係鮮茄的味道，淮山麵幾好食，魚片魚角都幾爽口彈牙。感覺上揀啲簡單嘅材料比較穩陣， 如果想食一啲要講火喉講時間嘅菜式就唔好揀呢間喇…Read More

我已經唔係第一二次光顧，但今次非常失望 漏單完全可以無交代我係餐廳落單之後呆等左半個鐘，途中亦無職員主動上前詢問，眼見餐廳內最少有3-4位樓面(包括經理)個個都躲係後場仲要等客人主動追先問情況係咪漏單，先知廚房無整雖然味道方面保持水準但用餐體驗非常差最後連最基本蒸飯去到830pm都唔夠…Read More

工作又到大圍，想食湯飯，見到這間，就試一試啦，諗住連鎖都ok啦。叫左個黃酒薑絲煮牛肉餐牌寫白飯及三色飯可添飯，見佢可轉藜麥飯，就轉了。再叫了熱銀菊蜜小甜。飯餸上枱，只見白飯加幾粒藜麥裝飾，唔係呀嘛？ 這樣轉三色飯不是更好嗎？而且飯很乾，碗邊的飯粒是乾到硬的，真的要浸入湯中。而黃酒薑絲湯飯，我都食唔少，但這個一飲啖湯，沒有薑酒的香味，只有酒精的感覺，好難飲，而牛肉份量雖然多，但就是茶餐廳醃到沒有牛肉味又無口感的牛肉。好後悔選錯了。這個價錢，在旁邊有更好選擇，難怪會這樣少人。…Read More

實在忍唔住要開個a/c寫呢間鋪，幫趁過幾次，如果唔係中意佢個湯一定唔會再幫趁依間！等左半個鐘有多依然未整好我份外賣，問企喺收銀那位女侍應可否幫我睇下張單，佢態度很差咁答我未有，仲要睥返住我話佢地好忙！已經等了半個鐘，連幫我check下有冇漏到張單都懶！反而問另一位女侍應見我等左半個鐘都未有外賣，幫我問廚房幾時有，但那位一聽到就示意佢唔洗幫我check，係咁嗌「有架啦」，連我張單咩號碼都冇睇過，請問你點知幾時有呢？半個鐘絕對唔係短時間，但連check下都懶去做！某d員工服務差到咁，再好食都唔會再有客幫趁。…Read More

之前喺另一間分店試過佢嘅蕃茄湯底, 覺得一般。但朋友話試過另一間分店, 覺得好好食, 今次就試下大圍分店啦。我唔算好肚餓就叫左常餐, 常餐得三個餐揀, 選擇有啲少, 同埋個餐已經定好晒配料, 只係可以揀個主食係飯定麵。我揀左豬扒公仔麵配越式春卷同薄餅, 跟餐飲係送熱飲嘅, 飲品都算幾多選擇, 連冬瓜茶同水蜜桃汁都有, 我同朋友就各自嗌左一杯。冬瓜茶味淡, 唔太甜, 飲落都幾舒服。水蜜桃汁太甜, 味道有啲假, 熱飲個感覺怪怪。佢啲湯麵上面有好多芫茜,韭黃, 芹菜類,唔食嘅朋友記得嗌"走青"豬扒唔會太乾, 香口, 越式春卷夠脆,好食😋但小食薄餅又比較多油, 會好快膩。朋友話之前喺另一間分店食過佢啲蝦滑好好食, 今次都叫左, 我試左覺得唔夠彈牙, 偏稔, 朋友都話另一間分店嘅蝦滑係彈牙同厚實啲。呢間嘅湯飯/麵係比較清淡, 唔舒服嗰陣嚟食應該會幾適合🤔…Read More

最近開始要減肥，見到呢間好似好健康咁，配搭方面好多選擇，有湯飯、米線、准山麵、米粉，最後叫左雞肉牛肉娃娃菜蕃茄湯飯，出菜都等左好耐，但食落都覺得健康，朋友就叫左魚湯，魚湯好似好味d，下次會叫魚湯試下，一個人一個湯飯都好飽😍下次會再來食，減肥既最佳選擇！中間發生左一段小插曲，因為朋友叫左藜麥飯，最後來左白飯，個職員話無藜麥飯所以俾左個白飯，雖然我朋友唔介意，但最好都係問下客人意見先，而唔係自己決定，呢一點扣分！…Read More

之前食過湯加嘅胡椒湯淮山麵好出色，夠辣又惹味，去完大圍探親戚突然想食胡椒湯暖下胃，咁岩大圍都係湯加🤩一入去點知冇乜人食，心諗正呀唔洗等位，就叫返平時食開嘅雞肉片魚腐淮山麵加胡椒菜湯底。點知就係中伏嘅開始，完全同豉油街個間差好遠，三個字，超難食！胡椒湯完全冇胡椒味，又唔辣，又冇咸酸菜食，好差！淮山麵又痴埋幾條，完全未煮透，雞肉同魚腐都正常嘅，好難煮得難食。絕對唔會再去，唔怪得假日嘅晚飯時間都可以有咁多位！:(…Read More

整日都好忙，午餐只能草草了事，待放了工才可静下來吃個下午茶。路經湯加，當大家樂大快活的下午茶都都三四十才算飽肚時，湯加的價錢絕對是吸睛。內裏格局骨子，座位舒服，有三、五枱客正在用餐，服務的哥哥仔店員都頗為有禮。第一次幫襯，選了番茄湯腐皮魚角米線，應該較為穩陣。等了十分鐘，熱辣辣湯米上枱。睇樣呢！似乎幾吸引，材料豐盛。兩塊如手掌般大的腐皮魚角，吸了部分番茄湯，但味道只是普通，吃不到魚肉的味道。米線焯得軟硬適中，而且大大碗，但可惜没有美味濃郁的番茄湯作伴，故此不够酸不够鮮，只在湯中找到一小粒無味的番茄丁。跟餐送一杯熱飲，可以揀冬瓜茶，銀菊露等，非一般快餐般只有啡茶鴛，算是誠意之選。埋單31蚊，結論是價格便宜，質素普通，下午茶來說，好過去快餐店嘅！…Read More

食物還可以，去過幾次，下午茶幾抵，鱸魚唔錯、酸菜深海魚好味、鴨腿湯都好味、雞煲就一次好食一次難食。員工態度有待改善，無論係黑衫經理定係綠衫伙記都不友善，去食飯變受氣（不過有一個綠衫姐姐是正常的）。幫襯同集團嘅魚米旺角店，員工好好多，大圍店湯加黑面加晦氣，未見過連鎖店會咁，已經客唔多成日有得抖仲要咁態度，譚仔阿姐比佢地忙十陪都仲係好好脾氣，呢方面真係要改善，希望集團加緊培訓大圍店嘅員工態度。如果想食我寧願去旺角間店，唔駛受氣。…Read More

其實我一向唔太好呢啲連鎖餐廳，如果當日唔係我朋友話呢間ok，我都唔會入去食，一食之下真係唔錯。估唔到佢前兩年係大圍開分店，其實我都食咗幾次架喇，難得仲keep到個水準，所以就決定寫吓個食評啦！我次次唻都係嗌自選湯飯，揀雞肉，腐皮魚角，首先佢啲量真係好足，啲餸係夠哂你送完碗飯有凸，唔會出現乾食飯或乾食餸既場面。作為湯飯靈魂既湯，我通常都嗌魚湯，雖然唔係好鮮甜果隻，有少少咸，但又未至於太頸渴，我估未至於落太多味精！啲餸正正常常，我最buy係佢啲雞肉冇骨，啲腐皮魚角夠多大塊，啲菜都尚算新鮮，總的來說非常滿意！42蚊咋，仲想點呀？！…Read More

去到大圍搵食，見到呢間以湯飯為主打嘅餐廳，決定入去試一試。星期日行過，七點鐘之前仲唔使等位，一到七點鐘，門口已經有人排隊。叫咗一個姖松茸鮮淮山竹絲雞，可以揀配白飯或三色飯或蕎麥飯，飯仲可以任食添。竹絲雞都有一大舊，仲有一舊鮮淮山，個湯底好好味，見到有杞子紅棗等去做湯底另外叫咗一個自選湯飯，可以揀兩個餸同埋一個蔬菜，再自選湯底，同樣地係飯任食，揀咗魚湯，同竹絲雞湯底比較，個湯底普通左唔少，無竹絲雞湯咁濃同咁有層次最後講講服務，呢間餐廳嘅服務往往最為人垢病，但其實佢嘅侍應主要係阿姐，就等於譚仔嘅style，你接受到譚仔嘅，就接受到呢一度。…Read More

這次點了一客花雕醉雞。湯汁的味道還算好，但雞肉非常瘦，而且很多骨頭，基本上沒什麼肉。如雞肉可多點，整個感覺可以很不同。餐廳環境一般，服務還可以。但應該不會再回去吃。一來沒什麼特色，二來食物份量不足…Read More

叫咗一個腐皮魚肚湯藜麥飯。等咗十五分鐘飯餐都未嚟，再加上身旁嘅客人遲嚟先上岸。已經好肯定係走單! 於是向侍應要求跟一跟張單，已經分別向不同侍應提出要求追單，每個侍應反應都係好一致，冇反應加黑口黑面，同時照樣同其他客人落單上菜……服務態度奇差 ! !飯餐終於都嚟到，一睇嗰飯餐就知嚟錯，碗飯變咗做紅米飯，並不是原先叫嘅藜麥飯…… 餸菜方面都係比較少份量，整個飯餐最多嘅都係湯水，雖然湯水都夠清甜。 整體上嚟講可以用一個字嚟形容 : 好差 ! !…Read More

環境食物都還好，就是女員工比較差，一直臉臭臭的，每次經過都一副不爽的樣看過來😥要杯水也態度差差的，不知道還以為得罪了她;還有就是竟然連要杯水也說只有燙水，就是拿到出來是冒煙沒法立刻喝的那種，大熱天，不給冰水都算了，給杯普通開水也行吧，這是正常每家餐廳必備的吖，難道就是為了逼人喝飲料？😓不過總括來說，食物還是可以，只是有些細節希望能有改善，不然會有點讓人望而生畏.P.S到店吃過4次.......…Read More