Glutinous Dumpling King (Closed)

之前小妹說想來試湯丸, 那次在佐敦亂逛還是沒找到; 這次少爺做好準備, 輕而易舉帶小妹來~今天天氣微暖, 少爺說想吃凍的糖水, 就要個紫米露。 至於小妹,,, 選擇困難症又來,, 想吃綠豆爽又想吃渣渣, 但1場來到又怎能不試試湯丸,,, 小妹1邊左思右想, 少爺的凍紫米露已經來到。 哇~~~ 以椰汁在面頭"寫"了個福字~~~ 小妹馬上聯想到在cafe看到的咖啡有唧花 XD 小妹偷嚐1口, 噢~虛有其表而已, 淡然無味, 好像吃粥水。 這碗紫色的椰汁唧花粥水索價$17, 馬上令小妹對$17 的o渣o渣希望破滅, 亦對此店沒太大期望, 本著只此1次的心態, 就來個"銀杏清心丸綠豆爽($17) + 湯丸($7)。 綠豆爽清甜, 清心丸 (小妹跟少爺笑說應該喚"清心cube") 很有嚼勁, 味道不錯~ 至於湯丸, 皮薄就說不過, 黑芝麻餡夾雜白芝麻, 油份不高, 味道普通。 可能薑湯才是值得打高分數的1環吧。…Read More

難得來到佐敦附近, 晚餐既burger都消化曬, 當然要係附近搵甜品食...見到此店就來試下.叫得湯丸皇點可以唔听湯丸食, 再叫多一個我至愛清心丸綠豆爽.此店個名我都真係覺得名副其實, d湯丸真係做到皮薄餡靚, 加上個薑湯真係絕配.至於個清心丸綠豆爽同樣真材實料...下次來都有一個甜品選擇.…Read More

今日係附近做完野，又見天氣涼涼地，想起有人推薦過呢間湯丸皇既湯丸話好好食，咁就決定不如獎勵下自己，入去食返碗啦。而且天氣有點點凍，食湯丸飲薑糖水真係剛剛好。入到去既時候都有 4-5 個客人，唔算特別多。隨便找了張檯坐下，便立即叫了一碗招牌麻蓉湯丸，呢碗湯丸$18，其實都唔算平架。等左大概 5 分鐘就黎到啦，色水好清較淡，不過飲落係ok既。有薑味，而且不算太辣，個人覺得辣度剛好，咁凍飲完真係驅走哂D寒氣呀。雖然薑味OK，不過甜味略欠，唔多似薑糖水，如果佢再甜多少少就剛剛好啦真係。湯丸有 5 粒，佢既芝麻餡唔係好流沙個種，食落去咬到粒粒口感，亦唔會感覺粗楷。也有芝麻的香味，不過不算很濃呢。而且雖然皮薄亦夠軟，不過其實佢個皮做得唔係好平均，有D地方咬落去會突然間厚左，食左成舊粉落肚，但亦好在煙靱，都不會太難吃。個人覺得是可以一試，不過又不會強力推介，如果在附近的可以來一吃無妨。…Read More

每年的初三無論多忙~晚上都會抽空到大比姑媽家拜年~早聚早散~小比這天的腸胃有點不適~對著和暢的盤菜都胃口大失~~最後輾轉與大比搭車特意到佐敦碰運氣~希望有碗超辣的薑水暖身~要不然在九度低溫必無好日子過由地鐵站一出就見到這兒燈火通明~~忍不住"yes~!”了一聲~~走到門前雖然貼著紅紙寫"年三十至初三每碗加$2”~都合理ge~~~二話不說就入去了~~七時多時間尚早~未有太多客人~~~叫下一碗芝麻糊和一碗淨湯丸~新春加價後為$19和$20~也見有生湯丸~新春價為每打$39等上五分鐘~芝麻糊先來~~~自從年前吃過這裡的芝麻糊之後~便位列小比最愛芝麻糊之列[另一是大榮華的超dense神奇芝麻糊http://www.openrice.com/restaurant/commentdetail.htm?commentid=1964898]~這裡的芝麻糊不如前者dense~但粗粒的表現對小比來說更勝幼滑~先飄來的是芝麻香~在舌頭所嚐到的是米的甜味~麻香米香並存~加上偶意被牙齒截住的芝麻碎粒~~~吃畢之時還在冒煙~~~效率之高直接反映芝麻糊的高質素再來麻蓉湯丸~~一客5粒~碗內的水清澈得如清水~~大比忍不住說~真係薑糖水~!???拿到鼻前嗅一嗅再呷一口~~立刻邊咳著邊把碗推過來~~"wa..wa…wa…好辣!"~哈哈哈~清澈的薑水藏著無比辣勁~對小比來說就可接受~身子一瞬間就暖了~~外邊的舖多會與蕃薯糖水共用同一煲薑糖水~所以辣勁稍遜~但此店分得清清楚楚~絕對值得一試其信心之作~~一碗淨薑水索價$11的~暖身一流湯丸浮在碗內已透漆黑內餡~皮薄軟糯~是出色的作品~~咬一口~內餡不會湧出來~從前愛吃福元的熔漿餡~但油份不停提高~令人卻步~這裡的黑白芝麻比例恰好~不流也不實~吃得滿足~~因腸胃不適~大部份交由大比負責~~他說一向不好湯丸~但這裡的是真的好食~轉眼間已經清碗~~對小比來說簡直是一奇景~~身子暖了~放下$39~在九度冷風下慢步也可大步大步走~~滿足滿足 =]…Read More

食飽飯同老公漫步回家,經過湯丸皇個衰佬話中左馬仔請我食糖水,多謝晒跟住去到叫左個楊枝金露 我就叫左個南瓜露加湯丸老公食o既楊枝金露清甜,d芒果仲好甜,一d都唔酸 連老公一向唔食甜野都覺得好好味...南瓜露就唔係太甜 d芝麻湯丸皮好有咬口 唔黏牙 個阿姐話d湯丸係用唔知幾多成白芝麻同黑芝麻所以特別香口好味,食完好耐齒夾仲有芝麻香味留低 好好味個賣相仲好有創意添....大家睇下.....…Read More

大家來到佐敦吃糖水，因為我沒吃過這間，於是就試一試。原來索價都不便宜，男友和友人都是選合桃糊($17@)，我就吃雪梨木瓜雪耳($17)，另加三粒湯圓($10)。合桃糊︰兩人都說不好吃，水汪汪的，而且又淡又無味，仿佛溝了水一般。雪梨木瓜雪耳︰很一般，材料少，木瓜又不甜，只有雪耳夠爽口，雪梨只有兩小粒。這裡說是湯丸皇，不過湯丸的品質就不過爾爾。而且另上要多加三元，有點搵笨。這間糖水鋪未能為是日劃上圓美的句號。…Read More

放學後,大家興起話不如去湯丸皇試下,反正未食過~不過我唔太好糖水呢d,所以我同男朋友就share一碗熱蕃薯糖水再加三粒芝麻湯丸~蕃薯麻麻,糖水超夠,所以好辣......芝麻湯丸,對我來講係好味,佢個皮好in un~涵亦好味,不過涵嫌少左d有個同學食南瓜西米露,再加三粒湯丸~我唔係好記得其他同學食乜喇,但係佢地對佢地食既野都唔係太滿意不過個度d阿姐幾好禮貌,okay啦!!!!!!!…Read More

11/8(二) 9pm"金山"後記,攜同滿口嘮叨,半飽狀態的阿梁步入"湯丸皇",來了碗腐竹糖水加湯丸$20;只心儀全溶腐竹糖水的阿梁,這兒正中他的下懷.糖水質滑味香甜;湯丸皮薄透光,麻蓉餡芝麻香滑.不費吹灰,放下廿個大洋,就這樣,豐盛了味蕾了...…Read More

因為打風，所以早咗D食飯，飯後就買咗湯丸番屋企做飯後甜品黑芝麻湯丸(生)$30一打湯丸唔算大粒，粉質煙韌:)煮熟後完整唔穿:)黑芝麻都夠香仲有少少花生粒:)但唯獨芝麻餡料分佈唔平均，同芝麻份量偏少:(但因為外賣，佢會用個膠盒裝好方便帶走，又唔會令湯丸黐埋一齊:)…Read More

剛剛響tst食完"之"士豬頸肉麵,,,,就行去Jordran食湯水啦,,,,,,,,,點知,,,,,,,真係,,,,,,,。。唔食好過食。。淡如水,,,,,,無野想講,,,,,,,,,,,,,,,,,,,,,,,,我叫左杏仁tea,,,,,,,,無杏仁味不在話下,,,,,,,,,,,,,,淡到好似水咁羅唔該！！！！！！買支水飲都無咁男女男呀,,,,,,,,,,,,,,,,,,,,另外一個是友人叫的,,,,,,,所以唔知咩味,,,,,,,,,,,不過友人個樣都ok受落,,,,,,,不過就唔會再去羅我！！！！…Read More

五月初七‧晴比朋友捉了去睇波，場波我沒有什麼興趣，只是買了五舊水車仔嬴，就疊埋心水等收錢。拉了朋友，溜了出去吃東西，吃完泰菜還未夠鐘收錢，就來這裡吃湯丸。不要看湯丸這等普通的東西，但在坊間要找好吃的，一點也不容易。福元為要令麻蓉餡幼滑，油味越來越重，剩下的就是這裡。在二人檯坐下，要了碗芝麻湯丸，另外一碗芝麻糊。先來的是芝麻糊，杰身，濃香的芝麻味道，有芝麻的粗糙口感，是自家磨製的，吃起來不太甜，不錯；湯丸即淥，吃起來糯米皮軟糯，芝麻餡香甜又不過多，口感也頗滑，有水準。薑糖水不夠「薑」，就顯得有點過甜了。埋單33蚊，離開的時候出面至少有三十人在等位，這間糖水舖果真旺場。吃完回去，場波剛打完，有錢收，就這樣簡單。…Read More

食物評估：第一推介佢地芝麻糊，第二推：榴槤甘露，第三推：麻蓉湯丸，第四推：介糖不甩，非常抵食。不過佢地個人應為西米露有所保留。還有楊枝金露、綠豆沙係湯丸皇都可以推介。個人分享：不過唔食榴槤ge人士可以嘗試佢其他產品，例如：楊枝金露、綠豆沙，如果駕車人士，車位有限位置，盡量使用交通工具。個人故事：說來話長，話說我同一個髮型師朋友去吃糖水，本人叫一份榴槤甘露，我朋友叫芝麻糊麻蓉湯丸一份，食完一份，我朋友叫老闆娘寫多同一份，我問老闆娘榴槤甘露可以加麻蓉湯丸，咁冰火好奇怪，唔岩口味，老闆娘話大把人咁叫(榴槤甘露加麻蓉湯丸)，下次我都會試吓先，之後我打包份出名芝麻糊回家。…Read More

回程時為了給老婆對此行程有甜蜜的會憶﹐所以與老婆來這貼了很多阿旺以及老婆湯丸選傳報導的糖水鋪。 進店內第一留意到不是其狹窄的通道﹐細細的鋪位﹐或掛在天花版的兩條紙扎大金魚﹐而是在店內最後那幾個大大的白底黑字(見圖1)﹐當堂笑了出來﹗叫了麻蓉湯圓 $17 - 薑湯湯底很強薑味﹐飲下時連喉嚨也覺得有點刺痛。 湯圓一共五小粒,份量不算多﹐但麻蓉味道不錯﹐不是很甜。食完後在這坐了一會﹐店員也沒有給面色。…Read More

來了這兒幾次了，但都因未開門或事忙而沒有食其湯丸。(第一次是記不起地址)昨天趁帶honey到松記前，來這裡買一盒回家自己煮。三十元才有十二粒，原來想走人，但想到已來了幾次，就買一盒試試吧。結果頗為失望，主因是：一來，幾細粒；二來，不流沙；三來，餡中有一粒粒的整粒芝麻。雖然皮不是厚，但餡料亦見得多，湯丸皮亦厚薄不一。另外，如果咬完湯丸後，見到餡料慢慢流出來，總覺又有趣，又有質感。而且，吃湯丸這軟棉棉的食物，有一粒粒的「異物」在其中，總覺有點殺風景。…Read More

老公叫了碗淨湯丸, 有5大粒, 真是皮薄餡靚, 好香芝麻味, 好好食, 真是招牌貨.但我叫的南瓜西米露就比較差了, 南瓜是一粒粒的, 加入西米露中, 好明顯是兩樣東西併在一起, 而不是南瓜西米一齊煲, 所以不夠粉, 不夠香濃, 真是芝麻系列才有保證?…Read More