Video
Opening Hours
Today
11:30 - 22:30
Mon - Sun
11:30 - 22:30
Above information is for reference only. Please check details with the restaurant.
荔枝角尋味，鎖定一間湘菜專門店。若問最推介哪道菜？蒜蓉粉絲活蝦絕對是首選！這道菜將湘菜的鮮香與鑊氣展現得淋漓盡致。上桌時香氣撲鼻，新鮮大蝦鋪陳於吸飽湯汁的粉絲之上。最令人驚喜的是店家心思：蝦頭已細心剪開並處理乾淨，蝦身亦開邊去腸，食客無需狼狽剝殼，直接夾起便能大啖彈牙蝦肉，啜吮鮮美蝦膏，實在方便又過癮。蒜蓉的辛香完美襯托蝦的鮮甜，粉絲則盡吸精華，鑊氣十足，令人回味無窮。不得不讚揚店家的效率與細心。當晚入座，食物上檯速度極快，絕無久候，對於趕時間或飢腸轆轆的食客而言是大加分。另一道花甲同樣處理得宜，花甲肉粒粒飽滿，關鍵是店家已細心將每隻花甲剪走一半外殼，令食客能輕易夾起貝肉享用，無需費力剝殼，也避免了湯汁四濺的尷尬，這份體貼值得一讚，足見對顧客體驗的關注。然而，踏進店內或翻開餐牌，卻有點落差。餐牌設計確實是美中不足之處。整體視覺效果略顯簡陋，紙質與排版風格，容易令人聯想到內地一些街邊小店的感覺，予人一種「廉價」的初步印象，與店內用心製作、食材新鮮（如活蝦）的菜式水準不甚匹配，未能有效提升品牌形象與價值感。總結而言，這間荔枝角湘菜專門店在食物質素、上菜速度和處理食材的細心程度上，確實值得一試，尤其「蒜蓉粉絲活蝦」是必點之選，其方便食用的處理方式大大加分。若能改善餐牌設計，提升整體視覺質感，相信能更完美地呈現其優質的湘菜風味，吸引更多追求味蕾與視覺雙重享受的食客。為了好味道與貼心服務，我還是會專程為那盤蒜蓉粉絲活蝦再訪！
continue reading
我地晚市8:00嚟到 餐廳有九成都坐滿餐廳環境整潔明亮 本身安排咗二人座位但係我哋有個大背囊所以佢哋安排咗我哋去四人座位 坐落舒服啲 正😍嘢食種類都算多 我哋叫咗:沙姜走地雞煲 辣椒炒肉小炒絲瓜蒜蓉粉絲活蝦香辣小酥肉另外 叫咗一碗白飯一杯手打鴨屎檸檬茶——————————————————————小酥肉炸得酥脆熱辣辣 面頭有少少辣粉，入邊係一絲絲豬肉，唔會乾柴辣椒小炒肉原來小炒肉係用黑豬肉做，有得揀辣度，我哋叫咗小辣，係本身青辣椒嘅辣味唔太辣，嚟到會用個爐加固態酒精熱住個餸唔驚凍，入邊有啲白雲耳好爽，醬汁惹味，一定要叫白飯，送飯一流😋😋粉絲蝦 蝦已經開邊，食落好方便，肉質緊致，冇過多嘅調味，只有面頭蒜蓉醬調味，食到蝦本身新鮮嘅味，啲粉絲索啲蝦嘅鮮味，總共有10隻蝦，好足料👏走地雞一上枱出晒煙，有成隻雞，有好多雞件，原來係走地雞，真係食得出有雞味，有雞油香好香口👍🏻👍🏻絲瓜炒到好軟身，好鮮甜，小小蒜味，清淡人士最啱鴨屎香檸檬茶，好大杯，冇得揀甜度，佢會幫你督埋啲檸檬，可以解膩，好飲整體野食性價比高，食到新鮮既蝦同走地雞，味道唔會太重口味，適合香港人口味既湘菜😋😋
continue reading
喺香港想食辣，多數食川菜，湘菜都係好辣，舖頭又少，香港少啲人想試。不過美孚發現一間湘菜，號稱本港餐飲品牌，符合港人口味。不過湘菜辣味十足，口感獨特，重調味，如果真係做到正宗湖南風味，真係同本地口味差好遠！所以想試下點樣咁辣嘅嘢，可以符合港人口味先！呢度係香港價錢，但有正宗嘅湖南味道，同埋服務好好。雖然用QR CODE 落單，不過有咩問題，或者有需要嘅餐具職員都會好快幫到你！落單前，睇下餐牌先舖頭環境擂辣椒皮蛋 $59 尖椒肉質厚實，辣味適中。將尖椒用火燒，表皮會出現虎皮紋路，可以增添香氣同口感。呢個時候就可以搣曬啲皮，切條，同皮蛋放埋一齊。所謂「擂」就係將辣椒同皮蛋，放落碗度，用木杵擂成糊狀。辣椒的辛辣與皮蛋的滑嫩相結合，口感層次豐富，又係好適合送飯。老長沙臭豆腐 中辣 $39 湖南臭豆腐黑色，主要因為發酵過程中使用特定嘅調料和微生物，使豆腐吸收了更多嘅香料同顏色，應該比廣東嘅臭豆腐臭。不過因為呢個辣汁調得好，所以只食到外皮酥脆，外脆內嫩。直到吞落去果陣，自然會有返啲臭味。湘式梅菜扣肉 午餐 $59送例湯、時蔬、開胃菜、白飯雖然賣相好似#兩餸飯 ，不過價錢平啲，份量細啲，可以叫多幾樣餸。梅菜扣肉炆得好腍，梅菜有爆炒過，更加香口。原來加少少辣椒會更加惹味，同埋無咁肥膩，飯都食多幾碗啊！五常大米(碗) $10 雖然$30有一煲，不過真係食唔曬。五常大米產自黑龍江五常市，水源潔淨，土壤肥沃，可以種到更圓潤、飽滿嘅大米 東北五常大米飯粒圓飽滿，色澤晶瑩透亮，煮出來嘅飯香氣四溢，口感軟滑，韌性十足。每口都充滿米香，加上每樣餸都香辣多汁，咁好送飯，自然咁飽都要加多碗。乾鍋肥腸 大辣 $89呢道乾鍋肥腸色香味俱全，肥腸鮮嫩，配上筍絲同青紅辣椒，香辣味十足。濃郁嘅調味讓人欲罷不能，非常開胃！香辣扇子骨 小辣 $89扇子骨係豬肋骨部位，位於豬嘅背部，靠近脊椎，由於骨頭形狀似扇子，所以叫#扇子骨。同西餐嘅豬肋骨(肋排)唔同位置。肉質較鮮嫩，帶有一定的脂肪。炸完再用辣椒同蒜芯切碎炒香，少少香辣，又有甜味，類似#大牌檔 嘅#椒鹽骨 ，所以呢碟好適合香港人食。呢碟嘢咁香口，無叫啤酒，其實真係差啲嘢。老長沙糖油粑粑 $39 簡單啲講，佢係幾粒無餡大湯丸，浸住濃紅糖水，熱嘅時候糖油粑粑，會又軟又煙韌，攤凍可以更加韌，食飽食肯定更加飽，但係個紅糖真係食落好舒服。雖然唔花巧，不過覺得好食過炸紅糖糍粑。紅糖發糕 $39 一籠圓形咁上，以為係千層馬拉糕？原來無咁鬆，反而有少少煙韌，口感近乎馬拉糕同白糖糕之間，都有少少紅糖味，係一款幾特別嘅唔知叫點心定甜品。手打鴨屎檸檬茶 28*2=$55檸檬茶用左鴨屎香烏龍茶，色澤金黃，清香撲鼻。檸檬用返普通黃色西檸，皮無咁厚，但一樣酸甜適中，茶味醇厚。每一口都好清新，特別解渴，雖然無得少甜少冰，但咁大杯反而適合解辣解膩，所以食完呢餐真係成杯飲曬！總金額 $479
continue reading
荔枝角這間主打湖南風味的湘菜專門店，提供不少地道菜式。今次試了幾款招牌，整體體驗有驚喜也有失望，最值得大書特書的，首推其梅菜扣肉。這道梅菜扣肉絕對是店家拿手好戲，強力推薦！首先，梅菜的處理非常得宜，鹹度控制恰到好處，完全沒有坊間常見的死鹹問題，反而帶出甘香。這使得整道菜非常「送飯」，每一口梅菜拌飯都滋味十足。主角扣肉更是功架所在，肥瘦相間的五花肉燜煮得軟糯非常，入口即化，真正做到「肥而不膩」（「漏」應為「膩」之誤），脂香豐腴卻毫不油「漏」。梅菜的鹹香與豬油的甘美完美融合，是令人回味再三的必點之選。另一道較穩妥的選擇是蒜蓉粉絲蝦。蝦隻大小尚可，新鮮度算合格，以蒜蓉清蒸的做法，蒜香撲鼻，味道足夠。底下的粉絲吸飽了蝦的鮮味和蒜蓉的香氣，是精華所在。整體不過不失，屬穩陣之選。然而，花甲則令人失望。當日品嚐的花甲明顯不夠新鮮，入口帶有輕微的腥味，鮮甜欠奉，肉質也略嫌瘦削，這點需要改善。最不推介的莫過於辣子雞。這道經典川湘菜在此處的呈現頗為失色。最大問題在於雞件「少肉多骨」，在紅彤彤的辣椒堆中翻找雞肉實在不便。更甚者，好不容易找到的雞肉，口感非常「柴」，即乾硬粗糙，欠缺應有的嫩滑多汁。調味方面，辣度或許足夠，但香氣和層次感不足，未能掩蓋肉質的缺陷，整體體驗不佳。總結： 這間荔枝角湘菜專門店，其梅菜扣肉確實出色，梅菜處理得宜、扣肉肥美甘香而不膩，是極佳的下飯神器，絕對值得專程一試。蒜蓉粉絲蝦屬中規中矩。但花甲新鮮度需留神，而辣子雞則因選材（多骨）與烹調（肉質柴）問題，建議避開。若你鍾情濃郁下飯的傳統湘味，為了一碟高水準的梅菜扣肉，此店值得造訪，但點菜時需有取捨。
continue reading
非常好味😋，價錢合理，店舖乾淨，職員有禮，香港少見出色食肆。食物種類多選擇，出品食物水準好又夠熱，很多客人幫襯，一枱接一枱都滿座，但出品及服務有效率，值得再去品嘗。
continue reading