Coucou Hotpot‧Tea Break (MOKO)

推出新台式定食午市套餐，幾啱口味就叫咗👍🏻點咗一品海皇大閘蟹粉麵套餐同關西白鰻魚燒鍋，而家仲可以以半價買飲品！燕麥奶茶+珍珠 ($4) 同茉莉綠茶+芝士奶蓋 ($9)因為出面仲有個半自助Bar😍一定食到飽👍🏻 免費小料台有辣魚皮同辣炒菇，辣魚皮香脆惹味，辣炒菇夠鑊氣，仲有滷肉飯同水果🍉啲滷肉唔係好肥，我覺得好正😍✨蟹粉麵真材實料，蟹香濃郁但唔會過膩，麵條彈牙，配搭新鮮海蝦同新鮮鮑魚，味道層次分明🦀 （溫馨提示嚟到一定要即刻食，因為個麵好快會硬咗🤣❌）不過味道係好食嘅👍🏻關西白鰻魚燒鍋就清新啲，鰻魚幼嫩，湯底帶點甜，蔬菜同配料份量足，健康又唔失風味！🥬 燕麥奶茶珍珠煙韌，茶底順滑；茉莉綠茶奶蓋清香撲鼻，芝士奶蓋厚實但唔會太重，啱晒解膩☕呢度環境好有台式情調，裝修簡約有格調，燈光暖暖哋，坐得好舒服，啱晒同朋友輕鬆聚餐！😊 不過冷氣勁凍記住帶衫🤣✨夏天嚟呢度啱晒‼️…Read More

星期日離開呢一個商場，發覺有好多餐廳選擇，我見到佢有個假日午市套餐非常抵食，所以就揀咗呢一間餐廳試食啦。其實我都係第一次食呢一間台式火鍋店，入邊嘅裝修好靚，坐座坐得好舒服，感覺唔錯。我點了一個美國特選級牛板腱小火鍋，$118，配紫薯麵，附送中杯茶飲，我點了一杯少甜少冰珍珠奶茶，有呢杯嘢飲都係值得加分嘅地方。另外，我點了海鮮小火鍋，$158，配刀削麵，附送中杯茶飲，點了一杯QQ綠茶，味道不錯。雖然肉類是定食份量，但其他的配料份量十分多，我感覺很飽亦很足夠的份量。因為餐廳環境舒適，而且價格合理，真的值得係假日午市來試一個台式小火鍋…Read More

湊湊火鍋係台灣獨有嘅小火鍋品種，人氣長盛不衰，食一鍋可以滿足晒重口味同飽肚慾望。主角一定係「臭豆腐」，煮完入湯後臭中帶香，鬆軟多汁、吸曬湯頭精華，食落層次感十足。和風御湯海鮮麵係一款融合日本海鮮精髓同台式湯底嘅麵食，湯頭清甜鮮美，充滿海鮮鮮味，配料新鮮彈牙（如蝦、蛤蜊、魚片等），仲會加香脆小酥肉，色香味俱全。 上枱時賣相吸引，湯底唔會太油膩，飲落好舒服。最正當然要攞啲臭豆腐加湯汁撈飯，嗰種鹹香臭香加埋粒粒白飯一齊入口，幸福感爆燈！…Read More

前排發現左個食宵夜既好地方，唔洗淋雨又有冷氣，啲位仲要幾好坐！原來依家唔洗打邊爐都可以入湊湊食野🤣見佢原價 $238，而家震撼推廣價 $128起就可以任飲任食台灣夜市既野食！見佢全新登場的任飲任食有幾十款台式經典美食、小食、手搖茶等等都可以任叫！岩曬我依啲選擇困難症同想同朋友搵個地方傾下計～依家仲要唔洗去台灣都可以食到台灣夜市既野食。我最鍾意台灣香腸同蚵仔煎🦪之後仲叫左幾杯手搖茶同啤酒🍻 啤酒仲可以叫Suntory，不過發覺佢地招牌的鳳梨台灣啤酒都好出色！平時閒閒地叫杯手搖茶都$30幾蚊，依到任飲任食好易回本。…Read More

之前上網見到有人話呢度有得任食任飲台式料理😍原價$238 宜家震撼推廣價$128咁抵食 去開旺角即刻約朋友去食下先🤤我同朋友都勁鐘意珍珠奶茶可以任飲實在太幸福了🧋🧋而且連日本三得利冰凍生啤同菠蘿啤酒都有得任飲🍺岩晒一大班朋友啤啤佢😂仲有必試招牌洪湖大閘蟹粉麵、台式紅燒牛肉麵 呢兩個都係力推 勁好味😋其次仲有多款台式經典小食 然後仲有湯揀添真係正到暈❗️呢90分鐘食到我地超飽🤣🤣埋單都唔洗三舊水 真係超抵食…Read More

上次看網上見到湊湊火鍋‧茶憩在香港6週年， 所以新推出了一些優惠好像不錯， 我同朋友預約了MOKO新世紀廣場個間慢慢品嚐！原來餐廳11:00am 已開始營業， 適合我食完上班！新台式風味及人氣鍋物，包括：鳳梨啤酒🍻蝦燒鍋、450C一品海皇大閘蟹粉麵、關西白鰻魚燒鍋及和風御湯海鮮麵等！我便點了關西白鰻魚燒鍋及和風御湯海鮮麵我特別喜歡海鮮方面夠新鮮，關西白鰻魚份量豐富，食落嫩滑！更有無限食 「免費小料台 」的水果🍉、肉燥飯香噴噴！…Read More

今日同朋友仔一齊去湊湊火鍋食飯！我地點左450C一品海皇大閘蟹粉麵。見餐牌寫每份蟹粉均由四隻蟹精心濃縮而成😍😍散發濃郁蟹香。湯汁濃稠與彈牙的麵條交織出層次豐富的口感。 或外點左和風御湯海鮮麵，融合日本海鮮精髓與台式湯底，湯頭清甜鮮美，海鮮鮮甜彈牙😋。 台南鹽酥雞配上台式手搖完全有置身於台灣的感覺😍另外不得不鑽佢哋既兒童木餐具，完全適合小朋友！ 另外配有任食小食和水果。 小朋友可以食滷肉飯再配搭水果，令家長可以享受呢個me time。 …Read More

👧🏻😋👅🍽✨湊湊火鍋新出台式定食-🇹🇼 湊湊火鍋包括自助小食水果吧嘅午市套餐而家除咗邊爐，新增咗台式定食▪️午市套餐🍱 每個套餐可享自助吧有時令水果、前菜、甜品豆花布丁同任添滷肉飯，亦配有鴨血豆腐同滷肉青菜🐠 關西白鰻魚燒鍋 原價$108 一塊塊白鰻魚嫩滑又彈牙，以台式調味料乾燒鍋好香口，亦能突出鰻魚鮮甜🦀 一品海皇大閘蟹粉麵套餐 原價$118 麵條幼身而彈牙，掛滿蟹粉好鮮甜，另有鮑魚同鮮蝦，蝦殼甩尾好新鮮！▫️飲品 半價加配🧋 大紅袍珍珠奶茶 $16.5 大紅袍茶底醇厚，鮮奶香滑🍊 冰桔香冬瓜茶 $17 桔仔酸味平衡咗冬瓜茶嘅甜，飲落更清新…Read More

呢度原來又有新嘢！🍜 45°C一品海皇大閘蟹粉麵，真係癲咗！佢話一份=4隻大閘蟹，一啖落去，濃郁嘅蟹膏口中爆發，麵條掛滿金黃色汁，蟹肉鮮甜，蟹黃香濃，完全係海鮮控嘅天堂！ 朋友試咗🍺 鳳梨啤酒蝦燒鍋，用台灣鳳梨啤酒融入湯底，大蝦爽口彈牙，帶住淡淡果香，湯頭甜甜地！ 套餐包滷水汁煮菜、滷水豆腐及鴨血、紅豆🫘配豆腐花作甜品另外仲有🍚 無限任裝滷肉飯+小食+生果，滷肉飯油香四溢，加埋小食，食到停唔到口！仲有新鮮水果解膩！ …Read More

今日我來到湊湊，品嚐他們全新推出的午市套餐，真是一場美味的享受！一品大閘蟹粉麵：蟹粉的鮮味非常濃郁，撈麵的口感彈牙，讓人欲罷不能。每一口都能感受到海鮮的鮮甜，實在是一道不可錯過的美味。和風御湯海鮮麵：湯底清爽，魚湯的味道相當鮮甜，鯇魚的肉質滑嫩，搭配小酥肉的香脆，形成了絕妙的口感對比。免費小料台這次的免費小料台是我最喜歡的部分！裡面有我特別鍾意的杏鮑菇口感鮮嫩，讓我一口接一口。此外，還有滷肉飯肉質醇厚，香氣四溢，搭配米飯非常合適。最後，我還享用了很多新鮮西瓜，清甜可口，尤其在這個夏天，簡直是解暑的最佳選擇。在6週年三重奏的期間23-29/7午市套餐有半價優惠，這樣的價位，加上免費小料台，性價比極高！…Read More

午市套餐比較優惠，晚餐比較貴，點左一個海鮮套餐，一個A4和牛套餐，食材新鮮，和牛入口軟滑，蝦鮮甜，仲有好多蔬菜。一人一鍋乾淨衛生，自助任食仲有好味肉臊飯，小食都唔錯，仲送甜品，真係好飽，適合三五知己，家庭聚会。…Read More

旺角moko商場入面，湊湊火鍋，非常值得一試！首先，店舖環境真係好靚，光線柔和，氣氛輕鬆，令人一入到就感覺好舒服。職員服務態度有禮貌，呢個體驗加分唷。食物方面，新鮮程度絕對夠水準，海鮮、肉類都好新鮮，令人一口咬落去就感受到食材嘅質素。火鍋嘅湯底同樣係一大亮點，蟹粉湯底都勁好，令人停唔落口。自助區嘅小食選擇都多，啲即食小食質素唔錯，配搭得宜，仲有多款調味料可以選，真係可以根據自己喜好，隨意調配，令火鍋味道更加多變。湊湊火鍋不論係環境、服務、食材抑或小食選擇都表現出色，無論幾時嚟都唔會失望！…Read More

湊湊火鍋已經吃過了多次，今天吃的實在有點失望😖😖😖我們點了烏雞卷，皇帝菜，鱔魚，蓮藕片，雜菌湯底。雜菌湯太多油，點了鴨血和豆腐，但鴨血豆腐有點燶味🫠🫠🫠後來他們換了一碟說是剛做。每次餐後店舖也會送甜品，今次看到甜品是一早放在食物車上擱在通道一旁，沒有蓋着😰😰😰整整放了個多小時，為什麼不是客人用完餐才端上餐枱🤔🤔🤔這個絕對是衛生問題，真的要改善改善。…Read More

之前有去過其他分店，上兩星期經過想試試，但這分店完全不推薦，湯底沒有豬肚，而且蔬菜沒有洗，發現有蟲子和黑點，牛肉上有瘀血及肥肉太多，食物衛生感到惡劣，價錢跟食物質素對不上！講緊一個二人餐差唔多成800蚊，仲要無包兩杯飲品，出這樣的食物比客真係要幫佢宣傳下，已經叫身邊啲朋友唔會再嚟呢間店！！！食完真係一肚氣以及深深不忿，服務一般沒有特別，感覺洗咗比較多既錢去了茶餐廳食飯，只是門口水池吸引，真不覺得怎麼樣…Read More

長文，如實報道，唔想睇可skip近日天氣轉冷，約好友打邊爐，記得多年前曾經幫襯過K11 Musea 分店，覺得幾好，今次轉到Moko 分店再回味...當晚9點入座，知道有8折優惠，本身呢間食店一向定價唔平，有優惠都唔錯，侍應安排入座及點菜後，才是惡夢開始。先去自助小食及醬料吧，發現小食空空如也，心想可能晏入座，也諒解，但係當見到醬油區，連香蔥都無，問侍應幾時補充，只得到一句：『無晒啦，得其他配料。』的冷淡回應，已開始不滿，餐廳有收到自助吧費（每位19蚊）已經無大部份小食，連最基本的香蔥都無（之後連芫荽及生果都無），過份。店內人手極之不足，點菜及飲料後，超過20分鐘都未上菜，其間發現飲品已整左好耐，放係度，起碼超過10分鐘都無人理...食物質素不過不失，可能已經被影響到，唯一亮點是其中一位高級男侍應態度幾好。埋單最後折後700蚊（2人），總括黎講，我是不會再去此店，但會俾其他分店多一次機會，希望餐廳改善。…Read More