Harbourside (Closed)

以前因為經常要排隊就算電話定位都要一個月前先可以訂到位，不過一直都很想去嘗試。昨天黃昏電話查詢後知道有位及網上預訂有六五折優惠所以決定前往。有位又有優惠！很興奮！但是真的很失望！食物水準差！長腳蟹蟹腳細小，冷盤海鮮沒有龍蝦供應也沒有生蠔。壽司款式少，不吸引，未試過去食自助餐一件壽司都冇去嘗試！沒有帶子刺身！全晚自助餐的食物 只有（1）蟹肉燕窩羹！（2）燒和牛扒好味！…Read More

武肺下個個都唔敢出街食飯，正所謂「越危險嘅地方越安全」，襯人流少兼有65折就去呢度渡過休閑的brunch timeBrunch 由上午11:30食到下午3點，香檳、紅白酒、啤酒任飲之前都有食過佢嘅dinner buffet, 唔錯！今次brunch包括嘅野食同dinner buffet差唔多。美中不足係無生蠔同帶子刺身，否則可以話係完美。（因為brunch貴過dinner啊⋯⋯不過dinner就唔包酒精飲品啦）雖然佢無帶子刺身，但有焗帶子，唔un,好味鵝肝係即點即煎，正！龍蝦係熱嘅，而且多糕、我鐘意。因為出面其他buffet多數係凍龍蝦, 凍嘅個人嚟講真係麻麻。有片皮鴨，已幫你包好有parma ham, 幾款選擇，仲有香橙魚子醬，幾特別仲有即榨果汁，真係足夠hea足咁多個鐘仲可以望住個海景hea足咁多個鐘，想搵地方坐吓食吓簡直一流。襯而家無乜自由行，即刻覺得香港真係好好住。…Read More

如果你要以洲際的名氣來說, buffet 質素只能說是不過不失。正常的detail 位是有考慮到的, 例如: 有welcome drink (有酒類,非酒類), staff 的禮貌和主動 同埋收碟的速度。食物種類、多樣化及吸晴度，如果要同自助山比的話真係會一見高下。唯一令人精神為之一振，都要真心讚下佢甜品部份（一陣會講）。冷盤有包類，芝士及巴馬火腿；雪蟹腳，凍熟蝦及面包蟹等 refill 得都算快。魚生大概有5款選擇。熱盤有即煮湯面、中西湯(幾好飲）、一系列既熱野、roasted beef 、roasted lamb 等重甜品部份：真心要推介佢既拿破崙、酥皮蘇脆、內容甜而不膩。其他選擇亦都品係得個樣，可以拎多幾款食！…Read More

Came here for lunch buffet with company staff, was surprised how packed it was for a weekday... We had to queue for a long time just to get food, but the staff refilled the empty dishes quickly. The sashimi was so-so, I got Salmon, octopus and Tuna, they were cut too thick and tasted quite bland. However, their seafood was quite delicious, the shrimps were quire fresh, and the crabs were good as well. Overall it was an average dining experience. …Read More

曾經這裡是好多香港娛樂圈藝人常常出沒的下午茶景點,但已經是上個世紀還叫"麗晶酒店嘅年代, 而現在雖然轉了名但酒店內的餐廳依舊係貴得令人卻步,由於有社運關係酒店生意受影響,自救招數之一係打折! 這晚打了65折後每位還是要付$674, 可見原價是我等草根基本上不會入座, 原本預約日子因為社運所以亦延後了一星期, 但最終還是來了, 一坐低有WELLCOME DRINK 嘅moctail , cocktail, beer & juice可選, 我們分別要了”Fruit lover” & “Morning Light” 兩杯飲品都清新及有能提升食慾的作用, 沙律吧的菜類一般, 汁醬選擇多,Cold cut 類亦是相當多,有主要的洋腸類亦加入了中式嘅牛展, 甜品同蛋糕占相當大比例, 証明我們是有多渴望食"糖類製品", 拿破崙是必食之選, 而擺放位置亦是超吸睛的, 兩款拿破崙餅都各試咗一件, 基本上酥餅同餡料是類似的, 只是餅面的分別(原味及有士多啤梨糖皮面)好食尤其是在開段剎它兩件即使往後在主菜後太飽肚也不會後悔, 即使自己是懂得做這餅在家裡也不會做太花時間而且要全部食完也是一種罪大惡極的行為, 這種地方就提供一個相當好的環境同籍口, 泡芙山也是景點之一, 另一個做得十分滿分的是蛋白脆餅Merigue Lollipop賣相係無可挑剔但我知道這是百分之二百的甜甜品, 年過三十別碰! 其他的都是相當大路嘅糕點, 麵包有五款, 每一款都做得相當紮實而且每個包的外形沒有超過5%偏差, 基本功做得好吧, 芝士基本嘅幾款, 即炸天婦羅算OK啦, 粉漿炸出來效果偏硬一點但也唔能夠要求太高嘅, 主菜的燒牛肉雖則已經等到中心才去拿但肉也是太瘦吧,或者這是現在的燒牛肉標準也說不定, 伴菜嘅忌廉菠菜個人認為可以PASS, 鹿兒島牛的肉質的確幾好食, 簡簡單單一個煎PAN做出來只食原味, 食物唔算極盡奢華但都算係應有嘅都有。最後來的咖啡反而係幾驚喜, 整壺上夠新鮮, 重有個布袋裝住保暖夠貼心, …Read More

好味、多選擇，甜品一流，服務好細心，魚生款多同新鮮，熟食都吸引，煎龍蝦好好味，蟹腳好鮮甜，唯一唔好係多人攞野時好迫，要等一輪先攞會好啲，和牛好好味，cold cut 好高水準，必定會再來食…Read More

做冬節，一星期前訂左位，一家人去食自助餐，輕輕鬆鬆地過下節。訂位時話到時會有二個時段，我哋選擇左5:30開始的，講明要8時交枱。但早一日又有staff通知取消了兩個時段，我們可以由6時食到10時（可能收唔夠客喇）定位時request 左window seat但去到又話hold哂比一個月訂位的，又話有人no shown就安排比你，其實訂位時所有客人都要求比credit card no. hold 左credit,全部係guarantee 的，又點會有no shown喎敷衍下你咁啦😥，其實訂位時可以話冇位就算啦😰坐低發現背後是食物counter,條通道真係好窄，好窄。只可容一人經過D，食客在你背後不停咁穿梭，好大機會會有不小心的食客倒翻食物在你身上。好似行花市咁迫😪杯Welcome drink~好好飲嘅👍但D龍蝦仔就非常一般壽司取第一轉，多款，第二轉少D，唔係refil得咁密呢個呢🥴外面海港景色宜人，看似太平盛世😪鵝肝半暖，天婦羅，脆漿唔得，另一個係即熋和牛片，熱熱，好吃，燒牛肉都好食，鮑魚普通貨式海鮮，蟹唔多掂，蝦可以，龍蝦仔冇乜鮮味😖甜品最多選擇，唯一最好水準的一瓣🥳🥳當然要提一提就係任食疏乎厘，好窩心。但以價錢、環境、食物比較，我會推薦grand haytt嘅grand cafe ,佢哋除了甜品弱D外，一切都比洲際優勝👍尤其天婦羅，冇得輸⋯⋯…Read More

一月一日上網睇到InterCon 的港畔有last minute 六五折優惠 恰巧星期日又係諗住約食飯即刻決定book 食buffet! 當日5:45 去到 佢食6-10 點 已經有人排隊 餐廳都好好 5:50 就放人入去 唔駛等到6 點景觀一個字 靚！ 一坐低就有welcome drink 之後仲可以叫多杯野飲 基本上都足夠冷盤同壽司雖然唔係好多種類 但都有長腳蟹 麵包蟹 帶子等等 質素唔錯 最鐘意係麵包蟹 去食自助餐我都好鐘意食ham 佢最好食係西班牙火腿熱盤數量唔多 但樣樣都有返咁上下 有鮑魚蒸蛋白 即燒龍蝦 同埋最好食最回本的鵝肝另外個蟹王翅都okay! 除左熱盤 仲有甜品 唔記得影相 但係種類都okay 最好食係拿破龠 夜晚睇住海景食自助餐 又有65 折 值得一試！…Read More

值回票價，經openrice訂有75折，雖然價錢頗貴，但質數亦值回票價，冷盤海鮮亦很多，長腳蟹味道鮮甜，扇貝亦新鮮，面包蟹多膏，青口，蝦等等，是次雖然無凍龍蝦，但有煎龍蝦，味道都不錯，很搶手，幾乎一出就好快沒了，不過亦refill得快，食到尾聲仍有供應，熟食款式算不錯，有北京填鴨，炒蟹，煎蝦等等，甜品亦多款，值得推介，拿破崙亦有兩款，生日亦會送上小蛋糕，慶生首選。有餐飲之餘，出面亦有橙汁，石榴汁等，有機會會想再去多次~…Read More

聖誕前夕，我地公司去左呢間餐廳食buffet。本身都懶得寫，但係條氣真係十分唔順。首先，無可否認既係裝修，擺設，景色都好高分既。有聖誕主題，胡桃夾子，同埋有個靚靚既維港。加上我地當日係坐係窗邊，景觀黎講係無得彈既。甜品好靚，款式好多，有朱古力噴泉。壽司，熱食，沙律既種類都算多。講真，500幾蚊一位既lunch buffet，你既期望相對會好高，但係佢既質素完全配唔起呢個價錢。首先係長腳蟹非常非常之咸，完全一啲都唔甜，而且又un又瘦，你睇到張圖都唔係好開胃啦！時蘿三文魚非常之腥，煙三文魚算正常少少，但都感覺唔太新鮮。沙律同前菜類質素係ok既。蒸魚相對黎講好乾好鞋，可能我夾個陣已經放耐左。魚生算正常，凍蝦都正常既。甜品類好多都係得個樣靚，好甜好膩。芒果布甸，拿破倫同一個好似係莓類既慕思比較好。水果都算新鮮。一人一杯飲品。當日女同事直頭要去裝炒飯，佢話完全食唔飽。500蚊咁樣既質素，唯有自己判斷下到抵個景色重要定係食物質素重要吧。…Read More

洲際酒店「港畔餐廳」一向係buffet界享負盛名，除左價錢出名貴，全落地海景、甜品種類多都係賣點。晚市buffet6點開始，建議準時到，可以食住睇埋個日落，加上食到10點，可以慢慢食足4個鐘，時間好充裕。個場好大，但枱都多，還好樓底好高，有空間感之餘，人聲都可以分散d。食物位一字排開，由右邊數起係冷盤、壽司刺身、熱葷、甜品，順住次序排列，一目了然，不過熱葷果邊同座位距離好近，人多攞嘢食果陣就會好逼。坐低可以先㨂杯welcome drink，有cocktail同mocktail㨂，顏色靚，又幾好飲。而家就逐個column概括講講，先係冷盤，有蟹鉗、開邊龍蝦、蝦、蟹腳等等，我一向都麻麻地凍海鮮，但蟹腳真係食得過，好鮮甜。壽司款式雖然多，但質素只係一般，刺身有四款，我只食左甜蝦，都算甜。熱葷有天婦羅、羊架、雞翼、魚、薄餅、辣酒花螺、湯、炒海鮮、蒸鮑魚等等，選擇唔算多，冇咩有特別深刻印象，live station就有燒牛肉、鵝肝、北京填鴨、鹿兒島和牛，最好食係鵝肝，夠肥厚，又有蘋果片同多士中和油膩，反而最期待同最多人排的和牛有點失望，超級油膩，食一塊已經唔想食。如果係甜品控，呢度一定啱你，甜品款式好多，琳琅滿目，賣相都靚，除左cake，仲有芒果糯米飯、雪糕、豆腐花、心太軟、朱古力噴泉、馬卡龍等等，數都數唔晒。甜品雖然唔係我最重視，但都忍唔住拎左幾件，最出名的拿破崙都幾鬆脆，朱古力類甜品都好食，唔會太甜，芒果糯米飯椰汁香濃，只係芒果好酸。呢度晚市正價要$928，差不多貴絕全港，不過佢不時會做特價，好似我早前去做緊65折，呢個價錢就值得一試嘅，正價就唔捨得喇。如果想去的話，就不時留意下有冇做promotion了。…Read More

約了一班同事一齊食自助餐，大家聽聞這間的食物都不錯，雖然都幾貴但都覺得可以一試。以食物來說都算多選擇，生熟食物都做得唔係太差，有片皮鴨、竹笙魚肚碗仔翅、天婦羅、鵝肝多士、薑蔥蟹、蝦球、羊扒，牛扒，但係以呢個價錢沒有生蠔，只有長腳蟹、半邊龍蝦、青口、沙白、螺同蝦等我就覺得唔太值喇！佢哋好識製造氣氛，例如有一些食品只限在某時段供應，大家當然即時要衝出去排隊啦！使人感覺好熱鬧，好受歡迎。但成晚最令我有印象是睇到幻彩詠香港。…Read More

如果唔係有人請真係冇諗過會黎呢道食buffet 比起高價都係食慣啲cp值高既餐廳食視覺同味覺我一向都選擇後者。。但係真係靚到爆。。。。個場就係一邊係枱 一邊係野食可能因為一直行擺生熟甜品食物既關係會覺得選擇唔多所有枱都係靠住落地玻璃所以真係所有人都有得望住個景食飯！吸煙區更係玻璃既另一邊影相就會連餐廳燈既倒影都冇埋！不過出去好凍而且唔食野就唔會話特別有賣點始終天星碼頭已經望到維港景色聖誕黎食 裝飾都好靚留意返左手邊既壽司 係聖誕老人同聖誕樹造型( ´▽｀)好啦正常一食都係食冷盤刺身壽司冇乜好讚同彈 軟殻蟹壽司感覺幾特別 不過唔係好脆仲可能因為放左一段時間顯得有啲油鮑魚壽司出乎預料既係好食本來以為係伏既組合 但係口感 味道 油膩道都確實唔錯咁當然仲有各款海鮮啦 青口 龍蝦 長腳蟹唔少得不過好得意佢龍蝦係肉向底 好彩唔係直接放冰面唔係啲肉就會淋哂 因為呢個擺法 我第一隻龍蝦係冇膏既(｡ ́︿ ̀｡)場內正常既沙律 芝士 火腿都有既不過冇生蠔 只有蒜蓉熟蠔各種冷盤都可圈可點 每盤海鮮都唔會好大盤 fill得都快 尚算新鮮Highlight 一下 現場有鵝肝！不過冇果jam配所以就冇跟到個汁似就咁燒兩下 都係有少少入口即溶既感覺既不過就略嫌油膩左啲下面係菠蘿同餅我覺得跟菠蘿一齊食會冇咁漏同中和左油膩感不過同行友人就認為菠蘿好酸 唔夾全舊野味道上唔算標青但都勉強叫合格比較黎講 朗豪坊附近酒店會比較好食另一個highlight 係細細兜鮑魚蒸蛋少見既菜餚 對我黎講既特別鹹度適中 個味係ok既 有友人食左五兜都叫幾好食既 不過偶有啲蛋蒸得唔夠滑有啲泡泡 影響左少少口感但so far其實係做得唔錯既之後就係燕窩 都係熱食真係還好其實 不過不失 食落係有啲似食海皇羹走海鮮即係杰身 少少鹹 唔係唔好食 但食落唔會話好吸引 個名吸引熟食都係ok 既其實 起碼係有啲叫貴價既野食仲要全部都任食最後係甜品貌相都好靚臨近聖誕 有啲甜品都係有啲特別啲既樣班戟係即製 其他汁料都自己落見佢整嗰陣其實已經好薄不過摺埋又好似太厚身應該係個漿開得比較濃導致食落個質感唔太良好好得意既聖誕老人係紫薯泡芙上面加cream多數靚既都係伏但佢唔係( ´▽｀) 所有野都正常 除左頂帽我冇食唔太清楚個泡芙係軟身 紅色應該只係食用色素中意食紫薯既可以試下 影相都開心既最後黎個甜品大雜燴芒果糯米飯少見 糯米飯放喺蒸籠入面所以都唔會變到好硬身屬正常糯米飯其他甜品就真係麻麻 的確好靚 但味道一般有粒莓喺上面既個cone唔脆係朱古力雪糕筒黎既 但就唔脆 最下方 冇諗過扮木頭既係面包右邊係偏苦中間個咖啡慕絲唔知係特登定可能雪唔夠中間變左流心 未必係唔好 但我預期係固體右上方圓柱面包狀 入面係吉士 右上方正方體係日式芝士蛋糕右上方都正常既 但我會中意芝士蛋糕更為軟身近呢幾年都冇再見呢間buffet拎獎可能以前會更好食一啲 或者cp值唔高不過其實個價錢都算合理始終真係超級無敵大海景 真係超靚。。…Read More

海鮮款式已經少，只得麪包蟹、蝦、蟹腳、青口及蜆，refill極慢、極少，兩次排到時已被攞哂，要提醒下先識refill，已無心機排第三次隊。甜品款式雖然多，但係餅夾竟然得一、兩個，並且黐滿不同蛋糕，放夾嘅器皿亦佈滿蛋糕，要求負責嘅廚師更換，態度散漫兼且不屑；唯一值得稱讃係負責收碟嘅侍應反應快及有禮，令枱面保持整潔，食客舒服⋯以指定信用卡結帳後有優惠仍需每位$565，價錢5星級，服務及食物絕未達預期，好難想像是5星級酒店嘅自助餐。…Read More

靚女媽咪生日，乖女請我去食港畔餐廳自助午餐， 其實我三個月前喺呢度食過一次， 當時都係覺得中規中矩， 但係今次發覺無論食物質素同招呼都進步咗好多， 覺得值得推薦俾大家去試下， 今次嘅海鮮 長腳蟹 麵包蟹 蜆肉 凍蝦 嘅補充好快， 特別值得一讚既係啲長腳蟹好鮮甜， 但係唔知點解總係有一兩隻 鹹咗啲但係大致上嚟講係正嘅， 熱盆嘅食物亦都好充足， 喜愛食 蒸海鮮嘅朋友一定要試下佢完條蒸魚，保持魚嘅鲜味， 唔會一眼望落去就覺得佢 係蒸唔新鮮嘅魚， 個人亦好欣賞佢嘅烤羊肶，肉質嫩带汁， 甜品更加係琳瑯滿目，甜品控一定好開心!而且每位都包餐前飲品， 靚女媽咪點咗一杯cocktail 製作認真絕不馬虎， 值得一試呀!…Read More