Harbour Venue

舊區的一間老式茶樓冇諗過星期日 如果係長者嘅話都係兩蚊茶錢下午茶一隻乳鴿係17.8抵食到癲咗孖寶都係34.8 果然呢啲價錢只能夠存在於舊區所以得閒都可以去舊區多啲搵好嘢食蝦餃王    -皮薄到透光煙韌唔黏牙 咬開滿滿蝦肉 爽脆彈牙仲要好鮮甜 紅燒乳鴿    -落單即叫即炸 皮炸到脆卜卜 油香四溢鴿肉嫩滑多汁，醃到入味仲帶淡淡滷水香用手撕開熱辣辣，肉汁滴晒出嚟連骨都入味山竹牛肉球    -牛肉球超大粒，咬落鬆化又彈牙，馬蹄碎爽脆清甜喼汁撈埋一齊，鹹香帶酸超開胃咖喱鮮魷    -鮮魷爽口彈牙 掛滿濃郁咖喱汁香辣惹味仲帶啲椰香燒味雙拼瀨粉    -叉燒半肥瘦，蜜汁香甜又鬆化燒腩仔皮脆卜卜，五層肉鹹香爆油！瀨粉索盡燒味汁，湯底清得嚟唔寡…Read More

唔知喺唔喺受到，有綠悠咭人仕全日祇收$2蚊茶錢，或是早市飲茶有特價時段產生嘅效應，在8月8日揾食肥華和靚媽在早上10：30到此酒楼飲早茶，被此店内高朋滿座，客似雲來嘅情況真喺嚇咗一跳，好不容易才揾到座位，坐底飲茶。今餐早茶令肥華和靚媽最開心嘅事，就喺在此店食到，多年來近乎絕跡酒楼嘅甜品點心，花蛋球，而且味道正宗，真喺有驚喜感覺。而今餐肥華在此店食到，所點嘅其他點心，除咗個時菜鯪魚球較為失色外，其他食品都俾收費同級酒楼優勝，唔怪得此店有爆場盛況出現。不過此店人手嚴重不足，雖然各楼面員工個個做到冇停手，但肥華在1O：4O落單柯打的點心，要等到11：53才送齊到枱上，所以若各位唔喺好似，肥華呢個閒人一樣，乜都冇喺得時間多，就唔好到此店飲早茶，今餐值。⭐️⭐️⭐️⭐️⭐️…Read More

新蒲崗港灣酒樓的用餐體驗可謂相當滿意，尤其是他們的燒鵝，晚市一隻只需一蚊(需8人以上），絕對值得一試。燒鵝外皮酥脆，油亮誘人，肉質鮮嫩多汁，搭配特製醬汁，味道更是提昇了層次感。每一口都能感受到香料的濃郁，令人大快朵頤。此外，店內的蠔餅煎蛋也非常出色，外層金黃酥脆，內裡的蠔與蔬菜相得益彰，口感豐富。而涼拌木耳和小炒王則為整餐增添了清新的口味，讓人不會感到油膩。整體而言，新蒲崗港灣酒樓是個適合聚餐的好地方，無論是食物的質素還是價格，都讓人感到物超所值。下次再來，必定會再點那隻燒鵝！預早一日預訂還可以加一蚊換乳豬…Read More

食點心最緊要夠熱！佢唔單止夠熱，啲味道都keep得住。比起我上次下午茶更加好食。屋企人唔為意點多咗碟叉燒酥，初頭都驚食唔晒，但係佢熱辣辣真係好鬼鬆化，最後都係K.O.晒。跟住有個部長叫賣燉奶，都尚算衛生，叫賣期間有用保鮮紙包住碗食物。個蝦腸粉皮好薄蝦肉亦都好大粒爽口。另外叫咗邪惡嘅豬大腸，相當入味，但係冇豬嘅怪味處理得幾好。而個豬膶粥啲豬潤上枱嘅時候仲係見血後浸返落去啲粥嗰度就剛剛好，個粥底都夠綿。最後食番嗰燉奶，輕甜又滑。另外個沖涼膏都整得好軟熟。今餐真係飽到上心口！…Read More

早前睇到報章話呢間新蒲崗酒樓有優惠，話茶錢全日$7 ，另外每期有不同的特價點心，見到幾吸引，今日星期六去咗同屋企人試。位於越秀廣場，原來商場裏面亦有另外一間酒樓，兩間酒樓都有唔少街坊幫襯，呢一間就係位於5樓嘅港灣宴會廳，今期嘅特價點心係流沙包、叉燒酥、南乳豬手，仲要係全日供應，只係$8.8-11.8，雖然週末要加兩蚊，但係都係好抵。不過味道就屬於普普通通，一般酒樓貨色。同埋特價點心嘅份量係少三份一度，譬如流沙包，只有兩個後尾埋單發現原來酒樓係富臨集團的！…Read More