港嘢家

Open Now

Now Closed

今日真係有少少失望，因為我在全斷食日子當中，我就已經喺網上睇到呢一間餐廳好味之選，我已經揀定日子專登嚟呢度想食我嘅邪惡芝士焗豬扒飯點知我今日上嚟食lunch嘅時候，我仲要由新蒲崗嚟呢度，入到去先話夜晚有得供應🐷🐷真係失望到極點🥹🥹我就係睇到介紹，想食呢個金沙奶黃芝士焗黑毛豬扒飯😆😆點知今日冇得食,要夜晚先有另外佢嘅煲仔飯同奶油濃湯蝦伊麵都係我想食之選可惜都係要夜晚先有咁唯有依家揀佢下晝有得食嘅大碗飯，我就揀咗足五両香煎肉餅煎蛋飯佢會跟餐送一碟小菜仔同埋一杯湯味道都唔錯，但係估唔到佢嘅湯係用杯裝嘅總括嚟計味道都可以，而且佢個肉餅係真係好大塊，個蛋撈飯好好味🤤。我都係唯有搵日夜晚再嚟過

今日同公，得閒試吓邊間煲仔飯，嗌咗個手切鮮牛肉同一個招牌煲仔飯。招牌嗰個啲臘味同鱔都好甜，老公就讚啲牛肉好香牛味。老闆仲送咗個迷你菠蘿油我哋食忝。好好味喎，脆皮，牛油夠凍仲未溶哂好味到唔記得影相就食哂

我屋企附近開咗一間好有特色嘅茶餐廳，次次都好多人，好有舊香港feel，見menu好多選擇，但係主打煲仔飯，焗飯，面之類，唔啱我食🥹，因為平時健開身，出去食一般選擇比較乾淨＇少加工嘅低碳水餐，繼續睇落去有驚喜，😝發現有啱我嘅餐，（素娥全日早餐）即刻試吓，用料都新鮮，飲嘢加冰🧊唔使另外加$😝，仲有好多選擇，下次一定會試吓其他，真係值得推薦

呢度賣嘅係手打檸檬茶，一啲都唔香港。呢度標榜香港特式，睇嚟都唔係咁了解港式檸茶就係用原片檸檬，而唔係用檸檬味嘅人工香料。非常失望。給人一種掛羊頭賣狗肉的感覺，港式只是一句口號而沒有內涵。

這家位於旺角近窩打老道、新開的港式茶餐廳，室內裝修帶點大排檔的感覺，座位不多，但Menu選擇頗豐富，而且價錢相宜，但兩次午市光顧，上菜都等超過30分鐘，一小時的lunch結果只有少許時間進食，建議只有在不趕時間的時段來。第一次來吃手撕雞煎蛋飯，但賣相完全與Menu中的相片不一様，很少蔬菜，叫少飯也是沒有少飯。第二次吃的章魚肉餅飯，肉飯偏鹹，同樣很少蔬菜，雖滑蛋不錯，但等待時間近40分鐘，恕不會有下一次。

粒粒香臘味煲仔飯$88熱辣辣上枱，打開已經超香，鋪滿臘肉臘腸好足了，飯粒粒金黃色，賣相好吸引，飯焦都多同超脆，臘腸臘肉都算多味道都唔錯，只係飯無咩飯香味。胡椒豬肚花膠雞米線$88花膠係魚肚個隻口感，湯底唔夠胡椒味。手拉奶茶$20似係泰國奶茶個種港嘢冰涼茶$30有柑桔，檸檬，柚子，燒仙草，呢杯都幾好飲，幾有特色。坐底後，店員送上一杯茶的時候，望真D係湯，唔夠可以添飲，湯好飲好鮮味，原來湯係每日唔款。店舖裝修充滿八九十年代

上星期去咗呢間度食煲仔飯兩個女仔叫咗一個粒粒臘味排骨煲仔飯$108呢個煲仔飯送上嚟熱辣辣賣相好吸引個底都有好多飯焦排骨份量都算多但係味道普通 無咩飯香無追住想食嘅感覺 📎📎📎蔥爆麻油豬膶$58豬潤雖然唔算厚但係都爽口用咗好多蔥去炒但係就無麻油香味📎📎📎蒜蓉生菜$24正常發揮📎📎📎一杯手打檸檬茶$+$13主菜可以減$10配飲品飲品大大杯但係味道就一般📎📎📎環境都比較逼夾，枱貼枱值得一提嘅係入座時有杯熱湯熱湯好好飲 感覺好舒服另外埋單嘅時候就送一個好細嘅菠蘿油竟然熱辣辣好好食，好香脆總括嚟講，食物質素正常但係未到出色，特別去食就唔不用

不嬲食開紅茶，敏華嗰啲茶餐廳，鍾意食有水準嘅早餐😋！因為覺得早餐係晨早起身好充電嘅一個部分，所以唔想食好差嘅食物。但係成日食啲款式都食到好悶，因為一定係沙爹牛肉麵，雪菜肉絲米，同火腿通粉😪...咁啱畀我openrice search到有間叉燒意粉，黑松露炒蛋，仲要鐵板多士&沙律菜嘅早餐，馬上返工前去try下😝。。。試食報告📜發現：叉燒意粉個叉燒，不是乾柴，肥瘦適中👍個炒蛋非常滑漏👍個多士係澳洲牛奶公司🥰嗰啲軟綿綿嘅麵包，然後烘得啱啱好👍個早餐有90分🎖整體嚟講，呢間早餐非常多款式，不過就係有指定嘅飲品，如果要咖啡奶茶要另加八蚊，呢度就貴咗少少，有啲扣分囉🙂‍↔️

贈送雞湯&菠蘿油因為在十幾度的冬天等位，一坐下就給每位一杯雞湯和每一組客人菠蘿油。菠蘿油微暖但是還是很脆而且牛油十分香。鱔魚煲仔飯 - 鱔魚新鮮而且煲仔飯夠熱有飯焦。調味不是很重能夠吃到魚的鮮味。鐵板叉燒-半肥瘦部位，肉味十足原材料出色蝦蝦蝦炒飯- 材料處理的很好，大蝦有去掉蝦腸。蝦籽增添另一番風味蒜蓉芥蘭 - 芥蘭本身很好但是煮的比較生。雖然要等位30分鐘以上但是絕對值得一等。整體體驗十分好，服務員會贈送雞湯給在等位子的客人。 食物高質素而且上菜挺快。 會返食！

尋晚去到9:00pm仲要等到20分鐘先至入到去、叫咗個胡椒豬肚花膠雞米線，一個鱔嘅煲仔飯、豉椒炒鵝腸、雖然入到去去好好送咗三杯湯，但味道一般。個米線好碎好難夾起味道尚算可以，但個人真係好唔鍾意啲好碎嘅米線、仲要佢只提供西式嘅匙羹、非常之難夾起。個煲仔飯賣相非常好出晒煙但係同一原因飯焦極多亦都非常之燶成個煲仔飯都係苦嘅燶味。大鱔非常多骨、鵝腸最為我喜歡味道亦很夠。最後老細都送咗個菠蘿油俾我哋。260幾蚊嘅價錢。算係咁樣，但係比我預期之中失望。

呢間餐廳旺角新耐冇耐但門口經常有人排隊見呢排凍凍地就試下佢哋嘅煲仔飯包咗兩碗豬骨湯招牌煲仔飯 $138有臘味又有鱔肉 相當足料 飯焦好脆口雞油花膠菇滑雞煲仔飯 $108用咗無骨雞髀肉 肉質嫩滑 不過呢碗就冇乜飯焦

旺角人氣茶餐廳港嘢家 竟然有沙嗲牛扒麵食？佢哋早餐⭐️沙嗲牛扒麵$40 同一般茶餐廳唔同用咗澳洲穀飼牛柳扒 連湯底都係用牛骨長時間熬製佢哋自己改良60年代城寨秘製沙茶沙嗲汁味道香濃冇味精 同時湯底又飲得 值得一讚可以叫埋常餐 多士炒蛋配粉麵$48 可以自由配搭今次叫咗⭐️蒜蓉鐵板煎多士⭐️超滑黑松露炒蛋呢個質素$48超級抵食👍🏻（其他價錢餐牌 放喺Openrice可以自己睇）.除此之外 佢哋厚切豬膶麵都好特別用咗新鮮豬膶 湯底係特製杞子菠菜豬膶湯配埋新竹米粉吸湯 一齊食最正.#hkfunfoodrecord窮遊香港#hkfunfoodrecord_旺角.#港嘢家 (旺角) @gong.yega地址：旺角廣華街10號地舖...#hkfoodie #foodiehk #hkfoodblogger #hkblogger #hkfoodies #hongkongfood #食評 #旺角美食 #旺角必食 #油麻地美食 #油麻地必食 #佐敦必食 #佐敦美食 #尖沙咀必食 #尖沙咀美食 #香港美食 #尖沙咀 #佐敦 #煲仔飯 #茶餐廳 #早餐 #豬潤 #沙嗲牛肉 #沙嗲牛肉麵

老公話想食煲仔飯去到廟街興記見到條隊好長已經唔想排即刻上網搵到呢間新開煲仔飯決定行去試試叫咗臘味煲仔飯、同臘味白鱔煲仔飯兩個都好入味，煲仔飯啲飯焦好脆口、好好食之前食過旺角另一間少少出名嘅煲仔飯飯焦淨係得個硬字、飯還飯、餸還餸、唔入味但這家就完全係要我想要嘅質素呢個時勢要多啲支持小店尤其是有心做又有質素嗰啲（我估興記都冇佢咁好食）希望佢生意越做越有

今晚我哋又三人行出去食飯不過係Mr O 取代咗悠悠嗰位🤣🤣我哋先去旺角食飯<好彩我哋早到，坐落唔夠10分鐘，已經全塲爆滿>一坐底就送上一杯嘢當大家以為係茶的時候原來係鴨湯好鮮湯，好香，又唔油膩😋招牌煲仔飯 龍蟠鱔球配上好多臘肉同臘腸粒飯焦好脆脆脆脆食到停唔到口🤣蝦油濃蝦湯伊麵 伊麵吸哂蝦湯精華一定要飲晒個湯✌🏻嗰金沙鹹蛋黃焗豬飯鹹蛋黃再加芝士黎焗豬扒飯超級邪惡但勁好味👍🏻

📍港嘢家（旺角）天氣涼左要食返香港冬天必食既煲仔飯😆暖一暖身今日去咗呢個新開既煲仔飯 一去到啱啱入到 遲10分鐘條隊已經排到隔離舖頭🤷🏻‍♀️ 如果排隊排得耐 舖頭都會有啲野食 例如菠蘿油同雞湯 朋友見到即刻想出返去排隊🤣🤣🩵粒粒香臘味煲仔飯因為朋友唔中意食鱔 所以就叫呢個臘味係切粒粒咁 所以撈飯可以每一啖都食到臘味🥰但相對地飯體偏濕 冇咩飯焦香味🩵蝦油海鮮濃蝦湯伊麵見到有煲仔麵就叫埋 蝦湯好濃冇咩味精味 成煲有5隻蝦 轉咁做手工麵 麵煙韌有啲似讚歧烏冬🤣仲有少量既菇同菜 湯頭鮮甜😌